ಟ್ರೋಫಿ ಮೇಲಿದ್ದನ್ನ ಓಪನ್ ಮಾಡಿದ ಕಿಂಗ್​​ ಕೊಹ್ಲಿ.. ಒಳಗೆ ನೋಡಿ ಸಾಲ್ಟ್, ವಿರಾಟ್ ಫುಲ್ ನಗು! -Video​

ರಜತ್ ಪಾಟಿದಾರ್ ನೇತೃತ್ವದಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಟೀಮ್ ಕೊನೆಗೂ ಐಪಿಎಲ್​ನ ಕಪ್​ ಅನ್ನು ಪಡೆದುಕೊಂಡಿದೆ. ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಆರ್​ಸಿಬಿ ಪ್ಲೇಯರ್ಸ್ ಸೇರಿದಂತೆ ಅಲ್ಲಿದ್ದವರೆಲ್ಲರೂ ಗೆಲುವಿನ ಸಂಭ್ರಮದಲ್ಲಿ ಮುಳುಗಿದ್ದರು. ಟ್ರೋಫಿ ಕೈಗೆ ಸಿಕ್ಕಾಗ ವಿರಾಟ್ ಕೊಹ್ಲಿ, ಫಿಲ್ ಸಾಲ್ಟ್​ ಅವರು ಅದರೊಳಗೆ ಏನ್​ ಇರಬಹುದು ಎಂದು ಚೆಕ್ ಮಾಡಿದ್ದಾರೆ.

ಗುಜರಾತ್​ನ ಅಹಮದಾಬಾದ್ ಸ್ಟೇಡಿಯಂನಲ್ಲಿ ನಡೆದ ಫೈನಲ್​ ಪಂದ್ಯದಲ್ಲಿ ಹಲವು ವರ್ಷಗಳ ಕನಸಿಗೆ ಅಂತಿಮವಾಗಿ ಆರ್​ಸಿಬಿ ಬ್ರೇಕ್ ಹಾಕಿತು. ಐಸಿಸಿ ಅಧ್ಯಕ್ಷ ಜಯ್ ಶಾ ಹಾಗೂ ಬಿಸಿಸಿಐ ಅಧ್ಯಕ್ಷ ರೋಜರ್ ಬಿನ್ನಿ ಅವರಿಂದ ಐಪಿಎಲ್​ ಟ್ರೋಫಿಯನ್ನು ನಾಯಕ ರಜತ್ ಪಾಟಿದಾರ್​ ಪಡೆದುಕೊಂಡರು. ಇದಾದ ಮೇಲೆ ಎಲ್ಲ ಆಟಗಾರರಿಗೂ ಟ್ರೋಫಿಯನ್ನು ನೀಡಲಾಗಿತ್ತು. ಅದರಂತೆ ವಿರಾಟ್ ಕೊಹ್ಲಿ ಹಾಗೂ ಫಿಲ್ ಸಾಲ್ಟ್​ ಅವರ ಕೈಗೂ ಟ್ರೋಫಿ ನೀಡಲಾಗಿತ್ತು.

ಇದನ್ನೂ ಓದಿ: RCB ಟ್ರೋಫಿ ಗೆದ್ದ ಖುಷಿ.. ವಿರಾಟ್​ ಕೊಹ್ಲಿ, ಅನುಷ್ಕಾ ಶರ್ಮಾ ಟಾಪ್- 10 ಫೋಟೋಸ್!​

ಆದರೆ ಈ ವೇಳೆ ಆ ಟ್ರೋಫಿ ಒಳಗೆ ಏನಿರಬಹುದು ಎನ್ನುವ ಕುತೂಹಲ ವಿರಾಟ್ ಕೊಹ್ಲಿ, ಫಿಲ್ ಸಾಲ್ಟ್​ಗೆ ಮೂಡಿದೆ. ಮೈದಾನದಲ್ಲಿ ಸೆಲೆಬ್ರೆಟ್​ ಮಾಡುವಾಗಲೇ ವಿರಾಟ್ ಕೊಹ್ಲಿ ಕಪ್​ ಮೇಲೆ ಇರುವಂತಹದ್ದನ್ನು ತೆಗೆದು ಒಳಗೆ ಏನಿದೆ ಎಂದು ನೋಡಿದ್ದಾರೆ. ಆಗ ಒಳಗೆ ನೋಡಿ ಇಬ್ಬರೂ ಜೋರಾಗಿಯೇ ನಕ್ಕಿದ್ದಾರೆ. ಆದರೆ ಟ್ರೋಫಿಯ ಮೇಲಿನದ್ದನ್ನು ಓಪನ್ ಮಾಡಿದಾಗ ಅದರೊಳಗೆ ಏನಿತ್ತೋ, ಏನೋ ಗೊತ್ತಿಲ್ಲ. ಆದರೆ ಕೊಹ್ಲಿ, ಸಾಲ್ಟ್​ ಒಳಗೆ ನೋಡಿ ನಗಾಡಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಇನ್ನು ಈ ಪಂದ್ಯದಲ್ಲಿ ಆರಂಭಿಕರಾಗಿ ಕಣಕ್ಕೆ ಇಳಿದಿದ್ದ ವಿರಾಟ್ ಕೊಹ್ಲಿ ಹಾಗೂ ಫಿಲ್ ಸಾಲ್ಟ್​ ಉತ್ತಮ ಬ್ಯಾಟಿಂಗ್ ಮಾಡಿದ್ದರು. ಫಿಲ್ ಸಾಲ್ಟ್ ಕೇವಲ 9 ಬಾಲ್​ಗಳಲ್ಲಿ 1 ಸಿಕ್ಸರ್​ 2 ಬೌಂಡರಿಗಳಿಂದ 16 ರನ್​ ಗಳಿಸಿದ್ದರು. ವಿರಾಟ್ ಕೊಹ್ಲಿ ಅವರು 35 ಎಸೆತಗಳಲ್ಲಿ 3 ಫೋರ್​ಗಳಿಂದ 43 ರನ್​ ಗಳಿಸಿ ತಂಡಕ್ಕೆ ನೆರವಾಗಿದ್ದರು. ಕೊನೆಗೆ ಆರ್​ಸಿಬಿ ಫೈನಲ್​​ನಲ್ಲಿ ಜಯಭೇರಿ ಬಾರಿಸಿತ್ತು.

Kohli checking what's inside the trophy 😭 pic.twitter.com/SuW0AyW21g

— Rishi (@was_rishi) June 4, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ