6, 6, 6, 6, 6, 6: IPL​ನ ನಯಾ ಸಿಕ್ಸ್​ ಹಿಟ್ಟಿಂಗ್ ಮಷಿನ್; ಯಾರು ಈ ಅನಿಕೇತ್ ವರ್ಮಾ​? ಬೆಳೆದು ಬಂದಿದ್ದು ಹೇಗೆ?

ಇಂಡಿಯನ್​​​ ಪ್ರೀಮಿಯರ್​​ ಲೀಗ್​ ಅಂದ್ರೆನೇ ಪ್ರತಿಭಾನ್ವೇಷಣೆಯ ಕೇಂದ್ರ. ಟ್ಯಾಲೆಂಟೆಡ್​​ ಯಂಗ್​​ಸ್ಟರ್​ಗಳ ಪಾಲಿಗೆ ಇದೊಂದು ಬಿಗ್ ​ಸ್ಟೇಜ್​​. ಪ್ರತಿ ಸೀಸನ್​ನಲ್ಲೂ ಹೊಸ ಪ್ರತಿಭೆಗಳು ಹುಟ್ಟಿಕೊಳ್ತಾನೆ ಇರ್ತಾರೆ. ಇದೀಗ ಸೀಸನ್-18ರಲ್ಲೂ ಸಿಕ್ಸ್​ ಹಿಟ್ಟಿಂಗ್ ಮಿಷನ್​ನ​ ಉದಯವಾಗಿದೆ.

ಏನ್ ಬ್ಯಾಟಿಂಗ್ ಗುರು.. ಏನ್ ಶಾಟ್​​, ಏನ್​ ಟೈಮಿಂಗ್​​​, ಎಂಥಾ ಸಿಕ್ಸರ್​ಗಳು.. ಫೆಂಟಾಸ್ಟಿಕ್. ಸನ್ ರೈಸರ್ಸ್ ಹೈದ್ರಾಬಾದ್ ಪಾಳಯದ ಈ ನಯಾ ಹೀರೋ ಸದ್ಯ ಸೆನ್ಸೇಷನ್​ ಸೃಷ್ಟಿಸಿದ್ದಾನೆ.

ಈತನ ಬ್ಯಾಟಿಂಗ್​​ ಪರಿ ನೋಡಿದ ಎಲ್ಲರಲ್ಲೂ ಹುಟ್ಟಿದ ಪ್ರಶ್ನೆ ಯಾರೀತ ಅನ್ನೋದು.? ಯಾಕಂದ್ರೆ, ಆತನ ಬ್ಯಾಟ್​ನಿಂದ ಸಿಡಿಯುತ್ತಿದ್ದ ಒಂದೊಂದು ಸಿಕ್ಸರ್​, ಅಷ್ಟು ಪವರ್​ ಪುಲ್ ಆಗಿತ್ತು. ಆದ್ರೆ, ನಯಾ ಸೂಪರ್ ಸ್ಟಾರ್​ ಹಿಂದೆ ಕಣ್ಣೀರ ಕಥೆ ಇದೆ.

ಡೆಬ್ಯುನಲ್ಲಿ ಅನ್​​ಲಕ್​​.. 3ನೇ ಪಂದ್ಯದಲ್ಲಿ ‘ವಂಡರ್’..!
IPL​ನ ನಯಾ ಸೆನ್ಸೇಷನ್ ಈ ಸಿಕ್ಸ್​ ಹಿಟ್ಟಿಂಗ್ ಮಷಿನ್..!
ಪಾಂಡ್ಯ, ಕ್ಲಾಸೆನ್ ಆಟ ನೆನಪಿಸುತ್ತೆ ಈತನ ಹಿಟ್ಟಿಂಗ್..!
ರಾಜಸ್ಥಾನ್ ಎದುರಿನ ಮೊದಲ ಪಂದ್ಯದಲ್ಲೇ ಡೆಬ್ಯು ಮಾಡಿದ್ದ ಈತ, 7 ರನ್​ಗೆ ಆಟ ಮುಗಿಸಿದ್ದರು. ಅವತ್ತಿನ ಪಂದ್ಯ ನೋಡಿದ ಬಹುತೇಕರು ಅನಿಕೇತ್​ನ ಗಂಭೀರವಾಗಿ ಪರಿಗಣಿಸಿರಲಿಲ್ಲ. ಆದ್ರೆ, ಆ ನಂತರದ ಲಕ್ನೋ ಎದುರಿನ ಪಂದ್ಯದಲ್ಲಿ ಸಿಕ್ಸರ್​ಗಳಿಂದಲೇ ರನ್ ಡೀಲ್ ಮಾಡಿ ಮಿಂಚಿದ. ಅದಾದ ಬಳಿಕ ಮೊನ್ನೆ ನಡೆದ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಬೌಲರ್​ಗಳನ್ನು ಅಕ್ಷರಶಃ ಚೆಂಡಾಡಿದ್ರು. ಮೈದಾನದ ಮೂಲೆ ಮೂಲೆಗೂ ಚೆಂಡಿನ ದರ್ಶನ ಮಾಡಿಸಿದ ಅನಿಕೇತ್​ 41 ಎಸೆತಗಳಲ್ಲಿ 5 ಬೌಂಡರಿ, 6 ಸಿಕ್ಸರ್​​ಗಳು ಒಳಗೊಂಡ 74 ರನ್ ಚಚ್ಚಿದರು.

ಇದನ್ನೂ ಓದಿ: ರಿಷಭ್​ ಪಂತ್​ಗೆ ಕೊಕ್? ಈ ಎರಡು ತಂಡದ ನಾಯಕನ ಸ್ಥಾನಕ್ಕೆ ಕುತ್ತು; ಡಬಲ್ ಶಾಕಿಂಗ್ ನ್ಯೂಸ್‌! 

ಅನಿಕೇತ್​ ವರ್ಮರ ಫಿಯರ್ ಲೆಸ್ ಬ್ಯಾಟಿಂಗ್, ನಿಜಕ್ಕೂ ಅದ್ಬುತವಾಗಿದೆ. ಒಂದೊಂದು ಸ್ಟ್ರೋಕ್ ಕೂಡ ಪರ್ಫೆಕ್ಟ್‌. ಹಿಟ್ಟಿಂಗ್ ಎಬಿಲಿಟಿ ಅಂತೂ ಸೂಪರ್​​​​​​​​. ಈತನ ಪವರ್​​ ಹಿಟ್ಟಿಂಗ್ ಹಾರ್ದಿಕ್ ಪಾಂಡ್ಯ ಹಾಗೂ ಕ್ಲಾಸೆನ್​ರನ್ನೇ ನೆನಪಿಸುತ್ತಿದೆ. ಈ ಸೂಪರ್ ಸೆನ್ಸೇಷನ್ ಹೀರೋನ ಜರ್ನಿ ನಿಜಕ್ಕೂ ಮನ ಕಲುಕುತ್ತೆ.

ಕಲ್ಲು-ಮುಳ್ಳಿನ ಹಾದಿ ದಾಟಿ ಬಂದ ಅನಿಕೇತ್ ವರ್ಮಾ
ಬಾಲ್ಯದಲ್ಲೇ ತಾಯಿ ಕಳೆದುಕೊಂಡ ನತದೃಷ್ಟ ಅನಿಕೇತ್
ಅನಿಕೇತ್ ವರ್ಮಾ​ಗೆ ಕ್ರಿಕೆಟ್​​ ಕನಸಿಗೆ ನೀರೆರೆದ ಮಾವ
2002 ಫೆಬ್ರವರಿ 5ರಂದು ಉತ್ತರ ಪ್ರದೇಶದ ಜಾನ್ಸಿಯಲ್ಲಿ ಹುಟ್ಟಿದ ಅನಿಕೇತ್​, ಕ್ರಿಕೆಟರ್ ಆಗೋ ಜರ್ನಿ ಅಂದುಕೊಂಡಷ್ಟು ಸುಲಭವಾಗಿರಲಿಲ್ಲ. ಬಾಲ್ಯದಲ್ಲೇ ಅಮ್ಮನ ಕಳೆದುಕೊಂಡು, ವಯಸ್ಸಲ್ಲದ ವಯಸ್ಸಿನಲ್ಲಿ ನೋವುಂಡಿದ್ರು. ಬಳಿಕ ತಾಯಿಯನ್ನ ಕಳೆದುಕೊಂಡ ತಬ್ಬಲಿಯ ​ ಜವಾಬ್ದಾರಿ ವಹಿಸಿಕೊಂಡಿದ್ದೇ ಮಾವ ಅಮಿತ್ ವರ್ಮ.

ತಾಯಿ ಕಳೆದುಕೊಂಡ ಅನಿಕೇತ್​ ವರ್ಮಾ ಓದಿನ ಜೊತೆಗೆ ಕ್ರಿಕೆಟ್​ನತ್ತ ಹೆಚ್ಚು ಒಲವು ಹೊಂದಿದ್ರು. ಕ್ರಿಕೆಟ್​ ಮೇಲೆ ಅತೀವ ಆಸಕ್ತಿ ಹೊಂದಿದ್ದ ಸೋದರ ಅಳಿಯನ ಬೆಂಬಲಕ್ಕೆ ಮಾವ ಅಮಿತ್ ವರ್ಮ ನಿಂತರು. ತಾನು ಅರ್ಥಿಕ ಸಂಕಷ್ಟದಲ್ಲಿದ್ರೂ, ಅನಿಕೇತ್​​ನ ಕ್ರಿಕೆಟ್​ ಕೋಚಿಂಗ್​ಗೆ ಸೇರಿಸಿದ್ರು. ಇದಕ್ಕಾಗಿ ಹಲವು ಕಡೆ ಸಾಲ ಕೂಡ ಮಾಡಿದ್ರು. ಸಂಕಷ್ಟದ ನಡುವೆ ಸಾಲ ಮಾಡಿ ಭೂಪಾಲ್‌ನಲ್ಲಿರೂ ಅಂಕುರ್ ಕ್ರಿಕೆಟ್ ಅಕಾಡೆಮಿಗೆ ಅನಿಕೇತ್​ನ ಸೇರಿಸಿದ್ರು. ಇಲ್ಲಿಂದ ಶುರುವಾಗಿದ್ದು ಅಸಲಿ ಕ್ರಿಕೆಟ್​ ಜರ್ನಿ.

ಕ್ಲಬ್ ಕ್ರಿಕೆಟ್ ಟು ಸ್ಟೇಟ್ ಟೀಮ್.. MPL ಟು IPL
ಅನಿಕೇತ್ ಬದುಕಿಗೆ ತಿರುವು ನೀಡಿದ ಕರ್ನಾಟಕ ಪಂದ್ಯ
ರೈಲ್ವೆ ಯೂಥ್ ಕ್ರಿಕೆಟ್ ಕ್ಲಬ್​ನಿಂದ ಕ್ರಿಕೆಟ್ ಕರಿಯರ್ ಆರಂಭಿಸಿದ ಅನಿಕೇತ್, ನಂತರ ಫೈಥ್ ಕ್ರಿಕೆಟ್ ಕ್ಲಬ್​ಗಾಗಿ ಆಡಿದ್ರು. ಇಲ್ಲಿ ಸಾಮರ್ಥ್ಯ ತೋರಿದ್ದ ಅನಿಕೇತ್​ಗೆ ಮಧ್ಯಪ್ರದೇಶದಲ್ಲಿ ರಾಜ್ಯ ತಂಡ ಪ್ರತಿನಿಧಿಸುವ ಅವಕಾಶವೂ ಸಿಕ್ತು. ಅಂಡರ್​-23 ತಂಡದ ಪರ ಕರ್ನಾಟಕ ಎದುರು ಕಣಕ್ಕಿಳಿದಿದ್ದ ಅನಿಕೇತ್ 75 ಎಸೆತಗಳಲ್ಲಿ 101 ರನ್ ಗಳಿಸಿ ಮಿಂಚಿದ್ರು. ಈ ಪಂದ್ಯ ಅನಿಕೇತ್ ಕ್ರಿಕೆಟ್​ ಕರಿಯರ್​ಗೆ ಮಹತ್ವದ ತಿರುವು ನೀಡಿತು.

2024ರ ಮಧ್ಯಪ್ರದೇಶ ಪ್ರೀಮಿಯರ್ ಲೀಗ್​ನಲ್ಲಿ ಮಿಂಚಿನ ಪ್ರದರ್ಶನ ನೀಡಿದ ಅನಿಕೇತ್, ಭೋಪಾಲ್ ಲೆಪರ್ಡ್ಸ್ ಪರ ಆಡಿದ್ದ 5 ಇನ್ನಿಂಗ್ಸ್​ನಿಂದ 273 ರನ್ ಸಿಡಿಸಿದ್ದರು. ಮಲ್ವಾ ಪ್ಯಾಂಥರ್ಸ್ ಎದುರಿನ ಪಂದ್ಯದಲ್ಲಿ 41 ಎಸೆತಗಳಲ್ಲೇ 123 ರನ್ ಕೊಳ್ಳೆ ಹೊಡೆದಿದ್ದರು. ಸೈಯದ್ ಮುಷ್ತಾಕ್ ಆಲಿ ಟೂರ್ನಿಯಲ್ಲಿ ಮಧ್ಯಪ್ರದೇಶ ಸೀನಿಯರ್ ಟೀಮ್ ಪರ ಆಡಿದ್ರು. ಸ್ಫೋಟಕ ಆಟದಿಂದ ಗಮನ ಸೆಳೆದಿದ್ದ ಈತನ ಮೇಲೆ ಸನ್​ರೈಸರ್ಸ್​ ತಂಡದ ಕಣ್ಣು ಬಿದ್ದಿತ್ತು. ಡೊಮೆಸ್ಟಿಕ್​​ ಪಂದ್ಯಗಳಲ್ಲಿ ಈತನನ್ನ ಕ್ಲೋಸ್​ ಮಾನಿಟರ್​ ಮಾಡಿದ್ದ ಫ್ರಾಂಚೈಸಿ ಫಿದಾ ಅಗಿತ್ತು. ಬಳಿಕ ಹರಾಜಿನಲ್ಲಿ 30 ಲಕ್ಷ ನೀಡಿ ಖರೀದಿಸಿತು.

ಈ ಐಪಿಎಲ್​ಗೂ ಮುನ್ನ ನಡೆದ ಅಭ್ಯಾಸ ಹಾಗೂ ಇನ್ಟ್ರಾ ಸ್ಕಾಡ್ ಮ್ಯಾಚ್​ಗಳಲ್ಲಿ ಹರ್ಷಲ್ ಪಟೇಲ್, ಕಮಿಂದು ಮೆಂಡಿಸ್​ರಂಥ ಬೌಲರ್​ಗಳ ಎದುರು ಅನಿಕೇತ್​ ಅಬ್ಬರದ ಪರ್ಫಾಮೆನ್ಸ್​​ ನೀಡಿದ. ಇದ್ರಿಂದ ಮತ್ತಷ್ಟು ಇಂಪ್ರೆಸ್​ ಆದ ಮ್ಯಾನೇಜ್​ಮೆಂಟ್​ ಈತನಿಗೆ ಐಪಿಎಲ್​​ನ ಆಡುವ ಅವಕಾಶವನ್ನು ನೀಡ್ತು. ಈ ಅವಕಾಶ ಸದ್ಬಳಕೆ ಮಾಡಿಕೊಂಡ ಅನಿಕೇತ್, ಈಗ ಸನ್ ರೈಸರ್ಸ್ ಹೈದ್ರಾಬಾದ್​ನ ಹೀರೋ ಆಗಿದ್ದಾನೆ. ಐಪಿಎಲ್​ನಲ್ಲಿ ಮತ್ತಷ್ಟು, ಮಗದಷ್ಟು ಸಂಚಲನ ಸೃಷ್ಟಿಸುವ ಭರವಸೆಯನ್ನು ಹುಟ್ಟು ಹಾಕಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ