ಇಸ್ರೇಲ್​​ನ ಮತ್ತೆ ಕೆಣಕಿದ ಇರಾನ್.. ಟ್ರಂಪ್ ವಾರ್ನಿಂಗ್ ಬೆನ್ನಲ್ಲೇ ಮತ್ತಷ್ಟು ಬಿಗಡಾಯಿಸಿದ ಪರಿಸ್ಥಿತಿ..

ಇರಾನ್​-ಇಸ್ರೇಲ್​ ನಡುವಿನ ಸಂಘರ್ಷ ಮಧ್ಯ ಪ್ರಾಚ್ಯದಲ್ಲಿ 3ನೇ ಮಹಾಯುದ್ಧದ ಕಾರ್ಮೋಡ ಆವರಿಸಿದೆ. ಕಳೆದ 6 ದಿನಗಳಿಂದಲೂ ಇರಾನ್​ ಮತ್ತು ಇಸ್ರೇಲ್​​ ದೇಶಗಳ ನಡುವೆ ಕ್ಷಿಪಣಿ ದಾಳಿ ತಾರಕಕ್ಕೇರಿದೆ. ಇರಾನ್​ ಹೈಪರ್ಸಾನಿಕ್​ ಮಿಸೈಲ್​ ಅನ್ನು ಬಳಸಿ ಟೆಲ್​ ಅವೀವ್​ ಮೇಲೆ ದಾಳಿ ಮಾಡಿದ್ದು, ಇಸ್ರೇಲ್​​ನನ್ನು ಮತ್ತಷ್ಟು ಕೆಣಕಿದೆ. ಇದರಿಂದ ಇಸ್ರೇಲ್​​ ತನ್ನ ದಾಳಿಯನ್ನು ಮತ್ತಷ್ಟು ಅಗ್ರೆಸಿವ್​ ಗೊಳಿಸಿದ್ದು, ಇರಾನ್​ನ ವಾಯುನೆಲೆಗಳ ಮೇಲೆ ಅಟ್ಯಾಕ್ ಮಾಡಿದೆ.

ಇರಾನ್​ನ ವಾಯುನೆಲೆಗಳ ಮೇಲೆ ಇಸ್ರೇಲ್ ಅಟ್ಯಾಕ್​

ಕಳೆದ ರಾತ್ರಿ ಇಸ್ರೇಲ್​ ಮೇಲೆ ಇರಾನ್​ ಹೈಪರ್​ಸಾನಿಕ್​ ಕ್ಷಿಪಣಿ.. ಫತಾಹ್​-1 ಅನ್ನು ಪ್ರಯೋಗ ಮಾಡಿತ್ತು. ಇದು ಇಸ್ರೇಲ್​ನ ಟೆಲ್​ಅವೀವ್​ನಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿತ್ತು. ಇದರಿಂದ ಕೆರಳಿದ ಇಸ್ರೇಲ್​ 60 ಫೈಟರ್​ ಜೆಟ್​ಗಳನ್ನು ಇರಾನ್​ಗೆ ನುಗ್ಗಿಸಿದೆ. ಈ ಯುದ್ಧ ವಿಮಾನಗಳು ಟೆಹ್ರಾನ್​ ಸೇರಿದಂತೆ ಹಲವೆಡೆ ವಾಯು ನೆಲೆಗಳ ಮೇಲೆ ದಾಳಿ ಮಾಡಿದೆ. ಇದರಲ್ಲಿ ಇರಾನ್​ನ ಮೂರು ವಾರ್​ ಹೆಲಿಕಾಫ್ಟರ್​ಗಳು ಹಾನಿಗೊಳಗಾಗಿವೆ. ಇದಷ್ಟೇ ಅಲ್ಲ, ಸುಮಾರು 20 ಅಣ್ವಸ್ತಗಾರ ಮತ್ತು ಯುದ್ಧೋಪಕರಣಗಳ ಘಟವನ್ನು ಉಡೀಸ್​ ಮಾಡಿದೆ. ಇರಾನ್​ನ ಆಂತರಿಕ ಭದ್ರತಾ ಪ್ರಧಾನ ಕಚೇರಿಯನ್ನು ಇಸ್ರೇಲ್​ ಧ್ವಂಸಗೊಳಿಸಿದೆ.
ನಜಾಫಾಬಾದ್‌ನಲ್ಲಿ ವಾಹನವೊಂದರ ಮೇಲೆ ಇಸ್ರೇಲಿ ನಡೆಸಿದ ವೈಮಾನಿಕ ದಾಳಿಯಲ್ಲಿ ಬಾಣಂತಿ ಸೇರಿದಂತೆ 6 ಜನರು ಸಾವನ್ನಪ್ಪಿದ್ದಾರೆ.

ಇದನ್ನೂ ಓದಿ: ವಿಶ್ವದ ಬೆಸ್ಟ್​ ಏರ್​ಲೈನ್ ಯಾವುದು..? ಕತಾರ್ ಏರ್ವೇಸ್​ಗೆ ಸಾಲು ಸಾಲು ಪ್ರಶಸ್ತಿಗಳು

ಇಸ್ರೇಲ್​ನ ಡ್ರೋಣ್​ ಹೊಡೆದುರುಳಿಸಿದ ಇರಾನ್​

ಇಸ್ರೇಲ್​ನ ದಾಳಿಗೆ ಇರಾನ್​ ಕೂಡ ತಕ್ಕ ಪ್ರತ್ಯುತ್ತರವನ್ನೇ ನೀಡ್ತಿದೆ. ಇರಾನ್‌ನ ಇಸ್ಫಹಾನ್ ನಗರದ ಬಳಿ ಇಸ್ರೇಲ್​ನ ಡ್ರೋಣ್​ ಅನ್ನು ಹೊಡೆದು ಹಾಕಿದ್ದು, ಅದರ ಅವಶೇಷಗಳು ಪತ್ತೆ ಆಗಿವೆ. ಇನ್ನು ಇಸ್ರೇಲ್​ ಮೇಲೆ ಮತ್ತೆ ಹೈಪರ್​ ಸಾನಿಕ್​ ಕ್ಷಿಪಣಿಯನ್ನು ಪ್ರಯೋಗಿಸಿರುವುದಾಗಿ ಇರಾನ್​ ಹೇಳಿಕೊಂಡಿದೆ. ಇತ್ತ ಇರಾನ್​ ಕ್ಷಿಪಣಿಯನ್ನು ಲಾಂಚ್​ ಮಾಡ್ತಿದ್ತಂತೆ ಅತ್ತ ಇಸ್ರೇಲ್​ನಲ್ಲಿ ಹಲವು ಭಾಗಗಳನ್ನು ಸೈರನ್ ಮೊಳಗಿದೆ.​

ಟ್ರಂಪ್​ ವಾರ್ನಿಂಗ್​ಗೆ ಇರಾನ್​ ಸುಪ್ರೀಂ ಡೋಂಟ್​ಕೇರ್​​ ​

ಇರಾನ್‌-ಇಸ್ರೇಲ್‌ ನಡುವಿನ ಸಂಘರ್ಷದಲ್ಲಿ ಅಮೆರಿಕ ಎಂಟ್ರಿ ಕೊಟ್ಟ ನಂತರ ಪರಿಸ್ಥಿತಿ ಮತ್ತಷ್ಟು ಬಿಗಡಾಯಿಸಿದೆ. ಇರಾನ್‌ ಬೇಷರತ್ತಾಗಿ ಶರಣಾಗಬೇಕು, ಇಲ್ಲದಿದ್ದರೆ ದೊಡ್ಡದು ಸಂಭವಿಸಲಿದೆ ಎಂಬ ಟ್ರಂಪ್​ ವಾರ್ನಿಂಗ್​ ಇರಾನ್​ ಸುಪ್ರೀಂ ಲೀಡರ್​ ಸೊಪ್ಪು ಹಾಕಿಲ್ಲ.. ಬದಲಾಗಿ, ಇಸ್ರೇಲ್ ದಾಳಿಗೆ ಅಮೆರಿಕ ಬೆಂಬಲ ನೀಡಿದರೆ ಆ ಎರಡೂ ದೇಶಗಳಿಗೆ ದೊಡ್ಡ ಹಾನಿಯಾಗಲಿದೆ ಎಂದು ಖಮೇನಿ ಗುಡುಗಿದ್ದಾರೆ.

ಇದನ್ನೂ ಓದಿ: ಶರಣಾಗಲು ಇರಾನ್​​ಗೆ ಟ್ರಂಪ್ ಧಮ್ಕಿ.. ಮಧ್ಯಪ್ರಾಚ್ಯಕ್ಕೆ ಯುದ್ಧ ವಿಮಾನಗಳ ಕಳುಹಿಸಿದ ಅಮೆರಿಕ..

ಇದಕ್ಕೆ ರಿಯಾಕ್ಟ್​ ಮಾಡಿರುವ ಅಮೆರಿಕಾ ಅಧ್ಯಕ್ಷ ಟ್ರಂಪ್​.. ಇರಾನ್​ಗೆ ಮತ್ತೊಮ್ಮೆ ಎಚ್ಚರಿಕೆ ಸಂದೇಶ ರವಾನಿಸಿದ್ದಾರೆ. ಮಾತುಕತೆ ಹಂತ ಮುಗಿದು ಹೋಗಿದೆ. ನಾನು ಯುದ್ಧವನ್ನು ಮಾಡಬಹುದು.. ಮಾಡದೇ ಇರಬಹುದು ಎಂದು.. ಆದ್ರೆ ನಾನು ಏನ್​ ಮಾಡ್ತೀನಿ ಎಂದು ಯಾರಿಗೂ ತಿಳಿದಿಲ್ಲ.. ಮುಂದಿನ ದಿನಗಳ ನಿರ್ಣಾಯವಾಗಿರುತ್ತವೆ ಎಂದಿದ್ದಾರೆ ಎಂದು ಟ್ರಂಪ್ ಎಚ್ಚರಿಕೆ ಕೊಟ್ಟಿದ್ದಾರೆ.
ಈಗಾಗಲೇ ಅಮೆರಿಕಾ ಇರಾನ್​-ಇಸ್ರೇಲ್​ ನಡುವಿನ ಸಂಘರ್ಷದ ಮಧ್ಯೆ ಎಂಟ್ರಿಕೊಟ್ಟಿದೆ. ಒಂದ್ವೇಳೆ ವಿಶ್ವದ ದೊಡ್ಡಣ್ಣ ರಣರಂಗಕ್ಕೆ ಇಳಿದ್ರೆ, ಅತ್ತ ಇರಾನ್​ ಪರ ರಷ್ಯಾ ಕೂಡ ಅಖಾಡಕ್ಕಿಳಿರುವ ಸಾಧ್ಯತೆ ಇದೆ. ಹೀಗಾಗಿ ಇಸ್ರೇಲ್​​ ಮತ್ತು ಇರಾನ್​ ನಡುವಿನ ಸಂಘರ್ಷ ಮಧ್ಯಪ್ರಾಚ್ಯದಲ್ಲಿ ಆತಂಕದ ವಾತಾವರಣ ಮೂಡಿಸಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ