ಮೂರ್ನಾಲ್ಕು ಎಸೆತಗಳನ್ನು ಆಡುವುದಾದರೆ ಅವರನ್ನು ಕೈ ಬಿಡಬೇಕು

ಮೂರು ಅಥವಾ ನಾಲ್ಕು ಓವರ್​ ಆಡಲು ಧೋನಿ ಒಪ್ಪಿಕೊಳ್ಳಬೇಕು

ಚೆನ್ನೈ ತಂಡಕ್ಕೆ ಉತ್ತಮ ಆಟಗಾರ ಬೇಕು, ಅಭಿಮಾನಿಗಳಲ್ಲ ಎಂದ ಪಠಾಣ್​

ನಿನ್ನೆ ಆರ್​ಸಿಬಿ ವಿರುದ್ಧ ಸಿಎಸ್​ಕೆ ತಂಡ 7 ವಿಕೆಟ್​ಗಳ ಸೋಲುಂಡಿದೆ. ಮಹೇಂದ್ರ ಸಿಂಗ್​ ಧೋನಿ ತಂಡದಲ್ಲಿದ್ದರೂ ಚೆನ್ನೈ ಪ್ಲೇಆಫ್​​ಗೆ ಹೋಗುವ ಕನಸು ಭಗ್ನವಾಗಿದೆ. ಜೊತೆಗೆ ಅಭಿಮಾನಿಗಳ ಕನಸು ಭಸ್ಮವಾಗಿದೆ. ಹೀಗಿರುವಾಗ ಧೋನಿಯನ್ನು ತಂಡದಲ್ಲಿ ಉಳಿಸಿಕೊಳ್ಳಬಾರದು ಎಂದು ಟೀಂ ಇಂಡಿಯಾದ ಮಾಜಿ ಆಟಗಾರ ಇರ್ಫಾನ್​ ಪಠಾಣ್​ ಹೇಳಿದ್ದಾರೆ.

‘‘ಧೋನಿಯನ್ನು ಉಳಿಸಿಕೊಳ್ಳಲು ಸಿಎಸ್​​ಕೆ ಭಾರೀ ಮೊತ್ತವನ್ನು ಪಾವತಿಸಬೇಕಾಗುತ್ತದೆ. ನನ್ನ ಪ್ರಕಾರ, ದೀರ್ಫಾವದಿಯ ಆಟದ ಬಗ್ಗೆ ಯೋಚಿಸುತ್ತಿದ್ದರೆ ಸಿಎಸ್​ಕೆ ಧೋನಿಯನ್ನು ಉಳಿಸಿಕೊಳ್ಳಬಾರದು. ಧೋನಿ ಮೂರ್ನಾಲ್ಕು ಎಸೆತಗಳನ್ನು ಆಡುವುದಾದರೆ ಅವರನ್ನು ಕೈ ಬಿಡಬೇಕು. ಮೂರು ಅಥವಾ ನಾಲ್ಕು ಓವರ್​ ಆಡಲು ಧೋನಿ ಒಪ್ಪಿಕೊಳ್ಳಬೇಕು. ಅಲ್ಲದೆ, ಚೆನ್ನೈ ತಂಡಕ್ಕೆ ಉತ್ತಮ ಆಟಗಾರ ಬೇಕು, ಅಭಿಮಾನಿಗಳಲ್ಲ’’ ಎಂದು ಕಾಮೆಂಟ್ರಿ ಮಾಡುವಾಗ ಇರ್ಫಾನ್​ ಪಠಾಣ್​ ಅಭಿಪ್ರಾಯ ತಿಳಿಸಿದ್ದಾರೆ.

ಇದನ್ನೂ ಓದಿ: ನಾನು 3 ಗಂಟೆಗೆ ಮಲಗುತ್ತೇನೆ, 12 ಗಂಟೆಗೆ ಎದ್ದೇಳುತ್ತೇನೆ.. ಧೋನಿ ದೈನಂದಿನ ದಿನಚರಿ ಕೇಳಿ ಫ್ಯಾನ್ಸ್​ ಶಾಕ್​

ಧೋನಿ 13 ಎಸೆತ ಎದುರಿಸಿದ್ದಾರೆ. ಅದರಲ್ಲಿ 3 ಬೌಂಡರಿ, 1 ಸಿಕ್ಸ್​ ಬಾರಿಸುವ ಮೂಲಕ 25 ರನ್​ ಗಳಿಸಿದ್ದಾರೆ. ಆದರೆ ಯಶ್​ ದಯಾಳ್​ ಅವರ ಎಸೆತದಿಂದ ಮಾಹಿ ಕ್ಯಾಚ್ ನೀಡಿ ಪೆವಿಲಿಯನತ್ತ ಸಾಗಿದರು.