ವೈಭವ್ ಸೂರ್ಯವಂಶಿಗೆ ಭಾರತ ತಂಡದಲ್ಲಿ ಸ್ಥಾನ ಇಲ್ವಾ.. ಇನ್ನು ಎಷ್ಟು ವರ್ಷ ಕಾಯಬೇಕು?

ಈತನದ್ದು ಚಿಕ್ಕ ವಯಸ್ಸು. ಆದ್ರೆ, ಟ್ಯಾಲೆಂಟ್, ಪ್ರಖ್ಯಾತಿ ಮಾತ್ರ ಬೆಟ್ಟದಷ್ಟು. ಪ್ರತಿ ವೇದಿಕೆಗಳಲ್ಲಿ ವೈಭವ್ ಸೂರ್ಯವಂಶಿಯ ಆಟದ ವೈಭವವನ್ನ ಕ್ರಿಕೆಟ್​ ದಿಗ್ಗಜರು ಕೊಂಡಾಡ್ತಿದ್ದಾರೆ. ಸಿಕ್ಕ ಅವಕಾಶ ಬಾಚಿಕೊಳ್ತಿರುವ ವೈಭವ್ ಸೂರ್ಯವಂಶಿಗೆ ಟೀಮ್ ಇಂಡಿಯಾಗೆ ಎಂಟ್ರಿ ಕೊಡೋ ಕನಸು ಕಾಣ್ತಿದ್ದಾರೆ. ಸೂರ್ಯವಂಶಿಗೆ ಶೀಘ್ರದಲ್ಲೇ ಬುಲಾವ್ ಬರುತ್ತಾ?.

ವೈಭವ್ ಸೂರ್ಯವಂಶಿ ವಿಶ್ವ ಕ್ರಿಕೆಟ್‌ ಲೋಕದಲ್ಲಿ ಈಗ ಸೂರ್ಯನಂತೆ ಪ್ರಜ್ವಲಿಸುತ್ತಿರುವ ಹೆಸರು. ವಯಸ್ಸು ಜಸ್ಟ್​ 14. ಆದ್ರೆ, ಬ್ಯಾಟಿಂಗ್ ಮೆಚ್ಯುರಿಟಿ, ಫಿಯರ್ ಲೆಸ್ ಆಟಕ್ಕೂ, ಈತ ಕ್ರಿಕೆಟ್‌ ಜಗತ್ತಿನಲ್ಲಿ ಸೃಷ್ಟಿಸಿರೋ ಸಂಚಲನಕ್ಕೆ ಹೋಲಿಕೆಯೇ ಇಲ್ಲದಂತಾಗಿದೆ. 14 ವರ್ಷಕ್ಕೆ ಹಿಮಾಲಯದ ಎತ್ತರಕ್ಕೆ ಬೆಳೆದು ನಿಂತಿರುವ ವೈಭವ್​ ಸೂರ್ಯವಂಶಿ, ಟೀಮ್ ಇಂಡಿಯಾ ಎಂಟ್ರಿಯ ದಿನಗಳು ದೂರವೇನಿಲ್ಲ.

ಡೊಮೆಸ್ಟಿಕ್ ಕ್ರಿಕೆಟ್, ಐಪಿಎಲ್​, ಅಂಡರ್-19 ಸದ್ಯ ಇಂಗ್ಲೆಂಡ್​​ ಅಂಡರ್​-19 ಟೂರ್​ನಲ್ಲಿ ಸಿಕ್ಕ ಸಿಕ್ಕ ಅವಕಾಶಗಳಲ್ಲಿ ಎನ್​ಕ್ಯಾಶ್ ಮಾಡಿಕೊಳ್ತಿರುವ ಈ ಬಿಹಾರದ ಹುಡುಗ, ಟಿ20 ಅಥವಾ ಒಡಿಐ ಕಾಲ್ ಪಡೆದರೂ ಅಚ್ಚರಿ ಇನಿಲ್ಲ.

5 ಮ್ಯಾಚ್.. ಬರೋಬ್ಬರಿ 30 ಬೌಂಡರಿ.. 29 ಸಿಕ್ಸರ್​.. 355 ರನ್..!

ಐಪಿಎಲ್​​ನಲ್ಲಿ ಘಟಾನುಘಟಿ ಬೌಲರ್​ಗಳನ್ನ ಬೆಂಡೆತ್ತಿ ಗಮನ ಸೆಳೆದಿದ್ದ ವೈಭವ್ ಸೂರ್ಯವಂಶಿ, ವಿಶ್ವ ಕ್ರಿಕೆಟ್​​ ಲೋಕದಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದರು. ಆದ್ರೆ, ಇಂಗ್ಲೆಂಡ್​ನಂಥ ಫಾಸ್ಟ್ ಆ್ಯಂಡ್ ಫ್ಯೂರಿಯಸ್ ಟ್ರ್ಯಾಕ್​​ನಲ್ಲಿ ವೈಭವ್ ಸೂರ್ಯವಂಶಿ ಆಟ ಹೇಗಿರುತ್ತೆ ಅನ್ನೋ ಪ್ರಶ್ನೆ ಸಹಜವಾಗೇ ಇತ್ತು. ಇದೀಗ ಅದಕ್ಕೂ ಅಂಡರ್​-19 ಟೂರ್​ನಲ್ಲಿ ಉತ್ತರ ನೀಡಿದ್ದಾರೆ. 5 ಪಂದ್ಯಗಳ ಏಕದಿನ ಸರಣಿಯಲ್ಲಿ ವಿಸ್ಪೋಟಕ ಬ್ಯಾಟಿಂಗ್ ನಡೆಸಿರುವ ಸೂರ್ಯವಂಶಿ, ಒಂದಲ್ಲ.. ಎರಡಲ್ಲ.. ಬರೋಬ್ಬರಿ 30 ಬೌಂಡರಿ, 29 ಸಿಕ್ಸರ್​​ ಸಿಡಿಸಿದ್ದಾರೆ.

ಕೇವಲ ಬೌಂಡರಿ, ಸಿಕ್ಸರ್​ಗಳಿಂದಲೇ 294 ರನ್ ಚಚ್ಚಿರುವ ವೈಭವ್ ಸೂರ್ಯವಂಶಿ, 5 ಪಂದ್ಯಗಳ ಏಕದಿನ ಸರಣಿಯಲ್ಲಿ ಟಾಪ್ ರನ್ ಸ್ಕೋರರ್ ಆಗಿದ್ದಾರೆ. ಆ ಮೂಲಕ ಮತ್ತೆ ವಿಶ್ವ ಕ್ರಿಕೆಟ್ ಲೋಕದಲ್ಲಿ ವೈಭವ್, ಹೆಸರು ಸೌಂಡ್ ಮಾಡುವಂತೆ ಮಾಡಿದ್ದಾರೆ. ಬಿಗ್ ಸೀರಿಸ್​ಗಳನ್ನಾಡಲು ರೆಡಿ ಎಂಬ ಸಂದೇಶವನ್ನು ರವಾನಿಸಿದ್ದಾರೆ.

ಆಗ ಮತ್ತಷ್ಟು ವೇಗ ಪಡೆದುಕೊಳ್ಳುತ್ತೆ.!

ಆತ ಎಲ್ಲರ ಗಮನ ಸೆಳೆದಿದ್ದಾನೆ. 14 ವರ್ಷದಲ್ಲೇ ಅಂಡರ್​​-19 ತಂಡದ ಪರ ವಿಸ್ಪೋಟಕ ಬ್ಯಾಟಿಂಗ್ ನಡೆಸ್ತಿದ್ದಾನೆ. ಇಂಗ್ಲೆಂಡ್​ ಪ್ರವಾಸದ ಅನುಭವ ಆತನನ್ನು ಇನ್ನಷ್ಟು ಉತ್ತಮಗೊಳಿಸಿದೆ. ವೈಭವ್​​ ಈಗ ಪ್ರಥಮ ದರ್ಜೆ ಕ್ರಿಕೆಟ್ ಆಡಿ, ಒಂದೆರಡು ಶತಕ ಗಳಿಸಿದರೆ ಟೀಮ್ ಇಂಡಿಯಾ ಹಾದಿ ವೇಗ ಪಡೆದುಕೊಳ್ಳುತ್ತೆ.

ರವಿ ಶಾಸ್ತ್ರಿ, ಮಾಜಿ ಕ್ರಿಕೆಟರ್

ವೈಭವ ಸೂರ್ಯವಂಶಿಗೆ ಬರುತ್ತಾ ಟೀಮ್ ಇಂಡಿಯಾ ಕರೆ..?

ಇಂಗ್ಲೆಂಡ್ ಪ್ರವಾಸದಲ್ಲಿ ವಿಸ್ಪೋಟಕ ಬ್ಯಾಟಿಂಗ್ ಪ್ರದರ್ಶಿಸಿರುವ ವೈಭವ್, ಎಲ್ಲಾ ಕಂಡೀಷನ್ಸ್​ನಲ್ಲಿ ಆಡಬಲ್ಲೆ ಅನ್ನೋದು ತೋರಿಸಿದ್ದಾರೆ. ಐಪಿಎಲ್​ನಲ್ಲಿ ಮಾತ್ರವಲ್ಲ. ಅಂಡರ್​​-19 ಸೇರಿದಂತೆ ದೇಶಿ ಕ್ರಿಕೆಟ್​ನಲ್ಲೂ ವೈಭವ್, ಫೆಟಾಸ್ಟಿಕ್ ಅನ್ನೋದನ್ನು ನಿರೂಪಿಸಿದ್ದಾರೆ. ಹೀಗೆ ಪ್ರತಿ ವೇದಿಕೆಗಳಲ್ಲಿ ವೈಭವ್ ಸೂರ್ಯವಂಶಿ, ಗಮನಾರ್ಹ ಪ್ರದರ್ಶನ ನೀಡಿದ್ದಾರೆ. ಹೀಗಾಗಿ ಟಿ20 ಅಥವಾ ಏಕದಿನ ಸರಣಿಗಳಲ್ಲಿ ವೈಭವ್ ಸೂರ್ಯವಂಶಿಗೆ ಚಾನ್ಸ್​ ಸಿಗುತ್ತಾ ಎಂಬ ಚರ್ಚೆ ನಡೀತಿದೆ.

ಇದನ್ನೂ ಓದಿ:ಈ ಹೋಟೆಲ್​​ನ ಕೇವಲ ಒಂದು ತಿಂಗಳ ಆದಾಯ 8 ಕೋಟಿ ರೂಪಾಯಿಗಳು.. ಏನ್​ ಸ್ಪೆಷಲ್​​?

ಮತ್ತಷ್ಟು ದಿನಗಳು ಕಾಯಬೇಕು ವೈಭವ್ ಸೂರ್ಯವಂಶಿ.?

ಇಂಗ್ಲೆಂಡ್ ಟೂರ್​ನಲ್ಲಿ ವೈಭವ್, ವೈಲೆಂಟ್ ಆಟ ನಡೆಸಿದ್ದಾರೆ. ಆಟದಲ್ಲಿ ಪ್ರಬುದ್ಧತೆಯೂ ತೋರಿಸಿದ್ದಾರೆ. ಹೀಗಾಗಿ ವೈಭವ್​ಗೆ ಟೀಮ್ ಇಂಡಿಯಾ ಬುಲಾವ್ ಸಿಗುತ್ತಾ ಅಂದ್ರೆ, ಸದ್ಯಕ್ಕೆ ನಿಜಕ್ಕೂ ಇಲ್ಲ. ಯಾಕಂದ್ರೆ, ಸದ್ಯ ವೈಭವ್ ಸೂರ್ಯವಂಶಿ ವಯಸ್ಸು 14. ಐಸಿಸಿ ರೂಲ್​ ಪ್ರಕಾರ 15 ವರ್ಷದೊಳಗಿನ ಆಟಗಾರರಿಗೆ ರಾಷ್ಟ್ರೀಯ ತಂಡದ ಆಯ್ಕೆ ಅರ್ಹರಲ್ಲ. ಮುಂದಿನ ಮಾರ್ಚ್ 27ಕ್ಕೆ ವೈಭವ್​ಗೆ, 15 ವರ್ಷ ತುಂಬಲಿದೆ. ಆ ಬಳಿಕವಷ್ಟೇ ರಾಷ್ಟ್ರೀಯ ತಂಡದ ಆಯ್ಕೆಗೆ ಅರ್ಹರಾಗಲಿದ್ದಾರೆ.

ಅಕಸ್ಮಾತ್​, ವೈಭವ್ ಆಯ್ಕೆ ಬೇಕೇ ಬೇಕು ಅಂತಾದ್ರೆ, ಐಸಿಸಿಯ ಕೆಲ ಮಾನದಂಡ ಅನುಸರಿಸಬೇಕಿದೆ. ಸಿಕ್ಕ ಅವಕಾಶಗಳಲ್ಲಿ ವೈಭವ್, ಮತ್ತಷ್ಟು ವಿಜೃಂಬಿಸಿದ್ರೆ. ಟೀಮ್ ಇಂಡಿಯಾ ಕರೆಯನ್ನ ತಪ್ಪಿಸೋಕೆ ಯಾರಿಂದಲೂ ಸಾಧ್ಯವಲ್ಲ. ವಿಸ್ಪೋಟಕ ಬ್ಯಾಟಿಂಗ್​ನಿಂದ ಸೂರ್ಯವಂಶಿ, ಭವಿಷ್ಯದ ಸೂಪರ್​​​​​​​ ಸ್ಟಾರ್ ಎಂಬ ಭರವಸೆ ಹುಟ್ಟಿಹಾಕಿದ್ದಾರೆ. ಆದ್ರೆ, ಇದು ನಿಜವಾಗಬೇಕಾದ್ರೆ, ಕನ್ಸಿಸ್ಟೆನ್ಸಿ​ ಕಾಯ್ದುಕೊಳ್ಳಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ