ಐಪಿಎಲ್​​ 2025: ಮುಂಬೈ ಇಂಡಿಯನ್ಸ್​ ತಂಡದಿಂದ ಇಶಾನ್​ ಕಿಶನ್​ ಔಟ್​​

ಇಂಡಿಯನ್​ ಪ್ರೀಮಿಯರ್​​ ಲೀಗ್​​ ತಂಡಗಳು ಬಿಸಿಸಿಐಗೆ ರೀಟೆನ್ಷನ್‌ ಲಿಸ್ಟ್​ ನೀಡಲು ಇಂದು ಕೊನೆಯ ದಿನ. ಇಂದು ಸಂಜೆ ಒಳಗೆ ಎಲ್ಲಾ ತಂಡಗಳು ಯಾರನ್ನು ಉಳಿಸಿಕೊಂಡಿದ್ದೇವೆ? ಅನ್ನೋ ಲಿಸ್ಟ್​ ಸಲ್ಲಿಸಬೇಕಿದೆ. ಇದಕ್ಕೂ ಮುನ್ನ ಎಲ್ಲಾ ತಂಡಗಳು ಯಾರನ್ನು ರೀಟೈನ್​ ಮಾಡಿಕೊಳ್ಳಬೇಕು? ಯಾರನ್ನು ಕೈ ಬಿಡಬೇಕು? ಎಂಬ ಬಗ್ಗೆ ಕೊನೆಯ ಸುತ್ತಿನ ಕಸರತ್ತು ನಡೆಸಲಾಗುತ್ತಿದೆ.

ಬಿಸಿಸಿಐ ಎಲ್ಲ ತಂಡಗಳಿಗೂ 6 ಆಟಗಾರರನ್ನು ಉಳಿಸಿಕೊಳ್ಳಲು ಅವಕಾಶ ನೀಡಲಾಗಿದೆ. ಜತೆಗೆ ಐಪಿಎಲ್​​ ಹರಾಜಿನಲ್ಲಿ ಮಾಲೀಕರಿಗೆ ರೈಟ್‌ ಟು ಮ್ಯಾಚ್‌ ಕಾರ್ಡ್‌ ಬಳಸುವ ಅವಕಾಶ ಕೂಡ ಇದೆ. ಈ ನಡುವೆ ಮುಂಬೈ ಯಾರನ್ನೆಲ್ಲಾ ಉಳಿಸಿಕೊಳ್ಳಬಹುದು ಎಂಬ ಕುತೂಹಲ ಜನರಲ್ಲಿದೆ. ಈಗಾಗಲೇ ರೀಟೈನ್​​ ಲಿಸ್ಟ್​​ ರೆಡಿ ಆಗಿದ್ದು, ಸ್ಟಾರ್​​ ಆಟಗಾರನಿಗೆ ಕೊಕ್​ ನೀಡಲಾಗುತ್ತಿದೆ.

ಇಶಾನ್​​ ಕಿಶನ್​​ಗೆ ಕೊಕ್​​

ಮುಂಬೈ ಇಂಡಿಯನ್ಸ್ ತಂಡದ ಸ್ಟಾರ್​ ವಿಕೆಟ್ ಕೀಪರ್ ಇಶಾನ್ ಕಿಶನ್. ಈ ಹಿಂದೆ 2022ರ ಮೆಗಾ ಹರಾಜಿನಲ್ಲಿ ಮುಂಬೈ ಇಂಡಿಯನ್ಸ್​ ತಂಡ ಇಶಾನ್​ ಕಿಶನ್​ಗೆ ಬರೋಬ್ಬರಿ 15.25 ಕೋಟಿ ನೀಡಿ ಖರೀದಿ ಮಾಡಿತ್ತು. ಈ ಸಲ ಮುಂಬೈ ತಂಡದಿಂದ ಇಶಾನ್​ ಅವರನ್ನು ಕೈ ಬಿಡಲಾಗುತ್ತಿದೆ. ಹಾಗಾಗಿ ಇಶಾನ್​ ಕಿಶನ್​​​ ಹರಾಜಿಗೆ ಬರೋದು ಪಕ್ಕಾ ಆಗಿದೆ.

ಕಿಶನ್​​ ಐಪಿಎಲ್​ ಸಾಧನೆ

ಇಶಾನ್​ ಕಿಶನ್​​ ಐಪಿಎಲ್​ನಲ್ಲಿ ಇದುವರೆಗೂ 105 ಪಂದ್ಯಗಳನ್ನು ಆಡಿದ್ದಾರೆ. ತಾನು ಆಡಿರೋ 105 ಪಂದ್ಯಗಳಲ್ಲಿ ಬರೋಬ್ಬರಿ 2644 ರನ್​​ ಕಲೆ ಹಾಕಿದ್ದಾರೆ. ಇವರ ಬ್ಯಾಟಿಂಗ್​ ಆವರೇಜ್​​ 28.43 ಇದ್ದು, ಸ್ಟ್ರೈಕ್​​ ರೇಟ್​ 135.86 ಇದೆ. ಇದರಲ್ಲಿ ಸುಮಾರು 16 ಅರ್ಧಶತಕಗಳು ಸೇರಿವೆ. ಬರೋಬ್ಬರಿ 255 ಫೋರ್​ ಮತ್ತು 119 ಸಿಕ್ಸರ್​​ ಸಿಡಿಸಿದ್ದಾರೆ. ಇವರ ಹೈಎಸ್ಟ್​ ಸ್ಕೋರ್​ 99 ರನ್​​​.

ಮುಂಬೈನಿಂದ ಯಾರಿಗೆ ಮಣೆ?

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಇತಿಹಾಸದಲ್ಲೇ ಅತೀ ಹೆಚ್ಚು ಸಕ್ಸಸ್​ಫುಲ್​ ಆಗಿರೋ ತಂಡಗಳ ಪೈಕಿ ಮುಂಬೈ ಇಂಡಿಯನ್ಸ್​ ಕೂಡ ಒಂದು. ಬರೋಬ್ಬರಿ 5 ಬಾರಿ ಐಪಿಎಲ್​ ಚಾಂಪಿಯನ್​ ಆಗಿದೆ. ಈ ತಂಡ ಕ್ಯಾಪ್ಟನ್​ ಹಾರ್ದಿಕ್​ ಪಾಂಡ್ಯ, ಸೂರ್ಯಕುಮಾರ್ ಯಾದವ್, ಜಸ್ಪ್ರೀತ್ ಬುಮ್ರಾ ಜೊತೆಗೆ ತಿಲಕ್ ವರ್ಮಾ ಮತ್ತು ನೆಹಾಲ್ ವಡೇರಾ ಅವರನ್ನು ಉಳಿಸಿಕೊಳ್ಳಲಿದೆ. ಹಾಗೆಯೇ ಮುಂಬೈ ತಂಡಕ್ಕೆ 5 ಬಾರಿ ಕಪ್​ ಗೆಲ್ಲಿಸಿದ ಮಾಜಿ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಅವರ ಹೆಸರು ಕೂಡ ರೀಟೈನ್​​ ಲಿಸ್ಟ್​ನಲ್ಲಿ ಇದೆ.

ಯಾರಿಗೆ ಎಷ್ಟು ಕೋಟಿ?

ರೋಹಿತ್ ಶರ್ಮಾ ಮುಂಬೈ ಇಂಡಿಯನ್ಸ್​​ ತಂಡವನ್ನು ತೊರೆಯಲಿದ್ದಾರೆ ಅನ್ನೋ ವದಂತಿ ಇತ್ತು. ಆದರೀಗ, ಮುಂಬೈ ಇಂಡಿಯನ್ಸ್​ ತಂಡ ರೋಹಿತ್​ ಶರ್ಮಾ ಅವರ ಮನವೊಲಿಸಿದೆ ಎಂದು ತಿಳಿದು ಬಂದಿದೆ. ಹಾಗಾಗಿ ರೋಹಿತ್ ಶರ್ಮಾ ಮತ್ತು ಜಸ್ಪ್ರೀತ್ ಬುಮ್ರಾಗೆ ತಲಾ 18 ಕೋಟಿ, ಹಾರ್ದಿಕ್ ಪಾಂಡ್ಯ ಮತ್ತು ಸೂರ್ಯಕುಮಾರ್ ಯಾದವ್​ಗೆ ತಲಾ 14 ಕೋಟಿ ನೀಡಿ ರೀಟೈನ್​​ ಮಾಡಿಕೊಳ್ಳಬಹುದು. ತಿಲಕ್ ವರ್ಮಾಗೆ 11 ಕೋಟಿ, ಅನ್​ಕ್ಯಾಪ್ಡ್ ಆಟಗಾರ ನೆಹಾಲ್ ವಡೇರಾಗೆ 4 ಕೋಟಿ ನೀಡಿ ಉಳಿಸಿಕೊಳ್ಳಲು ಪ್ಲಾನ್ ಮಾಡಿದೆ ಎಂದು ವರದಿಯಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ