ಹಲವು ಅನುಮಾನಗಳಿಗೆ ಕಾರಣವಾಗಿದೆ ಇಶಾನ್​ ಕಿಶಾನ್​ ನಡೆ

ದುಲೀಪ್ ಟ್ರೋಫಿಯಿಂದ ಇಶಾನ್ ದೂರ ಸರಿದಿರೋದ್ಯಾಕೆ?

ಆವೇಶದಲ್ಲಿ ಇಂಥಾ ನಿರ್ಣಯ ಕೈಗೊಂಡ್ರಾ ಇಶಾನ್​ ಕಿಶಾನ್

ಇಶಾನ್ ಕಿಶನ್, ಟೀಮ್ ಇಂಡಿಯಾದ ಎಕ್ಸ್​ಪ್ಲೋರಿವ್ ಬ್ಯಾಟರ್. 24 ವರ್ಷದ ಈ ಯಂಗ್ ಮಿಸೈಲ್ ಮುಗಿಬಿದ್ರೆ, ಎದುರಾಳಿ ನಿಜಕ್ಕೂ ಖಲ್ಲಾಸ್ ಆಗ್ತಾನೆ. ವಿಕೆಟ್ ಹಿಂದೆಯೂ ಛಾಪು ಮೂಡಿಸಿರೋ ಈ ಜಾರ್ಖಂಡ್ ಪ್ರತಿಭೆ, ಏಕದಿನ ಕ್ರಿಕೆಟ್​ನಲ್ಲಿ ಡಬಲ್ ಸೆಂಚೂರಿ ಸ್ಟಾರ್. ಇನ್​ಫ್ಯಾಕ್ಟ್​ ಟಿ20 ಫಾರ್ಮೆಟ್​ನಲ್ಲಿ ಮೋಸ್ಟ್​ ಡಿಸ್ಟ್ರಕ್ಟಿವ್ ಬ್ಯಾಟರ್ ಆಗಿರೋ ಇಶಾನ್, ಟೆಸ್ಟ್​ ಕ್ರಿಕೆಟ್​ನಲ್ಲಿ ಚಾಫು ಮೂಡಿಸೋಕೆ ರೆಡಿಯಾಗಿದ್ದಾರೆ. ಆದರೀಗ ಇಶಾನ್​ರ ಒಂದು ನಡೆ ಕೆಲ ಪ್ರಶ್ನೆಗಳ ಜೊತೆ ಜೊತೆಗೆ ಹಲವು ಅನುಮಾನಗಳಿಗೆ ಕಾರಣವಾಗ್ತಿದೆ. ಅಂದಹಾಗೆಯೇ ಆ ನಡೆಯೇ ದುಲೀಪ್ ಟ್ರೋಫಿಯಿಂದ ಇಶಾನ್ ದೂರ ಸರಿದಿರೋದು.

ಹೌದು! ಇದೇ ಜೂನ್ 28ರಿಂದ ದುಲೀಪ್ ಟ್ರೋಫಿ ಆರಂಭವಾಗಲಿದ್ದು, East Zone ತಂಡದ ಪರ ಇಶಾನ್ ಕಿಶನ್​ ಸ್ಥಾನ ಪಡೆದಿದ್ದಾರೆ. ಆದ್ರೆ, ರೆಡ್​ಬಾಲ್​ನ ಕಾಂಪಿಟೇಷನ್​​ನಿಂದಲೇ ಇಶಾನ್ ದೂರ ಸರಿದಿದ್ದಾರೆ. ಇಂಜುರಿ ಹೊರತಾಗಿಯೂ ಈ ಕಾಂಪಿಟೇಷನ್​ನಿಂದ ದೂರ ಉಳಿದಿದ್ದಾರೆ. ಇದು ಯಾಕೆ ಎಂಬ ಚರ್ಚೆ ಈಗ  ಕ್ರಿಕೆಟ್​ನ ಪಡೆ ಸಾಲೆಯಲ್ಲಿ ಚರ್ಚೆಯ ಕೇಂದ್ರ ಬಿಂದುವಾಗಿದೆ.

WTC ಫೈನಲ್​ನಲ್ಲಿ ಸ್ಥಾನ ಸಿಗದಕ್ಕೆ ಮುನಿಸಿಕೊಂಡ್ರಾ ಇಶಾನ್..?

ಇತ್ತಿಚೆಗೆ ನಡೆದ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ನಲ್ಲಿ ಕೆ.ಎಸ್.ಭರತ್​ ಜೊತೆ ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆದಿದ್ದ ಇಶಾನ್, ಟೆಸ್ಟ್​​​​​​​​​​​​ ಫಾರ್ಮೆಟ್​​ನಲ್ಲಿ ಡೆಬ್ಯೂ ಮಾಡೋ ನಿರೀಕ್ಷೆಯಲ್ಲಿದ್ದರು. ಆದ್ರೆ, ಕೊನೆ ಕ್ಷಣದಲ್ಲಿ ಕೆ.ಎಸ್.ಭರತ್​ಗೆ ಗ್ಲೌಸ್ ನೀಡಿತ್ತು. ಹೀಗಾಗಿ ಟೀಮ್ ಮ್ಯಾನೇಜ್​ಮೆಂಟ್ ಮೇಲೆ ಮುನಿಸಿಕೊಂಡೇ ಇಂಥದ್ದೊಂದು ತೀರ್ಮಾನಕ್ಕೆ ಮುಂದಾದ್ರಾ ಎಂಬ ಅನುಮಾನ ಹುಟ್ಟಿಹಾಕಿದೆ.

ಆವೇಶದ ನಿರ್ಣಯ ಕೈಗೊಂಡರಾ ಇಶಾನ್ ಕಿಶನ್..?

ಸದ್ಯ WTC ಫೈನಲ್​ ಮುಗಿಸಿರೋ ಟೀಮ್ ಇಂಡಿಯಾ, ಜುಲೈನಲ್ಲಿ ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ತೆರಳಲಿದೆ. ಈ ವೇಳೆ 2 ಟೆಸ್ಟ್ ಪಂದ್ಯಗಳ ಸರಣಿಯನ್ನಾಡಲಿರೋ ಟೀಮ್ ಇಂಡಿಯಾಗೆ ಪಂತ್, ಕೆ.ಎಲ್.ರಾಹುಲ್ ಅನುಪಸ್ಥಿತಿಯಲ್ಲಿ ಕೆ.ಎಸ್.ಭರತ್ ಹಾಗೂ ಇಶಾನ್ ಕಿಶನ್ ಮೊದಲೆರೆಡು ಆಯ್ಕೆಯಾಗಿದ್ದಾರೆ. ವಿಂಡೀಸ್ ಟೂರ್​ಗೂ ಮುನ್ನ ರೆಡ್​ಬಾಲ್ ಟೂರ್ನಿಯಲ್ಲಿ ಆಡಿ ಪ್ರಿಪೇರ್ ಆಗಬೇಕಿರೋ ಇಶಾನ್, ಈಗ ದುಲೀಪ್ ಟ್ರೋಫಿಯಿಂದ ಹಿಂದೆ ಸರಿದು ನಿಜಕ್ಕೂ ಆವೇಶದ ನಿರ್ಣಯವೇ ಆಗಿದೆ.

ಇಶಾನ್ ನಡೆ ಕೆ.ಎಸ್​.ಭರತ್​ಗೆ ಮತ್ತಷ್ಟು ಲಾಭ..?

ಪಂತ್ ಅಲಭ್ಯತೆಯಲ್ಲಿ ಟೀಮ್ ಇಂಡಿಯಾದ ಫಸ್ಟ್​ ಚಾಯ್ಸ್​ ವಿಕೆಟ್ ಕೀಪರ್ ಕೆ.ಎಸ್.ಭರತ್ ಆಗಿದ್ದಾರೆ ನಿಜ. ಆದ್ರೆ, ಸಿಕ್ಕ ಅವಕಾಶ ಎನ್​ಕ್ಯಾಶ್ ಮಾಡಿಕೊಳ್ಳುವಲ್ಲಿ ಭರತ್ ವಿಫಲರಾಗಿದ್ದಾರೆ. ಇಂಥಹ ವೇಳೆ ಇಶಾನ್ ದುಲೀಪ್ ಟ್ರೋಫಿಯಲ್ಲಿ ಅದ್ಬುತ ಪ್ರದರ್ಶನ ನೀಡಿ ಪ್ಲೇಯಿಂಗ್ ಇಲೆವೆನ್​ನಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳುವ ಎಲ್ಲಾ ಚಾನ್ಸ್​ ಇತ್ತು. ಆದ್ರೆ, ಏಷ್ಯನ್ ಕಂಡೀಷನ್ಸ್​ನಲ್ಲಿ ಆಡಿರೋ ಅನುಭವ ಹೊಂದಿರೋ ಕೆ.ಎಸ್​.ಭರತ್​ ಮತ್ತೆ ಸ್ಥಾನವನ್ನ ರಿಟೈನ್ ಮಾಡಿಕೊಳ್ಳೋದ್ರಲ್ಲಿ ಅನುಮಾನವೇ ಇಲ್ಲ.

ರೆಡ್ ಬಾಲ್ ಕ್ರಿಕೆಟ್​ ಮೇಲೆ ಇಶಾನ್​ಗೆ ಇಲ್ವಾ ಇಂಟ್ರೆಸ್ಟ್​​..?

ಸಹಜವಾಗೇ ಈ ಪ್ರಶ್ನೆ ಕ್ರಿಕೆಟ್​ ವಲಯದಲ್ಲಿ ಕಾಡ್ತಿದೆ. ಈಗಾಗಲೇ ವೈಟ್​ಬಾಲ್ ಕ್ರಿಕೆಟ್​ನ ಸ್ಪೆಷಲಿಸ್ಟ್​ ಆಗಿ ಗುರುತಿಸಿಕೊಂಡಿರುವ ಇಶಾನ್, ಏಕದಿನ ಹಾಗೂ ಟಿ20 ಫಾರ್ಮೆಟ್​ನಲ್ಲಿ ಅಟ್ಯಾಕಿಂಗ್ ಅಪ್ರೋಚ್ ಆಫ್ ಬ್ಯಾಟಿಂಗ್ ಶೈಲಿಯಿಂದ ಗುರುತಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ.! ಕಳೆದ ರಣಜಿ ಟ್ರೋಫಿ ವೇಳೆಯೂ ಟೀಮ್ ಇಂಡಿಯಾ ಜೊತೆಯೇ ಟ್ರಾವೆಲ್ ಮಾಡಿದ್ದ ಇಶಾನ್, ಸರ್ವೀಸಸ್​ ಎದುರು ಆಡಿದ್ದ ಒಂದೇ ಒಂದು ರಣಜಿ ಪಂದ್ಯದಲ್ಲೂ  ವಿಫಲರಾಗಿದ್ದರು. ಆದ್ರೆ,  ಈ ಬೆನ್ನಲ್ಲೇ ಬಾಂಗ್ಲಾ ಪ್ರವಾಸದ ಏಕದಿನ ಪಂದ್ಯದಲ್ಲಿ ಡಬಲ್ ಸೆಂಚೂರಿ ಸಿಡಿಸಿದ್ದ ಇಶಾನ್, ಕೇವಲ ವೈಟ್​​​ಬಾಲ್​ನತ್ತಲೇ ದೃಷ್ಟಿ ನಟ್ಟಿದ್ದಾರಾ ಎಂಬ ಅನುಮಾನ ಮನೆ ಮಾಡಿದೆ.

ಒಟ್ನಲ್ಲಿ ರಿಯಲ್ ಕ್ರಿಕೆಟ್ ಅಂತಾನೇ ಕರೆಸಿಕೊಳ್ಳುವ ರೆಡ್​ಬಾಲ್ ಕ್ರಿಕೆಟ್​ನಿಂದ ಇಶಾನ್, ದೂರ ಸರಿಯುವ ನಿರ್ಧಾರ ಮುಂದಿನ ದಿನಗಳಲ್ಲಿ ಮುಳ್ಳಾದರೂ ಅಚ್ಚರಿ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ