‘ಹೆಡ್- ಅಭಿಷೇಕ್ ಬ್ಯಾಟಿಂಗ್​ನಿಂದ ಧೈರ್ಯ ಬರುತ್ತೆ’.. ಸೆಂಚುರಿ ಬಳಿಕ ಇಶನ್ ಕಿಶನ್ ಹೇಳಿದ್ದು ಏನು?

ತವರಿನ ಮೈದಾನದಲ್ಲಿ ರಾಜಸ್ಥಾನ್ ರಾಯಲ್ಸ್​ ವಿರುದ್ಧ ನಡೆದ ಪಂದ್ಯದಲ್ಲಿ ಸನ್​ರೈಸರ್ಸ್​ ಹೈದ್ರಾಬಾದ್ ತಂಡದ ಯುವ ಬ್ಯಾಟರ್ ಇಶನ್ ಕಿಶನ್ ಅತ್ಯದ್ಭುತವಾದ ಸೆಂಚುರಿ ಸಿಡಿಸಿ, ಸಂಭ್ರಮಿಸಿದ್ದಾರೆ. ಇವರ ಈ ಶತಕದಿಂದಾಗಿ ಹೈದ್ರಾಬಾದ್ ಟೀಮ್ ತಮ್ಮ ಆರಂಭದ ಪಂದ್ಯದಲ್ಲಿ 2ನೇ ಅತ್ಯಧಿಕ ರನ್​ (286/6) ಗಳಿಸಿ, ಇತಿಹಾಸ ನಿರ್ಮಿಸಿದೆ. ಭರ್ಜರಿ ಬ್ಯಾಟಿಂಗ್ ಮಾಡಿದ ಬಳಿಕ ಇಶನ್ ಕಿಶನ್ ಏನೆಂದು ಮಾತಾಡಿದ್ದಾರೆ ಎಂದರೆ..

ಪಂದ್ಯ ಮುಗಿದ ಮೇಲೆ ಮಾತನಾಡಿದ ಇಶನ್ ಕಿಶನ್ ಅವರು, ಕೆಲ ದಿನಗಳಿಂದ ನೋಡಿದರೆ ಇದು ಒಳ್ಳೆಯ ಫೀಲ್ ಆಗಿದೆ. ಕಳೆದ ಸೀಸನ್ ಅಲ್ಲೇ ಈ ಸಂತಸ ಪಡೆಯಲು ಬಯಸಿದ್ದೆ, ಆದರೆ ಈ ಬಾರಿ ಟೂರ್ನಿಯಲ್ಲಿ ಮೊದಲ ಶತಕ ಬಾರಿಸಿರುವುದು ನನಗೆ ಹ್ಯಾಪಿ. ಟೀಮ್ ನನ್ನ ಮೇಲೆ ನಂಬಿಕೆ ಇಟ್ಟಿದ್ದನ್ನ ಉಳಿಸಿಕೊಂಡೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಕಿಶನ್ ಸೆಂಚುರಿ ಸೆಲೆಬ್ರೆಷನ್.. ರಾಯಲ್ಸ್​ಗೆ 286 ರನ್​ಗಳ ಬಿಗ್ ಟಾರ್ಗೆ​ಟ್​ ಕೊಟ್ಟ ಹೈದ್ರಾಬಾದ್

ಹೈದ್ರಾಬಾದ್ ಕ್ಯಾಪ್ಟನ್ ತುಂಬಾ ಫ್ರೀಡಂ ಮತ್ತು ಕಾನ್ಫಿಡೆನ್ಸ್ ಕೊಟ್ಟಿದ್ದರು. ಅಲ್ಲದೇ ಹೈದ್ರಾಬಾದ್ ಮ್ಯಾನೇಜ್​ಮೆಂಟ್​ಗೆ ಧನ್ಯವಾದಗಳು. ಅಭಿಷೇಕ್ ಮತ್ತು ಹೆಡ್ ಕ್ರೀಸ್​ನಲ್ಲಿ ಬ್ಯಾಟಿಂಗ್ ಮಾಡುವಾಗ ಡಗೌಟ್‌ನಲ್ಲಿ ನಮ್ಮ ಬ್ಯಾಟ್ಸ್‌ಮನ್‌ಗಳಿಗೆ ಧೈರ್ಯ ಬಂರುತ್ತೆ. ನಾವೆಲ್ಲಾ ಯಾಕೆ ಹೀಗೆ ಬ್ಯಾಟಿಂಗ್ ಮಾಡಬಾರದು ಎಂದನಿಸಿತು. ಬೌಲರ್ಸ್ ಚೆನ್ನಾಗಿಯೇ ಬೌಲಿಂಗ್ ಮಾಡಿದರೂ, ಪಿಚ್ ಚೆನ್ನಾಗಿ ಗೊತ್ತಿದ್ದರಿಂದ ರಾಜಸ್ಥಾನ್ ಬೌಲರ್ಸ್​ ಅನ್ನು ಇಕ್ಕಟ್ಟಿಗೆ ಸಿಲುಕಿಸಲು ಪ್ಲಾನ್ ಮಾಡಲಾಗಿತ್ತು. ಬಾಲ್ ಪಾಯಿಂಟ್ ನೋಡಿ ಸಿಂಪಲ್ ಆಗಿಯೇ ಬ್ಯಾಟಿಂಗ್ ಮಾಡಿದೆ ಎಂದು ಇಶನ್ ಕಿಶನ್ ಹೇಳಿದ್ದಾರೆ.

ಇಶನ್ ಕಿಶನ್ ಅವರ ದಿನ ಚೆನ್ನಾಗಿತ್ತು ಅನಿಸುತ್ತದೆ. ಹೀಗಾಗಿಯೇ ಈ ವರ್ಷದ ಐಪಿಎಲ್​ ಸೀಸನ್​ ಅಲ್ಲಿ ಮೊಟ್ಟ ಮೊದಲು ಸೆಂಚುರಿ ಬಾರಿಸಿದ್ದಾರೆ. ರಾಜಸ್ಥಾನ್ ರಾಯಲ್ಸ್​ ಬೌಲರ್​ಗಳ ಬೌಲಿಂಗ್​ಗೆ ಹೇಗೆಂದರೆ ಹಾಗೇ ಬ್ಯಾಟ್ ಬೀಸಿದ ಕಿಶನ್​ ಕೇವಲ 45 ಬಾಲ್​ಗಳಲ್ಲಿ ಶತಕ ಸಿಡಿಸಿ, ಮೈದಾನದಲ್ಲಿ ಓಡಾಡಿ ಸಂಭ್ರಮಿಸಿದರು. 90 ರನ್ ಬಾರಿಸಿದಾಗಲೂ ಭಯ ಬೀಳದ ಕಿಶನ್ ಸಿಕ್ಸರ್ ಹೊಡೆದಿರುವುದು ಎಲ್ಲರೂ ಮೆಚ್ಚುವಂತಹದ್ದಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ