ಇರಾನ್​ ಮೇಲೆ US ಅಟ್ಯಾಕ್.. ಅಮೆರಿಕ ಸೇನೆಯ ಬಾಹುಬಲಿ ಬಿ-2 ಬಾಂಬರ್‌ ವಿಶೇಷತೆ ಏನು ಗೊತ್ತಾ..?

ಕಳೆದ ಎರಡು ದಿನಗಳ ಹಿಂದಷ್ಟೇ ಇರಾನ್ ವಿರುದ್ಧ ಇಸ್ರೇಲ್ ನಡೆಸಿದ ದಾಳಿಯಲ್ಲಿ ಅಮೆರಿಕ ಭಾಗವಹಿಸಬೇಕೇ ಬೇಡವೆ ಎಂಬ ಗೊಂದಲದಲ್ಲಿತ್ತು. ಇದೀಗ ಅಮೆರಿಕ ಇರಾನ್ ಮತ್ತು ಇಸ್ರೇಲ್ ನಡುವಿನ ಯುದ್ಧಕ್ಕೆ ನೇರವಾಗಿ ಎಂಟ್ರಿ ನೀಡಿದೆ. ಇರಾನ್‌ನ 3 ಪರಮಾಣು ತಾಣಗಳ ಮೇಲೆ ಅಮೆರಿಕ ಏರ್​ಸ್ಟ್ರೈಕ್ ಮಾಡಿದೆ. ಇರಾನ್‌ನ ಮೂರು ಪರಮಾಣು ತಾಣಗಳಾದ ಫೋರ್ಡೊ (Fordow), ನಟಾಂಜ್ (Natanz) ಮತ್ತು ಇಸ್ಫಹಾನ್ (Isfahan) ಮೇಲೆ ಅಮೆರಿಕ ವಾಯುದಾಳಿ ನಡೆಸಿದೆ.

ಇದನ್ನೂಓದಿ: ಇರಾನ್​ನ ಪರಮಾಣು ನೆಲೆಗಳನ್ನ ಧ್ವಂಸ ಮಾಡಿದ ಅಮೆರಿಕ.. ಬೆನ್ನಲ್ಲೇ ಟ್ರಂಪ್​ನಿಂದ ಮತ್ತೊಂದು ಧಮ್ಕಿ..!

ಮತ್ತೊಂದು ಕಡೆ ಅಮೆರಿಕ ಬಿ-2 ಬಾಂಬರ್‌ಗಳನ್ನ ಪೆಸಿಫಿಕ್ ದ್ವೀಪ ಗುವಾಮ್‌ಗೆ ರವಾನಿಸಿದೆ. ಈ ಮೂಲಕ ರಣರಂಗಕ್ಕೆ ಅಮೆರಿಕಾ ಎಂಟ್ರಿ ಆಗಿದೆ. ಹಾಗಾದ್ರೆ, ಬಿ2 ಬಾಂಬರ್‌ ಜೆಟ್​​ ಹೇಗೆ ಕಾರ್ಯಾಚರಣೆ ನಡೆಸಲಿದೆ.. ಇದರ ಸ್ಪೆಷಾಲಿಟಿ ಏನು ಅನ್ನೋ ವಿವರ ಹೀಗಿದೆ.

ಒನ್​ ಅಂಡ್ ಒನ್ಲಿ ಬಿ2 ಬಾಂಬರ್​

• ಸಾಮಾನ್ಯ, ಪರಮಾಣು ಶಸ್ತ್ರಾಸ್ತ್ರ ಹೊತ್ತೊಯ್ಯಬಲ್ಲದು
•  ಈವರೆಗೆ ನಿರ್ಮಿಸಿದ ಅತ್ಯಂತ ದುಬಾರಿ ಮಿಲಿಟರಿ ವಿಮಾನ
•  ಪ್ರತಿ ಬಿ-2 ವಿಮಾನಕ್ಕೆ 2.1 ಬಿಲಿಯನ್ ಡಾಲರ್​​ ವೆಚ್ಚ
•  6 ಸಾವಿರ ನಾಟಿಕಲ್ ಮೈಲುಗಳಿಗೂ ಹೆಚ್ಚು ನಿರಂತರ ಹಾರಾಟ
•  ಗಾಳಿಯಲ್ಲಿ ಇಂಧನ ತುಂಬುವ ಸಾಮರ್ಥ್ಯ ಹೊಂದಿದೆ
•  ನ್ಯೂಕ್ಲಿಯನ್​​​ನಂತಹ ಹೆಚ್ಚು ಬಲವರ್ಧಿತ ತಾಣಗಳ ಗುರಿ
•  40,000 ಪೌಂಡ್‌ ತೂಕದ ಬಾಂಬ್‌ ಹೊತ್ತೊಯ್ಯಬಲ್ಲದು
•  ಮ್ಯಾಸಿವ್‌ ಆರ್ಡನೆನ್ಸ್ ಪೆನೆಟ್ರೇಟರ್ ಹೊತ್ತೊಯ್ಯುವ ಜಗತ್ತಿನ ಏಕೈಕ ಜೆಟ್‌
•  JDAM, JSOW, JASSM ರೀತಿ ಬಾಂಬ್‌ ಸಾಗಾಣೆ
•  16 B83 ಪರಮಾಣು ಬಾಂಬ್‌ ಹಿಡಿದಿಟ್ಟುಕೊಳ್ಳುವ ಶಕ್ತಿ
•  ರಾಡಾರ್, ಕಡಿಮೆ ಗೋಚರತೆ ತಂತ್ರಜ್ಞಾನ ಹೊಂದಿದೆ

ಮೊನ್ನೆಯಷ್ಟೆ ಕತಾರ್ ನಲ್ಲಿರುವ ಮಿಲಿಟರಿ ನೆಲೆ ತೊರೆದಿದ್ದ ಅಮೆರಿಕಾ ವಿಮಾನಗಳು, ಬಹ್ರೇನ್​ನಲ್ಲಿರುವ ಯುಎಸ್ ನೌಕಾಪಡೆಯ 5ನೇ ಫ್ಲೀಟ್ ಬೇಸ್‌ನಲ್ಲಿರುವ ಹಡಗುಗಳು ಜಾಗ ಖಾಲಿ ಮಾಡಿದ್ವು. ಈ ಬೆಳವಣಿಗೆ ಅನುಮಾನಕ್ಕೆ ಎಡೆ ಮಾಡಿಕೊಟ್ಟಿತ್ತು.. ಯುದ್ಧದ ನಡುವಿನ ಈ ಜಾಗದಲ್ಲಿ ಸೇಫ್​ ಅಲ್ಲ ಅಂತ ಭಾವಿಸಿ ಅಮೆರಿಕಾ ಜಾಗ ಖಾಲಿ ಮಾಡಿತ್ತು. ಈಗ ಬಿ-2 ಎಂಟ್ರಿ ಕೊಟ್ಟಿದೆ. ಇತ್ತ, ಅಮೆರಿಕಾಕ್ಕೆ ಹೌತಿ ಉಗ್ರರು ಬೆದರಿಕೆ ಒಡ್ಡಿದ್ದಾರೆ. ರೆಡ್​ ಸೀನಲ್ಲಿ ರಕ್ತಪಾತದ ಎಚ್ಚರಿಕೆ ನೀಡಿರುವ ಹೌತಿ ಮುಖ್ಯಸ್ಥ, ಇಸ್ರೇಲ್​ನ್ನ ಬೆಂಬಲಿಸಿ ಯುದ್ಧಕ್ಕೆ ಬಂದಲ್ಲಿ ಅಮೆರಿಕಾದ ಶಿಪ್​ಗಳ ಮೇಲೆ ದಾಳಿ ನಡೆಸೋದಾಗಿ ಬೆದರಿಕೆ ಒಡ್ಡಿದೆ.

ಇದನ್ನೂ ಓದಿ: ಇರಾನ್​​ನ 120 ಕ್ಷಿಪಣಿ ಲಾಂಚ್ ಪ್ಯಾಡ್ ಧ್ವಂಸ.. 24 ಗಂಟೆಯಲ್ಲಿ 430 ಮಂದಿಯ ಜೀವ ಹೋಗಿದೆ..

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ