ಇರಾನ್​​ನ 120 ಕ್ಷಿಪಣಿ ಲಾಂಚ್ ಪ್ಯಾಡ್ ಧ್ವಂಸ.. 24 ಗಂಟೆಯಲ್ಲಿ 430 ಮಂದಿಯ ಜೀವ ಹೋಗಿದೆ..

ಯುದ್ಧ ಸದ್ಯಕ್ಕೆ ಮುಗಿಯೋ ಲಕ್ಷಣ ಕಾಣಿಸ್ತಿದ್ದು, ಅದು ದೀರ್ಘ ಕಾಲಕ್ಕೆ ಕೊಂಡೊಯ್ಯುವ ಸಾಧ್ಯತೆ ಹೆಚ್ಚುತ್ತಿದೆ. ಗಗನದಲ್ಲಿ ಇಸ್ರೇಲ್​ ರೌದ್ರಾವತಾರ ತಾಳಿದ್ದು, ಇರಾನ್​ ಸೇನಾ ನೆಲೆಗಳನ್ನ ಗುರಿಯಾಗಿಸಿದೆ.. ಇದೀಗ ಅಮೆರಿಕ ಕೂಡ ಇಸ್ರೇಲ್ ಜೊತೆ ಕೈಜೋಡಿಸಿದೆ.

ಮೊನ್ನೆಯಷ್ಟೆ ಬುಶತ್ ಅಣು ಸ್ಥಾವರ ಮೇಲೆ ಇಸ್ರೇಲ್​​​ ಮುಗಿಬಿದ್ದಿತ್ತು. ಇರಾನ್ ಮೇಲಿನ ದಾಳಿಯ ಎರಡನೇ ಹಂತದಲ್ಲಿ ಇಸ್ಫಹಾನ್ ಅಣು ಕೇಂದ್ರದ ಮೇಲೆ ದಾಳಿ​​ ನಡೆಸಿದೆ. ಎರಡು ಸೆಂಟ್ರಿಪ್ಯೂಜ್ ಉತ್ಪಾದನಾ ಕೇಂದ್ರಗಳ ಮೇಲೆ ರಾತ್ರಿ ಅಟ್ಯಾಕ್​​​ ಮಾಡಿದ್ದಾಗಿ ಇಸ್ರೇಲ್​​ ಹೇಳಿಕೊಂಡಿದೆ. ಅಲ್ಲಿ ದೊಡ್ಡ ಮಟ್ಟದ ಹಾನಿ ಸೃಷ್ಟಿಸಿದ್ದಾಗಿ ವಿಡಿಯೋ ರಿಲೀಸ್​​ ಮಾಡಿದೆ..
ಸತತ ದಾಳಿಯು ಇರಾನ್​​​ ಉತ್ಪಾದನಾ ಬಯಕೆಯ ಸಾಮರ್ಥ್ಯಕ್ಕೆ ಗಂಭೀರ ಹೊಡೆತ ಬಿದ್ದಿದೆ ಅಂತ ಹೇಳಿದೆ.. ಇಸ್ಫಹಾನ್​​ ಅಣು ಕೇಂದ್ರದಲ್ಲಿ ಯುರೇನಿಯಂ ಪರಿವರ್ತನಾ ವ್ಯವಸ್ಥೆ ಇದೆ ಅಂತ ಇಸ್ರೇಲ್​​​ ತಿಳಿಸಿದೆ. ಸ್ಯಾಟ್​ಲೈಟ್​ ಇಮೇಜ್​ ರಿಲೀಸ್​ ಮಾಡಿದೆ.. ಆದ್ರೆ ಅಣು ಸೋರಿಕೆ ಆಗಿಲ್ಲ ಅಂತ ಇರಾನ್​​​ ಸ್ಪಷ್ಟನೆ ಕೊಟ್ಟಿದೆ.

ಕಾಳರಾತ್ರಿಯಾದ ಕಾಳಗ!

ಇಸ್ರೇಲಿ ರಕ್ಷಣಾ ಪಡೆಗಳು ಶನಿವಾರ ರಾತ್ರಿ ಇರಾನ್‌ನ ನೈಋತ್ಯ ಪ್ರದೇಶ ಅಹ್ವಾಜ್‌ ಪ್ರದೇಶ ಗುರಿಯಾಗಿಸಿದೆ.. ಇಸ್ರೇಲ್ ಮೇಲಿನ ದಾಳಿಗಳಲ್ಲಿ ಹೆಚ್ಚು ಬಳಕೆ ಆಗಿದ್ದ ಈ ಪ್ರದೇಶದ ಮೇಲೆ ರಾತ್ರಿ ಟಾರ್ಗೆಟ್​​ ಮಾಡಿದೆ.. ಡಜನ್‌ಗಟ್ಟಲೆ ಮಿಲಿಟರಿ ನೆಲೆಗಳ ಮೇಲೆ ಸುಮಾರು 30 ಇಸ್ರೇಲ್​ ಜೆಟ್​ಗಳು 50ಕ್ಕೂ ಹೆಚ್ಚು ಕಡೆ ವಿಧ್ವಂಸಕ ದಾಳಿ ಮಾಡಿವೆ. ಮುಖ್ಯವಾಗಿ ಇರಾನ್​ನ 120 ಕ್ಷಿಪಣಿ ಲಾಂಚ್​ ಪ್ಯಾಡ್​​​ಗಳನ್ನ ಧ್ವಂಸ ಮಾಡಿದ್ದಾಗಿ ಹೇಳಿದೆ. ರಾಡಾರ್ ಪತ್ತೆ ವ್ಯವಸ್ಥೆಗಳು, ವೈಮಾನಿಕ ಕಣ್ಗಾವಲು ತಂತ್ರಜ್ಞಾನ, ಮಿಲಿಟರಿ ಮೂಲಸೌಕರ್ಯಗಳನ್ನ ಗುರಿಯಾಗಿಸಿದೆ. ಇರಾನ್​ ಸೇನೆಯ ಮೂವರು ಮುಖ್ಯ ಕಮಾಂಡರ್​ಗಳನ್ನ ಇಸ್ರೇಲ್​ ಫಿನಿಶ್​ ಮಾಡಿದೆ.

ಇದನ್ನೂ ಓದಿ: ಇರಾನ್ ಜೊತೆಗಿನ ಯುದ್ಧದಲ್ಲಿ ಇಸ್ರೇಲ್​ಗೆ ಭಾರೀ ಆರ್ಥಿಕ ಹೊರೆ -ಪ್ರತಿದಿನ ಎಷ್ಟು ಕೋಟಿ ರೂ ಖರ್ಚು ಆಗ್ತಿದೆ..?

ಕಳೆದ 24 ಗಂಟೆಗಳಲ್ಲಿ ಇರಾನ್​​-ಇಸ್ರೇಲ್​​​ ಒಳಗಡೆ 430 ಜನ ಸಾವನ್ನಪ್ಪಿದ್ದು, ಇರಾನ್​ನಲ್ಲಿ ಈವರೆಗೆ 3,500 ಜನ ಗಾಯಗೊಂಡಿದ್ದಾರೆ ಅಂತ ಇರಾನ್​ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ. ಸಂಘರ್ಷ ಅಂತ್ಯಗೊಳಿಸುವಂತೆ ಹಲವು ದೇಶಗಳ ಮನವಿಗೆ ಇಸ್ರೇಲ್​​ ಪ್ರಧಾನಿ ನೆತನ್ಯಾಹು, ಈ ಯುದ್ಧವೂ ಸಂಘರ್ಷವನ್ನ ಹೆಚ್ಚಿಸುವುದಿಲ್ಲ.. ಸಂಘರ್ಷವನ್ನ ಶಾಶ್ವತವಾಗಿ ಕೊನೆಗೊಳಿಸಲಿದೆ ಅಂತ ಮಾರ್ಮಿಕವಾಗಿ ಹೇಳಿದ್ದಾರೆ.. ಜೊತೆಗೆ ಲಾಂಗ್​ ವಾರ್​ಗೆ ಇಸ್ರೇಲ್​ ಸಿದ್ಧತೆ ನಡೆಸಿದೆ.. ತಾರ್ಕಿಕ ಅಂತ್ಯಕ್ಕೆ ಕೊಂಡೊಯ್ಯಲು ಸಕಲ ತಯಾರಿ ಆರಂಭಿಸಿದೆ..

ಇರಾನ್​ನಲ್ಲಿ ಕಳೆದ ಬುಧವಾರದಿಂದ ಇಂಟರ್​ನೆಟ್​​ ಬಂದ್ ಮಾಡ್ಲಾಗಿದೆ. ಕಳೆದ 72 ಗಂಟೆಗಳಿಂದ ಸೈಬರ್​ ಅಟ್ಯಾಕ್​ ಆತಂಕದಿಂದ ಇಂಟರ್​ನೆಟ್​ ಕಂಪ್ಲೀಟ್​​​ ಆಗಿ ಸ್ಥಗಿತ ಆಗಿದೆ. ಈ ಯುದ್ಧ ಪೂರ್ಣ ಪ್ರಮಾಣಕ್ಕೆ ತಿರುಗಿದಲ್ಲಿ ಇರಾನ್​​​ ಸುಪ್ರೀಂ ಲೀಡರ್​​​ ಖಮೇನಿ ಮುಗಿಸಲು ಸಂಚು ರೂಪಿಸಲಾಗ್ತಿದ್ದು, ಭವಿಷ್ಯದ ನಾಯಕತ್ವ ಸಿದ್ಧಗೊಳಿಸಲು ಉತ್ತರಾಧಿಕಾರಿ ಹುಡುಕಾಟ ನಡೆಸಿದ್ದಾರೆ ಅಂತ ಗೊತ್ತಾಗಿದೆ. ಒಟ್ಟಾರೆ, ಇರಾನ್​-ಇಸ್ರೇಲ್​ ಸಂಘರ್ಷ ತಾರಕಕ್ಕೇರಿದ್ದು, ಮಧ್ಯಪ್ರಾಚ್ಯ ದೇಶಗಳು ಮೌನವಹಿಸಿವೆ. ಈ ಬೆಳವಣಿಗೆ ಮುಸ್ಲಿಂ ಜಗತ್ತಿನ ನಾಯಕತ್ವದ ಶೀತಲ ಸಮರವೂ ಇಣುಕ್ತಿದೆ.

ಇದನ್ನೂ ಓದಿ: BREAKING: ಇಸ್ರೇಲ್-ಇರಾನ್ ಯುದ್ಧಕ್ಕೆ ಅಮೆರಿಕ ಅಧಿಕೃತ ಎಂಟ್ರಿ; ಇರಾನ್​​ನ 3 ಕಡೆ ಟ್ರಂಪ್ ಸೇನೆ ಏರ್​​ಸ್ಟ್ರೈಕ್..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ