ಇರಾನ್ ಜೊತೆಗಿನ ಯುದ್ಧದಲ್ಲಿ ಇಸ್ರೇಲ್​ಗೆ ಭಾರೀ ಆರ್ಥಿಕ ಹೊರೆ -ಪ್ರತಿದಿನ ಎಷ್ಟು ಕೋಟಿ ರೂ ಖರ್ಚು ಆಗ್ತಿದೆ..?

ಇಸ್ರೇಲ್ ಮತ್ತು ಇರಾನ್ ನಡುವಿನ ಯುದ್ಧ 9 ದಿನಗಳಿಂದ ನಡೆಯುತ್ತಿದೆ. ಇಸ್ರೇಲ್ ವಾಯುದಾಳಿ ನಡೆಸ್ತಿದ್ರೆ, ಇರಾನ್ ಮಿಸೈಲ್​​ಗಳ ಮಳೆಯನ್ನೇ ಸುರಿಸ್ತಿದೆ.. ಸಾವು-ನೋವುಗಳ ಮೃದಂಗ ಬಾರಿಸ್ತಿದೆ.. ಇಡೀ ಜಗತ್ತು ಮಧ್ಯಪ್ರಾಚ್ಯದ ಈ ಭಯಾನಕದ ಯುದ್ಧದ ದೃಶ್ಯಗಳನ್ನ ವೀಕ್ಷಿಸ್ತಿದೆ..

8 ದಿನಗಳಲ್ಲಿ ಇಸ್ರೇಲ್​ ಮೇಲೆ 500ಕ್ಕೂ ಹೆಚ್ಚು ಮಿಸೈಲ್​ ದಾಳಿ!

ಮೊನ್ನೆಯಷ್ಟೆ ಇಸ್ರೇಲ್‌ನ ದಕ್ಷಿಣ ಭಾಗದಲ್ಲಿ ಬೀರ್‌ಶೆಬಾ ನಗರದ ಸೊರೊಕಾ ಆಸ್ಪತ್ರೆಯ ಮೇಲೆ ಇರಾನ್ ಕ್ಷಿಪಣಿ ದಾಳಿ ನಡೆಸಿತ್ತು.. ಈ ಬೆನ್ನಲ್ಲೆ ಇರಾನ್​ನ ಕ್ಷಿಪಣಿಯೊಂದು ಮಕ್ಕಳ ಡೇಕೇರ್ ಕೇಂದ್ರಕ್ಕೂ ನುಗ್ಗಿದೆ.. ಇರಾನ್​ ನಡೆಸಿದ ಕ್ಷಿಪಣಿ ದಾಳಿಯ ವಿಡಿಯೋವನ್ನ ಇಸ್ರೇಲಿ ಸೇನೆ ಹಂಚಿಕೊಂಡಿದೆ.. ಇತ್ತ, ಇಸ್ರೇಲ್ ಸೇನೆಯು 3 ಮುಖಾಮುಖಿ ಕ್ಷಿಪಣಿ ಉಡಾವಣಾ ಸಾಧನಗಳನ್ನ ಧ್ವಂಸಗೊಳಿಸಿದ್ದಾಗಿ ಹೇಳಿದೆ..

ಈ ಯುದ್ಧದಲ್ಲಿ ಈವರೆಗೆ ಇರಾನ್​ 500ಕ್ಕೂ ಹೆಚ್ಚು ಕ್ಷಿಪಣಿಗಳನ್ನ ಇಸ್ರೇಲ್​​ ಮೇಲೆ ಹಾರಿಸಿದೆ.. ಕಳೆದ ಎರಡು ದಿನದ ಹಿಂದೆ 35 ಮಿಸೈಲ್​​​ ಹಾರಿಸಿದ್ದ ಇರಾನ್​​, ಕಳೆದ ಶುಕ್ರವಾರದಿಂದ ಈವರೆಗೆ 520 ಕ್ಷಿಪಣಿಗಳು ನುಗ್ಗಿಸಿದೆ.. ಮುಖ್ಯವಾಗಿ ಇಸ್ರೇಲ್ ಆಕ್ರಮಿತ ಪ್ರದೇಶಗಳ ಮೇಲೂ ಇರಾನ್​​​ನ ಮಿಸೈಲ್​​​ಗಳನ್ನ ಸುರಿಸಿದೆ.. ಇಸ್ರೇಲ್​​​ನ ಹೈಫಾ ನಗರದ ಮೇಲಂತು ಬ್ಯಾಲಿಸ್ಟಿಕ್ ಕ್ಷಿಪಣಿಗಳು ಅಪ್ಪಳಿಸಿವೆ..

ಇದನ್ನೂ ಓದಿ: ಭಾರತ- ಕೆನಡಾ ಮತ್ತೆ ದೋಸ್ತಿ, ಅಮೆರಿಕಾಕ್ಕೆ ಕರೆದರೂ ಬರಲ್ಲ ಎಂದ ಪ್ರಧಾನಿ ಮೋದಿ!!

ಇರಾಕ್​, ಸಿರಿಯಾ-ಜೋರ್ಡಾನ್​ ವಾಯುಗಡಿಯಲ್ಲಿ ಆರ್ಭಟ

ಈ ಯುದ್ಧ ಕೇವಲ ಇರಾನ್​ ಮತ್ತು ಇಸ್ರೇಲ್​ಗೆ ಸೀಮಿತವಾಗಿಲ್ಲ.. ಅದು ಮಧ್ಯಪ್ರಾಚ್ಯಗಳ ಇತರ ದೇಶಗಳ ಸೀಮೆಗಳ ಉಲ್ಲಂಘನೆ ಆಗುವ ಸಾಧ್ಯತೆ ಇದೆ.. ನಿನ್ನೆ ಸರಿ ಸುಮಾರು 50 ಇಸ್ರೇಲ್​ ಯುದ್ಧ ವಿಮಾನಗಳು ನಮ್ಮ ವಾಯುಪ್ರದೇಶವನ್ನ ಉಲ್ಲಂಘಿಸಿವೆ ಅಂತ ಇರಾಕ್ ಆರೋಪಿಸಿದೆ.. ಬಸ್ರಾ, ನಜಾಫ್ ಮತ್ತು ಕರ್ಬಲಾ ನಗರಗಳ ಮೇಲೆ ಹಾರಾಡಿವೆ.. ಸಿರಿಯನ್-ಜೋರ್ಡಾನ್ ಗಡಿ ಪ್ರದೇಶಗಳಲ್ಲೂ ಇಸ್ರೇಲ್​ ಯುದ್ಧ ವಿಮಾನಗಳ ಆರ್ಭಟ ಕಾಣಿಸಿದೆ..

ಅಮೆರಿಕಾ ಬಾರದಿದ್ದರೂ ಸಿಂಗಲ್​ ಆಗಿ ಹ್ಯಾಂಡಲ್​!

ಇಸ್ರೇಲ್​​​ ಪರವಾಗಿ ಯುದ್ಧರಂಗಕ್ಕೆ ಅಮೆರಿಕಾ ರಂಗಪ್ರವೇಶದ ಬಗ್ಗೆ ಗೊಂದಲ ಮುಂದುವರಿದಿದೆ.. ಅಮೆರಿಕಾದ ಈ ನಡೆ ಬಗ್ಗೆ ವಿಶ್ವದಲ್ಲಿ ಕುತೂಹಲಕ್ಕೆ ಕಾರಣ ಆಗಿದೆ.. ಇಸ್ರೇಲ್​ನ್ನ ಒಂಟಿಯಾಗಿ ಯುದ್ಧಕ್ಕೆ ನುಗ್ಗಿಸಿ ಸೈಲೆಂಟ್​​ ಆಯ್ತಾ ಅನ್ನೋ ಚರ್ಚೆ ನಡೀತಿದೆ.. ಆದ್ರೆ, ನಿನ್ನೆ ಶ್ವೇತಭವನದಲ್ಲಿ ಉನ್ನತ ಅಧಿಕಾರಿಗಳ ಜೊತೆ ಅಧ್ಯಕ್ಷ ಟ್ರಂಪ್​​​​, ರಾಷ್ಟ್ರೀಯ ಭದ್ರತಾ ಸಭೆಯನ್ನ ನಡೆಸಿದ್ದಾರೆ.. ಅಮೆರಿಕಾ ಮಧ್ಯಪ್ರವೇಶಿಸದಿರಲು ನಿರ್ಧರಿಸಿದರೆ ಇಸ್ರೇಲ್ ಸ್ವತಂತ್ರವಾಗಿ ಕಾರ್ಯನಿರ್ವಹಿಸಲು ಸಿದ್ಧ.. ಏನು ಮಾಡಬೇಕೆಂದು ನಮಗೆ ತಿಳಿದಿದೆ ಅಂತ ಇಸ್ರೇಲ್ ಐಸಾಕ್ ಹೆರ್ಜಾಗ್ ಹೇಳಿದ್ದಾರೆ..

ಇದನ್ನೂ ಓದಿ: Israel-Iran War: ಯುದ್ಧಭೂಮಿಗೆ ಟ್ರಂಪ್​ ಎಂಟ್ರಿ ಗೊಂದಲ.. ಅಮೆರಿಕಗೆ ರಷ್ಯಾ, ಕೋರಿಯಾ ಎಚ್ಚರಿಕೆ..

ಈ ಹೇಳಿಕೆ ಹೊರಬಿದ್ದ ಕೆಲವೇ ಘಂಟೆಗಳಲ್ಲಿ 60ಕ್ಕೂ ಹೆಚ್ಚು ಇಸ್ರೇಲ್​​ ಫೈಟರ್​​​ಜೆಟ್​​ಗಳು ಆಗಸದಲ್ಲಿ ಘೀಳಿಟ್ಟವು.. ಟೆಹ್ರಾನ್‌ನ ಹೃದಯಭಾಗಕ್ಕೆ ನುಗ್ಗಿದ ಜೆಟ್​​ಗಳು, ಬಹು ಮಿಲಿಟರಿ ಬೇಸ್​​​ಗಳ ಮೇಲೆ ಬಾಂಬ್​​ಗಳ ಮಳೆ ಸುರಿಸಿದ್ದಾಗಿ ಇಸ್ರೇಲ್​ ಹೇಳ್ಕೊಂಡಿದೆ.. ಟೆಹ್ರಾನ್​​ನಲ್ಲಿ ಶುಕ್ರವಾರ ರಾತ್ರಿ 8:45ಕ್ಕೆ ಭಾರೀ ಸ್ಫೋಟ ಕೇಳಿಸಿದೆ.. ನೈಋತ್ಯ ಇರಾನ್‌ನ ಖುಜೆಸ್ತಾನ್ ಪ್ರಾಂತ್ಯದಲ್ಲಿ ಹಲವಾರು ಸ್ಫೋಟಗಳು ವರದಿಯಾಗಿದೆ..

ಯುದ್ಧ ಹೊರೆ!

• ಇರಾನ್ ಜೊತೆಗಿನ ಯುದ್ಧದಲ್ಲಿ ಇಸ್ರೇಲ್​ಗೆ ಭಾರೀ ಆರ್ಥಿಕ ಹೊರೆ
•  ಪ್ರತಿದಿನ ಸುಮಾರು 6 ಸಾವಿರದ 300 ಕೋಟಿ ರೂಪಾಯಿ ಖರ್ಚು
•  ಕಳೆದ 8 ದಿನದಲ್ಲಿ ಸುಮಾರು 50 ಸಾವಿರ ಕೋಟಿ ರೂಪಾಯಿ ವ್ಯಯ
•  ಯುದ್ಧದ ಮೊದಲ 2 ದಿನದಲ್ಲಿ ₹12 ಸಾವಿರದ 200 ಕೋಟಿ ಖರ್ಚು
•  ವಾಯುದಾಳಿ, ಕ್ಷಿಪಣಿ ಮತ್ತು ಮದ್ದುಗುಂಡುಗಳಿಗಾಗಿ ಇಸ್ರೇಲ್​​​ ವೆಚ್ಚ
• ವಾಯು ರಕ್ಷಣಾ ವ್ಯವಸ್ಥೆಗೂ ಸಾಕಷ್ಟು ಹಣ ವ್ಯಯಿಸ್ತಿರುವ ಇಸ್ರೇಲ್​​

ಒಟ್ಟಾರೆ, ಒಂದ್ಕಡೆ ಯುದ್ಧ ನಡೀತಿದೆ.. ಯುದ್ಧತಂತ್ರ ಕೇವಲ ರಣರಂಗದಲ್ಲಿ ಮಾತ್ರವಲ್ಲ, ಸಂಧಾನ ಮಾತುಕತೆಯ ಟೇಬಲ್​ ಮೇಲೂ ಆಗ್ತಿದೆ.

ಇದನ್ನೂ ಓದಿ: ನಿಗೂಢವಾಗಿದ್ದ ನಿತ್ಯಾನಂದನ ಕೈಲಾಸ ರಾಷ್ಟ್ರದ ಜಾಗ ಬಹಿರಂಗ.. ಕೋರ್ಟ್​ನಲ್ಲಿ ಶಿಷ್ಯರಿಂದ ಅಸಲಿ ಸತ್ಯ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ