ಇಸ್ರೇಲ್ ಮತ್ತು ಇರಾನ್ ನಡುವೆ ಯುದ್ಧದ ಕಾರ್ಮೋಡ

200ಕ್ಕೂ ಹೆಚ್ಚಿನ ಮಿಸೈಲ್‌ಗಳ ದಾಳಿ ನಡೆಸಿದ ಇರಾನ್‌

ನಾಗರಿಕರ ರಕ್ಷಣೆಗೆ ಇಸ್ರೇಲ್ ಬಳಿ ಇದೆ ವಿಶೇಷ ಅಸ್ತ್ರ..

ಇಸ್ರೇಲ್‌ ಮೇಲೆ ಇರಾನ್‌ನಿಂದ ಏಕಕಾಲದಲ್ಲಿ 200ಕ್ಕೂ ಹೆಚ್ಚಿನ ಮಿಸೈಲ್‌ಗಳ ದಾಳಿ ನಡೆಸಲಾಗಿದ್ದು, ಇರಾನ್‌ ದಾಳಿಗೆ 8 ಮಂದಿ ಇಸ್ರೇಲಿಗರು ಸಾವನ್ನಪ್ಪಿದ್ದಾರೆ. ಇಸ್ರೇಲ್‌ನ ಜೆರುಸಲೇಮ್​, ಟೆಲ್​ಅವೀವ್​ ಸೇರಿದಂತೆ ಹಲವೆಡೆ ಕ್ಷಿಪಣಿ ಸೈರನ್‌ಗಳ ಸದ್ದು ಕೇಳಿ ಬರ್ತಿದ್ದಂತೆ ಸಾವಿರಾರು ಜನರು ಬಾಂಬ್‌ ಶೆಲ್ಟರ್‌ಗಳಿಗೆ ಶಿಫ್ಟ್‌ ಆಗಿದ್ದಾರೆ.

ಅಚ್ಚರಿಯ ವಿಚಾರ ಏನೆಂದರೆ 200ಕ್ಕೂ ಅಧಿಕ ಕ್ಷಿಪಣಿಗಳನ್ನು ಉಡಾಯಿಸಿದರೂ, ಇಸ್ರೇಲ್​ನಲ್ಲಿ ಕಡಿಮೆ ಅನಾಹುತ ಸಂಭವಿಸಿದೆ. ಅದಕ್ಕೆಲ್ಲ ಕಾರಣ, ಐರನ್ ಡೋಮ್ (Iron dome) ಏರ್ ಡಿಫೆನ್ಸ್​ ಸಿಸ್ಟಮ್ಸ್. ಇರಾನ್ ದಾಳಿಯಿಂದ ಇಸ್ರೇಲ್ ನಾಗರಿಕರನ್ನು ರಕ್ಷಿಸಿದ್ದು ಐರನ್ ಡೋಮ್, ಆ್ಯರೋ ಸಿಸ್ಟಮ್ (Arrow systems). ಕಷ್ಟದ ಪರಿಸ್ಥಿತಿಯಲ್ಲಿ ಅನುಕೂಲ ಆಗಲಿ ಎಂದು ಇಸ್ರೇಲ್ ಮಿಸೈಲ್ ಅಲರ್ಟ್​ ಸಿಸ್ಟಮ್ ಅಭಿವೃದ್ಧಿಪಡಿಸಿದೆ. ಅದೀಗ ಯುದ್ಧದ ಪರಿಸ್ಥಿತಿಯಲ್ಲಿ ಅಲ್ಲಿನ ನಾಗರಿಕರಿಗೆ ಜೀವ ಉಳಿಸಿಕೊಳ್ಳಲು ಅನುಕೂಲ ಆಗಿದೆ.

ಇದನ್ನೂ ಓದಿ:Iran Israel war: ಘೋರ ಯುದ್ಧ ನಡೆದರೆ ಯಾರಿಗೆ ಮೇಲುಗೈ ಆಗಬಹುದು..?

ಇದು ಇಸ್ರೇಲ್​ನಲ್ಲಿ ನಾಗರಿಕರಿಗೆ ಪರ್ಸನಲ್ ಆಗಿ ಮೆಸೇಜ್‌ ಕಳುಹಿಸಲಿದೆ. ಈ ವ್ಯವಸ್ಥೆಯಿಂದಾಗಿ ಅಲ್ಲಿನ ನಾಗರಿಕರು ಬದುಕುಳಿದಿದ್ದಾರೆ. ಮಿಸೈಲ್ ಆಲರ್ಟ್​ಗಾಗಿ ಪರ್ಸನಲ್ ಮೇಸೇಜ್ ಅನ್ನು ಮೊಬೈಲ್‌ಗೆ ಕಳುಹಿಸುವ ವ್ಯವಸ್ಥೆ ಜಾರಿಯಲ್ಲಿದೆ. ಕಳೆದ ಆಗಸ್ಟ್ ತಿಂಗಳಿನಿಂದ ಪರ್ಸನಲ್ ಮೆಸೇಜ್ ಅಲರ್ಟ್ ಸಿಸ್ಟಮ್ ಜಾರಿಯಾಗಿದೆ. ಎಮರ್ಜೆನ್ಸಿ ಮೆಸೇಜ್​ಗಳು ನೇರವಾಗಿ ನಾಗರಿಕರ ಮೊಬೈಲ್​ಗೆ ಕಳುಹಿಸಲಾಗುತ್ತದೆ.

ನಿನ್ನೆ ಇರಾನ್​ನಿಂದ ದಾಳಿ ನಡೆದಾಗಲೂ ಜನರಿಗೆ ಪರ್ಸನಲ್ ಮೆಸೇಜ್ ರವಾನೆಯಾಗಿದೆ. ಇದರಿಂದ ತಕ್ಷಣವೇ ಬಾಂಬ್ ಶೆಲ್ಟರ್, ಮಿಸೈಲ್ ಶೆಲ್ಟರ್, ಬಂಕರ್​​ಗಳಿಗೆ ಹೋಗಿ ನಾಗರಿಕರು ರಕ್ಷಣೆ ಪಡೆದಿದ್ದಾರೆ. ಇದರಿಂದ ಇರಾನ್ ನೂರಾರು ಮಿಸೈಲ್ ದಾಳಿ ನಡೆಸಿದರೂ, ಇಸ್ರೇಲ್​ನಲ್ಲಿ ಹೆಚ್ಚಿನ ಸಾವು-ನೋವು ಸಂಭವಿಸಿಲ್ಲ.

ಇದನ್ನೂ ಓದಿ:ಇಸ್ರೇಲ್​ ಮತ್ತು ಇರಾನ್​ ರಕ್ತಸಿಕ್ತ ಸಂಘರ್ಷ.. 200ಕ್ಕೂ ಹೆಚ್ಚು ಮಿಸೈಲ್ ಅಟ್ಯಾಕ್, 8 ಜನರು ಸಾವು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ