ಭಾರತದ ಮೊಟ್ಟ ಮೊದಲ ಖಾಸಗಿ ರೈಲ್ವೆ ನಿಲ್ದಾಣ ಯಾವುದು? ಯಾವ ರಾಜ್ಯದಲ್ಲಿದೆ ಅಂತ ಗೊತ್ತಾ?

ಭಾರತದ ರೈಲ್ವೆ ಸೇವೆಗೆ ಒಂದು ಇತಿಹಾಸವೇ ಇದೆ. ನೂರಾರು ವರ್ಷಗಳ ಇತಿಹಾಸ ಹೊಂದಿರುವ ಈ ರೈಲ್ವೆ ಸೇವೆ ಮೊದಲು ಬ್ರಿಟಿಷರ ಕಾಲದಲ್ಲಿ ಆರಂಭವಾಗಿಯಿತು ಆ ಮೇಲೆ ಭಾರತ ಸರ್ಕಾರದ ಸುಪರ್ಧಿಗೆ ಬಂತು. ಸರ್ಕಾರದ ಏಕಸ್ವಾಮ್ಯತೆ ಪಡೆದ ಒಂದೇ ಒಂದು ಕ್ಷೇತ್ರವಾಗಿ ಗುರುತಿಸಿಕೊಂಡಿತು. ನಿತ್ಯ ಕೋಟ್ಯಾಂತರ ಜನರು ಇಡೀ ದೇಶದಲ್ಲಿ ಭಾರತೀಯ ಟ್ರೈನ್​ಗಳಲ್ಲಿ ಪ್ರಯಾಣ ಮಾಡುತ್ತಾರೆ. ದೇಶದ ಎಲ್ಲಾ ರೈಲ್ವೆ ನಿಲ್ದಾಣಗಳಿಂದ ಹಿಡಿದು. ಆಹಾರ, ನೀರು ಪೂರೈಕೆಯವರೆಗೂ ಭಾರತ ಸರ್ಕಾರದ ಸ್ವಾಮಿತ್ವ ಇದೆ. ಆದರೆ ದೇಶದಲ್ಲಿ ಒಂದೇ ಒಂದು ರೈಲು ನಿಲ್ದಾಣ ಮಾತ್ರ ಖಾಸಗಿ ಸಂಸ್ಥೆಯಿಂದ ನಿರ್ವಹಿಸಲ್ಪಡುತ್ತದೆ.

ಇದನ್ನೂ ಓದಿ: ಏಷ್ಯಾದ ಸರ್ವ ಶ್ರೇಷ್ಠ 50 ರೆಸ್ಟೋರೆಂಟ್​ಗಳ ಪಟ್ಟಿಯಲ್ಲಿ ಭಾರತದ 2 ರೆಸ್ಟೋರೆಂಟ್​ಗಳು ಸೇರ್ಪಡೆ! ಯಾವುವು?

ಹೌದು, ರೈಲ್ವೆ ಇಲಾಖೆಯಲ್ಲಿ ಖಾಸಗಿ ಸಹಭಾಗಿತ್ವ ಹೊಂದಿರುವುದು ಭಾರತದ ಈ ಒಂದೇ ಒಂದು ರೈಲ್ವೆ ನಿಲ್ದಾಣ ಮಾತ್ರ. ಉಳಿದ ಎಲ್ಲಾ ರೈಲು ನಿಲ್ದಾಣಗಳು ಭಾರತೀಯ ರೈಲ್ವೆ ಇಲಾಖೆಯಿಂದಲೇ ನಿರ್ಹವಣೆಯಾಗುತ್ತವೆ. ಹಾಗಾದ್ರೆ ಯಾವುದು ಆ ರೈಲ್ವೆ ನಿಲ್ದಾಣ. ಅದರ ವಿಶೇಷತೆ ಏನು ಎಂಬ ಬಗ್ಗೆ ನಾವು ಇಲ್ಲಿ ನಿಮಗೆ ತಿಳಿಸುತ್ತೇವೆ.

ಭಾರತದ ಏಕೈಕ ಖಾಸಗಿ ರೈಲ್ವೆ ನಿಲ್ದಾಣ ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್​ನಲ್ಲಿದೆ.ಇದರ ಹೆಸರು ರಾಣಿ ಕಮಲಾಪತಿ ಎಂದು. ಈ ರೈಲ್ವೆ ನಿಲ್ದಾಣವನ್ನು ಮೊದಲು ಹಬಿಬಗಂಜ್ ರೈಲ್ವೆ ನಿಲ್ದಾಣ ಎಂಬ ಹೆಸರನಿಂದ ಕರೆಯಲಾಗುತ್ತಿತ್ತು. ಕೊನೆಗೆ ಈ ರೈಲ್ವೆ ನಿಲ್ದಾಣವನ್ನು ಸಾರ್ವಜನಿಕ ಮತ್ತು ಖಾಸಗಿ ಸಹಭಾಗಿತ್ವದಲ್ಲಿ ಅಭಿವೃದ್ಧಿಪಡಿಸಲಾಯ್ತು. ಜೂನ್ 2017ರಲ್ಲಿ ರಾಣಿ ಕಮಲಾಪತಿ ರೈಲ್ವೆ ನಿಲ್ದಾಣ ಖಾಸಗಿ ಸಹಭಾಗಿತ್ವದಲ್ಲಿ ಅಭಿವೃದ್ಧಿ ಪಡಿಸಲಾಯ್ತು. 2021ರಲ್ಲಿ ಹಬಿಬಗಂಜ್ ರೈಲ್ವೆ ನಿಲ್ದಾಣದ ಹೆಸರನ್ನು ರಾಣಿ ಕಮಲಾಪತಿ ರೈಲ್ವೆ ನಿಲ್ದಾಣವೆಂದು ಬದಲಾಯಿಸಲಾಯ್ತು.

ಇದನ್ನೂ ಓದಿ:ವಿಶ್ವದ ಅತಿ ಎತ್ತರದ ರೈಲ್ವೆ ಬ್ರಿಡ್ಜ್‌.. ಕಾಶ್ಮೀರಕ್ಕೆ ನೇರ ರೈಲು ಮಾರ್ಗ ಉದ್ಘಾಟನೆ ಯಾವಾಗ; ಏನಿದರ ವಿಶೇಷತೆಗಳು?

ರಾಣಿ ಕಮಲಾಪತಿ ರೈಲ್ವೆ ನಿಲ್ದಾಣ ಯಾವುದೇ ಐಷಾರಾಮಿ ಹೋಟೆಲ್ ಹಾಗೂ ಮಹಲ್​ಗೆ ಕಡಿಮೆಯಿಲ್ಲ. ಈ ರೈಲ್ವೆ ನಿಲ್ದಾಣದಲ್ಲಿ ಶಾಪಿಂಗ್ ಸ್ಟೋರ್​, ರೆಸ್ಟೋರೆಂಟ್​ ಹಾಗೂ ವಿಶಾಲ ಪಾರ್ಕಿಂಗ್​ನಂತಹ ವ್ಯವಸ್ಥೆಗಳಿವೆ. ಈ ಒಂದು ರೈಲ್ವೆ ನಿಲ್ದಾಣವನ್ನು ಬನ್ಸಲ್ ಗ್ರೂಪ್​ನವರು ಅಭಿವೃದ್ಧಿಪಡಿಸಿದ್ದಾರೆ. 8 ವರ್ಷಗಳ ಕಾಲ ಈ ರೈಲ್ವೆ ನಿಲ್ದಾಣದ ನಿರ್ಹವಹಣೆಯ ಜವಾಬ್ದಾರಿಯನ್ನು ಬನ್ಸಲ್ ಗ್ರೂಪ್​ನವರಿಗೆ ನೀಡಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ