ನಂಬಿದ್ರೆ ನಂಬಿ! ಬರೀ 2499 ರೂಪಾಯಿಗೆ ಫ್ಲಿಪ್​ ಫೋನ್​! ಒಂದು ಬಾರಿ ಚಾರ್ಜ್​ ಮಾಡಿದ್ರೆ 7 ದಿನ ಬರುತ್ತೆ!

Itel Flip One: ಫ್ಲಿಪ್​ ಸ್ಮಾರ್ಟ್​ಫೋನ್​ಗಳು ಭಾರತದ ಮಾರುಕಟ್ಟೆಯಲ್ಲಿ ತನ್ನದೇ ಆದ ಬೇಡಿಕೆಯನ್ನು ಪಡೆದಿವೆ. ಈಗಾಗಲೇ ಜನಪ್ರಿಯ ಕಂಪನಿಗಳು ಫ್ಲಿಪ್​ ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸಿದೆ. ಇದೀಗ ಐಟೆಲ್​ ಭಾರತೀಯ ಮಾರುಕಟ್ಟೆಯನ್ನು ಗುರಿಯಾಗಿಸಿಕೊಂಡು ಫ್ಲಿಪ್ ಒನ್​​ ಫೋನನ್ನು ಪರಿಚಯಿಸಿದೆ.

ಐಟೆಲ್​ ಪರಿಚಯಿಸಿರುವ ಫ್ಲಿಪ್​ ಫೋನ್​ ಕೀಪ್ಯಾಡ್​​ ಫೀಚರ್​ ಫೋನ್​ ಆಗಿದ್ದು, ಆಕರ್ಷಕ ವಿನ್ಯಾಸವನ್ನು ಹೊಂದಿದೆ. ಪ್ರೀಮಿಯಂ ಲೆದರ್​​ ಬ್ಯಾಕ್​ ಮತ್ತು ಗ್ಲಾಸ್​​ ಕೀಬೋರ್ಡ್​​ ವಿನ್ಯಾಸದಲ್ಲಿ ಪರಿಚಯಿಸಿದೆ.

ಇದನ್ನೂ ಓದಿ: BSNL ಮತ್ತಷ್ಟು ಗ್ರಾಹಕರ ಸ್ನೇಹಿ.. Jio, Airtelನಲ್ಲಿ ಇಲ್ಲದ ವಿಶೇಷ ಸೌಲಭ್ಯ, ದುಸ್ರಾ ಮಾತಾಡಂಗೇ ಇಲ್ಲ!

ಐಟೆಲ್​ ಫ್ಲಿಪ್​ ಒನ್​​​ 2.4 ಇಂಚಿನ ಡಿಸ್​​ಪ್ಲೇ ಹೊಂದಿದ್ದು, ಇದರಲ್ಲಿ 1200mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಒಂದು ಬಾರಿ ಚಾರ್ಜ್​ ಮಾಡಿದ್ರೆ 7 ದಿನಗಳವರೆಗೆ ಬರುತ್ತೆ. ಟೈಪ್​-ಸಿ ಚಾರ್ಜಿಂಗ್ ಪೋರ್ಟ್​​ನೊಂದಿಗೆ ಬರುತ್ತದೆ.

ಇದನ್ನೂ ಓದಿ: ಪ್ರೀತಿಸಿದ ಯುವಕನ ಜೊತೆಗೆ ಮದುವೆಗೆ ನಿರಾಕರಣೆ.. ಕುಟುಂಬದ 13 ಜನರನ್ನು ವಿಷ ಹಾಕಿ ಕೊಂದ ಯುವತಿ

ಗ್ರಾಹಕರಿಗಾಗಿ ಐಟೆಲ್​ ಫ್ಲಿಪ್​​ ಒನ್​​ ತಿಳಿ ನೀಲಿ, ಕಿತ್ತಳೆ ಮತ್ತು ಕಪ್ಪು ಬಣ್ಣದ ಆಯ್ಕೆಗಳಲ್ಲಿ ಪರಿಚಯಿಸಲಾಗಿದೆ. 2499 ರೂಪಾಯಿಗೆ ಖರೀದಿಸಲು ಸಿಗುತ್ತದೆ. ಇದರ ಖರೀದಿ ಜೊತೆಗೆ ಒಂದು ವರ್ಷದ ವ್ಯಾರಂಟಿಯನ್ನು ಕಂಪನಿ ನೀಡಿದೆ.

ಇದಲ್ಲದೆ ಈ ಫೋನಿನಲ್ಲಿ ಕಿಂಗ್​ ವಾಯ್ಸ್​ ವೈಶಿಷ್ಟ್ಯ, ಬ್ಲೂಟೂತ್​ ಕರೆ ಸೌಲಭ್ಯ, 13 ಭಾಷೆಗಳ ಬೆಂಬಲವನ್ನು ಐಟೆಲ್​​ ಫ್ಲಿಪ್​ ಒನ್​ ಪಡೆದಿದೆ. ಡ್ಯುಯೆಲ್​​ ಸಿಮ್​ ಕಾರ್ಡ್​ನಲ್ಲಿ. ವಿಜಿಎ ಕ್ಯಾಮೆರಾವನ್ನು ನೀಡಲಾಗಿದೆ. ಎಫ್​ಎಮ್​​ ರೇಡಿಯೋ ಕೂಡ ಆಲಿಸಬಹುದಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ