ಬಳ್ಳಾರಿ ಜೈಲಲ್ಲಿ ಜಾಮರ್​ ವರ್ಕ್​ ಆಗ್ತಿಲ್ಲ.. ಪರ್ಯಾಯ ವ್ಯವಸ್ಥೆ ಬಗ್ಗೆ DIG ಟಿಪಿ ಶೇಷಾ ಏನಂದ್ರು?

ರೇಣುಕಾಸ್ವಾಮಿ ಕೊಲೆ ಆರೋಪಿ ದರ್ಶನ್ ಪರಪ್ಪನ ಅಗ್ರಹಾರದಿಂದ ಬಳ್ಳಾರಿ ಜೈಲಿಗೆ ಶಿಫ್ಟ್​ ಆಗಿದ್ದಾರೆ. ಗುರುವಾರದಂದು ಬೆಳಗ್ಗೆ ಬಳ್ಳಾರಿ ಕೇಂದ್ರ ಕಾರಾಗೃಹ ಸೇರಿದ್ದಾರೆ. ​​ಸದ್ಯ 511 ನಂಬರ್​ನ ಕೈದಿಯಾಗಿರುವ A2 ಆರೋಪಿ ಕುರಿತು ಡಿಐಜಿ ಟಿಪಿ ಶೇಷಾ ಮಾತನಾಡಿದ್ದಾರೆ. ಈ ವೇಳೆ ಹಲವು ಸಂಗತಿಯನ್ನು ಬಿಚ್ಚಿಟ್ಟಿದ್ದಾರೆ.​

ಮಾಧ್ಯಮದವರೊಂದಿಗೆ ಮಾತನಾಡಿದ ಡಿಐಜಿ ಟಿಪಿ ಶೇಷಾರವರು, ಬಳ್ಳಾರಿ ಜೈಲಿನಲ್ಲಿ ಜಾಮರ್ ವರ್ಕ್ ಆಗೋದಿಲ್ಲ ಎಂದು ಹೇಳಿದ್ದಾರೆ. ಹಾಗಾಗಿ ಹೊಸ ಜಾಮರ್ ಅಳವಡಿಕೆ ಮಾಡಲಾಗುವುದು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಸೂರ್ಯ, ಚಂದ್ರ ಹಗಲು ರಾತ್ರಿ ಇದ್ರೆನೇ ಚಂದ; ದರ್ಶನ್ ಕುರಿತ ವಿಚಾರಕ್ಕೆ ಸುದೀಪ್ ಖಡತ್ ಮಾತು

ಬಳಿಕ ಮಾತನಾಡಿದ ಅವರು, ದರ್ಶನ್​ ಅವರನ್ನು ಬೇರೆಡೆ ಸೆಲ್‌ಗೆ ಸ್ಥಳಾಂತರ ಮಾಡಲಾಗುವುದಿಲ್ಲ ಎಂದು ಹೇಳಿದ್ದಾರೆ. ಅವರು ಮನವಿ ಮಾಡಿದ್ರೂ ಮಾಡೋದಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ದಿಢೀರ್​ ಸುದ್ದಿಗೋಷ್ಠಿ ಕರೆದ ನಟ ಸುದೀಪ್​.. ಬಳ್ಳಾರಿ ಸೆರೆಮನೆ ಸೇರಿದ ದರ್ಶನ್​ ಬಗ್ಗೆ ಕಿಚ್ಚ ಮಾತು

ಇನ್ನು ಜಿಮ್​ ಬೇಡಿಕೆಗಳನ್ನು ಕೇಳಿದ್ರೂ ಮಾಡಿಸಲ್ಲ. ದೇಹದ ತೂಕವನ್ನು ಬಳಸಿಕೊಂಡು ವ್ಯಾಯಾಮ ಮಾಡಬಹುದು. ಮೊದಲೆಲ್ಲಾ ಜಿಮ್​ ಇತ್ತಾ. ಗರಡಿ ಮನೆಗಳು ಇದ್ದವು. ಅದಕ್ಕೂ ಮುಂಚೆ ಪುಶ್​ ಅಪ್​​ ಮಾಡಿಕೊಂಡು ಇರುತ್ತಿದ್ದರಲ್ಲ ಎಂದು ಟಿಪಿ ಶೇಷಾ ಹೇಳಿದ್ದಾರೆ.

ದರ್ಶನ್​ ಮಾಡಿರೋ ಮನವಿ ಏನು?

ಸದ್ಯ ದರ್ಶನ್​ ಜೈಲಾಧಿಕಾರಿಗಳ ಬಳಿ ಸರ್ಜಿಕಲ್ ಚೇರ್‌ಗೆ ಮನವಿ ಮಾಡಿದ್ದಾರೆ. ಮೆಡಿಕಲ್ ರಿಪೋರ್ಟ್ ಪರಿಶೀಲನೆ ಮಾಡ್ತೀವಿ. ಅದರ ಬಳಿಕ ಏನು ನಿರ್ಣಯ ತೆಗೆದುಕೊಳ್ಳಬೇಕು ಅದನ್ನು ಮಾಡುತ್ತೀವೆ ಎಂದು ಡಿಐಜಿ ಟಿಪಿ ಶೇಷಾ ಹೇಳಿದ್ದಾರೆ.