ಸೇನೆಯ ಟಾರ್ಗೆಟ್ ಕೇವಲ ಉಗ್ರರು ಮಾತ್ರವಲ್ಲ.. ಧ್ವಂಸಗೊಂಡ ಮನೆಗಳು ಬೇರೆಯದ್ದೇ ಕತೆ ಹೇಳ್ತಿವೆ..

ಪಹಲ್ಗಾಮ್ ದಾಳಿಗೆ ಪ್ರತೀಕಾರ ತೀರಿಸಿಕೊಳ್ಳಲು ಸೇನೆ ನಡೆಸ್ತಿರುವ ಕಾರ್ಯಾಚರಣೆ ತೀವ್ರಗೊಂಡಿದೆ. ಇದೀಗ ಭಾರತೀಯ ಸೇನೆ ಜಮ್ಮು-ಕಾಶ್ಮೀರದ ಖುಲ್ಗಾಮ್​ನಲ್ಲಿ ಇಬ್ಬರನ್ನು ಅರೆಸ್ಟ್ ಮಾಡಲಾಗಿದೆ.

ಯಾರು ಅವರು..? 

ಬಂಧಿತ ಆರೋಪಿಗಳು ಉಗ್ರರಿಗೆ ನೆರವು ನೀಡಿದವರಾಗಿದ್ದಾರೆ. ಪೆಹಲ್ಗಾಮ್ ದಾಳಿಯ ಉಗ್ರರಿಗೆ ಇವರು ಸಹಾಯ ಮಾಡಿದವರು. ಬಂಧಿತರಿಂದ 2 ಪಿಸ್ತೂಲ್ ಹಾಗೂ ಮದ್ದುಗುಂಡು ವಶಕ್ಕೆ ಪಡೆದುಕೊಂಡು ವಿಚಾರಣೆ ನಡೆಸಲಾಗುತ್ತಿದೆ. ಅಲ್ಲದೇ ಅವರಿಂದ ಉಗ್ರರ ಬಗ್ಗೆ ಮಾಹಿತಿ ಕಲೆ ಹಾಕಲಾಗುತ್ತಿದೆ.

ಇದನ್ನೂ ಓದಿ: ಲೋಕಾಯುಕ್ತ ಬಲೆಗೆ ಬಿದ್ದು ಜೈಲು ಸೇರಿದ್ದ ಪುರಸಭೆ ಮುಖ್ಯಾಧಿಕಾರಿ ಸಾವು

ಆ ಮೂಲಕ ಭಾರತೀಯ ಸೇನೆಯ ಟಾರ್ಗೆಟ್ ಕೇಲವ ಉಗ್ರರು ಮಾತ್ರವಲ್ಲ. ಕಾಶ್ಮೀರದಲ್ಲಿ ಉಗ್ರರನ್ನು ಪೋಷಿಸುತ್ತಿರುವ ಕೆಲವು ದೇಶದ್ರೋಹಿಗಳನ್ನೂ ಟಾರ್ಗೆಟ್​ ಮಾಡ್ತಿದೆ. ಭಯೋತ್ಪಾದಕರಿಗೆ ಸಾಥ್ ಕೊಟ್ಟವರ ಮೇಲೂ ಸೇಡು ತೀರಿಸಿಕೊಳ್ಳಲು ಕೂಂಬಿಂಗ್ ಆರಂಭಿಸಿದೆ. ಅಂತೆಯೇ ಉಗ್ರರಿಗೆ ಸಾಥ್​ ನೀಡ್ತಿದ್ದ ಮೂವರ ಮನೆಗಳು ನೆಲಸಮಗೊಂಡಿವೆ. ಸೋಫಿಯಾನದ ಚೋಟಿಪೋರಾ, ಪುಲ್ಪಾಮದ ಮುರಾನ್​, ಕುಲ್ಗಾಮ್​ನ ಮಾತಲಹಮದಲ್ಲಿರೋ ಮೂರು ಮನೆಗಳು ಧ್ವಂಸ ಮಾಡಲಾಗಿದೆ. ಈಗ ಭಾರತೀಯ ಸೇನೆ ಒಟ್ಟು ಐವರು ಉಗ್ರರ ಧ್ವಂಸ ಮಾಡಿದೆ.

ಉಗ್ರರ ಮನೆಗಳು ಧ್ವಂಸ

1. ಸೋಫಿಯಾನ್​: ಶಾಹಿದ್​ ಅಹ್ಮದ್​ ಕುಟ್ಟಿ ಮನೆ ಧ್ವಂಸ

2. ಪುಲ್ವಾಮಾ: ಹ್ಯಾರಿಸ್​ ಅಹ್ಮದ್ ಮನೆ ನೆಲಸಮ​

3.ಪುಲ್ವಾಮಾ: ಆದಿಲ್​ ಹುಸೇನ್​ ಮನೆ ಛಿದ್ರ ಛಿದ್ರ

4.ಖುಲ್ಗಾಮ್​​: ಹಸನ್​ ಉಲ್​ಹಕ್​ ಶೇಖ್ ಮನೆ ​ಧ್ವಂಸ

5. ಅನಂತ್​ನಾಗ್​: ಆಸೀಫ್​ ಶೇಖ್​ ಮನೆ ನೆಲಸಮ​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ