ಮತ್ತೊಂದು ಅನಾಹುತ.. 140ಕ್ಕೂ ಹೆಚ್ಚು ಪ್ರಯಾಣಿಕರಿದ್ದ ವಿಮಾನಕ್ಕೆ ಡಿಕ್ಕಿ ಹೊಡೆದ ಇನ್ನೊಂದು ವಿಮಾನ..!

ಕಳೆದ ಒಂದು ವಾರದಿಂದ ವಿಮಾನ ಅಪಘಾತಗಳು ಹೆಚ್ಚು ಆಗುತ್ತಿವೆ. ಮೊನ್ನೆ ಮೊನ್ನೆಯಷ್ಟೇ ಅಮೆರಿಕದಲ್ಲಿ ಭೀಕರವಾಗಿ ಎರಡು ವಿಮಾನಗಳು ಅಪಘಾತಕ್ಕೆ ಒಳಗಾಗಿದ್ದವು. ಇದರ ಬೆನ್ನಲ್ಲೇ ಜಪಾನ್​ನಲ್ಲಿಯೂ ಎರಡು ವಿಮಾನಗಳ ನಡುವೆ ಡಿಕ್ಕಿಯಾಗಿದ್ದು 142 ಪ್ರಯಾಣಿಕರು ಫುಲ್ ಸೇಫ್ ಆಗಿದ್ದಾರೆ.

ಜಪಾನ್​ನ ಸೀಟಾಕ್ ವಿಮಾನ ನಿಲ್ದಾಣದಲ್ಲಿ ನಿಂತಿದ್ದ ಡೆಲ್ಟಾ ವಿಮಾನದ-1921 ಬಾಲಕ್ಕೆ, ಜಪಾನ್ ಏರ್​​ಲೈನ್ಸ್​ ವಿಮಾನದ ಒಂದು ಭಾಗದ ರೆಕ್ಕೆಯು ಡಿಕ್ಕಿಯಾಗಿದೆ. ಈ ಡಿಕ್ಕಿ ಸಂಭವಿಸಿದ ವೇಳೆ ಅದೃಷ್ಟವಶಾತ್ ಯಾವುದೇ ಬೆಂಕಿ ಕಾಣಿಸಿಕೊಂಡಿಲ್ಲ. ವಿಮಾನಕ್ಕೂ ಯಾವುದೇ ಹಾನಿಯಾಗಿಲ್ಲ. ಅಲ್ಲದೇ ಒಳಗಿದ್ದ ಪ್ರಯಾಣಿಕರಿಗೂ ಯಾವುದೇ ಗಾಯಗಳು ಆಗಿಲ್ಲ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಕೋಟೆನಾಡಿನ ಹನಿಟ್ರ್ಯಾಪ್​ ಪ್ರಕರಣಕ್ಕೆ ಬಿಗ್​ ಟ್ವಿಸ್ಟ್.. ಹಣ, ಚಿನ್ನ ಕಳೆದುಕೊಂಡವರು ಯಾರು?​

ಡೆಲ್ಟಾ ವಿಮಾನವು 142 ಪ್ರಯಾಣಿಕರೊಂದಿಗೆ ಜಪಾನ್​ನ ಸೀಟಾಕ್ ವಿಮಾನ ನಿಲ್ದಾಣದಿಂದ ಮೆಕ್ಸಿಕೋದ ಪೋರ್ಟೊ ವಲ್ಲರ್ಟಾಗೆ ಹಾರಲು ಸಿದ್ಧವಾಗುತ್ತಿತ್ತು. ಆದರೆ ಇದೇ ವೇಳೆಯೇ ಜಪಾನ್ ಏರ್​​ಲೈನ್ಸ್​ ವಿಮಾನ ಡಿಕ್ಕಿಯಾಗಿದೆ. ಸದ್ಯ ವಿಮಾನದಲ್ಲಿ ಯಾವುದೇ ಪ್ರಯಾಣಿಕರಿಗೆ ಗಾಯಗಳು ಆಗಿಲ್ಲ. ಎಲ್ಲರೂ ಸುರಕ್ಷಿತವಾಗಿದ್ದಾರೆ ಎಂದು ಸೀಟಾಕ್ ವಿಮಾನ ನಿಲ್ದಾಣದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಇನ್ನು ಘಟನೆಯಿಂದ ಪ್ರಯಾಣ ಮಾಡಲು ತಡವಾಗಿದ್ದಕ್ಕೆ ಎಲ್ಲ ಪ್ರಯಾಣಿಕರ ಬಳಿ ಡೆಲ್ಟಾ ವಿಮಾನದ ಸಿಬ್ಬಂದಿ ಕ್ಷಮೆಯಾಚಿಸಿದ್ದಾರೆ. ಈ ಸಂಬಂಧ ಸೂಕ್ತ ತನಿಖೆ ಕೈಗೊಳ್ಳಲಾಗುತ್ತದೆ ಎಂದು ಸೀಟಾಕ್ ವಿಮಾನ ನಿಲ್ದಾಣದ ಅಧಿಕಾರಿಗಳು ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ