/newsfirstlive-kannada/media/post_attachments/wp-content/uploads/2025/05/bumrah-vs-gill.jpg)
ರೋಹಿತ್ ಶರ್ಮಾ ಟೆಸ್ಟ್ ನಿವೃತ್ತಿ ಬೆನ್ನಲ್ಲೇ ಟೆಸ್ಟ್ ತಂಡದ ನಾಯಕ ಯಾರ್ ಆಗ್ತಾರೆ ಎಂಬ ಪ್ರಶ್ನೆ ಕಾಡಿತ್ತು. ಇದೀಗ ನೂತನ ನಾಯಕನ ನೇಮಕ ಬಹುತೇಕ ಫೈನಲ್ ಆಗಿದೆ. ಪಟ್ಟಾಭೀಷೇಕಕ್ಕೆ ಮಹೂರ್ತ ಫಿಕ್ಸ್ ಮಾಡೋದೊಂದೇ ಬಾಕಿ ಉಳಿದಿರೋದು. ಯುವರಾಜ ಶುಭ್ಮನ್ ಗಿಲ್, ಟೆಸ್ಟ್ ತಂಡದ ಸಿಂಹಾಸನವೇರಲಿದ್ದಾರೆ.
ಹೆಸರು ಫೈನಲ್..!
ರೋಹಿತ್ ನಿವೃತ್ತಿಯ ಬಳಿಕ ಮುಂದಿನ ಟೆಸ್ಟ್ ತಂಡದ ಸಾರಥಿ ಯಾರು? ಎಂಬ ಚರ್ಚೆ ಜೋರಾಗಿತ್ತು. ಹಲವು ಹೆಸರುಗಳು ನಾಯಕತ್ವದ ರೇಸ್ನಲ್ಲಿದ್ವು. ಇದೀಗ ಈ ನಾಯಕನ ಸ್ಥಾನಕ್ಕೆ ಯಂಗ್ ಬ್ಯಾಟರ್ ಶುಭ್ಮನ್ ಗಿಲ್ ಹೆಸರು ಬಹುತೇಕ ಅಂತಿಮವಾಗಿದೆ. ಈಗಾಗಲೇ ಈ ಬಗ್ಗೆ ಹಲವು ಸುತ್ತಿನ ಸಭೆ ನಡೆಸಿ ಚರ್ಚಿಸಿರುವ ಬಿಗ್ಬಾಸ್ಗಳು, ಟೆಸ್ಟ್ ತಂಡದ ನಾಯಕನ ಪಟ್ಟ ಕಟ್ಟಲು ರೆಡಿಯಾಗಿದ್ದಾರೆ. ಬಿಸಿಸಿಐನಿಂದ ಅಧಿಕೃತ ಘೋಷಣೆಯೊಂದಷ್ಟೇ ಬಾಕಿಯಿದೆ. ಅಂದ್ಹಾಗೆ ಗಿಲ್ಗೆ ನಾಯಕತ್ವ ನೀಡೋ ಬಿಸಿಸಿಐನ ನಿರ್ಧಾರದ ಹಿಂದೆ ಹಲವು ಲೆಕ್ಕಾಚಾರಗಳಿವೆ.
ಇದನ್ನೂ ಓದಿ: RCB ಪ್ಲೇ ಆಫ್ ಸುಲಭವಲ್ಲ, ಮತ್ತಷ್ಟು ಕಷ್ಟ ಕಷ್ಟ.. 5 ಟೀಮ್ಗಳ ಪಾಯಿಂಟ್ಸ್ ಹೇಗಿದೆ?
ಭವಿಷ್ಯದ ಬಗ್ಗೆ ಚಿಂತನ.. ಮಂಥನ..!
ಗಿಲ್ಗೆ ಪಟ್ಟ ಕಟ್ಟಲು ಬಿಸಿಸಿಐ ವಲಯದಲ್ಲಿ ಚರ್ಚೆ ನಡೆಯುತ್ತಿದ್ದ ವೇಳೆಯೇ ಹೆಡ್ ಕೋಚ್ ಗೌತಮ್ ಗಂಭೀರ್, ಗಿಲ್ ಜೊತೆಗೆ ಮಹತ್ವದ ಮೀಟಿಂಗ್ ನಡೆಸಿದ್ದಾರೆ. ಸುಮಾರು ನಾಲ್ಕೈದು ಗಂಟೆಗಳ ಕಾಲ ನಡೆದ ಈ ಮೀಟಿಂಗ್ನಲ್ಲಿ ಟೆಸ್ಟ್ ತಂಡದ ಭವಿಷ್ಯದ ಯೋಜನೆಗಳ ಬಗ್ಗೆ ಚರ್ಚಿಸಲಾಗಿದೆ. ಶುಭ್ಮನ್ ಗಿಲ್ರ ಚಿಂತನೆಗಳ ಬಗ್ಗೆ ಗಂಭೀರ್ ಕೂಡ ಇಂಪ್ರೆಸ್ ಆಗಿದ್ದಾರೆ ಎನ್ನಲಾಗಿದೆ. ಸಭೆ ಬಳಿಕ ಬಿಸಿಸಿಐಗೆ ಗಂಭೀರ್ ಮಾಹಿತಿ ನೀಡಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: ನಿನ್ನೆಯ ಪಂದ್ಯ ರದ್ದು.. ಅಭಿಮಾನಿಗಳಿಗೆ ಬಿಗ್ ಅಪ್ಡೇಟ್ಸ್ ಕೊಟ್ಟ ಆರ್ಸಿಬಿ..
ವಿಶೇಷ ಸೂಚನೆ: ಕ್ರಿಕೆಟ್ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್