ಆರ್​ಸಿಬಿಯ ಇಬ್ಬರು ಸ್ಟಾರ್​ಗಳಿಂದ ರನ್​ ಬಂದೇ ಇಲ್ಲ.. ಇಂದು ಬಿಗ್​ ಸ್ಕೋರ್ ನಿರೀಕ್ಷೆ..!

ಕೊಲ್ಕತ್ತಾ, ಚೆನ್ನೈ ಚಕ್ರವ್ಯೂಹ ಯಶಸ್ವಿಯಾಗಿ ಭೇದಿಸಿರುವ ರಾಯಲ್ ಚಾಲೆಂಜರ್ಸ್​​ ಬೆಂಗಳೂರು ತಂಡ, ಇದೀಗ ತವರಿನಲ್ಲಿ ಅಗ್ನಿಪರೀಕ್ಷೆಗೆ ಸಿದ್ಧವಾಗಿದೆ. ಚಿನ್ನಸ್ವಾಮಿಯಲ್ಲಿ 50-50 ಸಾಧನೆ ಮಾಡಿರುವ ಆರ್​ಸಿಬಿ, ಗುಜರಾತ್​​ ಟೈಟನ್ಸ್​​ ವಿರುದ್ಧ ಭರ್ಜರಿ ಗೆಲುವಿನ ಲೆಕ್ಕಾಚಾರದಲ್ಲಿದೆ.
ಇಬ್ಬರು ಸ್ಟಾರ್​ಗಳ ಬ್ಯಾಟ್ ಮಾತಾಡಬೇಕಿದೆ..

ಸದ್ಯ ಆರ್​ಸಿಬಿ ಒಳ್ಳೆ ಟ್ರ್ಯಾಕ್​ನಲ್ಲಿದೆ. ವಿಕೆಟ್ ಕೀಪರ್ ಬ್ಯಾಟರ್ ಜಿತೇಶ್ ಶರ್ಮಾ ಮತ್ತು ಬಿಗ್ ಹಿಟ್ಟರ್ ಲಿಯಾಮ್ ಲಿವಿಂಗ್​ಸ್ಟೋನ್​​​ ಬ್ಯಾಟ್​​ನಿಂದ ನಿರೀಕ್ಷಿತ ರನ್​ ಬರ್ತಿಲ್ಲ. ಜಿತೇಶ್, ಲಿವಿಂಗ್​ಸ್ಟೋನ್ ಇಬ್ಬರೂ ಇಂದು ಕ್ಲಿಕ್ ಆಗಿದ್ರೆ ಆರ್​ಸಿಬಿ ಬ್ಯಾಟಿಂಗ್​​​ಗೆ ಮತ್ತಷ್ಟು ಬಲ ಬರಲಿದೆ.

ಇದನ್ನೂ ಓದಿ: RCB vs GT: ಬೆಂಗಳೂರಲ್ಲೇ ಪಂದ್ಯ, ಹೆಚ್ಚು ಬಾರಿ ಗೆದ್ದ ತಂಡ ಯಾವುದು? ಕಂಪ್ಲೀಟ್​ ಮಾಹಿತಿ..!

ಮೊದಲ ಪಂದ್ಯ ಕೋಲ್ಕತ್ತ ವಿರುದ್ಧ ಲಿವಿಂಗ್​ಸ್ಟೋನ್ 5 ಬಾಲ್​ನಲ್ಲಿ 15 ರನ್ ಬಾರಿಸಿ ನಾಟೌಟ್ ಆಗಿ ಉಳಿದರು. ಐದು ಬಾಲ್​ನಲ್ಲಿ ಒಂದು ಸಿಕ್ಸರ್ ಹಾಗೂ ಎರಡು ಬೌಂಡರಿ ಬಾರಿಸಿದರು. ಚೆನ್ನೈ ವಿರುದ್ಧ 9 ಬಾಲ್ ಎದುರಿಸಿ ಒಂದು ಸಿಕ್ಸರ್​ನೊಂದಿಗೆ 10 ರನ್​ಗಳಿಸಿ ಔಟ್ ಆಗಿದ್ದಾರೆ. ಇನ್ನು ಜಿತೇಶ್ ಶರ್ಮಾ ಅವರಿಗೆ ಮೊದಲ ಪಂದ್ಯದಲ್ಲಿ ಆಡುವ ಅವಕಾಶ ಸಿಕ್ಕಿಲ್ಲ. ಎರಡನೇ ಪಂದ್ಯದಲ್ಲಿ ಅವಕಾಶ ಸಿಕ್ಕರೂ ಕೈಚೆಲ್ಲಿದ್ದಾರೆ. 6 ಬಾಲ್​ ಎದುರಿಸಿ 12 ರನ್​​ಗಳಿಸಿ ಔಟ್ ಆಗಿದ್ದಾರೆ. ಈ ಅವಧಿಯಲ್ಲಿ ಒಂದು ಸಿಕ್ಸರ್​, ಒಂದು ಬೌಂಡರಿ ಬಂದಿದೆ. ಹೀಗಾಗಿ ಇಂದಿನ ಪಂದ್ಯದಲ್ಲಿ ಇಬ್ಬರು ಬ್ಯಾಟ್ಸಮನ್​​ಗಳಿಂದ ದೊಡ್ಡ ಸ್ಕೋರ್​ ನಿರೀಕ್ಷೆ ಮಾಡಲಾಗಿದೆ.

ಕೃನಾಲ್ ಪಾಂಡ್ಯ ಕೂಡ ಫೇಲ್..!

ಬೆಂಗಳೂರು ತಂಡ ಬ್ಯಾಟಿಂಗ್​​​​ನಲ್ಲೇನೋ ಬಲಿಷ್ಟವಾಗಿ ಕಾಣ್ತಿದೆ. ನಂಬರ್ 9 ಸ್ಲಾಟ್​​ವರೆಗೂ ಆರ್​ಸಿಬಿಗೆ, ಬ್ಯಾಟಿಂಗ್ ಡೆಪ್ತ್ ಇದೆ. ಲೋವರ್ ಡೌನ್​ನಲ್ಲಿ ಆಲ್​ರೌಂಡರ್ ಕೃನಾಲ್ ಪಾಂಡ್ಯ ಮತ್ತು ಭುವನೇಶ್ವರ್ ಕುಮಾರ್​ ಬ್ಯಾಟ್​​ನಿಂದ ಅಲ್ಪ ಸ್ವಲ್ಪ ಕಾಣಿಕೆ ನೀಡಬೇಕಿದೆ. ಇಬ್ಬರೂ ರನ್​​ ಕಾಣಿಕೆ ನೀಡಿದ್ರೆ ಎದುರಾಳಿಗಳ ವಿರುದ್ಧ 100 ಪರ್ಸೆಂಟ್ ಮೇಲುಗೈ ಸಾಧಿಸಬಹುದು.

ಇದನ್ನೂ ಓದಿ: GT ವಿರುದ್ಧ ಆರ್​ಸಿಬಿಗೆ ಬಿಗ್​ ಚಾಲೆಂಜ್.. ಈ 6 ಪ್ರಶ್ನೆಗೆ ಉತ್ತರ ಕಂಡುಕೊಂಡರೆ ಗೆಲುವು ನಮ್ಮದೇ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್