ಅತಿ ಜಿಮ್ ಮಾಡುವುದೇ ಅಭ್ಯಾಸ ಮಾಡಿಕೊಂಡಿದ್ದ ಜೋ

ಮೊದಲು ಬೌನ್ಸರ್​, ನಂತರ ವಿಶ್ವದ ಬಾಡಿಬಿಲ್ಡರ್​ ಆಗಿದ್ದರು

ಜೋ ಲಿಂಡ್ನರ್ ಸಾವಿನ ಬಗ್ಗೆ ಗರ್ಲ್​ಫ್ರೆಂಡ್ ಹೇಳುವುದೇನು? ​

ಬರ್ಲಿನ್​: ಜರ್ಮನಿಯ ಫೇಮಸ್​ ಫಿಟ್ನೆಸ್​ ಮಾಡೆಲ್​ ಹಾಗೂ ಬಾಡಿಬಿಲ್ಡರ್ ಆಗಿದ್ದ ಜೋಸ್ಟೆಟಿಕ್ಸ್ ಎಂದೇ ಖ್ಯಾತಿ ಪಡೆದಿರುವ ಜೋ ಲಿಂಡ್ನರ್ ಕೇವಲ 30 ವರ್ಷಕ್ಕೆ ಸಾವನ್ನಪ್ಪಿದ್ದಾರೆ. ಸ್ಯಾಂಡಲ್​ವುಡ್​ನ ‘ಪೊಗರು’ ಸಿನಿಮಾದಲ್ಲಿ ಧ್ರುವ ಸರ್ಜಾ ಜತೆ ಕ್ಲೈಮ್ಯಾಕ್ಸ್​ನ ಫೈಟಿಂಗ್​ ಸೀನ್​ನಲ್ಲಿ​ ಜೋ ಭರ್ಜರಿಯಾಗಿ ಕಾಣಿಸಿಕೊಡಿದ್ದರು.

ಜೋ ಲಿಂಡ್ನರ್ ತನ್ನ ಆಕರ್ಷಣೆಯ ದೇಹದಿಂದ ಇಡೀ ಫಿಟ್ನೆಸ್​ ಮತ್ತು ಜಿಮ್​ ಕ್ಷೇತ್ರದಲ್ಲಿ ಛಾಪು ಮೂಡಿಸಿದ್ದರು. ಇವರ ಸಾವು ಹಲವು ಅನುಮಾನಗಳಿಂದ ಕೂಡಿದ್ದು ಮಾಹಿತಿ ಪ್ರಕಾರ ಅತಿಯಾದ ಜಿಮ್ ಮಾಡಿರುವುದೇ ರಕ್ತನಾಳಗಳ ಸಮಸ್ಯೆಯಿಂದ ಹಠಾತ್ ಆಗಿ ಸಾವನ್ನಪ್ಪಿದ್ದಾರೆ ಎಂದು ಹೇಳಲಾಗುತ್ತಿದೆ.

ಈ ಬಗ್ಗೆ ತನ್ನ ಇನ್​ಸ್ಟಾದಲ್ಲಿ ಪೋಸ್ಟ್​ ಮಾಡಿರುವ ಜೋ ಲಿಂಡ್ನರ್ ಸ್ನೇಹಿತೆ ನಿಚಾ, ಜೋ ಪ್ರಾಮಾಣಿಕ ಹಾಗೂ ಉತ್ತಮ ವ್ಯಕ್ತಿಯಾಗಿದ್ದರು. ಹಾರ್ಡ್​ ವರ್ಕರ್​ ಮತ್ತು ನಂಬಿಕಸ್ಥರಾಗಿದ್ದರು. ಅವರು ನಿಧನರಾದರು ಅನ್ನೋದನ್ನ ಯಾರು ಊಹಿಸಿರಲಿಲ್ಲ. ಇದಕ್ಕೂ ಮೊದಲು ಜೋ ನನ್ನ ತೋಳಿನಲ್ಲಿದ್ದು, ಸ್ವತಃ ತಾನೇ ಮಾಡಿದ್ದ ಹಾರವನ್ನು ನನಗೆ ಹಾಕಿದ್ದರು. 3 ದಿನಗಳ ಹಿಂದೆ ನನ್ನ ಕುತ್ತಿಗೆ ತುಂಬಾ ನೋವು ಆಗುತ್ತಿದೆ ಎಂದಿದ್ದರು ಅಷ್ಟೇ. ಇದನ್ನು ನಾವು ಗಂಭೀರವಾಗಿ ಪರಿಗಣಿಸದಿದ್ದದ್ದೆ ಇಂತಹ ದುರಂತಕ್ಕೆ ಕಾರಣ ಆಯಿತು ಎಂದು ನಿಚಾ ಇನ್​ಸ್ಟಾದಲ್ಲಿ ಬರೆದುಕೊಂಡಿದ್ದಾರೆ.

ಜೋ ಲಿಂಡ್ನರ್ ಆಕರ್ಷಕವಾದ ಬಾಡಿಬಿಲ್ಡ್​ ಮಾಡಿದ್ದರು. ಮೊದ ಮೊದಲು ಇವರು ಬೌನ್ಸರ್​ ಆಗಿ ಕೆಲಸ ಮಾಡುತ್ತಿದ್ದರು. ನಂತರ ವಿಶ್ವ ಬಾಡಿ ಬಿಲ್ಡಿಂಗ್​ ಮೂಲಕ ಇಡೀ ವಿಶ್ವಕ್ಕೆ ಪರಿಚಿತರಾದರು. ಸೋಷಿಯಲ್​ ಮೀಡಿಯಾ ಮೂಲಕ ಜನರಿಗೆ ಫಿಟ್ನೆಸ್​ ಬಗ್ಗೆ ಟಿಪ್ಸ್​, ಟ್ರಿಕ್ಸ್​ ನಿತ್ಯ ಹೇಳಿಕೊಡುತ್ತಿದ್ದರು. ತಮ್ಮದೇ ಆ್ಯಪ್ ರೆಡಿ ಮಾಡಿ ಅದರ ಮೂಲಕ ಜಿಮ್​, ಫಿಟ್ನೆಸ್ ಬಗ್ಗೆ ಹೇಳುತ್ತಿದ್ದಂತೆ ಇನ್ನು ಹೆಚ್ಚು ಖ್ಯಾತಿ ಗಳಿಸಿದರು ಎನ್ನಲಾಗಿದೆ.

ಇವರ ದೇಹದ ನರಗಳು ದೇಹದಿಂದ ಹೊರಗಿವೆಯೇ ಎಂಬಂತೆ ಭಾಸವಾಗುತ್ತಿದ್ದವು. ಹೆಚ್ಚು ಹೆಚ್ಚು ಜಿಮ್ ಮಾಡಿದ್ದರಿಂದ ಬಾಡಿ ಪಾರ್ಟ್ಸ್​ ಮಸ್ತ್​ ಲುಕ್​ನಲ್ಲಿ ಕಾಣಿಸುತ್ತಿದ್ದವು. ಆದರೆ ಜೋ ಫಿಟ್ನೆಸ್​​ಗಾಗಿ ಹೆಚ್ಚಾಗಿ ಜಿಮ್​ ಮಾಡಿರುವುದೇ ದೇಹದ ರಕ್ತನಾಳಗಳಲ್ಲಿ ಸಮಸ್ಯೆ ಉಂಟಾಗಿದೆ ಎಂದು ಕಾರಣ ಹೇಳಲಾಗುತ್ತಿದೆ. ಸದ್ಯ ಇವರ ಸಾವಿನಿಂದ ಆಪ್ತರು ತೀರ ದುಃಖಿತರಾಗಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

 

View this post on Instagram

 

A post shared by NICHA (@immapeaches)