ಟೀಮ್ ಇಂಡಿಯಾ ಜೊತೆ ರೂಟ್ ಸೆಂಚುರಿ; ಕ್ರಿಕೆಟ್​ ದೇವರ ರೆಕಾರ್ಡ್ ಬ್ರೇಕ್.. ಎಷ್ಟು ಶತಕ ಸಿಡಿಸಿದರು?

ಭಾರತ ಹಾಗೂ ಇಂಗ್ಲೆಂಡ್ ನಡುವೆ ಟೆಸ್ಟ್ ಪಂದ್ಯ ನಡೆಯುತ್ತಿದ್ದು ಗೆಲುವನ್ನು ಪಡೆಯುವ ಅನಿವಾರ್ಯದಲ್ಲಿ ಶುಭ್​ಮನ್ ಗಿಲ್ ಪಡೆ ಇದೆ. ಆದರೆ ಮೊದಲ ಇನ್ನಿಂಗ್ಸ್​ನಲ್ಲಿ ಸಾಧಾರಣ ರನ್​ಗಳನ್ನು ಕಲೆ ಹಾಕಿರುವ ಟೀಮ್ ಇಂಡಿಯಾಕ್ಕೆ ಸಂಕಷ್ಟ ಎದುರಾಗಿದೆ ಎನ್ನಬಹುದು. ಇದರ ನಡುವೆ ಸೆಂಚುರಿ ಸಿಡಿಸಿರುವ ಇಂಗ್ಲೆಂಡ್ ಬ್ಯಾಟರ್​ ಜೋ ರೂಟ್ ಅವರು ಸಚಿನ್​ ತೆಂಡುಲ್ಕರ್​ ಅವರ ರೆಕಾರ್ಡ್ ಬ್ರೇಕ್ ಮಾಡಿದ್ದಾರೆ.

ಮ್ಯಾಂಚೆಸ್ಟರ್​ನಲ್ಲಿ ನಡೆಯುತ್ತಿರುವ 4ನೇ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಮಧ್ಯಮ ಕ್ರಮಾಂಕದ ಬ್ಯಾಟರ್​ ಜೋ ರೂಟ್ ಅವರು ಭರ್ಜರಿ ಶತಕ ಸಿಡಿಸಿದ್ದಾರೆ. ಇದು ಅವರ ಟೆಸ್ಟ್​ನ ವೃತ್ತಿ ಜೀವನದ 38ನೇ ಶತಕವಾಗಿದೆ. ಮೊದಲ ಇನ್ನಿಂಗ್ಸ್​ನಲ್ಲಿ 248 ಬಾಲ್​ಗಳನ್ನ ಎದುರಿಸಿದ ರೂಟ್ 14 ಬೌಂಡರಿಗಳಿಂದ 150 ರನ್​ ಚಚ್ಚಿದರು. ಇದರಿಂದ ಇಂಗ್ಲೆಂಡ್​ ತಂಡಕ್ಕೆ ದೊಡ್ಡ ಮಟ್ಟದಲ್ಲೇ ಬ್ಯಾಟಿಂಗ್​ನಲ್ಲಿ ನೆರವಾದರು. ಅಲ್ಲದೇ ವಿಶೇಷ ದಾಖಲೆ ಕೂಡ ಮಾಡಿದ್ದಾರೆ.

ಇದನ್ನೂ ಓದಿ:Video; ಆಕಾಶದಿಂದ ಹೆದ್ದಾರಿಗೆ ರಭಸವಾಗಿ ಬಿದ್ದ ಜೆಟ್ ವಿಮಾನ.. ಕ್ಷಣಾರ್ಧದಲ್ಲೇ ಸುಟ್ಟು ಭಸ್ಮ!

ತವರಿನ ಮೈದಾನದಲ್ಲಿ ಅತಿ ಹೆಚ್ಚು ಸೆಂಚುರಿಗಳನ್ನು ಬಾರಿಸಿದ ವಿಶ್ವದ ಬ್ಯಾಟರ್​ಗಳ ಪೈಕಿ ಜೋ ರೂಟ್​ ಅವರು, ಸಚಿನ್ ರೆಕಾರ್ಡ್​ ಬ್ರೇಕ್ ಮಾಡಿದ್ದಾರೆ. ಸಚಿನ್ ತೆಂಡುಲ್ಕರ್ ಅವರು ತವರಿನಲ್ಲಿ (ಭಾರತ) ಒಟ್ಟು 94 ಮ್ಯಾಚ್​ಗಳಲ್ಲಿ 22 ಸೆಂಚುರಿ ಬಾರಿಸಿದ್ದಾರೆ. ಆದರೆ ಜೋ ರೂಟ್​ ಕೇವಲ 84 ಪಂದ್ಯಗಳಿಂದ 23 ಶತಕ ಬಾರಿಸಿ ದಾಖಲೆ ಬರೆದಿದ್ದಾರೆ. ಇದರ ಜೊತೆಗೆ ಶ್ರೀಲಂಕಾದ ಮಹೇಲಾ ಜಯವರ್ಧನೆ, ಜಾಕ್ ಕಾಲಿಸ್, ರಿಕಿ ಪಾಟಿಂಗ್ ಅವರ ಸಾಲಿಗೆ ಈಗ ರೂಟ್ ಕೂಡ ಸೇರಿಕೊಂಡಿದ್ದಾರೆ.

ತವರಿನಲ್ಲಿ ಅತಿ ಹೆಚ್ಚು ಸೆಂಚುರಿ ಸಿಡಿಸಿದ ಬ್ಯಾಟ್ಸ್​ಮನ್​ಗಳು?

• ಇಂಗ್ಲೆಂಡ್- ಜೋ ರೂಟ್- 23 ಶತಕ, 81 ಪಂದ್ಯ
• ಶ್ರೀಲಂಕಾ- ಮಹೇಲಾ ಜಯವರ್ಧನೆ- 23 ಶತಕ, 81 ಪಂದ್ಯ
• ಆಫ್ರಿಕಾ- ಜಾಕ್ ಕಾಲಿಸ್- 23 ಶತಕ, 88 ಪಂದ್ಯ
• ಆಸ್ಟ್ರೇಲಿಯಾ- ರಿಕಿ ಪಾಟಿಂಗ್- 23 ಶತಕ, 92 ಪಂದ್ಯ
• ಸಚಿನ್ ತೆಂಡುಲ್ಕರ್- 22 ಶತಕ, 94 ಪಂದ್ಯ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ