ಪ್ರೇಮಿಗಳಿಗೆ ಕಂಟಕ, ವಿದ್ಯಾರ್ಥಿಗಳಿಗೆ ಶುಭದಿನ; ಇಲ್ಲಿದೆ ನಿಮ್ಮ ಭವಿಷ್ಯ..!

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ಉತ್ತರಾಯಣ, ವಸಂತ ಋತು, ಚೈತ್ರ ಮಾಸ, ಕೃಷ್ಣ ಪಕ್ಷ, ಪಂಚಮಿ ತಿಥಿ, ಮೂಲ ನಕ್ಷತ್ರ, ರಾಹುಕಾಲ ಸೋಮವಾರ ಬೆಳಗ್ಗೆ 7.30 ರಿಂದ 9.00 ರವರೆಗೆ ಇರಲಿದೆ.

ಮೇಷ ರಾಶಿ

• ಸರ್ಕಾರಿ ಕೆಲಸ ಕಾರ್ಯಗಳಲ್ಲಿ ಅನುಕೂಲವಾಗುವಂತಹ ದಿನ
• ಹಳೆಯ ವ್ಯಾಪಾರ, ವ್ಯವಹಾರಗಳಿಂದ ಧನಹಾನಿಯಾಗುವ ಸಾಧ್ಯತೆ
• ಮಹಿಳೆಯರಿಗೆ ವ್ಯಾಪಾರದ ದೃಷ್ಟಿಯಿಂದ ಮೋಸವಾಗುವ ಸಾಧ್ಯತೆಗಳು ಹೆಚ್ಚಾಗಿ ಕಾಣುತ್ತಿದೆ
• ಕುಟುಂಬದಲ್ಲಿ ಕಲಹ,ಕಿರಿಕರಿ,ಮನಸ್ಸಿಗೆ ಬೇಸರ ಉಂಟಾಗಬಹುದು
• ಅಕಾಲ ಭೋಜನ ವಿರೋಧಿಗಳಿಂದ ತೊಂದರೆಯಾಗಬಹುದು
• ಖುಷಿಯಿಂದ ಮಾಡಬೇಕಿದ್ದ ಪ್ರಯಾಣ ಮುಂದೂಡಲ್ಪಡುತ್ತದೆ
• ಗುರುಗಳನ್ನು ಪ್ರಾರ್ಥಿಸಿ

ವೃಷಭ

• ಮನೆಯವರಿಗೆ, ಮಕ್ಕಳಿಗೆ ಸ್ಫೂರ್ತಿದಾಯಕರಾಗಿರಬೇಕು
• ಇಂದು ಮಕ್ಕಳಿಂದ ತೊಂದರೆಯಾಗಬಹುದು
• ಹಿತಶತ್ರುಗಳಿಂದ ತೊಂದರೆ ಆಗುವ ಸಂಭವಗಳು ಹೆಚ್ಚಾಗಿ ಕಾಣುತ್ತದೆ
• ನೌಕರರಿಗೆ ವರ್ಗಾವಣೆಯ ವಿಚಾರದಲ್ಲಿ ಸ್ವಲ್ಪ ಅಡ್ಡಿಯಾಗಬಹುದು
• ಕೃಷಿ ಕ್ಷೇತ್ರದಲ್ಲಿರುವ ವ್ಯಾಪಾರಸ್ಥರಿಗೆ ಅನುಕೂಲ ಉಂಟಾಗುತ್ತದೆ
• ಇಂದು ಋಣಬಾಧೆಯಿಂದ ಮುಕ್ತರಾಗುತ್ತೀರಿ
• ಕುಟುಂಬದಲ್ಲಿ ವಾಗ್ವಾದ ನಡೆಯುವಂತದ್ದು
• ಯಾವುದೊ ನಿರ್ಧಾರ ತೆಗೆದುಕೊಂಡು ಅದರಿಂದ ಬೇಸರ ಪಡುತ್ತೀರಿ
• ದಾನ ಧರ್ಮಗಳಲ್ಲಿ ಆಸಕ್ತಿ ಬಂದರೂ ದೂರಾಲೋಚನೆಗಳು ಇರುತ್ತದೆ
• ಉಗ್ರ ನರಸಿಂಹನನ್ನು ಪ್ರಾರ್ಥಿಸಿ

ಮಿಥುನ

• ವ್ಯವಹಾರದಲ್ಲಿ ನಂಬಿಕೆ ಉಳಿಸಿಕೊಳ್ಳಲು ತುಂಬಾ ಸಾಹಸ ಪಡಬೇಕಾಗಬಹುದು
• ವಿದ್ಯಾರ್ಥಿಗಳಿಗೆ ಆರೋಗ್ಯ ದೃಷ್ಟಿಯಿಂದ ಸಣ್ಣ ಪುಟ್ಟ ಹಿನ್ನಡೆ ಕಾಣುತ್ತದೆ
• ಆರೋಗ್ಯದ ದೃಷ್ಟಿಯಿಂದ ಶುಭಕಾರ್ಯಗಳನ್ನು, ಪ್ರಯಾಣವನ್ನು ಮುಂದೂಡಬೇಕಾದ ಸಂದರ್ಭ ಬರಬಹುದು
• ವಿದ್ಯಾರ್ಥಿಗಳಿಗೆ ಮುನ್ನಡೆಯಿದೆ, ಯಶಸ್ಸನ್ನು ಕಾಣುತ್ತೀರಿ
• ಈ ದಿನ ಸಾಲವನ್ನು ತೀರಿಸುವ ಅವಕಾಶವಿರುತ್ತದೆ
• ಶಾಲಾ ಕಾಲೇಜು ವಿದ್ಯಾರ್ಥಿಗಳು ಯಾವುದೇ ಕಾರಣಕ್ಕೂ ವಾದ-ವಿವಾದ ಮಾಡಬೇಡಿ
• ಅನಾವಶ್ಯಕವಾಗಿ ದ್ವೇಷ ಬೆಳೆಯಬಹುದಾದ ಸಾಧ್ಯತೆ
• ದುರ್ಗಾದೇವಿಯ ಅಷ್ಟೋತ್ತರ ಪಠಿಸಿ

ಕಟಕ

• ಪಾಲುದಾರಿಕೆ, ಹಣ ಹೂಡಿಕೆಯಲ್ಲಿ ಆರ್ಥಿಕ ಸಂಕಷ್ಟವನ್ನು ತಮಗೆ ತಾವೇ ತಂದುಕೊಳ್ಳುವ ಪರಿಸ್ಥಿತಿ ಇದೆ
• ವಿದ್ಯಾರ್ಥಿಗಳು ಬಹಳ ಜಾಗ್ರತೆಯಿಂದಿರಬೇಕು
• ಮಹಿಳಾ ನೌಕರರಿಗೆ ಶುಭ ಸುದ್ದಿಯಿದೆ
• ವಿರೋಧವನ್ನು, ದ್ವೇಷವನ್ನು ಹೆಚ್ಚು ಮಾಡಿಕೊಳ್ಳುವ ಸ್ಥಿತಿ ತಲುಪುತ್ತೀರಿ
• ಹಣದ ವಿಚಾರದಲ್ಲಿ ಸ್ವಲ್ಪ ಕಿರಿಕಿರಿ ಉಂಟಾಗಬಹುದು
• ಈ ದಿನ ಮಿತ್ರರಲ್ಲಿ ಜಗಳ ಆಗಬಹುದು
• ಮಕ್ಕಳಿಂದ ಬೇಸರ, ನೋವಾಗುವ ದಿನ
• ಈ ದಿನ ಆರೋಗ್ಯದ ಬಗ್ಗೆ ಗಮನಹರಿಸಿ
• ಕಮಿಷನ್ ಏಜೆಂಟರುಗಳಿಗೆ ಸ್ವಲ್ಪ ಹಿನ್ನೆಡೆಯಾಗಬಹುದು
• ವಿಷ್ಣು ಸಹಸ್ರ ನಾಮ ಪಠಿಸಿ

ಸಿಂಹ

• ವೈದ್ಯರ ಸಲಹೆಯನ್ನು ನಿರ್ಲಕ್ಷ ಮಾಡುವುದರಿಂದ ಆರೋಗ್ಯದಲ್ಲಿ ಏರು ಪೇರಾಗಬಹುದು
• ಯತ್ನ ಕಾರ್ಯದಲ್ಲಿ ನಿಮಗೆ ಜಯಪ್ರದವಾಗಲಿದೆ
• ಪಲಾಪೇಕ್ಷೆ ಇಲ್ಲದೆ ಮಾಡಿರುವ ದಾನ ಸಂಪೂರ್ಣವಾದ ಫಲ ಸಿಗುತ್ತದೆ
• ಕಠಿಣ ನಿರ್ಧಾರಗಳಿಂದ ಉತ್ತಮ ಫಲ ಸಿಗುವ ದಿನ
• ಸರಿ ತಪ್ಪುಗಳ ಬಗ್ಗೆ ವಿವೇಚನೆ ಇಲ್ಲದೆ ವ್ಯವಹರಿಸಬೇಕಾಗುತ್ತದೆ
• ಇಂದು ಅತಿಯಾದ ಒತ್ತಡ ಉಂಟಾಗಬಹುದು
• ಇಲ್ಲ ಸಲ್ಲದ ಅಪವಾದಗಳಿಗೆ ಗುರಿಯಾಗಬಹುದು
• ಯಾರಿಗಾದರೂ ಸಹಾಯ ಮಾಡಿದರೆ ಅವರಿಂದ ನಮಗೆ ಏನು ಅನುಕೂಲವಾಗುತ್ತದೆ ಅನ್ನೋ ನಿರೀಕ್ಷೆಯಲ್ಲಿರುತ್ತೀರಿ
• ಮಕ್ಕಳಿಂದ ಸ್ವಲ್ಪ ಕಿರಿಕಿರಿ ಉಂಟಾಗಬಹುದು
• ಧನ್ವಂತರಿಯನ್ನು ಪ್ರಾರ್ಥಿಸಿ

ಕನ್ಯಾ

• ಉತ್ತಮವಾದ ಬುದ್ಧಿ ಶಕ್ತಿಯನ್ನು ಪ್ರಯೋಗಿಸಿ ಶುಭ ಫಲಗಳನ್ನು ಹೊಂದುತ್ತೀರಿ
• ಮಾತಿಗೆ ಮಾತು ಬೆಳೆಯುತ್ತೆ ಮನಃ ಕ್ಲೇಷ ಉಂಟಾಗುತ್ತದೆ
• ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ದೊರೆಯುವ ದಿನವಾಗಿದೆ
• ಹಣಕಾಸಿನ ಸ್ಥಿತಿಯು ಉತ್ತಮವಾಗಿರುತ್ತದೆ
• ನಿಮ್ಮ ವಿರೋಧಿಗಳು, ಶತ್ರುಗಳು ನಿಮ್ಮ ಬೆಳವಣಿಗೆ ನೋಡಿ ಹೊಟ್ಟೆ ಕಿಚ್ಚು ಪಡುತ್ತಾರೆ
• ಅನಗತ್ಯವಾದ ವಸ್ತುಗಳ ಖರೀದಿ ಮಾಡುವಾಗ ಜಾಗ್ರತೆ ಇರಲಿ
• ಮಕ್ಕಳ ವಿದ್ಯಾಭ್ಯಾಸದ ಕಡೆ ಹೆಚ್ಚು ಗಮನಹರಿಸಬೇಕಾಗುತ್ತದೆ
• ಸಾಯಂಕಾಲದಲ್ಲಿ ಕೆಲವು ವೈಯಕ್ತಿಕ ವಿಚಾರಗಳಿಗೆ ಅಡ್ಡಿಯಾಗುವ ಸಾಧ್ಯತೆಗಳು ಹೆಚ್ಚು
• ನಿಮ್ಮ ಗುರುಗಳ ಮಾರ್ಗದರ್ಶನ ಪಡೆಯಿರಿ

ತುಲಾ

• ವೈರಾಗ್ಯದ ಭಾವ ನಿಮ್ಮನ್ನು ಅಧಿಕವಾಗಿ ಕಾಡಬಹುದು
• ಆರೋಗ್ಯದ ಬಗ್ಗೆ ವೈದ್ಯರ ಸಲಹೆ ಪಡೆಯಿರಿ
• ಮನಃ ಶಾಂತಿಗಾಗಿ ದೇವರ ಪೂಜೆಗೆ ಶರಣಾಗುವಿರಿ
• ಇಂದು ಆಲಸ್ಯ ಹೆಚ್ಚಾಗಿ ಕಾಡಬಹುದಾದ ದಿನ
• ಮೇಲಾಧಿಕಾರಿಗಳ ಜೊತೆ ಹಾಗೂ ಕುಟುಂಬದಲ್ಲಿ ವಿಶ್ವಾಸವನ್ನು ಹಾಗೆ ಉಳಿಸಿಕೊಳ್ಳಿ
• ಆಕಸ್ಮಿಕ ಅವಘಡಗಳಿಂದ ಹೆಚ್ಚು ಹಣ ಖರ್ಚಾಗಬಹುದು
• ಪ್ರಿಯರ ಭೇಟಿಯಾಗುವ ದಿನ
• ನಿಮ್ಮ ನೀರಸ ಭಾವನೆಯಿಂದ ಮನೆಯವರ ಮೇಲೆ ಪ್ರಭಾವ ಬೀರಬಹುದು
• ಧ್ಯಾನ ಮಾಡಿ

ವೃಶ್ಚಿಕ

• ಕೆಲಸದ ಒತ್ತಡದಿಂದ ನಿದ್ರಾಭಂಗ ಆಗುವ ಸಾಧ್ಯತೆ
• ಸ್ವಭಾವದಲ್ಲಿ ಸ್ವಲ್ಪ ಬದಲಾವಣೆ ಮಾಡಿಕೊಂಡರೆ ಎಲ್ಲಾ ರೀತಿಯಲ್ಲಿಯೂ ಒಳ್ಳೆಯದು
• ಮನೆಯವರ ಮಾತನ್ನು ಕೇಳದೆ ನೀವು ನಷ್ಟವನ್ನು ಅನುಭವಿಸುತ್ತೀರಿ
• ನೀವು ಹಿರಿಯರ ಕೋಪಕ್ಕೆ ಒಳಗಾಗಬಹುದು
• ನಿಮ್ಮ ಮನಸ್ಸು ಶುದ್ಧವಾಗಿರದ ಕಾರಣ ಮೋಸಕ್ಕೆ ಒಳಗಾಗುವ ಸಾಧ್ಯತೆಗಳು ಹೆಚ್ಚಾಗಿವೆ
• ಬೇರೆಯವರ ಮಾತಿಗೆ ಮರುಳಾಗಬೇಡಿ
• ವಿದ್ಯಾರ್ಥಿಗಳು ಮನಸ್ಸನ್ನು ಕೇಂದ್ರೀಕರಿಸಿ ಹೆಚ್ಚು ಓದಲು ಅವಕಾಶವನ್ನು ಮಾಡಿಕೊಡದೆ ಇರುವ ಸಂದರ್ಭ ಇದಾಗಿರುತ್ತದೆ
• ಈ ದಿನ ಆದಾಯದಷ್ಟೇ ಖರ್ಚು ಇರುತ್ತದೆ
• ಕೆಲಸಗಳಲ್ಲಿ ಹಿನ್ನಡೆ ಉಂಟಾಗುವ ಸಾಧ್ಯತೆ
• ಅಪರಿಚಿತರಿಂದ ನಿಮಗೆ ಮೋಸ ಆಗಬಹುದು ಎಚ್ಚರಿಕೆ
• ಕೆಂಪು ಹೂಗಳಿಂದ ಪೂಜಿಸಿ

ಧನಸ್ಸು

• ಇಂದು ಮಾನಸಿಕ ನೆಮ್ಮದಿಯಿರುವುದಿಲ್ಲ
• ಹಿರಿಯರ ಮಾತಿಗೆ ಗೌರವ ಕೊಡುವುದು ಉತ್ತಮವಾಗಿರುತ್ತದೆ
• ಅವಮಾನಕ್ಕೆ ಗುರಿಯಾಗುವ ಸಾಧ್ಯತೆಗಳು ಉಂಟಾಗುತ್ತವೆ
• ಅಳುವುದರಿಂದ ಆಥವಾ ಬೇಸರ ಮಾಡಿಕೊಳ್ಳವುದರಿಂದ ಪ್ರಯೋಜನವಿಲ್ಲ
• ನಿಮ್ಮ ಚಟುವಟಿಕೆಗಳ ಕಡೆಗೆ ಗಮನ ಹರಿಸಿದರೆ ಮನಸ್ಸಿಗೆ ಸಮಾಧಾನ ಸಿಗಲಿದೆ
• ಹಣದ ವಿಚಾರದಲ್ಲಿ ಮನಸ್ತಾಪ ಉಂಟಾಗುತ್ತದೆ
• ಮನಸ್ಸಿನ ನೋವನ್ನು ಬೇರೆಯವರೊಂದಿಗೆ ಹಂಚಿಕೊಳ್ಳಬೇಕಾಗುವ ಸಂದರ್ಭ
• ಶಾಸ್ತ್ರೀಯ ಸಂಗೀತನನ್ನು ಕೇಳಿ

ಮಕರ

• ಮನಸ್ಸಿಗೆ ಯಾವುದೊ ಒಂದು ಹಿಂಸೆ ಕಾಡುವ ದಿನ
• ಸ್ತ್ರೀ ವೈದ್ಯರಿಗೆ ಹೆಚ್ಚಿನ ಬೇಡಿಕೆ ಮತ್ತು ಲಾಭವಿರುವ ದಿನವಾಗಲಿದೆ
• ಶರೀರದ ಮೇಲೆ ಆಗುವ ಗಾಯದ ಮೇಲೆ ಹೆಚ್ಚು ಗಮನಹರಿಸಿ ಚಿಕಿತ್ಸೆ ಪಡೆಯಿರಿ
• ಕೋರ್ಟ್ ಕಚೇರಿಗಳಲ್ಲಿನ ಕೇಸ್​ಗಳಿಗೆ ಇಂದು ಜಯ ಸಿಗಲಿದೆ
• ಅದಕ್ಕೆ ಬೇಕಾದ ತಯಾರಿಯನ್ನು ಮಾಡಿಕೊಳ್ಳಬೇಕಾಗಬಹುದು
• ಸ್ತ್ರೀಯರಿಗೆ ಶುಭಫಲವಿದ್ದರೂ ಮನೆಯ ವಾತಾವರಣ ಸರಿಯಿಲ್ಲದೆ ಬೇಸರ ಉಂಟಾಗಬಹುದು
• ವಿಲಾಸಿ ಜೀವನಕ್ಕೆ ಹೆಚ್ಚು ಹಣ ಖರ್ಚಾಗಲಿದೆ
• ಲಲಿತಾ ಸಹಸ್ರ ನಾಮವನ್ನು ಶ್ರವಣ ಮಾಡಿ

ಕುಂಭ

• ವಿದ್ಯಾರ್ಥಿಗಳಿಗೆ ವಿದ್ಯಾಕ್ಷೇತ್ರದಲ್ಲಿ ಪ್ರಗತಿ ಹೊಂದುತ್ತೀರಿ
• ಪಿತ್ರಾರ್ಜಿತ ಆಸ್ತಿ ಲಾಭದ ಸೂಚನೆಗಳಿವೆ
• ನಿಮ್ಮ ತೀರ್ಮಾನವನ್ನು ಸ್ಥಿರವಾಗಿರಿಸಿಕೊಂಡರೆ ವ್ಯವಹಾರದಲ್ಲಿ ಲಾಭವಿದೆ
• ಮರಗೆಲಸ ಮಾಡುವವರಿಗೆ ಅಧಿಕ ಲಾಭ ಸಿಗುವ ಅವಕಾಶಗಳಿವೆ
• ಯಾವುದೇ ರೀತಿಯ ಗೊಂದಲವಿಲ್ಲದೆ ವಿದ್ಯಾರ್ಥಿಗಳು ವಿದ್ಯಾಭ್ಯಾಸವನ್ನು ಮುಂದುವರೆಸಬಹುದು
• ಉದ್ಯೋಗದಲ್ಲಿ ಅತಂತ್ರತೆ ಇರುವಂತದ್ದು
• ಅಸಹನೆಯಿಂದ ವಾದ ವಿವಾದಗಳು ಏರ್ಪಾಟಾಗುತ್ತದೆ
• ಆದರೆ ಬಂಧುಗಳಲ್ಲಿ ಮಾತು ಬೆಳೆದು ನಿಷ್ಠೂರವಾಗುವ ಸಾಧ್ಯತೆಗಳಿವೆ
• ದಂಪತಿಗಳಲ್ಲಿ ವಿರಸ ಉಂಟಾಗಬಹುದು
• ಗಣಪತಿಗೆ ಬಿಳಿ ಎಕ್ಕದ ಹೂ ಮತ್ತು ಗರಿಕೆ ಸಮರ್ಪಿಸಿ

ಮೀನ 

• ನೌಕರಿಯಲ್ಲಿ ತುಂಬಾ ಜವಾಬ್ದಾರಿ ಕೆಲಸ ಮಾಡಬೇಕಾದ ದಿನ
• ಕಬ್ಬಿಣದ ಪದಾರ್ಥಗಳಿಂದ, ವಾಹನಗಳಿಂದ ಪೆಟ್ಟು ಬೀಳಬಹುದಾದ ಸೂಚನೆಗಳಿವೆ
• ಬಂಧುಗಳ ಜೊತೆಯಲ್ಲಿ ಜಗಳವಾಗಬಹುದು
• ಅನಗತ್ಯ ಖರ್ಚಿಗೆ ನೂರು ದಾರಿ ಎನ್ನುವಂತೆ ಹೆಚ್ಚು ದುಂದುವೆಚ್ಚವಾಗುವ ಸಾಧ್ಯತೆ
• ಸೌಂದರ್ಯ ವರ್ಧಕಗಳ ವ್ಯಾಪಾರಸ್ಥರಿಗೆ ಅಧಿಕ ಲಾಭವಿರುವ ದಿನ
• ನ್ಯಾಯಾಂಗದಲ್ಲಿ ಕಾರ್ಯ ನಿರ್ವಹಿಸುತ್ತಿರುವವರಿಗೆ ಶುಭ ಫಲವಿದೆ
• ನೌಕರಿಯಲ್ಲಿರುವವರು ವರ್ಗಾವಣೆಗೆ ಪ್ರಯತ್ನಿಸುತ್ತಿದ್ದರೆ ಅವರಿಗೆ ಅನುಕೂಲವಾಗುತ್ತದೆ
• ಶನೈಶ್ವರ ದೇವಾಲಯಕ್ಕೆ ಎಳ್ಳೆಣ್ಣೆ ನೀಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ