ಪ್ರೇಮಿಗಳಿಗೆ ಶುಭದಿನ, ಮನೆಯಲ್ಲಿ ಸಣ್ಣ ಪುಟ್ಟ ಸಮಸ್ಯೆ ಎದುರಾಗುತ್ತೆ.. ಇಲ್ಲಿದೆ ಇಂದಿನ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ಉತ್ತರಾಯಣ, ವಸಂತ ಋತು, ಚೈತ್ರ ಮಾಸ, ಕೃಷ್ಣ ಪಕ್ಷ, ಪಂಚಮಿ ತಿಥಿ, ಮೂಲ ನಕ್ಷತ್ರ, ರಾಹುಕಾಲ ಶುಕ್ರವಾರ 10.30 ರಿಂದ 12.00 ರವರೆಗೆ ಇರಲಿದೆ.

ಮೇಷ ರಾಶಿ

• ಅನಗತ್ಯ ಕೆಲಸಗಳಲ್ಲಿ ಮನಸ್ಸು ಆಸಕ್ತಿ ತೋರಿಸುತ್ತದೆ
• ಈ ದಿನ ತುಂಬಾ ತಾಳ್ಮೆ ಇದ್ದರೆ ಒಳ್ಳೆದು
• ಸಮಾಜ ಯಾವುದನ್ನ ಒಪ್ಪತ್ತೊ ಅದನ್ನ ನಿಮ್ಮ ಮನಸ್ಸು ಒಪ್ಪುವುದಿಲ್ಲ
• ಹಣ ಖರ್ಚಾಗಬಾರದು ಎಲ್ಲಾ ಕೆಲಸವಾಗಬೇಕು ಅನ್ನೋ ಮನೋಭಾವ ನಿಮ್ಮಲ್ಲಿ ಹೆಚ್ಚು ಆಳವಾಗಿದೆ
• ಕೋಪದಿಂದ ಹೋರಾಟ ಮಾಡಿ ಕೊನೆಗೆ ಸೋಲನ್ನು ಅನುಭವಿಸುತ್ತೀರಿ
• ಮನೆಯಲ್ಲಿಯೂ ಸಣ್ಣ ಪುಟ್ಟ ಸಮಸ್ಯೆಗಳು ಕಾಡಬಹುದು
• ಸಪ್ತಋಷಿಗಳ ಧ್ಯಾನ ಮಾಡಿ

ವೃಷಭ

• ಹಳೆಯ ಸ್ನೇಹಿತರ ಸಲಹೆ ಕೆಲವು ಸಹಾಯ ಆಗಲಿದೆ
• ವಿದೇಶಿ ಕಂಪನಿಗಳಿಂದ ಉತ್ತಮವಾದ ಕೆಲಸಗಳಿಗೆ ಆಹ್ವಾನ ಬರಬಹುದು
• ನಿಮ್ಮ ಸಮಸ್ಯೆಗಳನ್ನು ಬಿಡಿಸಿ ಹೇಳಿ ಪರಿಹಾರ ಕಂಡುಕೊಳ್ಳಬಹುದು
• ಭೋಗ ಜೀವನ ನಡೆಸುವವರಿಗೆ ಅನ್ನದ ಬೆಲೆ ತಿಳಿಯುವಂತದ್ದು
• ಪಿತ್ರಾರ್ಜಿತ ಆಸ್ತಿಯ ವಿಚಾರಗಳಿಗೆ ಕೋರ್ಟ್​ ಮೆಟ್ಟಿಲೇರುವ ಸಾಧ್ಯತೆಗಳಿವೆ
• ಹಲವಾರು ವಾದ-ವಿವಾದಗಳು ಏರ್ಪಾಡಾಗುತ್ತದೆ
• ಶುಕ್ರಗ್ರಹ ಮಂತ್ರ ಪಠಿಸಿ

ಮಿಥುನ

• ಎರಡನೇ ಮದುವೆ ಆದವರಿಗೆ ತುಂಬಾ ತೊಡಕುಗಳು ಎದುರಾಗುತ್ತದೆ
• ಹಣದ ಖರ್ಚು, ಮಾನಸಿಕವಾಗಿ ಬೇಸರ ಬಂಧುಗಳಲ್ಲಿ ವಿರಸ ಕಾಡಬಹುದು
• ವ್ಯಾಪಾರ ವ್ಯವಹಾರಗಳಲ್ಲಿ ಹಣದ ಹೂಡಿಕೆ ಮನಸ್ಸಿಗೆ ನೆಮ್ಮದಿ ಸಿಗಲಿದೆ
• ಕೆಲವು ವೇಳೆ ನಿಮ್ಮನ್ನು ಅರ್ಥಮಾಡಿಕೊಳ್ಳಲು ಕಷ್ಟವಾಗಬಹುದು
• ಸಾಯಂಕಾಲ ಹೊತ್ತಿಗೆ ವ್ಯವಹಾರದಲ್ಲಿ ಹಿನ್ನಡೆ ಕಾಣುತ್ತದೆ
• ವ್ಯಾಘ್ರವಾಹನ ಚಾಮುಂಡೇಶ್ವರಿಯನ್ನು ಪೂಜಿಸಿ

ಕಟಕ

• ಕುಟುಂಬದ ಸದಸ್ಯರಾಗಲಿ ಅಥವಾ ಸ್ನೇಹಿತರಾಗಲಿ ಯಾರು ಸಹಾಯ ಮಾಡುವುದಿಲ್ಲ
• ಮಾತನಾಡುವಾಗ ಒಳ್ಳೆಯ ಭಾಷೆ ನಿಮ್ಮ ಸ್ವಾಧೀನದಲ್ಲಿರಬೇಕು
• ಜೊತೆಯಲ್ಲಿಯೇ ಇರುವವರಿಗೆ ನಿಮ್ಮ ಕೋಪದಿಂದ ತೊಂದರೆಯಾಗುವ ಸಾಧ್ಯತೆ ಇದೆ
• ನೀವು ಮಾಡುತ್ತಿರುವ ಕೆಲಸದ ಬಗ್ಗೆ ತೃಪ್ತಿ ಇರುವುದರಿಂದ ಆ ವಿಚಾರವನ್ನು ಕೈ ಬಿಡುವ ಸಾಧ್ಯತೆ ಇದೆ
• ಕುಟುಂಬದಲ್ಲಿ ಎಲ್ಲಾ ವಿಚಾರಗಳಿಗೂ ಭಿನ್ನಾಭಿಪ್ರಾಯ ಹುಟ್ಟುತ್ತದೆ
• ಜನರಿಂದ ನಿಮ್ಮ ಭಾವನೆಗಳಿಗೆ ಗೌರವ, ಮನ್ನಣೆ ದೊರೆಯುತ್ತದೆ
• ಕೆಲಸ ಕಾರ್ಯಗಳಲ್ಲಿ ಭವಿಷ್ಯ ಚೆನ್ನಾಗಿರುತ್ತದೆ
• ಮುಂಚಿತವಾಗಿ ಸಿದ್ಧಪಡಿಸಿಟ್ಟ ಅಹಾರ ಸೇವನೆಯಿಂದ ತೊಂದರೆಯಾಗಬಹುದು
• ವೈಷ್ಣವೀ ಮಂತ್ರ ಪಠಣೆ ಮಾಡಿ

ಸಿಂಹ

• ಮುಖ್ಯವಾಗಿ ಗಂಟಲಿನ ಸಮಸ್ಯೆ ಕಾಣಬಹುದು ಜಾಗ್ರತೆವಹಿಸಿ
• ಅನಗತ್ಯ ವಿವಾದಗಳು ಏರ್ಪಾಟಾಗುತ್ತದೆ
• ಈ ದಿನ ಸಿಟ್ಟು ತಾರಕಕ್ಕೆ ಏರಬಹುದು
• ನಿಮ್ಮ ಆಸೆ ಮತ್ತು ಶಿಸ್ತನ್ನು ಬೇರೆಯವರ ಮೇಲೆ ಹೇರಿಕೆ ಮಾಡಬಾರದು
• ಈಜು ಪಟುಗಳಿಗೆ ಗಾಯವಾಗುವ ಸೂಚನೆಗಳಿವೆ ನಿಗಾವಹಿಸಿ
• ಆದರೆ ಮಾತಿನಿಂದ ನಿಮ್ಮ ಗೌರವ ಹೆಚ್ಚಾಗಬಹುದು
• ನ್ಯಾಯ ಸಮ್ಮತವಾದ ವಿಚಾರಕ್ಕೆ ಅಡ್ಡಿಯಾಗಿ ಕೋಪ ಬರುವ ಸಾಧ್ಯತೆ ಇದೆ
• ದಕ್ಷಿಣ ಕಾಳಿಯನ್ನು ನೀಲಿ ಹೂಗಳಿಂದ ಅರ್ಚಿಸಿ

ಕನ್ಯಾ

• ಖರೀದಿಯ ಬಗ್ಗೆ ಹೆಚ್ಚು ಕಾಳಜಿ ವಹಿಸಿ
• ಜನರೊಂದಿಗೆ ನೀವು ವರ್ತಿಸುವ ರೀತಿ ನಾಟಕೀಯದಂತೆ ಕಾಣತ್ತೆ ಸ್ವಾಭಾವಿಕವಾಗಿ ಇರಲು ಪ್ರಯತ್ನಿಸಿ
• ಹಣ ಉಳಿಸುವುದಕ್ಕೆ ತುಂಬಾ ಹೋರಾಟ ಮಾಡಿ ವಿಫಲರಾಗುತ್ತೀರಿ
• ಹಿರಿಯರ ಬೆಂಬಲ ನಿಮಗೆ ಹಲವಾರು ರೀತಿಯಲ್ಲಿ ಅನುಕೂಲತೆಯಾಗುವ ಸೂಚನೆ ತೋರಿಸುತ್ತದೆ
• ವೈಶ್ರವಣ ಮಂತ್ರವನ್ನು 108 ಬಾರಿ ಪಠಿಸಿ

ತುಲಾ

• ಧಾರ್ಮಿಕ ಕ್ಷೇತ್ರಗಳ ವಿಚಾರವಾಗಿ ಅಸಭ್ಯವಾಗಿ ವರ್ತಿಸಿ ಸಿಕ್ಕಿಹಾಕಿಕೊಳ್ಳುತ್ತೀರಿ
• ಅನೇಕ ಕೆಲಸಗಳು ನಿಮ್ಮ ಜವಾಬ್ದಾರಿಯಿಂದ ಬೇಗ ಪೂರ್ಣಗೊಳ್ಳುತ್ತವೆ
• ಶಿಸ್ತುಬದ್ಧವಾದ ಜೀವನ ನಿಮಗೆ ಸ್ಫೂರ್ತಿದಾಯಕವಾಗಿರುತ್ತದೆ
• ಮಕ್ಕಳನ್ನ ಪ್ರೀತಿಯಿಂದ ಸಹನೆಯಿಂದ ಉಪಚಾರ ಮಾಡಿ
• ಪ್ರೇಮ ವಿಚಾರಕ್ಕೆ ಮನೆಯಲ್ಲಿ ಗಲಾಟೆಯ ಸಂಭವವಿರುತ್ತದೆ ಜಾಗ್ರತೆ
• ನವಗ್ರಹ ಮಂತ್ರ ಪಠಿಸಿ

ವೃಶ್ಚಿಕ

• ಸಾಮಾಜಿಕ ಕಾರ್ಯಗಳಲ್ಲಿ ಭಾಗವಹಿಸಲು ಅವಕಾಶಗಳಿವೆ
• ವಿದ್ಯಾರ್ಥಿಗಳು ತಮ್ಮ ಅಧ್ಯಯನದ ಬಗ್ಗೆ ಹೆಚ್ಚು ಗಮನವಹಿಸಬೇಕಾಗುತ್ತದೆ
• ಗಣಿತ ಶಾಸ್ತ್ರವನ್ನು ಅಭ್ಯಾಸ ಮಾಡುವವರಿಗೆ ಶುಭವಿದೆ
• ಉದ್ಯೋಗದಲ್ಲಿದ್ದ ಭಯ ಈ ದಿನ ನಿವಾರಣೆಯಾಗುತ್ತದೆ
• ಹಲವು ದಿನಗಳಿಂದ ಸ್ಥಗಿತವಾಗಿದ್ದ ಕೆಲವು ಕೆಲಸಗಳಿಗೆ ಚಾಲನೆ ಸಿಗಲಿದೆ
• ದಿನದ ದೃಷ್ಠಿಯಿಂದ ಅದೃಷ್ಟ ಚೆನ್ನಾಗಿದೆ ಎಂದು ಅಂದುಕೊಳ್ಳುವ ರೀತಿಯಲ್ಲಿರುವುದಿಲ್ಲ
• ಸಹಪಾಠಿಗಳೊಂದಿಗೆ ಉತ್ತಮ ಬಾಂಧವ್ಯ ಬೆಳೆಸಿಕೊಳ್ಳಿ
• ಅನಗತ್ಯ ಪ್ರಯಾಣ ಕಾಲಾಹರಣವನ್ನು ತಡೆಹಿಡಿಯಬೇಕಾಗುತ್ತದೆ
• ಸಾಮ್ರಾಜ್ಯ ಲಕ್ಷ್ಮಿಯನ್ನು ಆರಾಧನೆ ಮಾಡಿ

ಧನಸ್ಸು

• ವಿದ್ಯಾರ್ಥಿಗಳು ಹೊಸ ತಂತ್ರ ಬಳಸಿ ನಿಮ್ಮ ಪ್ರಗತಿ ತೋರಿಸಬಹುದು
• ಸಾಲ ಮಾಡುವುದರಿಂದ ಕುಟುಂಬದಲ್ಲಿ ಕಲಹಕ್ಕೆ ಕಾರಣವಾಗುತ್ತದೆ
• ವಾಹನ ಚಾಲನೆಯಲ್ಲಿ ಜಾಗರೂಕರಾಗಿರಿ
• ಪ್ರೇಮಿಗಳಿಗೆ ಶುಭದಿನ ಆದರೆ ಒತ್ತಡ ಸಮಯಾಭಾವ ಇರುತ್ತದೆ
• ತಮ್ಮ ಜೊತೆ ಪ್ರಯಾಣಿಸುವವರಿಗೆ ತೊಂದರೆಯಿದೆ ಗಮನವಹಿಸಿ
• ಅಗ್ನೈಶ್ವರ್ಯ ಮಂತ್ರ ಜಪಿಸಿ

ಮಕರ

• ಪೋಷಕರ ಮತ್ತು ಅಧ್ಯಾಪಕರ ಸಲಹೆ ಮೇರೆಗೆ ಮಾಡುವಂತಹ ಕೆಲಸಗಳು ಜಯಪ್ರದವಾಗಲಿದೆ
• ಚಿಕ್ಕ ಮಕ್ಕಳಿಗೆ ಮಾತಿನ ಸಮಸ್ಯೆ ಅಥವಾ ಗಂಟಲಿನ ಸಮಸ್ಯೆ ಹೆಚ್ಚಾಗಿ ಕಾಡುವಂತದಿದೆ
• ಪೋಷಕರ ನಡುವೆ ಮಾತು ಮಾತಿಗೆ ಜಗಳ ಉಂಟಾಗುವ ಸಾಧ್ಯತೆ ಇದೆ
• ಮಾನಸಿಕ ಆರ್ಥಿಕ ಹೂಡೆತಗಳು ಎರಡೂ ಕೂಡ ಒಟ್ಟಿಗೆ ಕಾಡುವಂತದ್ದು
• ದಿನಸಿ ವ್ಯಾಪಾರಿಗಳಿಗೆ ಶುಭದಾಯಕವಾಗಿದೆ
• ಸಂಪತ್ಪ್ರದ ಗೌರಿದೇವಿಯನ್ನು ಆರಾಧಿಸಿ

ಕುಂಭ

• ನಿವೃತ್ತ ಜೀವನ ನಡೆಸುತ್ತಿರುವವರಿಗೆ ಸ್ಥಾನ ಪಲ್ಲಟವಾಗಬಹುದು
• ಹಣವನ್ನು ಮತ್ತೆ ಸಂಪಾದನೆ ಮಾಡುವ ಶಕ್ತಿಯಿದ್ದರೂ ಮನೋಬಲ ಕಡಿಮೆಯಾಗುತ್ತದೆ
• ತಾಯಿಯ ಆರೋಗ್ಯ ಚೆನ್ನಾಗಿದೆ ಎಂದು ತೀರ್ಮಾನಿಸಲಾಗುವುದಿಲ್ಲ
• ಮಕ್ಕಳಿಗೆ ತಮ್ಮ ಕೆಲಸವೆ ಹೆಚ್ಚಾಗುತ್ತದೆ ಇದರಿಂದ ಪೋಷಕರ ಬಗ್ಗೆ ಗಮನವಿರುವುದಿಲ್ಲ
• ವಿರೋಧಿಗಳ ಬಗ್ಗೆ ಎಚ್ಚರವಿದ್ದರೂ ಸಹ ಮೋಸ ಹೋಗುವ ಸಾಧ್ಯತೆಗಳಿವೆ
• ಬೇರೆ ವ್ಯವಸ್ಥೆಗಳು ಸಮಯಕ್ಕೆ ಸರಿಯಾಗಿ ಸಿಗದೆ ತೊಂದರೆ ಎದುರಿಸುತ್ತೀರಿ
• ಚಿಕ್ಕಮಕ್ಕಳ ಚರ್ಮಕ್ಕೆ ತೊಂದರೆ ಕಾಣುತ್ತೆ ಜಾಗ್ರತೆ
• ರಾಜರಾಜೇಶ್ವರಿಯನ್ನು ಆರಾಧಿಸಿ

ಮೀನ 

• ಕೆಲಸದ ಆಮಿಷ ಒಡ್ಡಿ ಹಣವನ್ನು ನಿಮ್ಮಿಂದ ಕಸಿದುಕೊಳ್ಳಬಹುದು ಜಾಗ್ರತೆ
• ನಕಾರಾತ್ಮಕ ಚಿಂತನೆ ಇರುವ ಮಕ್ಕಳ ವಿಷಯದಲ್ಲಿ ದೂರ ಇದ್ದರೆ ಒಳ್ಳೆಯದು
• ಕಷ್ಟಪಟ್ಟು ಸಂಪಾದಿಸಿದ ಹಣ ಅನುಪಯುಕ್ತವಾದ ಕೆಲಸಕ್ಕೆ ಖರ್ಚಾಗುವ ಸಾಧ್ಯತೆ ಹೆಚ್ಚು
• ಹಣದ ಬೆಲೆ ನಿಮಗೆ ಗೊತ್ತಾಗುವ ದಿನ
• ಬೇರೆಯವರ ಬಗ್ಗೆ ನಂಬಿಕೆಯಿಲ್ಲದಿರುವುದು
• ಆಹಾರ ಸಕಾಲದಲ್ಲಿ ಸಿಗದೆ ಶರೀರದಲ್ಲಿ ಸುಸ್ತು ಕಾಣಬಹುದು
• ಕೆಲವು ನಿರ್ಧಾರಗಳು ಇದಕ್ಕಿದ್ದ ಹಾಗೆ ಬದಲಾಗುವ ಸೂಚನೆಗಳಿವೆ
• ಮಾನಸಿಕ ಬೇಸರ ಉಂಟಾಗುತ್ತದೆ
• ಕನಕದುರ್ಗಾ ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ