ಪ್ರೇಮಿಗಳಿಗೆ ಶುಭ, ಮನೆ, ಜಮೀನು ಮಾರುವವರಿಗೆ ಲಾಭ ಸಿಗುವ ದಿನ; ಇಲ್ಲಿದೆ ಇಂದಿನ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ಉತ್ತರಾಯಣ, ವಸಂತ ಋತು, ಚೈತ್ರ ಮಾಸ, ಕೃಷ್ಣ ಪಕ್ಷ, ಪಂಚಮಿ ತಿಥಿ, ಮೂಲ ನಕ್ಷತ್ರ, ರಾಹುಕಾಲ ಸೋಮವಾರ ಬೆಳಗ್ಗೆ 7.30 ರಿಂದ 9.00 ರವರೆಗೆ ಇರಲಿದೆ.

ಮೇಷ ರಾಶಿ

• ಅಪರೂಪಕ್ಕೆ ಉದಾರ ಸ್ವಭಾವವನ್ನು ನೋಡಿ ಅಕ್ಕ-ಪಕ್ಕದವರು, ಬಂಧುಗಳು ಆಶ್ಚರ್ಯ ಪಡುತ್ತಾರೆ
• ಪ್ರಮುಖ ವ್ಯಕ್ತಿಗಳೊಂದಿಗೆ ನಿಮ್ಮ ಸಂಪರ್ಕ ಉಂಟಾಗುತ್ತದೆ
• ವಿದ್ಯಾರ್ಥಿಗಳು ತಮ್ಮ ಸಹಪಾಠಿಗಳು ಮತ್ತು ಶಿಕ್ಷಕರಿಂದ ಸಹಾಯ ಪಡೆಯುತ್ತಾರೆ
• ಪ್ರೇಮಿಗಳಿಗೆ ಶುಭ ದಿನವಾದರೂ ಸಮಸ್ಯೆ ಉಂಟಾಗಬಹುದು ಜಾಗ್ರತೆವಹಿಸಿ
• ಇಂದಿನ ದಿನಮಾನಕ್ಕೆ ಅನುಗುಣವಾಗಿ ಹಿರಿಯರನ್ನು ನೀವು ಒಪ್ಪುವುದಿಲ್ಲ
• ಇವತ್ತಿನ ಕಾಲದ ಮಕ್ಕಳನ್ನು ಕೂಡ ಹಿರಿಯರು ಒಪ್ಪುವುದಿಲ್ಲ
• ಸಾಯಂಕಾಲದಲ್ಲಿ ಅನಿರೀಕ್ಷಿತವಾದ ಭೇಟಿಯಿಂದ ಶುಭ ಸಮಾಚಾರ ಸಿಗುವಂತಹದ್ದು
• ಇಂದ್ರಾಕ್ಷಿ ದೇವಿಯನ್ನು ಪ್ರಾರ್ಥಿಸಿ

ವೃಷಭ

• ಕುಟುಂಬದ ಸದಸ್ಯರು ನಿಮ್ಮ ಮಾತನ್ನು ಕೇಳುವಂತಹದ್ದು
• ನೀವು ಆಡಿದ ಮಾತುಗಳು ಹಲವರಿಗೆ ಮಾರ್ಗದರ್ಶನ ಆಗುತ್ತದೆ
• ಆಂತರಿಕ ಶತ್ರುಗಳು ನಿಮಗೆ ಅವಮಾನಿಸಲು ಕಾಯುತ್ತಿರುತ್ತಾರೆ
• ನೀವು ಎಷ್ಟೇ ಪ್ರಯತ್ನಿಸಿದರೂ ಶತ್ರುಗಳನ್ನು ಕಡಿಮೆ ಮಾಡಿಕೊಳ್ಳಲು ಸಾಧ್ಯವಿಲ್ಲ
• ತುಂಬಾ ಕೋಪ,ತಾಳ್ಮೆ ಕಳೆದುಕೊಳ್ಳುವ ಪ್ರಸಂಗ ಬರಬಹುದು ಜಾಗ್ರತೆವಹಿಸಿ
• ಮಕ್ಕಳ ಬಗ್ಗೆ ತುಂಬಾ ಎಚ್ಚರಿಕೆವಹಿಸಿ ತೊಂದರೆಯಾಗುವ ಸಾಧ್ಯತೆ ಇದೆ
• ಶ್ರೀರಾಮ ಪರಿವಾರ ದೇವತೆಯನ್ನು ಉಪಾಸನೆ ಮಾಡಿ

ಮಿಥುನ

• ಇಂದು ಪ್ರೇಮಿಗಳಿಗೆ ಶುಭದಿನ
• ಯಾರು ವಿಶೇಷವಾದ ಪ್ರತಿಭೆಯನ್ನು ಹೊಂದಿರುವವರು ಪ್ರದರ್ಶಿಸಲು ಉತ್ತಮವಾದ ದಿನ
• ಮನೆಯಲ್ಲಿ ಮದುವೆ ವಿಚಾರ ಮುನ್ನೆಲೆಗೆ ಬಂದು ಶುಭವನ್ನು ಕೊಡುವಂತಹದ್ದು
• ಬೇರೆ ಬೇರೆ ವಿಚಾರಗಳಲ್ಲಿ ಮನೆಯವರೆಲ್ಲ ನಿಷ್ಠೂರವಾಗುವ ಸಾಧ್ಯತೆಗಳಿವೆ
• ಸಮಸ್ಯೆ ಬಗೆಹರಿಸುವಲ್ಲಿ ನೀವು ಯಶಸ್ವಿಯಾಗುವಿರಿ
• ಮನೆಯಲ್ಲಿ ನಿಮ್ಮ ಮಾತಿಗೆ ಬೇಸರ ವ್ಯಕ್ತವಾಗಬಹುದು
• ವೈಶ್ರವಣನ ಉಪಾಸನೆ ಮಾಡಿ

ಕಟಕ

• ತೆರೆದ ಮನಸ್ಸಿನಿಂದ ಮಾತನಾಡಬೇಕು ಇಲ್ಲದಿದ್ದರೆ ತೊಂದರೆಯಾಗಬಹುದು
• ರಾತ್ರಿಯ ಹೊತ್ತಿಗೆ ಮನೆಯಲ್ಲಿ ಜಗಳವಾಗಬಹುದು
• ಆರೋಗ್ಯದ ಬಗ್ಗೆ ಸರಿಯಾದ ಮಾಹಿತಿ ಇಲ್ಲದೆ ತೊಂದರೆ ಅನುಭವಿಸುತ್ತೀರಿ
• ಆಹಾರ - ಔಷದೋಪಚಾರ ಇವೆರಡು ವ್ಯತ್ಯಾಸ ಆಗಿ ಆತಂಕವಾಗಬಹುದು
• ಕಷ್ಟಪಟ್ಟು ದುಡಿದು ತಿನ್ನುವವರಿಗೆ ಈ ದಿನ ಒಳಿತಲ್ಲ
• ಹಣದ ವಿಚಾರದಲ್ಲಿ ಗೊಂದಲ,ದೋಷ, ನಷ್ಟ ಆಗುವ ಸಾಧ್ಯತೆ ಇದೆ
• ದುರ್ಗಾರಾಧನೆ ಮಾಡಿ

ಸಿಂಹ

• ಉದ್ಯೋಗದಲ್ಲಿ ನಿಮ್ಮ ಗುರಿ ಸಾಧಿಸಲು ಹಲವಾರು ಸವಾಲುಗಳು ಎದುರಾಗಬಹುದು
• ವೈವಾಹಿಕ ಜೀವನದಲ್ಲಿ ವ್ಯತ್ಯಯ, ಗೊಂದಲ, ಗಲಾಟೆ ಸಾಧ್ಯತೆ
• ಅಹಂಭಾವದ ಕಾರಣದಿಂದಾಗಿ ತುಂಬಾ ಸಮಸ್ಯೆಗಳು ಕಾಡಬಹುದು
• ಮನಸ್ಸನ್ನ ಹೊಂದಾಣಿಕೆ ಮಾಡಿಕೊಳ್ಳುವಲ್ಲಿ ವಿಫಲ ಸಾಧ್ಯತೆ
• ಆದರೆ ಹೊಂದಾಣಿಕೆ ಮಾಡಿಕೊಂಡರೆ ಒಳ್ಳೆಯದು
• ಕೋಪ, ಅಸಹನೆ, ತಾಳ್ಮೆಯಿಲ್ಲದೆ ಇರುವುದು ಕೆಡಕನ್ನ ಉಂಟು ಮಾಡಬಹುದು
• ತಾಯಿಯ ಆರೋಗ್ಯದ ಬಗ್ಗೆ ಹೆಚ್ಚು ಗಮನವಿರಲಿ
• ಶ್ರೀ ಸೂಕ್ತಮಂತ್ರ ಪಠಿಸಿ

ಕನ್ಯಾ

• ನಿಮ್ಮ ವೃತ್ತಿಯಲ್ಲಿ ಕಿರಿಯರಿಂದ ತೊಂದರೆ, ಅಡ್ಡಿ-ಆತಂಕ ಸಾಧ್ಯತೆ
• ಯೋಗ್ಯರಲ್ಲದವರ ಪರಿಚಯ, ಅವರ ಜೊತೆ ಅನಿವಾರ್ಯವಾಗಿ ಕೆಲಸ ಮಾಡಬೇಕಾಗಬಹುದು
• ಪೂರ್ವ ಜನ್ಮದ ಸುಕೃತ ನೆನೆದು ಬಹಳ ಬೇಸರ ಪಡಬಹುದು
• ಧನಾತ್ಮಕ ಚಿಂತನೆಯು ನಿಮಗೆ ಯಶಸ್ಸು ನೀಡಬಹುದು
• ನಿಮ್ಮ ವಿದ್ಯೆ, ಬುದ್ಧಿ ಮತ್ತು ಭಾವನಾತ್ಮಕವಾದಂತದ್ದು ನಿಮಗೆ ಗೆಲುವಾಗಿ ಪರಿಣಮಿಸಬಹುದು
• ಸ್ತ್ರೀಯರಿಗೆ ಆರೋಗ್ಯದಲ್ಲಿ ವ್ಯತ್ಯಾಸ ಸಾಧ್ಯತೆ ಗಮನವಿರಲಿ
• ಮೃತ್ಯುಂಜಯನನ್ನು ಪ್ರಾರ್ಥನೆ ಮಾಡಿ

ತುಲಾ

• ನೌಕರಿ ಅಥವಾ ವೃತ್ತಿಯಲ್ಲಿ ಹೊಸ ಆಹ್ವಾನಗಳು ಬರಬಹುದು
• ಬೆನ್ನು ಮೂಳೆ ನೋವಿನಿಂದ ಬಳಲುತ್ತಿರುವವರಿಗೆ ತೊಂದರೆಯಿದೆ ಎಚ್ಚರಿಕೆ
• ನಿಮ್ಮ ಮೂಲ ಉದ್ದೇಶ ಏನಿದೆಯೋ ಅದನ್ನು ತಲುಪಲು ಅವಕಾಶವಿಲ್ಲ
• ಹೊಸ ಯೋಜನೆಯನ್ನು ಪ್ರಾರಂಭಿಸಲು ಅವಕಾಶವಿದೆ
• ಸ್ವಂತ ಉದ್ದಿಮೆಯನ್ನು ಮಾಡುವವರಿಗೆ ಈ ದಿನ ಚೆನ್ನಾಗಿದೆ
• ವೈದ್ಯರಿಗೆ ಹಿನ್ನಡೆ ನಷ್ಟ ಆಗಬಹುದಾದ ದಿನವಾಗಿದೆ
• ನವಗ್ರಹ ಪ್ರಾರ್ಥನೆ ಮಾಡಿ ಅದರಲ್ಲೂ ಮಂಗಳಗ್ರಹ ಆರಾಧನೆ ಮಾಡಿ

ವೃಶ್ಚಿಕ

• ರಿಯಲ್ ಎಸ್ಟೇಟ್ ಉದ್ಯಮಿಗಳಿಗೆ ಶುಭವಿದೆ
• ಮನೆ, ನಿವೇಶನವನ್ನು ಮಾರುವವರಿಗೆ ಲಾಭ ಸಿಗುವ ದಿನ
• ಮನೆ ಮತ್ತು ನಿವೇಶನ ಈ ದಿನ ಖರೀದಿಸಿದರೆ ನಷ್ಟ ಆಗಬಹುದು
• ಪಿತ್ರಾರ್ಜಿತ ಆಸ್ತಿಯ ವಿಚಾರದಲ್ಲಿ ಗೊಂದಲಗಳು ಉಂಟಾಗಬಹುದು
• ಸರ್ಕಾರದ ಕೆಲವು ನಿಯಮಗಳನ್ನ, ಕಾನೂನು ಕ್ರಮಗಳನ್ನ ಸರಿಯಾಗಿ ಪಾಲಿಸದೆ ನಿಮಗೆ ಅಡ್ಡಿಯಾಗಬಹುದು
• ಕುಟುಂಬದವರ ವಿಶ್ವಾಸ ಚೆನ್ನಾಗಿರಬೇಕು ಇಲ್ಲದಿದ್ದರೆ ವ್ಯವಹಾರ ಸುಗಮವಾಗಿರುವುದಿಲ್ಲ
• ಭೂ ವರಾಹಸ್ವಾಮಿಯನ್ನು ಪ್ರಾರ್ಥಿಸಿ

ಧನಸ್ಸು

• ಹಿಂದೆ ಮಾಡಿದ ಯಾವುದೊ ವ್ಯವಹಾರದ ದುಡ್ಡು ಈ ದಿನ ನಿಮ್ಮ ಕೈ ಸೇರಬಹುದು
• ಯಾವುದೇ ವ್ಯವಹಾರ ಅಥವಾ ದುಡ್ಡಿನ ವಿಚಾರಗಳನ್ನು ಮನೆಯಲ್ಲಿ ತಿಳಿಸುವುದು ಉತ್ತಮ
• ನೌಕರಿಯಲ್ಲಿ ಮತ್ತು ವೃತ್ತಿಯಲ್ಲಿ ಸಮಾಧಾನವಿರುತ್ತದೆ
• ವಿದ್ಯಾರ್ಥಿಗಳಿಗೆ ಕೆಲವು ವಿಚಾರಕ್ಕೆ ಜಗಳ ಆಗುವ ಸೂಚನೆ ಇದೆ
• ವೃತ್ತಿಪರ ಮಹಿಳೆಯರಿಗೆ ಆರ್ಥಿಕ ನೆರವು ಸಿಗಬಹುದು
• ದೈನಂದಿನ ದಿನಚರಿಯಲ್ಲಿ ಸ್ವಲ್ಪ ವ್ಯತ್ಯಯ ಕಾಣಬಹುದು
• ಮಹಾಲಕ್ಷ್ಮಿಯನ್ನು ಆರಾಧಿಸಿ

ಮಕರ

• ಖಾಸಗಿ ಕ್ಷೇತ್ರದಲ್ಲಿ ಕೆಲಸ ಮಾಡುವವರಿಗೆ ಬೋನಸ್ ಸಿಗುವ ಸಾಧ್ಯತೆ ಇದೆ
• ಬೆಳಗ್ಗೆ ಶುಭ ಸುದ್ದಿ ಕೇಳಿ ಮನಸ್ಸು ಆನಂದದಾಯಕವಾಗಿರುತ್ತದೆ
• ಆರೋಗ್ಯದಲ್ಲಿ ಸ್ವಲ್ಪ ಜಾಗ್ರತೆ ವಹಿಸಬೇಕಾಗುತ್ತದೆ
• ಅಪೂರ್ಣವಾದ ಕೆಲಸಗಳಿಂದ ಅವಮಾನವಾಗುವ ಸಾಧ್ಯತೆ
• ನವ ವಿವಾಹಿತರಿಗೆ ಪ್ರವಾಸದ ಖುಷಿ,ಸಂತೋಷ ಮನೆ ಮಾಡಿರುತ್ತದೆ
• ಬೇರೆಯವರೊಂದಿಗೆ ಮಾತನಾಡುವಾಗ ಎಚ್ಚರಿಕೆಯನ್ನು ವಹಿಸಬೇಕು
• ಬೆಳಗ್ಗೆ ಮತ್ತು ಸಂಜೆ 11 ಸಲ ಓಂ ನಮಃ ಶಿವಾಯ ಅಂತ ಪಠಿಸಿ

ಕುಂಭ

• ಈ ದಿನ ಚೆನ್ನಾಗಿದೆ ಅನಗತ್ಯ ಕೆಲಸಗಳಿಗೆ ಸಮಯ ವ್ಯರ್ಥ ಮಾಡಬೇಡಿ
• ಮನೆಯವರಿಗೆ ಬಹಳ ಸಂತೋಷ ಮತ್ತು ತೃಪ್ತಿ ಸಿಗಲಿದೆ
• ಮಂಗಳ ಕಾರ್ಯದ ಬಗ್ಗೆ ಚರ್ಚೆ ನಡೆಯಬಹುದು
• ಮನೆಯಲ್ಲಿ ಕಳೆಯುವ ಪ್ರತಿಯೊಂದು ಕ್ಷಣವು ಮೌಲ್ಯಯುತವಾಗಿರುತ್ತದೆ
• ವ್ಯಾಪಾರ, ವ್ಯವಹಾರ ಬೇರೆ ಕಾರ್ಯ ಯೋಜನೆಯಿದ್ದರೆ ಅವೆಲ್ಲವೂ ಕೂಡಿ ಬರುವ ಸಮಯ
• ಮಕ್ಕಳು ಮತ್ತು ವಿದ್ಯಾರ್ಥಿಗಳು ತಮ್ಮದೇ ಆದ ಲೋಕದಲ್ಲಿ ವಿಹರಿಸುತ್ತಿರುತ್ತಾರೆ
• ಮಹಾ ವಿಷ್ಣುವಿನ ಆರಾಧನೆ ಮಾಡಿ

ಮೀನ 

• ಆರೋಗ್ಯದಲ್ಲಿ ಸ್ವಲ್ಪ ಏರುಪೇರು ಕಾಣುವುದು ಗಾಬರಿಯಾಗಬೇಡಿ ಚಿಕಿತ್ಸೆ ಪಡೆಯಿರಿ
• ಅಧಿಕ ಖರ್ಚು ಇರುವಂತಹ ದಿನ
• ಆರೋಗ್ಯದಲ್ಲಿ ವ್ಯತ್ಯಾಸದಿಂದ ಕೆಲಸದಲ್ಲಿ ಅಡಚಣೆಯಾಗಬಹುದು
• ತುಂಬಾ ಅನಗತ್ಯವಾದಂತಹ ಆಯೋಜಿಸಿದ್ದ ಕಾರ್ಯಕ್ರಮ ಸ್ಧಗಿತವಾಗಬಹುದು
• ವಿದ್ಯಾರ್ಥಿಗಳಿಗೆ ಮುಂದಿನ ಪರೀಕ್ಷಾ ಸಿದ್ಧತೆಗೆ ಅವಕಾಶವಿದ್ದರೂ ಮನಸ್ಸಿರುವುದಿಲ್ಲ
• ಮಾನಸಿಕ ಒತ್ತಡ, ಖರ್ಚು ಎಲ್ಲವೂ ಒಟ್ಟಿಗೆ ಆಕ್ರಮಿಸಬಹುದು
• ಬೇರೆ ಬೇರೆ ಕಿರಿಕಿರಿಗಳಿಂದ ಈ ದಿನ ಕಳೆಯುತ್ತದೆ
• ಇಷ್ಟದೇವತಾ ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ