ಯಾವುದೇ ಕಾರಣಕ್ಕೂ ಸಾಲ ಕೊಡಬೇಡಿ, ವಿದ್ಯಾರ್ಥಿಗಳಿಗೆ ಶುಭವಿದೆ; ಇಲ್ಲಿದೆ ಇಂದಿನ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ಉತ್ತರಾಯಣ, ವಸಂತ ಋತು, ಚೈತ್ರ ಮಾಸ, ಕೃಷ್ಣ ಪಕ್ಷ, ಪಂಚಮಿ ತಿಥಿ, ಮೂಲ ನಕ್ಷತ್ರ, ರಾಹುಕಾಲ ಗುರುವಾರ ಮಧ್ಯಾಹ್ನ 1.30 ರಿಂದ 3.00 ರವರೆಗೆ ಇರಲಿದೆ.

ಮೇಷ ರಾಶಿ

• ದಿನ ನಿತ್ಯದ ಕೆಲಸಗಳಲ್ಲಿ ಸ್ವಲ್ಪ ವ್ಯತ್ಯಯಗಳು ಕಾಣಬಹುದು
• ಬೇರೆಯವರಿಗೆ ಮಾದರಿಯಾಗಿರಬೇಕಾದ ನೀವು ಅಪಹಾಸ್ಯಕ್ಕೆ ಗುರಿಯಾಗುವ ದಿನ
• ಕುಲದೇವತಾ ಮತ್ತು ಗುರುಗಳಲ್ಲಿ ಅಚಲವಾದ ಭಕ್ತಿಯನ್ನು ಇಟ್ಟುಕೊಳ್ಳಿ
• ಕಾಯಕವೇ ನಿಮ್ಮ ಧ್ಯೇಯ ಎಂದು ತಿಳಿದುಕೊಳ್ಳಬೇಕು
• ಕೇವಲ ವ್ಯಾವಹಾರಿಕವಾಗಿ ಚಿಂತನೆ ಮಾಡುವುದನ್ನು ಬಿಟ್ಟು ವೈಚಾರಿಕತೆಯಿಂದ ಚಿಂತನೆ ಮಾಡಿ
• ಅಸಮಾಧಾನ, ಒತ್ತಡಗಳು ಕೋಪವನ್ನು ಹೆಚ್ಚಿಸಬಹುದು
• ಅವಲಂಬಿತ ಕೆಲಸಗಳು ಹಿನ್ನಡೆ ಕಾಣುವಂತಹದ್ದು
• ಅನಾಥಾಲಯಗಳಿಗೆ ಕೈಲಾದ ಸಹಾಯ ಮಾಡಿ

ವೃಷಭ

• ಕೋಪ ಮತ್ತು ಅಸಹನೆಯಿಂದ ತೊಂದರೆಯಾಗಲಿದೆ
• ಸೋದರರ ಜೊತೆ ಜಗಳವಿದ್ದರೆ ಇಂದು ಅಂತ್ಯಗೊಳಿಸಿದರೆ ಒಳ್ಳೆಯದು
• ಈ ದಿನ ಸ್ವಯಂಕೃತ ಅಪರಾಧಗಳು ಬೇಡ
• ಹಣದ ವಿಚಾರ ಅಥವಾ ಸಾಲದ ವಿಚಾರವಾಗಿ ಮಾತು ಕಥೆ ನಡೆಸಬಹುದು
• ಆರೋಗ್ಯ ಚೆನ್ನಾಗಿರುತ್ತದೆ ಆದರೆ ಕಾಲು ನೋವು ಕಾಣಬಹುದು
• ಶನೈಶ್ಚರನ ಮಂತ್ರ ಪಠಿಸಿ

ಮಿಥುನ

• ಕುಟುಂಬದ ಕಲಹ ಮಾನಸಿಕವಾಗಿ ಖಿನ್ನತೆ ಉಂಟುಮಾಡಲಿದೆ
• ಸಕಾರಾತ್ಮಕ ಚಿಂತನೆ ಮಾಡಿ ನೆಮ್ಮದಿಯನ್ನು ಅರಸಿ
• ಆಯಸ್ಸಿನ ಬಗ್ಗೆ ವಿಚಾರ ಮಾಡುತ್ತೀರಿ ಆದರೆ ಮನಸ್ಸಿಗೆ ಬೇಸರ ತರಲಿದೆ
• ಹಿರಿಯರ ಅಥವಾ ಗುರುಸ್ಥಾನದವರ ಬೇಸರಕ್ಕೆ ಕಾರಣವಾಗಬಹುದು
• ಹಣದ ವಿಚಾರ ಎಲ್ಲವನ್ನೂ ಮರೆಸುತ್ತದೆ
• ಗುಪ್ತರೋಗ ನಿಮ್ಮನ್ನು ಕಾಡಬಹುದು
• ಸ್ನೇಹಿತರಿಗೆ ಸಿಹಿ ಹಂಚಿ

ಕಟಕ

• ಅನುಮಾನಾಸ್ಪದವಾಗಿ ಮನೆಯಲ್ಲಿ ಅಥವಾ ಸಮಾಜದಲ್ಲಿ ನಡೆದುಕೊಳ್ಳಬಾರದು​
• ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಶುಭವಿದೆ
• ದೂರದ ಬಂಧುಗಳಿಂದ ಬರುವ ಅಶುಭ ವಾರ್ತೆಯಿಂದ ನೋವನ್ನು ಅನುಭವಿಸುತ್ತೀರಿ
• ಸಹೋದರ ವರ್ಗದ ಜೊತೆಯಲ್ಲಿ ಜಗಳ ಮಾಡುವುದರಿಂದ ಬೇಸರ ಅಗಬಹುದು
• ಮಾನಸಿಕ ಕಿರಿಕಿರಿ ದಿನಪೂರ್ತಿ ಕಾಡಲಿದೆ
• ಪ್ರಯಾಣಕ್ಕೆ ಸಿದ್ಧತೆಗಳನ್ನು ಮಾಡಿಕೊಂಡಿದ್ದರೆ ಅದು ಪ್ರಯೋಜನಕ್ಕೆ ಬರುವುದಿಲ್ಲ
• ಮೂಲ ದೇವರನ್ನು ಪ್ರಾರ್ಥಿಸಿ

ಸಿಂಹ

• ಸಾಯಂಕಾಲಕ್ಕೆ ಬೇಸರದ ವಾತಾವರಣ ಹಾಗೆ ಅಧಿಕವಾಗಿ ಹಣ ಖರ್ಚಾಗಲಿದೆ
• ಮನೆಯಲ್ಲಿ ಹಬ್ಬದ ವಾತಾವರಣ ಇರುತ್ತದೆ
• ಬೇರೆಯವರನ್ನು ಅವಲಂಬಿಸಿ ಅವಮಾನವನ್ನು ಹೊಂದುತ್ತೀರಿ
• ತಾಯಿಯವರಿಗೆ ಅನಾರೋಗ್ಯ ಕಾಡಬಹುದು ಎಚ್ಚರಿಕೆವಹಿಸಿ
• ವೃತ್ತಿಪರ ಸಾಧನೆ ತೃಪ್ತಿ ಕೊಡುವಂತಹದ್ದು
• ಒತ್ತಡಗಳಿಂದ ದೂರ ಉಳಿಯಬೇಕು
• ಅಮೃತ ಮೃತ್ಯುಂಜಯ ಜಪ ಹಾಗೂ ಹೋಮವನ್ನು ಮಾಡಿಸಿ

ಕನ್ಯಾ

• ಲಾಭ-ನಷ್ಟಗಳ ಚಿಂತೆಯನ್ನು ಮಾಡಬೇಡಿ
• ಆಸಕ್ತಿದಾಯಕ ವಿಚಾರಗಳಲ್ಲಿ ಚರ್ಚೆಯನ್ನು ಮಾಡಿ ಸಮಾಜಕ್ಕೆ ಸಂದೇಶವನ್ನು ನೀಡಿ
• ಸಹಾಯ ಮಾಡಿದವರು ನಿಮ್ಮನ್ನು ಈ ದಿನ ಆಶ್ರಯಿಸಬಹುದು
• ಧಾರ್ಮಿಕ ಮುಖಂಡರ ಸಲಹೆಯಿಂದ ಸಮಾಧಾನ ಸಿಗಲಿದೆ
• ಆರೋಗ್ಯದ ಬಗ್ಗೆ ಗಮನ ಇರಲಿ ತಾತ್ಸಾರ ಬೇಡ
• ಹಣ ಹೂಡಿಕೆಗೆ ಉತ್ತಮವಾದ ದಿನ
• ನವಗ್ರಹರನ್ನು ಆರಾಧನೆ ಮಾಡಿ

ತುಲಾ

• ಬೇರೆಯವರೊಂದಿಗಿನ ಸಂಪರ್ಕ ಸಮಾಧಾನ ನೀಡುತ್ತದೆ
• ವಾಸ್ತವದ ವಿಚಾರಕ್ಕೆ ಹೋರಾಟ ಮಾಡಿದರೆ ಜಯ ಕಾಣುತ್ತೀರಿ
• ಕಾರ್ಯಕ್ಷೇತ್ರ,ವೃತ್ತಿ,ವ್ಯಾಪಾರದಲ್ಲಿ ಹಿನ್ನಡೆ ಕಾಣುವ ಸಾಧ್ಯತೆ ಇದೆ
• ಮಕ್ಕಳ ವಿಚಾರದಲ್ಲಿ ಜಯ ಸಿಗುವುದರಿಂದ ಸಂತೋಷವಾಗಿರುತ್ತೀರಿ
• ಅನಗತ್ಯ ಮಾತಿನಿಂದ ಅಪಯಶಸ್ಸು ಕಾಣಬಹುದು
• ಸಾಮಾಜಿಕ ಕೆಲಸಗಳಲ್ಲಿ ನಿಮ್ಮನ್ನು ತೊಡಗಿಸಿಕೊಳ್ಳಬಹುದು
• ಶ್ರೀ ಕೃಷ್ಣನನ್ನು ಪ್ರಾರ್ಥಿಸಿ

ವೃಶ್ಚಿಕ

• ಅಕ್ಕಪಕ್ಕದವರು ನಿಮಗೆ ಸಹಾಯ ಮಾಡಬಹುದು
• ಮಕ್ಕಳ ಜೊತೆಗಿನ ಬಾಂಧವ್ಯ ಹಾಗೆ ಉಳಿಸಿಕೊಳ್ಳಿ
• ಇಂದು ನೀವು ಹಿರಿಯರ ನಿಂದನೆಗೆ ಒಳಗಾಗುತ್ತೀರಿ
• ಹಣದ ವಿಚಾರದಲ್ಲಿ ಜಾಗ್ರತೆವಹಿಸಿ
• ವಾತಾವರಣದ ವ್ಯತ್ಯಾಸದಿಂದ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು
• ನಿಮ್ಮ ಶಿಸ್ತು, ನಿಮ್ಮ ವರ್ತನೆಯಿಂದ ಬೇರೆಯವರ ಮೇಲೆ ಒತ್ತಡ ಏರಬಾರದು
• ದಕ್ಷಿಣಾಮೂರ್ತಿಯನ್ನು ಪ್ರಾರ್ಥಿಸಿ

ಧನಸ್ಸು

• ಆರೋಗ್ಯದ ವಿಚಾರದಲ್ಲಿ ಏರುಪೇರಾಗುವ ಸಾಧ್ಯತೆ ಇದೆ
• ಹಳೆಯ ವಿಚಾರ ಮತ್ತು ಸ್ನೇಹಿತರ ಭೇಟಿ ಆಗುವ ಅವಕಾಶವಿರುತ್ತದೆ
• ಮನೆ ಕಟ್ಟುವ ವಿಚಾರದಲ್ಲಿ ನೆಮ್ಮದಿ ವಾತಾವರಣ ಇರಲಿದೆ
• ತುಂಬಾ ಹಣ ಖರ್ಚು ಆಗುವ ಸಾಧ್ಯತೆ ಆದರೂ ನೆಮ್ಮದಿ ಸಿಗಲಿದೆ
• ಇಂದು ಕೋಪ ಕಡಿಮೆ ಇದ್ದರೆ ಒಳಿತು
• ದೀರ್ಘಕಾಲದ ಆಲೋಚನೆಗಳು ಇಂದು ಪೂರ್ಣವಾಗಬಹುದು
• ವೃದ್ಧರಿಗೆ ವಸ್ತ್ರದಾನ ಮಾಡಿ

ಮಕರ

• ತುಂಬಾ ಪರಿಶ್ರಮದ ದಿನವಾಗಿರುತ್ತದೆ
• ವಿದ್ಯಾರ್ಥಿಗಳಿಗೆ ಹೆಚ್ಚಿನ ಸವಾಲು ಎದುರಾಗುವ ಸಾಧ್ಯತೆ
• ಹಿನ್ನಡೆ ಕಾಣಬಹುದು ಆದರೆ ಭವಿಷ್ಯದ ಮೆಟ್ಟಿಲ್ಲನ್ನೇರುತ್ತೀವಿ ಅನ್ನೋ ಭಾವನೆ ನಿಮ್ಮಲ್ಲಿರಬೇಕು
• ಆರ್ಥಿಕವಾಗಿ ಯಾವುದೇ ತೊಂದರೆಗಳು ಕಾಣುವುದಿಲ್ಲ
• ಸಾಲವನ್ನು ತೀರಿಸಲು ಇಂದು ಸಾಧ್ಯವಾಗುತ್ತದೆ
• ಅತಿಥಿಗಳ ಆಗಮನ ಆಗುವುದರಿಂದ ಮನಸ್ಸಿಗೆ ಸಂತೋಷ ಸಿಗಲಿದೆ
• ಮನೆಯ ವಾತಾವರಣ ಸಾಯಂಕಾಲದ ಹೊತ್ತಿಗೆ ಶುಭವಾಗಲಿದೆ
• ಉಗ್ರನರಸಿಂಹ ಸ್ವಾಮಿಯನ್ನು ಪ್ರಾರ್ಥಿಸಿ

ಕುಂಭ

• ನಿಮ್ಮ ವೃತ್ತಿ, ನೌಕರಿಯಲ್ಲಿ, ವಿದ್ಯಾರ್ಥಿಗಳಿಗೆ ಸ್ವಲ್ಪ ಅಡ್ಡಿ ಆಗುವ ಸೂಚನೆ ಇದೆ ಗಮನಹರಿಸಿ
• ಆಹಾರ ಮಿತವಾಗಿರಲಿ ಆರೋಗ್ಯವನ್ನು ಕಾಪಾಡಿಕೊಳ್ಳಿ
• ನಿಮ್ಮ ಶಿಸ್ತು ನಿಮ್ಮನ್ನು ಕಾಪಾಡುತ್ತದೆ
• ಮನೆಯವರಿಂದ ಆಶ್ಚರ್ಯ ಕಾದಿರುತ್ತದೆ
• ಈ ದಿನ ಆಲಸ್ಯವನ್ನು ಸ್ವಲ್ಪ ದೂರಮಾಡಿ
• ಸಮಾಜದಲ್ಲಿ ನಿಮ್ಮ ಬಗ್ಗೆ ಇಲ್ಲ ಸಲ್ಲದ ಮಾತು ಬರಬಹುದು
• ಹಣದ ವಿಚಾರದಲ್ಲಿ ನಷ್ಟ ಅಥವಾ ಮೋಸ ಆಗಬಹುದು ಕಾಳಜಿವಹಿಸಿ
• ಮಾನಸಿಕವಾದ ಸ್ಥಿಮಿತತೆ ಇಲ್ಲದೆ ಇದ್ದಾಗ ಯಾವುದೇ ವ್ಯವಹಾರ ಮಾಡಬೇಡಿ
• ಕುಲದೇವತಾ ಪ್ರಾರ್ಥನೆ ಮಾಡಿ

ಮೀನ 

• ಪ್ರವಾಸಕ್ಕೆ ಅವಕಾಶವಿರುವ ದಿನವಾಗಿರುತ್ತದೆ
• ಇಂದು ಆತ್ಮೀಯರು ದೂರವಾಗಬಹುದು
• ಸಮಾಜದಲ್ಲಿ ಗಣ್ಯ ವ್ಯಕ್ತಿಗಳ ಭೇಟಿ ಆಗುವ ಸಾಧ್ಯತೆ ಇದೆ
• ಆರ್ಥಿಕ ಲಾಭವಿದ್ದರೂ ಕೂಡ ಭಯ ಪಡಬೇಕಾದ ದಿನ
• ನಿರೀಕ್ಷಿಸಿದ ವಿಚಾರ ಮಾತ್ರ  ತೃಪ್ತಿ ಕೊಡುವುದಿಲ್ಲ
• ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ