ಅದೃಷ್ಟ ಲಕ್ಷ್ಮಿ ನಿಮ್ಮ ಮನೆಯ ಬಾಗಿಲಿಗೆ, ಈ ರಾಶಿಯವರಿಗೆ ಇಂದು ಶುಭದಿನ; ಇಲ್ಲಿದೆ ಇಂದಿನ ರಾಶಿ ಭವಿಷ್ಯ!

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ವಿಶ್ವಾವಸುನಾಮ ಸಂವತ್ಸರ, ಉತ್ತರಾಯಣ, ಗ್ರೀಷ್ಮ ಋತು, ಜ್ಯೇಷ್ಠ ಮಾಸ, ಶುಕ್ಲಪಕ್ಷ, ಹುಣ್ಣಿಮೆ ತಿಥಿ, ಜ್ಯೇಷ್ಠಾ ನಕ್ಷತ್ರ, ರಾಹುಕಾಲ ಬುಧವಾರ ಮಧ್ಯಾಹ್ನ 12.00 ರಿಂದ 1.30 ರವರೆಗೆ

ಮೇಷ ರಾಶಿ

• ಆಹಾರದ ವ್ಯತ್ಯಯಗಳಿಂದ ಆರೋಗ್ಯದಲ್ಲಿ ವ್ಯತ್ಯಾಸ ಆಗಬಹುದು
• ವ್ಯಾಪಾರ-ವ್ಯವಹಾರಗಳಲ್ಲಿ ಹೆಚ್ಚಿನ ಲಾಭ ಬರುವ ಸೂಚನೆಗಳಿವೆ
• ನಿಮ್ಮ ಮನಸ್ಥೈರ್ಯವನ್ನು ಹೆಚ್ಚಿಸುತ್ತದೆ
• ಜನರು ನಿಮ್ಮ ದೌರ್ಬಲ್ಯವನ್ನು ದುರುಪಯೋಗ ಪಡಿಕೊಳ್ಳಲು ಕಾಯ್ತಾ ಇರ್ತಾರೆ ಜಾಗ್ರತೆಯನ್ನು ವಹಿಸಿ
• ಸ್ತ್ರೀಯರಿಗೆ ಅನುಕೂಲವಾಗುವ ದಿನ
• ಖರೀದಿಗೆ ಹೆಚ್ಚು ಅವಕಾಶಗಳಿವೆ
• ಮೋಸ ಹೋಗುವುದು ಬೇಡ
• ಮನೆ ದೇವರನ್ನು ಪ್ರಾರ್ಥನೆ ಮಾಡಿ

ವೃಷಭ

• ನೌಕರರಿಗೆ, ವೃತ್ತಿಪರರಿಗೆ ಕಿರಿಕಿರಿ ಆಗಬಹುದು
• ವಿದ್ಯಾರ್ಥಿಗಳು ತಮ್ಮ ಕರ್ತವ್ಯ ಲೋಪದಿಂದ ಬೇಸರಗೊಳ್ಳುವ ಸಾಧ್ಯತೆಯಿದೆ
• ಮಾನಸಿಕ ಸಮಾಧಾನ ಮುಖ್ಯವಾಗುತ್ತದೆ
• ಅಕ್ಕಪಕ್ಕದವರ ಜೊತೆ, ಸ್ನೇಹಿತರ ಜೊತೆ ಜಗಳ ಬೇಡ
• ಹಿರಿಯರು, ಮೇಲಾಧಿಕಾರಿಗಳು, ಶಿಕ್ಷಕರು, ನಿಮ್ಮ ಮೇಲೆ ಕೋಪ ಮಾಡಿಕೊಳ್ಳಬಹುದು
• ದೊಡ್ಡವರನ್ನು ಗೌರವಿಸಿ
• ವಿದ್ಯಾರ್ಥಿಗಳು ತಮ್ಮ ಜವಾಬ್ದಾರಿಯಿಂದ ನಿಮ್ಮ ಕಾರ್ಯವನ್ನು ನಿಭಾಯಿಸಿ
• ಯಾವುದೇ ಕೆಲಸವನ್ನು ತುಂಬಾ ಆತುರವಾಗಿ ಮಾಡಬೇಡಿ ಯಶಸ್ಸಿಗೆ ಅಡ್ಡಿ ಆಗಬಹುದು
• ನಿಧಾನವಾಗಿ ಯೋಚಿಸಿ ಇರುವ ಸಮಯವನ್ನು ಉಪಯೋಗಿಸಿ ಕೆಲಸ ಮಾಡಿ
• ನಿಮ್ಮ ಸಮಯವನ್ನು ಒಳ್ಳೆಯ ಕಾರ್ಯಗಳಿಗೆ ಸದುಪಯೋಗ ಮಾಡಿಕೊಳ್ಳಿ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥನೆ ಮಾಡಿ

ಮಿಥುನ

• ಮನೆಯಲ್ಲಿ ಮೊದಲಿನಿಂದ ನಡೆದುಕೊಂಡು ಬಂದಿರುವ ವ್ಯಾಪಾರ, ವ್ಯವಹಾರದಲ್ಲಿ ಲಾಭ ಗಳಿಸಬಹುದು
• ಬೇರೆಯವರು ಏನೋ ಮಾತನಾಡಿಕೊಳ್ಳುತ್ತಾರೆ ಅನ್ನೊ ಉದ್ದೇಶದಿಂದ ನಿಮ್ಮ ವ್ಯಾಪಾರವನ್ನು ಕೈ ಬಿಡಬೇಡಿ
• ಯಾವುದೇ ಕೆಲಸಕ್ಕೆ ಕೈ ಹಾಕಿದರೂ ಯಶಸ್ಸು ಸಿಗಲಿದೆ
• ಇಂದು ಪ್ರೇಮಿಗಳಿಗೆ ಶುಭದಿನ
• ನೀವು ಹೊಸದಾಗಿ ವ್ಯವಹಾರ ಆರಂಭ ಮಾಡಬೇಕೆಂದರೆ ಆಗು ಹೋಗುಗಳನ್ನು ಗಮನಿಸಿ ವ್ಯವಹರಿಸಿ
• ಭೂ ವ್ಯವಹಾರ ಮಾಡುವವರಿಗೆ ಸಾಯಂಕಾಲದ ನಂತರದ ವ್ಯವಹಾರ ಶುಭವಾಗಲಿದೆ
• ಮನೆಯಲ್ಲಿ, ವ್ಯವಹಾರದ ಸ್ಥಳದಲ್ಲಿ ಜಗಳ ಬೇಡ
• ದುರ್ಗಾದೇವಿಯನ್ನು ಪ್ರಾರ್ಥನೆ ಮಾಡಿ

ಕಟಕ

• ನಿಮ್ಮ ಬಗ್ಗೆ ಒಳ್ಳೆಯ ಅಭಿಪ್ರಾಯವಿಲ್ಲದವರನ್ನು ದ್ವೇಷಿಸಬೇಡಿ
• ಕೇವಲ ಅಂತರವನ್ನು ಕಾಯ್ದುಕೊಳ್ಳಿ
• ತುಂಬಾ ಅಗತ್ಯವಿರುವ ವಿಷಯಗಳನ್ನು ಸ್ನೇಹಿತರೊಂದಿಗೆ ಚರ್ಚೆ ಮಾಡಿ
• ಹೊಸ ಆದಾಯದ ಮೂಲಗಳು ನಿಮ್ಮ ಅಭಿವೃದ್ದಿಯನ್ನು ಹೆಚ್ಚಿಸಲಿವೆ
• ಕೆಲಸದ ಸ್ಥಳದಲ್ಲಿ ನಿಮಗೆ ಸಣ್ಣಪುಟ್ಟ ಅಡ್ಡಿಯಾದರೂ ಆತಂಕ ಪಡಬೇಕಾಗಿಲ್ಲ
• ಈ ದಿನ ಸ್ಥಿರಾಸ್ತಿಯನ್ನು ನೋಂದಣಿ ಮಾಡಿಸುವವರು ಮಧ್ಯಾಹ್ನದ ನಂತರ ಮಾಡಿಸಿ ಶುಭವಿದೆ
• ಈಶ್ವರ ಪರಿವಾರ ದೇವತೆಗಳನ್ನು ಪ್ರಾರ್ಥಿಸಿ

ಸಿಂಹ

• ಆರೋಗ್ಯದ ಬಗ್ಗೆ ಕಾಳಜಿವಹಿಸಿ
• ರಕ್ತದೊತ್ತಡ ಸಮಸ್ತೆಯಿರುವವರು ಜಾಗ್ರತೆಯಿಂದಿರಿ
• ಸರ್ಕಾರಿ ಕೆಲಸಗಳಲ್ಲಿ ಅಡಚಣೆಯಿರುತ್ತದೆ
• ಉದ್ಯೋಗ ಹಾಗೂ ವ್ಯವಹಾರದಲ್ಲಿ ಅನಿರೀಕ್ಷಿತ ನಷ್ಟ ಸಾಧ್ಯತೆ
• ಸರ್ಕಾರಿ ನೌಕರಿಯಲ್ಲಿರುವ ಸ್ತ್ರೀಯರಿಗೆ ಶುಭವಾರ್ತೆ
• ಈ ದಿನ ಆಲಸ್ಯ ತೋರಿಸಬಾರದು
• ನಿಮ್ಮ ಕೆಲಸಕ್ಕೆ ಸಂಬಂಧಿಸಿದವರು ನಿಮ್ಮ ಅಹವಾಲನ್ನು ಸ್ವೀಕರಿಸಿ ನಿಮಗೆ ಭರವಸೆ ನೀಡುವ ಸಾಧ್ಯತೆಗಳಿವೆ
• ನಿಮ್ಮ ಮನಸ್ಸಿಗೆ ಆನಂದವಾಗಬಹುದು
• ಈ ದಿನ ಕೆಲಸದಲ್ಲಿ ಉತ್ತೇಜನ ಬರುತ್ತದೆ ಹಾಗೆ ಮುಂದುವರೆಸಿ ಶುಭ ಫಲವಿದೆ
• ಪಾರ್ವತಿ ದೇವಿಯನ್ನು ಆರಾಧಿಸಿ

ಕನ್ಯಾ

• ತಲೆನೋವು ಮಾನಸಿಕ ಉದ್ವೇಗಕ್ಕೆ ಒಳಗಾಗುವ ದಿನ
• ಪ್ರೇಮಿಗಳ ಮಧ್ಯೆ ಬಿರುಕು ಉಂಟಾಗಬಹುದು
• ಪ್ರೀತಿಸಿ ಮದುವೆಯಾದ ಒಂದೇ ನಕ್ಷತ್ರ ಒಂದೇ ರಾಶಿಯವರು ಪರಸ್ಪರ ಜಗಳ ಮಾಡಬಹುದು
• ಕೊನೆಗೆ ಕಾನೂನಿನ ಮೊರೆ ಹೋಗುವ ಸಾಧ್ಯತೆಗಳು ಇರುತ್ತವೆ
• ವೈವಾಹಿಕ ವಿಚಾರಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಕಾಡಬಹುದು
• ನಿಮ್ಮ ಆತ್ಮವಿಶ್ವಾಸವನ್ನು ಕಡಿಮೆ ಮಾಡಿಕೊಳ್ಳಬೇಡಿ
• ತಾಳ್ಮೆ ಇರಲಿ ವಾದ-ವಿವಾದಗಳು ಅಥವಾ ಜಗಳವೇ ಇದಕ್ಕೆ ಪರಿಹಾರವಲ್ಲ
• ನಿಧಾನವಾಗಿ ಯೋಚಿಸಿ ಸಮಸ್ಯೆಗಳನ್ನು ಶಾಂತವಾಗಿ ಬಗೆಹರಿಸಿಕೊಳ್ಳಲು ಅವಕಾಶಗಳಿವೆ
• ವೃದ್ಧ ದಂಪತಿಗಳಿಗೆ ನಿಮ್ಮ ಕೈಲಾದ ಸಹಾಯ ಮಾಡಿ

ತುಲಾ

• ರಾಜಕೀಯ ವಿಚಾರದಲ್ಲಿ ತೊಡಗಿಸಿಕೊಂಡಿರುವ ಯುವಕರಿಗೆ ತುಂಬಾ ಪ್ರೋತ್ಸಾಹ ಸಿಗಲಿದೆ
• ಹಣದ ಅನುಕೂಲವಾಗುವ ಸಾಧ್ಯತೆಗಳಿವೆ
• ರಾಜಕೀಯ ಭವಿಷ್ಯ ಕಟ್ಟಿಕೊಳ್ಳಲು ಮುಂದಾಗಿರುವ ಈ ರಾಶಿಯವರು ಸರಿಯಾದ ನಾಯಕರ ಮಾರ್ಗದರ್ಶನ ಪಡೆದು ಮುಂದುವರೆಯ ಬೇಕಾಗುತ್ತದೆ
• ಮನೆಯಲ್ಲಿ ಹಲವು ವಿಚಾರಗಳಿಗೆ ಭಿನ್ನಾಭಿಪ್ರಾಯಗಳು ಇರುತ್ತವೆ
• ಸಾಮಾಜಿಕವಾಗಿ ನಿಮ್ಮನ್ನು ಗುರುತಿಸಿಕೊಳ್ಳಲು ಒಂದು ಅವಕಾಶ
• ಅದೃಷ್ಟ ಲಕ್ಷ್ಮಿ ನಿಮ್ಮ ಮನೆಯ ಬಾಗಿಲಿಗೆ ಬಂದ ಅನುಭವವಾಗುತ್ತದೆ
• ಯಾವುದರ ದುರುಪಯೋಗವನ್ನು ಮಾಡಿಕೊಳ್ಳದೆ ಕಾರ್ಯತತ್ಪರರಾಗಿರಿ
• ನದಿ ತೀರದಲ್ಲಿರುವ ದೇವಿಯನ್ನು ಆರಾಧಿಸಿ

ವೃಶ್ಚಿಕ

• ವಿದೇಶ ಪ್ರಯಾಣಕ್ಕೆ ಪ್ರಯತ್ನಿಸುವವರಿಗೆ ಈ ದಿನ ಶುಭವಾಗಲಿದೆ
• ಇಂದು ಹಣದ ಕೊರತೆ ಆಗಬಹುದು
• ಸರಿಯಾಗಿ ವ್ಯವಸ್ಥೆ ಮಾಡಿಕೊಳ್ಳುವುದು ಉತ್ತಮ
• ಪದವೀಧರ ವಿದ್ಯಾರ್ಥಿಗಳಿಗೆ ಗೊಂದಲ ಉಂಟಾಗುವ ಸಾಧ್ಯತೆ
• ಇಲ್ಲಿಯೇ ಕೆಲಸಕ್ಕೆ ಅವಕಾಶಗಳಿರುತ್ತವೆ
• ವಿದೇಶಕ್ಕೆ ಹೋಗುವ ಸಾಧ್ಯತೆ, ಏನು ಮಾಡಲಿ ಎಂಬ ಚಿಂತೆ ಕಾಡಬಹುದು
• ಅವಕಾಶವನ್ನು ಮುಂದಿಟ್ಟುಕೊಂಡು ಯೋಚಿಸಿ ಫಲವಿಲ್ಲ ಸರಿಯಾದ ನಿರ್ಧಾರ ಮಾಡಿ
• ವಿಷ್ಣು ಸಹಸ್ರನಾಮ ಶ್ರವಣ ಮಾಡಿ

ಧನಸ್ಸು

• ಇಂಜಿನಿಯರ್ಸ್ ಮತ್ತು ಇಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ಶುಭಪ್ರದವಾದ ದಿನ
• ನಿಮ್ಮ ಕಾರ್ಯಕ್ಷೇತ್ರದಲ್ಲಿ ಸಾಧನೆಗೆ ಗೌರವ ದೊರೆಯುವ ದಿನ
• ತಾಯಿಯ ಕಡೆಯಿಂದ ಉತ್ತಮ ಬೆಂಬಲ ಧನ ಸಹಾಯವಾಗುವುದು
• ನಿಮಗಿರುವ ಬುದ್ಧಿವಂತಿಕೆಯನ್ನು ತೋರಿಸಿ ಶುಭ ಫಲವಿದೆ
• ಕಾರ್ಯಕರ್ತರಲ್ಲಿ ಅಧಿಕಾರಿಗಳ ಸಂಪೂರ್ಣ ಬೆಂಬಲ ಸಿಗಬಹುದು
• ವಿದ್ಯಾರ್ಥಿಗಳು ಕೆಲಸ ನಿರ್ವಹಿಸುತ್ತ ಉನ್ನತ ವ್ಯಾಸಂಗಕ್ಕೆ ಯೋಜನೆ ಹಾಕಿಕೊಂಡು ಮುಂದುವರಿಯುವ ಸಾಧ್ಯತೆಗಳಿವೆ
• ತಾಯಿಯ ಆರೋಗ್ಯದ ಬಗ್ಗೆ ಹೆಚ್ಚು ಗಮನಹರಿಸಿ
• ಬಡ ವಿದ್ಯಾರ್ಥಿಗಳ ಸಹಾಯವನ್ನು ಮಾಡಿ

ಮಕರ

• ನಿಮ್ಮ ಪ್ರಾಮಾಣಿಕತೆ ಮತ್ತು ಕೆಲಸ ಕಾರ್ಯಗಳಲ್ಲಿ ನಿಮಗಿರುವ ಬದ್ಧತೆ ನಿಮ್ಮ ಗೌರವವನ್ನು ಹೆಚ್ಚಿಸುವ ದಿನ
• ಆರ್ಥಿಕವಾಗಿ ನಿಮಗೆ ಅನುಕೂಲವಿದೆ
• ಹಣಕ್ಕಿಂತ ನಿಮ್ಮ ಕಾರ್ಯವೈಖರಿಯನ್ನು ಜನ ಮೆಚ್ಚಿ ಅಭಿನಂದಿಸುವುದೇ ನಿಮಗೆ ಹೆಚ್ಚೆನಿಸುತ್ತದೆ
• ನಿಜವಾಗಿ ಇದು ಶಾಶ್ವತವಾದುದು
• ಮಾತು-ಮನಸು ತುಂಬಾ ಮಾಧುರ್ಯವಾಗಿರುವ ದಿನ
• ಜನರು ನಿಮ್ಮ ಆಕರ್ಷಣೆಗೆ ಒಳಗಾಗುತ್ತಾರೆ
• ನಿಮ್ಮ ವೃತ್ತಿ, ನೌಕರಿ ದೃಷ್ಟಿಯಿಂದ ಜನರಿಗೆ, ಸಮಾಜಕ್ಕೆ ಒಳಿತು ಮಾಡಲು ಇದೊಂದು ಸದಾವಕಾಶ
• ನಿಮ್ಮನ್ನು ತೊಡಗಿಸಿಕೊಂಡು ಇನ್ನು ಹೆಚ್ಚಿನ ಜನಪ್ರಿಯತೆಗೆ ಪಾತ್ರರಾಗಿ
• ಗುರು ಹಿರಿಯರನ್ನು ಗೌರವಿಸಿ ಆಶೀರ್ವಾದ ಪಡೆಯಿರಿ

ಕುಂಭ

• ನಿಮ್ಮ ಮನಸ್ಥಿತಿ ಸರಿ ಇರದ ಕಾರಣ ಯಾವುದೋ ಹಳೆಯ ವಿಷಯಕ್ಕೆ ಸಹೋದರ,ಬಂಧುಗಳ ಮಧ್ಯೆ ಕಲಹಕ್ಕೆ ಅವಕಾಶಗಳಿವೆ
• ಮನೆಯ ವಿಚಾರದಲ್ಲಿ ಹೊರಗಿನ ಸಲಹೆ ಅನಗತ್ಯ ಅನಿಸುತ್ತದೆ
• ನಿಮ್ಮ ಪರವಾಗಿ ಬೇರೆಯವರು ಮಾತನಾಡಿದರೆ ಅವರಿಗೆ ಅವಮಾನದ ಸಾಧ್ಯತೆಗಳು ಹೆಚ್ಚು
• ಅದರಿಂದ ನಿಮ್ಮ ಗೌರವಕ್ಕೆ ಧಕ್ಕೆ ಬರಬಹುದು
• ಇಂದು ಖರ್ಚುಗಳನ್ನು ಸ್ವಲ್ಪ ನಿಯಂತ್ರಿಸಿ
• ನಿಮ್ಮ ಆರೋಗ್ಯದಲ್ಲಿ ಏನಾದರೂ ವ್ಯತ್ಯಾಸ ಕಂಡರೆ ತಾತ್ಸಾರ ಮಾಡಬೇಡಿ
• ವಿದ್ಯಾರ್ಥಿಗಳು ಯಾವುದೇ ದುಶ್ಚಟಗಳಿಗೆ ಬಲಿಯಾಗಬಾರದು
• ನಿಮ್ಮ ಮನಸ್ಸು ಪರಿವರ್ತನೆಗೆ ಕಾಯುತ್ತಿರುತ್ತದೆ
• ಮಹಾಕಾಳಿಯನ್ನು ಪ್ರಾರ್ಥಿಸಿ

ಮೀನ 

• ತಂದೆಯವರ, ದೊಡ್ಡವರ ಸೂಕ್ತ ಮಾರ್ಗದರ್ಶನ ನಿಮಗೆ ಲಭ್ಯವಾಗುತ್ತದೆ
• ನಿಮ್ಮ ಪ್ರತಿಭೆ-ವಿಚಾರವಂತಿಕೆ ಪ್ರಕಾಶ ಪಡಿಸಲು ಸದಾವಕಾಶ
• ಸ್ನೇಹಿತರು ಬಂಧುಗಳ ಪ್ರೀತಿ ವಿಶ್ವಾಸ ನಿಮಗೆ ಸ್ಫೂರ್ತಿದಾಯಕಗಳು
• ಧ್ಯಾನ, ಯೋಗ, ವ್ಯಾಯಾಮಗಳಿಗೆ ಹೆಚ್ಚಿನ ಮನಸ್ಸಿರುತ್ತದೆ
• ಎಲ್ಲಾ ದೃಷ್ಟಿಯಿಂದ ಶುಭ ದಿವಸ
• ಸಮಾಜಕ್ಕೆ ಅನುಕೂಲವಾಗುವ ಉತ್ತಮ ಕೆಲಸ ಮಾಡಿ ಶುಭವಾಗಲಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ