60 ರೂಪಾಯಿ ಬಾಡಿಗೆಯಿಂದ ಸ್ವಂತ ಮನೆಯವರೆಗೆ.. ಧರ್ಮಣ್ಣ ಕಡೂರು ಮನೆಗಿಟ್ಟ ಹೆಸರೇ ವಿಭಿನ್ನ!

ರಂಗಭೂಮಿ ಹಿನ್ನಲೆಯಿಂದ ಬಂದ ಹಾಸ್ಯನಟರಾಗಿ ಗುರುತಿಸಿಕೊಂಡಿದ್ದಾರೆ ನಟ ಧರ್ಮಣ್ಣ ಕಡೂರು. 2016ರಲ್ಲಿ ತೆರೆಕಂಡ ರಾಮಾ ರಾಮಾ ರೇ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟರು. ಇದಾದ ಬಳಿಕ ಮುಗುಳುನಗೆ ಸೇರಿದಂತೆ ಹಲವಾರು ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಇದನ್ನೂ ಓದಿ:ಎಲ್ಲರೂ ಅಚ್ಚರಿ ಪಡುವಂತೆ ಮನೆ ಕಟ್ಟಿಸಿದ ಗಿಚ್ಚಿ ಗಿಲಿಗಿಲಿ ಖ್ಯಾತಿಯ ಚಂದ್ರಪ್ರಭ; ಫೋಟೋಸ್ ಇಲ್ಲಿವೆ

ಇದೀಗ ನಟ ಧರ್ಮಣ್ಣ ಕಡೂರು ಮನೆಯಲ್ಲಿ ಸಂಭ್ರಮ ಮನೆ ಮಾಡಿದೆ. ಹೌದು, ಧರ್ಮಣ್ಣ ಕಡೂರು ಕುಟುಂಬ ಹೊಸ ಮನೆಗೆ ಕಾಲಿಟ್ಟಿದೆ. ಈ ಖುಷಿ ವಿಚಾರವನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

View this post on Instagram

A post shared by Dharmanna Kadur (@dharmanna.kadur)

ಮನೆಯ ಗೃಹಪ್ರವೇಶದ ಫೋಟೋಗಳನ್ನು ಹಂಚಿಕೊಂಡ ನಟ, ದೇವರ ಆಶೀರ್ವಾದ ನಿಮ್ಮಗಳ ಪ್ರೀತಿಯಿಂದ 60 ರೂಪಾಯಿ ಮನೆ ಬಾಡಿಗೆಯಿಂದ ಇವತ್ತು ಇಂತ ಒಂದು ಗೂಡನ್ನು ಕಟ್ಟಿಕೊಂಡಿದ್ದೇವೆ. ಅ ಗೂಡಿಗೆ ತುಂಬಾ ಇಷ್ಟ ಪಟ್ಟು ಪ್ರೀತಿಯಿಂದ ಇಟ್ಟ ಹೆಸರು ಇದು "ಅ" ಎಂದು ಬರೆದುಕೊಂಡಿದ್ದಾರೆ.

ಇನ್ನೂ ಇದೇ ಫೋಟೋಗಳನ್ನು ನೋಡಿದ ಅಭಿಮಾನಿಗಳು ಧರ್ಮಣ್ಣ ಹೊಸ ಮನೆಗೆ ಅ ಅಂತ ಹೆಸರನ್ನು ಇಡಲು ಕಾರಣವೇನು ಅಂತ ಪ್ರಶ್ನೆ ಮಾಡಿದ್ದಾರೆ. ಈ ಬಗ್ಗೆ ನಟನೆ ಉತ್ತರ ಕೊಡಬೇಕಿದೆ.

ಮತ್ತೊಂದು ವಿಶೇಷ ಏನೆಂದರೆ ಧರ್ಮಣ್ಣ ಕಡೂರು ಅವರು ಕೆಂಪು, ಹಳದಿ ಬಣ್ಣದ ಕನ್ನಡದ ಬಾವುಟದ ಕಲರ್‌ ಮಧ್ಯೆ ಅ ಎಂದು ಬರೆಸಿದ್ದಾರೆ. ಇದನ್ನೇ ನೋಡಿದ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ