ಇನ್ಮುಂದೆ ಕರ್ಣನ ಹವಾ ಬಲು ಜೋರು.. ವೀಕ್ಷಕರಿಗೆ ಇಷ್ಟ ಆಗುತ್ತಾ ಅಕ್ಕ-ತಂಗಿ ಕಾಂಬಿನೇಷನ್..!

ಕರ್ಣ ಈ ವರ್ಷದ ಬಹು ನಿರೀಕ್ಷಿತ ಧಾರಾವಾಹಿ. ದೊಡ್ಡ ತಾರಾಬಳಗ ಹೊಂದಿರೋ ಸೀರಿಯಲ್​ ಇದು. ವರ್ಷದಿಂದ ಈ ಪ್ರಾಜೆಕ್ಟ್​ ಸದ್ದು ಮಾಡುತ್ತಿದೆ. ಅವ್ರು ಹೀರೋ ಆಗ್ತಾರೆ, ಇವ್ರು ಹೀರೋಯಿನ್​ ಆಗ್ತಾರೆ ಎಂಬ ಚರ್ಚೆ​ ಆಗಾಗ ಮುನ್ನೆಲೆಗೆ ಬರ್ತಾನೆ ಇತ್ತು. ಈಗ ಅದಕ್ಕೆಲ್ಲಾ ಬ್ರೇಕ್​ ಬಿದ್ದು ಕರ್ಣನ ಪ್ರೋಮೋಗಳು ಸದ್ದು ಮಾಡ್ತಿವೆ.

ಇದನ್ನೂ ಓದಿ:ತಮಿಳು Sa Re Ga Ma Pa ವೇದಿಕೆ ಮೇಲೆ ಶಿವಾನಿಗೆ ಬಿಗ್ ಸರ್​ಪ್ರೈಸ್.. ಏನದು?

ನಟ ಕಿರಣ್​ ರಾಜ್​ಗೆ ಜೋಡಿಯಾಗಿ ಭವ್ಯಾ ಗೌಡ ಅಭಿನಯಿಸ್ತಿದ್ದಾರೆ. ಇಬ್ಬರ ಕುಡಿನೋಟದ ಕಲರ್​ಫುಲ್​ ಸಾಂಗ್​ಗೆ ಭಾರೀ ಮೆಚ್ಚುಗೆ ಕೂಡ ವ್ಯಕ್ತವಾಗಿದೆ. ಕರ್ಣ ಡಾಕ್ಟರ್ ಆಗಿರುತ್ತಾನೆ​. ಕಾಲೇಜ್​ನಲ್ಲಿ ಮೋಸ್ಟ್​ ಟ್ಯಾಲೆಂಟೆಡ್​​ ಮೆಡಿಕಲ್ ​ಸ್ಟೂಡೆಂಟ್ ಈ ನಾಯಕ​. ಅದೇ ಕಾಲೇಜ್​ನಲ್ಲಿ ನಿಧಿ ಕೂಡ ಮೆಡಿಕಲ್​ ಓದಿರುತ್ತಾಳೆ. ಜೂನಿಯರ್​ ನಿಧಿಗೆ ಸೀನಿಯರ್ ಆಗಿರೋ ಕರ್ಣನ ಮೇಲೆ ಲವ್​ ಆ್ಯಟ್​ ಫಸ್ಟ್​ ಸೈಟ್​ ಆಗುತ್ತೆ. ಇದು ಪ್ರೋಮೋದಲ್ಲಿ ತೋರಿಸಲಾದ ದೃಶ್ಯಗಳು. ಸದ್ಯ ಇದೇ ಜೂನ್​ 16ರಿಂದ ಕರ್ಣ ತೆರೆಗೆ ಬರ್ತಿದ್ದಾನೆ. ಈ ಕುರಿತು ಅನೌನ್ಸ್ ಮಾಡಿ, ಒಂದಿಷ್ಟು ತೆರೆಹಿಂದಿನ ವಿಶ್ವಲ್ಸ್ ಶೇರ್ ಮಾಡಿದ್ದಾರೆ ನಟ ಕಿರಣ ರಾಜ್​.

ಇನ್ನೂ ನಮ್ರತಾ ನಿತ್ಯಾ ಅನ್ನೋ ಪಾತ್ರ ಮಾಡ್ತಿದ್ದಾರೆ. ನಿತ್ಯಾ, ನಿಧಿ ಇಬ್ಬರೂ ಅಕ್ಕ-ತಂಗಿ. ಅಜ್ಜಿ ಜೊತೆಗೆ ಜೀವನ ಮಾಡ್ತಾ ಇರುತ್ತಾರೆ. ಅಜ್ಜಿ ಪಾತ್ರದಲ್ಲಿ ಹಿರಿಯ ನಟಿ ಗಾಯತ್ರಿ ಪ್ರಭಾಕರ್​ ಅವರು ಕಾಣಿಸಿಕೊಳ್ತಿದ್ದಾರೆ. ನಿತ್ಯಾ ಪ್ರ್ಯಾಕ್ಟಿಕಲ್​ ಹುಡುಗಿ. ನಿಧಿ ಭಾವನಾತ್ಮ ಹುಡುಗಿ. ಎಲ್ಲರ ಮನೆಯಲ್ಲೂ ಇರೋ ಹಾಗೇ ಅಕ್ಕ ತಂಗಿ ನಡುವೆ ಇರೋ ಕೋಳಿ ಜಗಳ, ಹುಸಿ ಮುನಿಸು ಸಹಜವಾಗಿಯೇ ನಿತ್ಯ-ನಿಧಿ ನಡುವೆ ಇರುತ್ತೆ. ಶೂಟಿಂಗ್​ ನಡೀತಿರೋ ವಿಡಿಯೋಗಳೂ ನ್ಯೂಸ್​ಫಸ್ಟ್​ಗೆ​ ಲಭ್ಯವಾಗಿದೆ.

ನಮ್ರತಾ ಪಾತ್ರದ ಪ್ರೋಮೋ ಹೊರಬರಬೇಕಿದ್ದು, ತುಂಬಾ ಸ್ಪೆಷಲ್​ ಆಗಿ ಪ್ರೋಮೋ ರಿಲೀಸ್​ ಮಾಡಲಿದೆ ತಂಡ. ಮಲ್ಲೇಶ್ವರಂ ಸುತ್ತಮುತ್ತ ಶೂಟಿಂಗ್​ ನಡೀತಿದೆ. ಭವ್ಯಾ ಹಾಗೂ ನಮ್ರತಾ ವಿದ್ಯಾರ್ಥಿ ಭವನದಲ್ಲಿ ದೋಸೆ ಸವಿತಿರೋ ವಿಶ್ವಲ್ಸ್ ಹಂಚಿಕೊಂಡಿದ್ದಾರೆ. ಒಟ್ಟಿನಲ್ಲಿ ಕರ್ಣ ಯಾವಾಗ ಬರ್ತಾನೋ ಅಂತ ವೀಕ್ಷಕರು, ಫ್ಯಾನ್ಸ್​ ಕಾಯುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ