ತಮನ್ನಾ ಭಾಟಿಯಾ ವಿರುದ್ಧ ತಿರುಗಿಬಿದ್ದ ಸ್ಯಾಂಡಲ್​ವುಡ್ ತಾರೆಯರು​; ತುಪ್ಪದ ಬೆಡಗಿ ರಾಗಿಣಿ ಏನಂದ್ರು?

ಮೈಸೂರು ಸ್ಯಾಂಡಲ್ ಸೋಪ್​ನ ರಾಯಭಾರಿಯಾಗಿ ಆಗುತ್ತಿದ್ದಂತೆ ಸಾಕಷ್ಟು ವಿರೋಧಗಳು ವ್ಯಕ್ತವಾಗುತ್ತಿವೆ. ಒಬ್ಬರಾದ ಮೇಲೆ ಒಬ್ಬರು ರಾಜ್ಯ ಸರ್ಕಾರ ಹಾಗೂ ನೇಮಕ ಮಾಡಿದವರ ವಿರುದ್ಧ ಆಕ್ರೋಶ ಹೊರ ಹಾಕುತ್ತಿದ್ದಾರೆ.

ಇದನ್ನೂ ಓದಿ:ಮೈಸೂರು ಸ್ಯಾಂಡಲ್ ಸೋಪ್​ಗೆ ಅಂಬಾಸಿಡರ್ ಅಗತ್ಯವಿಲ್ಲ.. ಮೋಹಕತಾರೆ ರಮ್ಯಾ ಖಡಕ್ ಟಾಂಗ್‌; ಏನಂದ್ರು?

ನಟಿ ರಮ್ಯಾ, ಕಾರುಣ್ಯಾ ರಾಮ್​ ಸೇರಿದಂತೆ ನಟಿಯರು ಕನ್ನಡದವರನ್ನು ಬಿಟ್ಟು ಪರಭಾಷಿಕರನ್ನು ನೇಮಕ ಮಾಡಿದ್ದು ಸರಿಯಲ್ಲ ಅಂತ ಖಂಡನೆ ವ್ಯಕ್ತಪಡಿಸುತ್ತಿದ್ದಾರೆ. ಇದೀಗ 2 ವರ್ಷಗಳ ಅವಧಿಗೆ 6 ಕೋಟಿ ರೂಪಾಯಿ ನೀಡಿ ಸ್ಟಾರ್​ ನಟಿ ತಮನ್ನಾ ಭಾಟಿಯಾ ಅವರನ್ನು ನೇಮಕ ಮಾಡಿದ ವಿಚಾರದ ಬಗ್ಗೆ ತುಪ್ಪದ ಬೆಡಗಿ ರಾಗಿಣಿ ಕಿಡಿ ಕಾರಿದ್ದಾರೆ.

ಈ ಬಗ್ಗೆ ಮಾತಾಡಿದ ನಟಿ, ಕನ್ನಡದಲ್ಲೇ ಸಾಕಷ್ಟು ನಟಿಯರು ಇದ್ದಾರೆ. ನಮಗೆ ಮೊದಲ ಆದ್ಯತೆ ಕೊಡಲಿ. ಪ್ರಾದೇಶಿಕವಾಗಿರೋ ಪ್ರಾಜೆಕ್ಟ್​ಗಳಿಗೆ ನಮ್ಮ ನಟಿಯರ ಆಯ್ಕೆ ಆಗಬೇಕು‌. ನಮ್ಮ ಸ್ಥಳೀಯ ಬ್ರ್ಯಾಂಡ್ ಅಂದಾಗ ನಾವು ಫ್ರೀಯಾಗಿ ಎಷ್ಟೋ ಜಾಹೀರಾತು ಮಾಡಿದ್ದೀವಿ. ಆರು ಕೋಟಿ ಕೊಟ್ಟು ಹೊರಗಡೆಯಿಂದ ನಟಿಯರನ್ನು ತರೋ ಅವಶ್ಯಕತೆ ಇರಲಿಲ್ಲ ಅಂತ ಕೆಂಡಕಾರಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ