ಬಿಗ್​ಬಾಸ್​​ಗೆ ಎಂಟ್ರಿ ಕೊಟ್ಟ ಕನ್ನಡ ಕಿರುತೆರೆಯ ಇಬ್ಬರು ನಟಿಯರು; ಯಾರಿವರು ಗೊತ್ತಾ?

ಒಂದು ಕಡೆ ಕನ್ನಡದ ಬಿಗ್​ ರಿಯಾಲಿಟಿ ಶೋ ಶುರುವಾಗಲು ತೆರೆಮರೆಯಿಂದ ಸಿದ್ಧತೆ ನಡೆಸಲಾಗುತ್ತಿದೆ. ಮತ್ತೊಂದು ಕಡೆ ತೆಲುಗಿನ ಬಿಗ್​ಬಾಸ್ ಬಗ್ಗೆ ಬಿಗ್ ಅಪ್‌ಡೇಟ್‌ವೊಂದು ಸಿಕ್ಕಿದೆ. ಇಂದಿನಿಂದ ತೆಲುಗಿನ ಬಿಗ್​ಬಾಸ್ ಸೀಸನ್- 8 ಶುರುವಾಗಿಲಿದೆ. ಒಟ್ಟು 14 ಸ್ಪರ್ಧಿಗಳಲ್ಲಿ ಮೂವರು ಕನ್ನಡಿಗರಿಗೆ ಬಿಗ್​​ಬಾಸ್​ಗೆ ಹೋಗುವ ಅವಕಾಶ ಸಿಕ್ಕಿದೆ.

ಈ ಬಾರಿಯ ತೆಲುಗಿನ ಬಿಗ್​ಬಾಸ್​ ಸೀಸನ್ 8ಕ್ಕೆ ಹೋಗುವ ಅನೇಕರ ಹೆಸರುಗಳು ವೈರಲ್​ ಆಗಿದ್ದವು. ಅದರಲ್ಲೂ ಇಬ್ಬರು ಕನ್ನಡತಿಯರ ಹೆಸರು ಕೂಡ ಮುನ್ನಲೆಗೆ ಬಂದಿತ್ತು. ಇದೀಗ ಈ ಬಾರಿಯ ಕನ್ನಡ ಬಿಗ್​ಬಾಸ್​ಗೆ ಯಾರೆಲ್ಲಾ ಎಂಟ್ರಿ ಕೊಡಲಿದ್ದಾರೆ ಎಂಬ ಚರ್ಚೆಗೆ ತೆರೆ ಬಿದ್ದಿದೆ.

ಇದನ್ನೂ ಓದಿ: ಅದ್ಧೂರಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ‘ರಂಗನಾಯಕಿ’ ನಟಿ ಪ್ರೇರಣಾ; ಹುಡುಗ ಯಾರು ಗೊತ್ತಾ?

ತೆಲುಗು ಬಿಗ್​ಬಾಸ್​ ಸೀಸನ್ 8ಕ್ಕೆ ಕನ್ನಡ ಕಿರುತೆರೆಯ ನಟಿ ಪ್ರೇರಣಾ ಕಂಬಂ ಎಂಟ್ರಿ ಕೊಟ್ಟಿದ್ದಾರೆ. ನಟಿ ಪ್ರೇರಣಾ ಕಂಬಂ ರಂಗನಾಯಕಿ ಸೀರಿಯಲ್​ ಖ್ಯಾತಿಯ ಪಡೆದಿಕೊಂಡಿದ್ದರು. ತಮ್ಮ ಅದ್ಭುತ ನಟನೆ ಮೂಲಕ ನಟಿ ಪ್ರೇರಣಾ ಸಾಕಷ್ಟು ಅಭಿಮಾನಿಗಳನ್ನು ಸಂಪಾದಿಸಿಕೊಂಡಿದ್ದಾರೆ. ಅದರಲ್ಲೂ ಕನ್ನಡದ ಬಿಗ್​ ರಿಯಾಲಿಟಿ ಶೋ ಬಿಗ್​ಬಾಸ್​ ಮಿನಿ ಸೀಸನ್​​ಗೂ ಎಂಟ್ರಿ ಕೊಟ್ಟಿದ್ದರು.

2021 ಆಗಸ್ಟ್​ನಲ್ಲಿ ನಡೆದ ಬಿಗ್​ಬಾಸ್​ ಮಿನಿ ಸೀಸನ್​ನಲ್ಲಿ ಕಾಣಿಸಿಕೊಂಡಿದ್ದರು. ಕಳೆದ ವರ್ಷ 2023 ನವೆಂಬರ್​ 24ರಂದು ಶ್ರೀಪಾದ್ ದೇಶಪಾಂಡೆ ಎಂಬುವವರ ಜೊತೆ ಪ್ರೇರಣಾ ಕಂಬಂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಸದ್ಯ ತೆಲುಗು ಬಿಗ್​ಬಾಸ್​ ಸೀಸನ್​ 8ಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಇದೇ ವಿಚಾರ ತಿಳಿದ ಅಭಿಮಾನಿಗಳು ಫುಲ್​ ಖುಷ್​ ಆಗಿದ್ದಾರೆ. ಜೊತೆಗೆ ನಮ್ಮ ಸಪೋರ್ಟ್​ ನಮ್ಮ ಕನ್ನಡತಿಗೆ ಮಾತ್ರ ಅಂತ ಅಭಿಮಾನಿಗಳು ಕಾಮೆಂಟ್ಸ್​ ಹಾಕಿದ್ದಾರೆ.

ಇದನ್ನೂ ಓದಿ:ಬಿಗ್​ಬಾಸ್​ ಶೋಗೆ ಎಂಟ್ರಿ ಕೊಡಲಿದ್ದಾರೆ ಈ ಇಬ್ಬರು ನಟಿಯರು; ಯಾರಿವರು ಗೊತ್ತಾ?

ಮತ್ತೊಬ್ಬ ಕನ್ನಡದ ನಟಿ ಯಶ್ಮಿ ಗೌಡ ಕೂಡ ಈ ಬಾರಿಯ ಬಿಗ್​ಬಾಸ್​ಗೆ ಎಂಟ್ರಿ ಕೊಟ್ಟಿದ್ದಾರೆ. ನಟಿ ಯಶ್ಮಿ ಗೌಡ ಅವರು ಮೂಲತಃ ಕನ್ನಡದವರು. ಈ ಬಾರಿಯ ಬಿಗ್​​ಬಾಸ್​ ಸೀಸನ್​ 8ಕ್ಕೆ ಮೊದಲ ಸ್ಪರ್ಧಿಯಾಗಿ ಜನಪ್ರಿಯ ಕಿರುತೆರೆ ನಟಿ ಯಶ್ಮಿ ಗೌಡ ಎಂಟ್ರಿ ಕೊಟ್ಟಿದ್ದಾರೆ. ಬೆಳ್ಳಿತೆರೆಯಲ್ಲಿ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ ಕನ್ನಡತಿ ಯಶ್ಮಿ ಗೌಡ ಅವರು ಕನ್ನಡದ ವಿದ್ಯಾವಿನಾಯಕ ಸೇರಿದಂತೆ ಹಲವು ಟಿವಿ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ.

View this post on Instagram

A post shared by NIKHIL MALIYAKKAL (NM) (@nikhilmaliyakkal_official)

ತೆಲುಗಿನಲ್ಲಿ ಇವರು ಕೃಷ್ಣ ಮುಕುಂದ ಮುರಾರಿ ಧಾರಾವಾಹಿಯಲ್ಲಿ ನಟಿಸಿ ಫೇಮಸ್‌ ಆದವರು. ನಟಿ ಬಿಗ್​ಬಾಸ್​ಗೆ ವಿಚಾರ ತಿಳಿದ ಕೂಡಲೇ ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸಿದ್ದಾರೆ. ಮತ್ತೊಬ್ಬ ಕನ್ನಡದ ನಟ ನಿಖಿಲ್ ಮಳಿಯಕ್ಕಲ್ ಕೂಡ ಬಿಗ್​ಬಾಸ್​ಗೆ ಎಂಟ್ರಿ ಕೊಟ್ಟಿದ್ದಾರೆ.  ಕಲರ್ಸ್ ಸೂಪರ್​ನ ಮನೆಯೇ ಮಂತ್ರಾಲಯ ಎಂಬ ಧಾರವಾಹಿಯಲ್ಲಿ ನಟಿಸಿದ್ದರು. ಈ ನಟ ಹಲವಾರು ಟಿವಿ ಧಾರಾವಾಹಿಗಳನ್ನು ಮಾಡುವ ಮೂಲಕ ತೆಲುಗಿನಲ್ಲಿ ಜನಪ್ರಿಯರಾಗಿದ್ದಾರೆ. ಬಿಗ್​ಬಾಸ್​ ಸೀಸನ್​ 08 ಖ್ಯಾತ ನಟ ನಾಗಾರ್ಜುನ ಅಕ್ಕಿನೇನಿ ಅವರ ನೇತೃತ್ವದಲ್ಲಿ ಶೋ ಮೂಡಿ ಬರಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ