MLA ಮಗನ ಜೊತೆ ಭಾರ್ಗವಿ​ ರೊಮ್ಯಾಂಟಿಕ್‌ ಡ್ಯಾನ್ಸ್​.. ಇಲ್ಲಿದೆ ತೆರೆ ಹಿಂದಿನ ಸಖತ್​ ವಿಡಿಯೋ!

ಭಾರ್ಗವಿ LLB ಹೊಸದಾಗಿ ಎಂಟ್ರಿ ಕೊಟ್ಟಿರೋ ಧಾರಾವಾಹಿ. ಸತ್ಯ ಖ್ಯಾತಿಯ ಸ್ವಪ್ನ ಕೃಷ್ಣ ಅವರ ನಿರ್ದೇಶನದಲ್ಲಿ ಮೂಡಿ ಬರ್ತಿರೋ ಸ್ಟೋರಿಗೆ ಉತ್ತಮ ರೆಸ್ಪಾನ್ಸ್ ಸಿಗ್ತಿದೆ. 4.9 ರೇಟಿಂಗ್​ನೊಂದಿಗೆ ಟಾಪ್​ 10 ಧಾರಾವಾಹಿಗಳ ಪಟ್ಟಿಯಲ್ಲಿ ಸತತವಾಗಿ ಎರಡು ವಾರ ಸ್ಥಾನ ಪಡೆದು, ಭರವಸೆ ಮೂಡಿಸಿದೆ.

ಇದನ್ನೂ ಓದಿ:ಇನ್ನೂ 2 ದಿನ ಭಯಂಕರ ಸೆಕೆ; ಕರ್ನಾಟಕದ ಈ ಭಾಗದಲ್ಲಿ ಭಾರೀ ಬಿಸಿಲು; ಹವಾಮಾನ ಇಲಾಖೆ ಎಚ್ಚರಿಕೆ

ಭಾರ್ಗವಿ ದಿಟ್ಟ ಲಾಯರ್​. ಅನ್ಯಾಯದ ವಿರುದ್ಧ ಕಾನೂನಿನ ಚೌಕಟ್ಟಿನಲ್ಲಿಯೇ ಹೋರಾಡೋ ವ್ಯಕ್ತಿತ್ವ. ಈಗತಾನೇ LLB ಮುಗಿಸಿರೋ ಭಾರ್ಗವಿಗೆ ಮೊದಲ ಕೇಸ್ ಬಂದಿದೆ. MLA ಮಗ ಒಂದು ಹುಡುಗಿ ಜೊತೆ ಕೆಟ್ಟದಾಗಿ ನಡ್ಕೋತಾನೆ. ಭಾರ್ಗವಿ ಕಣ್ಮುಂದೆನೇ ಈ ಘಟನೆ ನಡೆಯುತ್ತೆ. ಸ್ವತಹ ಕೇಸ್​ ದಾಖಲಿಸಿಕೊಂಡು ಜೀವನದಲ್ಲೇ ಸೋಲೇ ಕಾಣದ ಅಡ್ವಕೇಟ್​ ಜೆ.ಪಿ ಪಾಟೀಲ್ ವಿರುದ್ಧ ಸೆಣಸಾಟಕ್ಕೆ ನಿಂತಿದ್ದಾಳೆ ಭಾರ್ಗವಿ.

ಈ ನಡುವೆ ಜೆಪಿ ಪಾಟೀಲ್​ ಮಗ ಅರ್ಜುನ್​ಗೆ ಲವ್​ ಆಗಿದೆ. ಭಾರ್ಗವಿ ದಿಟ್ಟತನಕ್ಕೆ ಮನಸೋತಿದ್ದಾನೆ. ಭಾರ್ಗವಿ ಪ್ರೀತಿ ಪಡೆಯಲು ಹಿಂದೆ ಮುಂದೆ ಸುತ್ತುತ್ತಿರೋ ಅರ್ಜುನ್​​ ಕನಸಲ್ಲೇ ಪ್ರೀತಿಯ ಹುಡುಗಿಯನ್ನ ಮುದ್ದಾಡುತ್ತಿರ್ತಾನೆ. ಆ ಕನಸಲ್ಲೇ ಶುರುವಾಗೋ ಪ್ರೀತಿಯ ಹಾಡೇ ಕಿರುಗಣ್ಣ ಕರೆಯೋಲೆ.

ಭಾರ್ಗವಿ ಕಥೆಗೋಸ್ಕರನೇ ಈ ಸ್ಪೆಷಲ್​ ಸಾಂಗ್​ನ ಕಂಪೋಸ್​ ಮಾಡಿಸಲಾಗಿದೆ. ಪ್ರಮೋದ್​ ಮರವಂತೆ ಸಾಹಿತ್ಯ, ಅನಿರುದ್ಧ ಶಾಸ್ತ್ರೀ ಹಿನ್ನಲೆ ಗಾಯನ ಹಾಗೂ ಶಶಾಂಕ್​ ಶೇಷಗಿರಿ ಸಂಗೀತ ನಿರ್ದೇಶನ ಮಾಡಿದ್ದಾರೆ.

View this post on Instagram

A post shared by Manoj Kumar (@imanoj_kumar)

ಅರ್ಜುನ್​ ಪಾತ್ರಕ್ಕೆ ಮನೋಜ್​ ಹಾಗೂ ಭಾರ್ಗವಿ ಪಾತ್ರಕ್ಕೆ ರಾಧಾ ಭಗವತಿ ಜೀವ ತುಂಬಿದ್ದಾರೆ. ಸಾಂಗ್​ ಶೂಟಿಂಗ್​ ಬೆಂಗಳೂರು ಹೊರವಲದಲ್ಲಿರೋ ಬ್ಯೂಟಿಫುಲ್​ ಲೋಕೇಶನ್​ನಲ್ಲಿ ಶೂಟಿಂಗ್ ಮಾಡಲಾಗಿದೆ. ನಾಲ್ಕೈದು ಕಾಸ್ಟ್ಯೂಮ್​ಗಳನ್ನ ಟ್ರೈ ಮಾಡಿದ್ದಾರೆ. ಎಲ್ಲಾ ಔಟ್​ಫಿಟ್​ ವೆಸ್ಟರ್ನ್​ ಲುಕ್​ನಲ್ಲೇ ಇದ್ದು, ಹಾಡು ಸೊಗಸಾಗಿ ಮೂಡಿಬಂದಿದೆ. ಒಟ್ಟಿನಲ್ಲಿ ಭಾರ್ಗವಿ LLB ಸದ್ದು ಮಾಡ್ತಿದೆ. ಜೆಪಿ ಪಾಟೀಲ್​ ವಿರುದ್ಧ ಹೇಗೆ ಗೆಲುವು ಸಾಧಿಸ್ತಾಳೆ? ಅರ್ಜುನ್​ ಪ್ರೀತಿನ ಒಪ್ಪಿಕೊಳ್ತಾಳಾ? ಇದೆಲ್ಲಾ ಕುತೂಹಲದ ಅಂಶಗಳನ್ನ ಭಾರ್ಗವಿ LLB ಸೀರಿಯಲ್​ನಲ್ಲಿ ನೋಡಬಹುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ