BIGG BOSS; ಅಮ್ಮನನ್ನು ತಬ್ಬಿಕೊಂಡು ಭವ್ಯ ಕಣ್ಣೀರು.. ತ್ರಿವಿಕ್ರಮ್ ಅತ್ತಿದ್ದು ಯಾಕೆ?

ಬಿಗ್ ಬಾಸ್​ ಸೀಸನ್​ 11 ಇನ್ನು ಕೆಲವು ದಿನಗಳು ಮಾತ್ರ ಇರಬಹುದು, ಏಕೆಂದರೆ 100 ದಿನಗಳ ಸಮೀಪಕ್ಕೆ ಬಂದಿದೆ. ಈ ಬಾರಿ ಗೆಲ್ಲುವ ಸ್ಪರ್ಧಿ ಯಾರು ಎನ್ನುವುದು ಮಾತ್ರ ಎಲ್ಲರಲ್ಲೂ ಮೂಡಿರುವ ಕುತೂಹಲವಾಗಿದೆ. ಅದರಂತೆ ಮನೆಯಲ್ಲಿ ಹೊಸ ಹೊಸ ಟಾಸ್ಕ್​ ನೀಡಲಾಗುತ್ತಿದ್ದು ಸ್ಪರ್ಧಿಗಳು ಅಷ್ಟೇ ಸೊಗಸಾಗಿ ಟಾಸ್ಕ್ ಪೂರ್ಣಗೊಳಿಸುತ್ತಿದ್ದಾರೆ. ತ್ರಿವಿಕ್ರಮ್ ಹಾಗೂ ಭವ್ಯ ಈ ಇಬ್ಬರ ತಾಯಂದಿರಿಗೆ ಬಿಗ್ ಮನೆಗೆ ವೆಲ್​​ಕಮ್ ಹೇಳಿದ್ದಾರೆ.

ಅಮ್ಮನ ಬರುವಿಕೆಗಾಗಿ ಭವ್ಯ, ಮನೆಯ ಮೇನ್ ಡೋರ್​​ ಕಡೆಯೇ ಆಶ್ಚರ್ಯದಿಂದ ನೋಡುತ್ತ ನಿಂತಿದ್ದರು. ಹಾಗೆ ನೋಡುತ್ತಿದ್ದಂತೆ ಮುಖ್ಯದ್ವಾರ ತೆರೆದಿದ್ದು ಭವ್ಯ ಅವರ ಅಮ್ಮ ಆಗಮಿಸಿದ್ದಾರೆ. ಬರುತ್ತಿದ್ದಂತೆ ಹಾಯ್ ಬಂಗಾರಿ ಎಂದು ಹೇಳುತ್ತ, ಕೆನ್ನೆಗೆ ಪ್ರೀತಿಯಿಂದ ಭವ್ಯಗೆ ಮುತ್ತುಕೊಟ್ಟಿದ್ದಾರೆ. ಅಮ್ಮನನ್ನ ತಬ್ಬಿಕೊಂಡು ಭವ್ಯ ಕಣ್ಣೀರು ಹಾಕಿದ್ದಾರೆ.

ಇದನ್ನೂ ಓದಿ: BBK11; ರಾಧೆ-ಕೃಷ್ಣ ಹಾಗೆ ಇದ್ದೀರಿ, ಭವ್ಯ ಮೇಲಿನ ಮನದಾಳ ಹಂಚಿಕೊಂಡ ತ್ರಿವಿಕ್ರಮ್​​ ತಾಯಿ

ಇದಾದ ಬಳಿಕ ತ್ರಿವಿಕ್ರಮ್ ಅವರ ತಾಯಿ ಕೂಡ ಆಗಮಿಸುತ್ತಿದ್ದಂತೆ ತ್ರಿವಿಕ್ರಮ್ ನಿಂತಲ್ಲೇ ಕಣ್ಣೀರು ಹಾಕಿದ್ದಾರೆ. ಎಲ್ಲರ ಭೇಟಿ ನಂತರ ಭವ್ಯ ಹಾಗೂ ತ್ರಿವಿಕ್ರಮ್ ಕುಳಿತು ಮಾತನಾಡಿದ್ದಾರೆ. ಆಗ ನನ್ನ ಮಗನ ತಾಯಿಯಾಗಿ, ಫ್ರೆಂಡ್ ಆಗಿ ಎಲ್ಲ ತರದಲ್ಲೂ ಜೊತೆಗಿದ್ದಿಯಾ. ರಾಧ-ಕೃಷ್ಣನ ಥರ ಇದೀರಿ ಎಂದು ತ್ರಿವಿಕ್ರಮ್ ತಾಯಿ ಹೇಳುತ್ತಿದ್ದಂತೆ ಭವ್ಯ ಸಂತಸ ಪಟ್ಟಿದ್ದಾರೆ.

ಪಜಲ್ ಅನ್ನು 10 ನಿಮಿಷದೊಳಗೆ ಪೂರ್ಣಗೊಳಿಸಿದರೆ ಮಾತ್ರ ಅಮ್ಮನನ್ನು ಭೇಟಿ ಆಗುವ ಅವಕಾಶವನ್ನು ಬಿಗ್​ಬಾಸ್ ನೀಡಿದ್ದರು. ಬಿಗ್ ಬಾಸ್​ ನೀಡಿದ್ದ ಟಾಸ್ಕ್​ನಲ್ಲಿ ತ್ರಿವಿಕ್ರಮ್ ಹಾಗೂ ಭವ್ಯ ಇಬ್ಬರು ಯಶಸ್ವಿಯಾದ ಬೆನ್ನಲ್ಲೇ ತಾಯಂದಿರು ಮನೆಗೆ ಬಂದಿದ್ದಾರೆ. ಆದರೆ ಹೆಚ್ಚು ಸಮಯ ಏನು ಇರಲಿಲ್ಲ ಅಂತೆ ಕಾಣಿಸುತ್ತೆ. ಹೀಗಾಗಿಯೇ ತಾಯಿ ಹೊರಗಡೆ ಹೋಗುವಾಗ ಇನ್ನು 10 ನಿಮಿಷ ಸಮಯ ಕೊಡಿ ಎಂದು ತ್ರಿವಿಕ್ರಮ್​ ಅಳುತ್ತಲೇ ಕೇಳಿದ್ದರು. ಆದರೆ ಇದಕ್ಕೆ ಬಿಗ್​ಬಾಸ್ ಸಮ್ಮತಿ ಕೊಡಲಿಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ