BBK11; ಸ್ಪರ್ಧಿಗಳಿಗೆ ಕೊಟ್ಟ ಹೊಸ ಟಾಸ್ಕ್​ ಯಾವುದು.. ಕ್ಯಾಪ್ಟನ್​ ಭವ್ಯ ಹೇಳಿದ್ದೇನು?

ಬಿಗ್​ಬಾಸ್​ ಶೋ ಈಗಾಗಲೇ 90 ದಿನಗಳನ್ನು ದಾಟಿರುವುದರ ಜೊತೆಗೆ ಹೊಸ ವರ್ಷಕ್ಕೆ ವೆಲ್​ಕಮ್ ಹೇಳಲು ಸಿದ್ಧವಾಗಿದೆ. ಶನಿವಾರ, ಭಾನುವಾರದ ಪಂಚಾಯತಿಯಲ್ಲಿ ಕಿಚ್ಚನ ಸಮ್ಮುಖದಲ್ಲಿ ಎಲ್ಲ ಸ್ಪರ್ಧಿಗಳು ಉಡುಗೊರೆಯನ್ನು ತಮ್ಮಷ್ಟಿದ ಸ್ನೇಹಿತರಿಗೆ ನೀಡಿದ್ದಾರೆ. ಐಶ್ವರ್ಯ ಮನೆ ಖಾಲಿ ಮಾಡಿದ್ದು ಈ ವಾರ ಮನೆಯಲ್ಲಿ 9 ಸ್ಪರ್ಧಿಗಳಿದ್ದು ಅಖಾಡಕ್ಕೆ ದುಮುಕಿದ್ದಾರೆ.

ಮನೆಯಲ್ಲಿ ಹೊಸದೊಂದು ಟಾಸ್ಕ್ ಶುರು ಮಾಡಲಾಗಿದ್ದು 2ನೇ ವಾರ ಕ್ಯಾಪ್ಟನ್ ಆಗಿರುವ ಭವ್ಯ ಈ ಕುರಿತು ಓದಿ ಹೇಳಿದ್ದಾರೆ. ದಿನಸಿ ಸಾಮಾಗ್ರಿಗಳನ್ನು ಗಳಿಸಿ ಕೊಡುವ ಸಾಮರ್ಥ್ಯ ಇರುವ 6 ಸದಸ್ಯರು ಯಾರು ಎಂದು ಘೋಷಿಸಬೇಕೆಂದು ಭವ್ಯ ತಿಳಿಸಿದ್ದಾರೆ. ಈ ವೇಳೆ ಎಲ್ಲ ಸ್ಪರ್ಧಿಗಳು ನಾನು.. ನಾನು ಎನ್ನುವಂತೆ ಕೈ ಮೇಲೆ ಎತ್ತಿದ್ದರು. ಈ ವೇಳೆ ಮಂಜು ಯಾವುದೇ ಟಾಸ್ಕ್​ ಕೊಟ್ಟರೂ ನಾವು ಆಡಲು ಸಿದ್ಧರಾಗಿದ್ದೇವೆ ಎಂದಿದ್ದಾರೆ.

ಇದನ್ನೂ ಓದಿ:BIGG BOSS; ಮನೆಯಲ್ಲಿ ಭಾವನಾತ್ಮಕ ಸಂಬಂಧ.. ಗಿಫ್ಟ್​ ಕೊಡುವಾಗ ಕಣ್ಣೀರು ಹಾಕಿದ ಐಶ್ವರ್ಯ, ಚೈತ್ರಾ

ಇದು ಅಲ್ಲದೇ ಚೈತ್ರಾ ಅವರು ಟಾಸ್ಕ್​ಗಳನ್ನು ಆಡುವುದಕ್ಕೆ ಆಗಲ್ಲ ಎಂದು ಮಂಜು ನೇರವಾಗಿ ಹೇಳಿದ್ದಾರೆ. ಈ ವೇಳೆ ಧನರಾಜ್ ನಾನು ಆಡಬಲ್ಲೇ ಎಂದಿದ್ದಾರೆ. ಆದರೆ ಇದಕ್ಕೂ ಕೌಂಟರ್ ಕೊಟ್ಟ ಮಂಜು ಧನು ನಿನಗೆ ಆಡೋಕೆ ಆಗಿಲ್ಲ ಎಂದರೆ ಸೆಟ್​ಬ್ಯಾಕ್ ಆಗು ಎಂದು ಬಿಟ್ಟರು. ಇದಕ್ಕೆ ಗರಂ ಆದ ತ್ರಿವಿಕ್ರಮ್ ನಿನ್ನ ಪ್ರಾಬ್ಲಂ ಏನಣ್ಣ ಎಂದು ಪ್ರಶ್ನಿಸುತ್ತಿದ್ದಂತೆ ಮಂಜು ಸಪ್ಪೆ ಮುಖ ಮಾಡಿಕೊಂಡು ಕುಳಿತು ಬಿಟ್ಟರು.

ಇನ್ನು ಇಂದು ಕೊಟ್ಟಿರುವ ಟಾಸ್ಕ್​ನಲ್ಲಿ ಮಂಜು ಹಾಗೂ ಚೈತ್ರಾ ಇಬ್ಬರೂ ಫೇಲ್ ಆದಂತೆ ಕಾಣುತ್ತಿದೆ. ಏಕೆಂದರೆ ಬಾಲ್​ಗಳನ್ನು ಟೇಬಲ್​ ಮೇಲೆ ಸರಿಯಾದ ಕ್ರಮದಲ್ಲಿ ಬಾಯಿಯ ಮೂಲಕವೇ ಮುಂದಕ್ಕೆ ಸಾಗಿಸಬೇಕು. ಆದರೆ ಈ ಗೇಮ್​ನಲ್ಲಿ ಮಂಜು, ಚೈತ್ರಾ ಎಡವಿದಂತೆ ಕಾಣುತ್ತಿದ್ದಾರೆ. ಮನೆಯಲ್ಲಿ ದಿನಸಿಗಳು ಬೇಕು ಎಂದರೆ ಟಾಸ್ಕ್​ ಅನ್ನು ಪೂರ್ತಿಯಾಗಿ ಮುಗಿಸಲೇ ಬೇಕಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ