ಮಹಿಳಾ ಮಣಿಯರೇ ಗಮನಿಸಿ.. ನಿಮ್ಮ ಪ್ರತಿಭೆ ಗುರುತಿಸೋಕೆ ಮತ್ತೆ ಬರ್ತಿದೆ ಮಹಾನಟಿ ಹೊಸ ಸೀಸನ್!

ಉದಯೋನ್ಮುಖ ಪ್ರತಿಭೆಗಳಿಗೆ ಮಹಾನ್​ ವೇದಿಕೆ ಕಲ್ಪಿಸುವ ನಿಟ್ಟಿನಲ್ಲಿ ಮಹಾನಟಿ ಕಾರ್ಯಕ್ರಮವನ್ನು ಶುರು ಮಾಡಿತ್ತು ಜೀ ವಾಹಿನಿ. ಮೊದಲ ಆವೃತ್ತಿ ಅದ್ಭುತವಾದ ಯಶಸ್ಸು ಕಂಡ ಬೆನ್ನಲ್ಲೇ ಎರಡನೇ ಆವೃತ್ತಿ ಘೋಷಿಸಿದೆ ತಂಡ.  ಹೌದು, ಮಹಾನಟಿ ವಿಭಿನ್ನ ಕಾನ್ಸೆಪ್ಟ್​ ಜೊತೆಗೆ ಶುರುವಾದ ರಿಯಾಲಿಟಿ ಶೋ.

ನ್ನೂ ಓದಿ: ಒಂದೇ ಮನೆಯಲ್ಲಿ ನಾಲ್ವರ ದುರಂತ ಅಂತ್ಯ.. ವೈದ್ಯ ಕುಟುಂಬವೇ ಮಾಡಿಕೊಂಡ ಅನಾಹುತ; ಕಾರಣವೇನು?

ರಾಜ್ಯದ ಮೂಲೆ ಮೂಲೆಗಳಿಂದ ಅಭಿನಯದ ಮೇಲೆ ಆಸಕ್ತಿಯಿರೋ 16 ಜನ ಪ್ರತಿಭಾವಾಂತ ಹುಡುಗಿಯರನ್ನ ಪಿಕ್​ ಮಾಡಲಾಗಿತ್ತು. ಅವರಿಗೆ ನಟನಾ ವಿಭಾಗದ ಹಲವು ಮಜಲುಗಳನ್ನ ಪ್ರ್ಯಾಕ್ಟಿಕಲ್​ ಆಗಿ ಹೇಳಿ ಕೊಡಲಾಗಿತ್ತು. 16 ಸ್ಪರ್ಧಿಗಳಲ್ಲಿ ಕೊನೆಗೆ ಉಳಿದಿದ್ದು 5 ಸ್ಪರ್ಧಿಗಳು. ಅದರಲ್ಲಿ ಗಗನಾ, ಶ್ವೇತಾ ಭಟ್​, ಧನ್ಯಶ್ರೀ, ಪ್ರಿಯಾಂಕಾ ಹಾಗೂ ಆರಾಧನ ಭಟ್ ಉಳಿದುಕೊಂಡಿದ್ದರು​. ಆದರೆ ಈ ಐವರಲ್ಲಿ ಮಹಾನಟಿ ಪಟ್ಟ ಅಲಂಕರಿಸಿದ್ದು ಪ್ರಿಯಾಂಕಾ ಆಚಾರ್​.

View this post on Instagram

A post shared by Zee Kannada (@zeekannada)

ಸದ್ಯ 16 ಸ್ಪರ್ಧಿಗಳು ಸಿನಿಮಾ, ಧಾರಾವಾಹಿ ಸೇರಿದಂತೆ ರಿಯಾಲಿಟಿ ಶೋಗಳಲ್ಲಿ ಹೆಸರು ಮಾಡ್ತಿದ್ದಾರೆ. ನಟ ರಮೇಶ್​ ಅರವಿಂದ್ , ನಿಶ್ವಿಕಾ, ಪ್ರೇಮಾ ಹಾಗೂ ನಿರ್ದೇಶಕ ತರುಣ್ ಸುಧೀರ್​ ಮೆಂಟರಿಂಗ್​ ಜೊತೆಗೆ ನಟನೆ ಬಗ್ಗೆ ಗೈಡ್​ ಮಾಡಿದ್ರು. ಶೋ ಸೂಪರ್​ ಹಿಟ್​ ಆಗಿತ್ತು. ಈ ಯಶಸ್ಸಿನ ಬೆನ್ನಲ್ಲೆ ಎರಡನೇ ಆವೃತ್ತಿ ಅನೌನ್ಸ್ ಮಾಡಿದೆ ತಂಡ. ಸದ್ಯದಲ್ಲೇ ಮಹಾನಟಿ ಆ್ಯಡಿಷನ್​ ಶುರುವಾಗಲಿದೆ. ಈ ಬಾರಿಯ ಮಹಾನಟಿ ಸೀಸನ್ 2ಕ್ಕೆ ಯಾರೆಲ್ಲಾ ಸುಂದರಿಯರು ಬರುತ್ತಾರೆ, ಒಂದು ಹೇಗೆ ಸೌಂಡ್​ ಮಾಡುತ್ತಾರೆ ಅಂತ ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ