ಸಾಹಿತಿಗಳ ಫೋಟೋ, ಕನ್ನಡ ಹಾಡು, ಸಿಂಗಾರಗೊಂಡ ಸರ್ಕಾರಿ ಬಸ್​.. ​ಚಾಲಕನ ಕನ್ನಡ ಪ್ರೇಮಕ್ಕೆ ಎಲ್ರೂ ಫಿದಾ

ಕಲಬುರಗಿ: ನಾಡಿನಾದ್ಯಂತ 69ನೇ ಕನ್ನಡ ರಾಜ್ಯೋತ್ಸವ ಆಚರಿಸಲಾಗುತ್ತಿದೆ. ಈ ಸಂಭ್ರಮದ ಹಿನ್ನೆಲೆ ಸರ್ಕಾರಿ ಸಾರಿಗೆ ಬಸ್ ಚಾಲಕ ನಾಗಪ್ಪ ಉಪ್ಪಿನ್‌ ಅವರ ಕನ್ನಡ ಪ್ರೇಮ ಬೆಳಕಿಗೆ ಬಂದಿದೆ. ಬಸ್​ ಸಂಪೂರ್ಣವಾಗಿ ಕನ್ನಡಮಯವಾದ ದೃಶ್ಯ ಕಂಡುಬಂದಿದೆ.

ಬಸ್ ಅಫಜಲಪುರ ತಾಲ್ಲೂಕಿನ ಡಿಪೋಗೆ ಸೇರಿದೆ. ಚಾಲಕ ನಾಗಪ್ಪ ಉಪ್ಪಿನ್ ಸ್ವಂತ ದುಡ್ಡಲ್ಲಿ ಬಸ್​​ಗೆ ಅಲಂಕಾರ ಮಾಡಿದ್ದಾರೆ. ಸರ್ಕಾರಿ ಬಸ್​​ಗೆ ಕನ್ನಡದ ಬಾವುಟ ಕಟ್ಟಿ ಕೆಂಪು-ಅರಿಶಿಣದ ಬಲೂನ್ ಕಟ್ಟಿ ಶೃಂಗಾರ ಮಾಡಿದ್ದಾರೆ.

ಇದನ್ನೂ ಓದಿ: ರಾಜ್ಯದ ಏಕೈಕ ಕನ್ನಡಾಂಬೆ ಎಲ್ಲಿದ್ದಾಳೆ ಗೊತ್ತಾ? 365 ದಿನ, ತ್ರಿಕಾಲ ಪೂಜೆ, ಭುವನಗಿರಿಯ ಭುವನೇಶ್ವರಿಗೆ ಬಗ್ಗೆ ಇಲ್ಲಿದೆ ಮಾಹಿತಿ 

ಪ್ರಯಾಣಿಕರಿಗಾಗಿ ಬಸ್​ನಲ್ಲಿ ಕನ್ನಡ ಹಾಡು ಮಾತ್ರ ಜಿನುತ್ತಿದೆ. ಇನ್ನು ಬಸ್ ಹೊರಗಡೆ ಮತ್ತು ಒಳಗಡೆ ಕನ್ಮಡ ಸಾಹಿತಿಗಳ ಪೋಟೊ ಅಂಟಿಸಲಾಗಿದೆ. ಹಳದಿ ಕೆಂಪು ಬಣ್ಣದಲ್ಲಿ ಬಸ್​ ಸಿಂಗಾರಗೊಂಡಿದೆ.

ಇದನ್ನೂ ಓದಿ: ಸ್ಕೂಟರ್​ನಲ್ಲಿ ತೆರಳುವಾಗ ಈರುಳ್ಳಿ ಬಾಂಬ್​ ಸ್ಫೋಟ.. ಓರ್ವ ಸಾ*ವು, ಆರು ಮಂದಿಗೆ ಗಾಯ

ಕನ್ನಡ ರಾಜೋತ್ಸವದ ದಿನದಂದು ಸರ್ಕಾರಿ ಬಸ್​ ಚಾಲಕನ ಕನ್ನಡ ಪ್ರೇಮ ವೈರಲ್​ ಆಗುತ್ತಿದೆ. ಬಸ್​ ಪೂರ್ತಿ ಕನ್ನಡ ಬಾವುಟವಿದ್ದು,  ಮಧುವಣಗಿತ್ತಿಯಂತೆ ಸಿಂಗಾರಗೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ