ಕನ್ನಡದ ನಟಿ ಪ್ರಿಯಾಂಕಾ ಚಿಂಚೋಳಿ ಮನೆಗೆ ಹೊಸ ಅತಿಥಿ ಆಗಮನ..

ಕನ್ನಡ ಕಿರುತೆರೆ ನಟಿ ಪ್ರಿಯಾಂಕಾ ಚಿಂಚೋಳಿ ಮನೆಯಲ್ಲಿ ಸಂಭ್ರಮದ ಮೈನವಿರೇಳಿಸಿದೆ. ಹೌದು, ಹರ, ಹರ ಮಹಾದೇವ, ಮನಸೆಲ್ಲಾ ನೀನೇ ಸೇರಿದಂತೆ ಹಲವು ಸೀರಿಯಲ್​ಗಳ ಮೂಲಕ ಜನಪ್ರಿಯತೆ ಪಡೆದುಕೊಂಡ ನಟಿ ಪ್ರಿಯಾಂಕಾ ಚಿಂಚೋಳಿ ತಮ್ಮ ಚೊಚ್ಚಲ ಮಗುವನ್ನು ಬರಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ‘ಕರ್ಣ’ ಸೀರಿಯಲ್​ನಲ್ಲಿ ಬಿಗ್​ ಸ್ಟಾರ್ಸ್ ನಟಿಯರೇ ಏಕೆ? ತಂಡದ ​ಹಿಂದಿನ ಗುಟ್ಟೇನು ಗೊತ್ತಾ?

ನಟಿ ಪ್ರಿಯಾಂಕಾ ಚಿಂಚೋಳಿ ಅವರು ಫೆಬ್ರವರಿ 27ರಂದು ಲಂಡನ್‌ನಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಖುಷಿ ವಿಚಾರವನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಮಗುವಿನ ಪಾದಗಳ ಫೋಟೋವನ್ನು ದಂಪತಿ ಶೇರ್​ ಮಾಡಿಕೊಂಡಿದೆ. ಈ ಪೋಸ್ಟ್ ನೋಡಿದ​ ಅನೇಕರು ನಟಿ ಪ್ರಿಯಾಂಕಾಗೆ ಶುಭ ಹಾರೈಸಿದ್ದಾರೆ.

ನಟಿ ಪ್ರಿಯಾಂಕಾ ಅವರು 2021ರಲ್ಲಿ ರಾಕೇಶ್‌ ಕುಮಾರ್‌ ಎಂಬುವವರ ಮದುವೆಯಾಗಿದ್ದರು. ಈ ಹಿಂದೆ ಅದ್ಧೂರಿಯಾಗಿ ಸೀಮಂತ ಕೂಡ ಮಾಡಿಕೊಂಡಿದ್ದರು. ನಟಿ ಶೋಭಿತಾ ಶಿವಣ್ಣ, ಸೂರಜ್‌ ಹೆಗಡೆ ಸೇರಿದಂತೆ ಕಿರುತೆರೆ ಗಣ್ಯರು ಈ ಸೀಮಂತಕ್ಕೆ ಆಗಮಿಸಿ, ಶುಭ ಹಾರೈಸಿದ್ದರು.

View this post on Instagram

A post shared by Priyanka R Chincholi (@priyanka_chincholi_official)

ಇನ್ನೂ, ಮದುವೆ ಆದ ಬಳಿಕ ಪ್ರಿಯಾಂಕಾ ಅವರು ಸೀರಿಯಲ್​ನಿಂದ ಕೊಂಚ ಗ್ಯಾಪ್​ ತೆಗೆದುಕೊಂಡಿದ್ರು. ಕಲಬುರಗಿ ಮೂಲದ ನಟಿ ಪ್ರಿಯಾಂಕಾ ಅವರು ಮಾಡೆಲ್‌ ಆಗಿದ್ದರು. ಮಾಡೆಲ್​ ಆಗಿ ಮಿಂಚುತ್ತಿದ್ದ ನಟಿಗೆ ಹರ ಹರ ಮಹಾದೇವ ಧಾರಾವಾಹಿ ಸತಿ ಪಾತ್ರ ದೊಡ್ಡ ಜನಪ್ರಿಯತೆ ತಂದುಕೊಟ್ಟಿತು. ಸದ್ಯ ನಟಿ ಪ್ರಿಯಾಂಕಾ ದಂಪತಿಗೆ ಮಗಳು ಬಂದ ಖುಷಿಯಲ್ಲಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ