ಕರಿಜ್ಮಾ ಫ್ಯಾನ್ಸ್​ಗೆ ಬಿಗ್​ ಶಾಕ್​; ಇನ್ಮುಂದೆ ಈ ಬೈಕ್​ ನಿಮಗೆ ಸಿಗೋದೇ ಇಲ್ಲ.. ಯಾಕೆ ಗೊತ್ತಾ?

ಕರಿಜ್ಮಾ.. ಕರಿಜ್ಮಾ (Karizma) ಅನ್ನೋ ಈ ಪದ ಬಹುಶಃ ನಮ್ಮ ಕನ್ನಡಿಗರಿಗೆ ಚಿರಪರಿಚಿತ ಆಗಿರೋದು ಅಹಂ ಪ್ರೇಮಾಸ್ಮಿ ಚಿತ್ರದಿಂದ ಅನ್ಸುತ್ತೆ. ಆ ಚಿತ್ರದಲ್ಲಿ ಬರುವ ಶರಣ್​ ಅವರ ಪಾತ್ರದಲ್ಲಿ, ಈ ಬೈಕ್​ನದ್ದೇ ಜಪ.. ಇನ್ನೂ, 2003ರಲ್ಲಿ ಈ ಬೈಕ್​ ದೇಶದಲ್ಲಿ ಲಾಂಚ್ ಆಗಿದ್ರೂ ಕೂಡ 2005ರ ಹೊತ್ತಿಗೆ ಎಲ್ಲರ ಬಾಯಲ್ಲೂ ಇದರ ಹೆಸರು ಹರಿದಾಡಿತ್ತು. ಆಗ ಈ ಫಿಲ್ಮ್ ಕೂಡ ರಿಲೀಸ್ ಆಗಿತ್ತು.

ಇದನ್ನೂ ಓದಿ: ರಾಶಿ ರಾಶಿ ಚಿನ್ನಾಭರಣದ ಗೊಂಚಲು.. ಲೋಕಾಯುಕ್ತ ಅಧಿಕಾರಿಗಳೇ ಬೆರಗಾದ್ರು..

ಎಷ್ಟು ಪಾಪ್ಯುಲರ್ ಆಗಿತ್ತು​ ಅಂದ್ರೆ, ಎಲ್ಲೆಲ್ಲೂ ಇದರದ್ದೇ ಹವಾ. ಆಟೋಮೊಬೈಲ್​ ವಿಷ್ಯಕ್ಕೆ ಬಂದರೆ, ಇದರ ಕ್ರೇಝ್​ 2006-2008ರಲ್ಲಿ ನೆಕ್ಸ್ಟ್​ ಲೆವೆಲ್​ನಲ್ಲಿತ್ತು. ಪ್ರತಿಯೊಬ್ಬರ ಡ್ರೀಮ್​ ಬೈಕ್​ ಕೂಡ ಆಗಿತ್ತು. ಅಲ್ಲಿಂದ ಮಾರುಕಟ್ಟೆಯಲ್ಲಿ ಸಾಕಷ್ಟು ಏರಿಳಿತ ಕಂಡ ಈ ಬೈಕ್​ ನಂತರ ಹೊಸ ಡಿಸೈನ್​ನೊಂದಿಗೆ ಮತ್ತೊಮ್ಮೆ ರೀ-ಲಾಂಚ್ ಆಗಿತ್ತು. ಆಗ KARIZMA ZMR ಲಾಂಚ್​ ಆಗಿತ್ತು. ಇದಾದ ಮೇಲೆ ಈಗಿರುವ ಪ್ರಸ್ತುತ KARIZMA XMRನ ಮಾಡೆಲ್​ ಮಾರುಕಟ್ಟೆಗೆ ಲಗ್ಗೆ ಇಟ್ಟಿತ್ತು. ಆದ್ರೆ ಅಲ್ಲಿಂದ ಇಲ್ಲಿಯವರೆಗೆ ಅಂದ್ರೆ ಸುಮಾರು 22 ವರ್ಷಗಳ ಸುದೀರ್ಘ ಜರ್ನಿಯನ್ನು ಸವೆಸಿರುವ ಈ ಬೈಕ್​ ಕಡೆಯಿಂದ ಈಗ ಮತ್ತೊಂದು ಅಪ್​ಡೇಟ್​ ಬಂದಿದೆ.

ಈಗಿರುವ ಪ್ರಸ್ತುತ KARIZMA XMR ಮೂರು ವೇರಿಯಂಟ್​ಗಳಲ್ಲಿ ಲಭ್ಯವಿತ್ತು. ಒಂದು ಬೇಸ್​ ವೇರಿಯಂಟ್​, ಎರಡನೇಯದ್ದು ಟಾಪ್​ ವೇರಿಯಂಟ್​ ಹಾಗೂ ಮತ್ತೊಂದು ಕಾಂಬ್ಯಾಟ್​ ವೇರಿಯಂಟ್​. ಆದ್ರೆ, ಇದೀಗ ಹೀರೋ ಕಂಪನಿ ತನ್ನ KARIZMA XMRನ ಮೂರು ವೇರಿಯಂಟ್​ಗಳಲ್ಲಿ ಒಂದನ್ನು ನಿಲ್ಲಿಸೋಕೆ ಮುಂದಾಗಿದೆ. ತನ್ನ ಬೇಸ್​ ವೇರಿಯಂಟ್​ ಮಾಡೆಲ್​ ಇನ್ಮುಂದೆ ಮಾರುಕಟ್ಟೆಯಲ್ಲಿ ಸಿಗೋದಿಲ್ಲ. ಟಾಪ್ ವೇರಿಯಂಟ್ ಪರಿಚಯಿಸಿದಾಗ, ಇದು ಬೇಸ್ ವೇರಿಯಂಟ್​ಗಿಂತ 19,000 ರೂ.ಗಳಷ್ಟು ಜಾಸ್ತಿ ಬೆಲೆ ಇತ್ತು, ಬೇಸ್ ವೇರಿಯಂಟ್​ನ ಬೆಲೆ ರೂ. 1.81 ಲಕ್ಷವಾಗಿತ್ತು.

ಆದ್ರೆ, ಇದೀಗ ಯಾವುದೇ ಕಾರಣಗಳನ್ನು ಕೊಡದೆ, ತನ್ನ ಬೇಸ್ ವೇರಿಯಂಟ್​ನ ವೆಬ್​ಸೈಟ್​ನಿಂದಲೇ ಕೈಬಿಟ್ಟಿರೋದ್ರಿಂದ, ಕರಿಜ್ಮಾ XMR ಸೀರೀಸ್​ ಬೈಕ್​ನ ಸ್ಟಾರ್ಟಿಂಗ್​ ಪ್ರೈಸ್​ ಇದೀಗ 2 ಲಕ್ಷಕ್ಕೆ ಏರಿದೆ. ಹೀಗಾಗಿ ಈ ಸೀರೀಸ್​ನ ಬೈಕ್​ಗಳಲ್ಲಿ ನಿಮಗೆ ಈಗ ಎರಡು ವೇರಿಯಂಟ್​ ಮಾತ್ರ ಲಭ್ಯವಿದೆ. ಅದೇ ಟಾಪ್​ ಹಾಗೂ ಕಾಂಬ್ಯಾಟ್. ಟಾಪ್​ ವೇರಿಯಂಟ್​ನ ಬೆಲೆ 2 ಲಕ್ಷ ಇದ್ರೆ, ಕಾಂಬ್ಯಾಟ್​ ವೇರಿಯಂಟ್​ನ ಬೆಲೆ 2.02 ಲಕ್ಷ ಈಗ ಪ್ರಸ್ತುತವಾಗಿದೆ.

ಆದ್ರೆ, ಈ ವಿಷ್ಯ ಕೇಳಿ ಕರಿಜ್ಮಾ ಫ್ಯಾನ್ಸ್​​ ಬೇಸರಗೊಳ್ಳಬೇಕಾ ಅಂದ್ರೆ, ಖಂಡಿತ ಇಲ್ಲ.. ಯಾಕಂದ್ರೆ ಬೇಸ್​ ವೇರಿಯಂಟ್​ ಹಾಗೂ ಟಾಪ್ ಹಾಗೂ ಕಾಂಬ್ಯಾಟ್​​ ವೇರಿಯಂಟ್​ಗಳಿಗೆ ಹೆಚ್ಚೇನು ವ್ಯತ್ಯಾಸ ಕಾಣಿಸೋದಿಲ್ಲ. ಈ ವ್ಯತ್ಯಾಸ ಟಾಪ್​ ಹಾಗೂ ಕಾಂಬ್ಯಾಟ್​ ವೇರಿಯಂಟ್​ಗಲ್ಲಿ ಇನ್ನೂ ತುಂಬಾ ಕಡಿಮೆ ಇದೆ. 6-ಸ್ಪೀಡ್ ಗೇರ್‌ಬಾಕ್ಸ್‌ಗೆ 25hp ಮತ್ತು 20.4Nm ಉತ್ಪಾದಿಸುವ 210cc ಸಿಂಗಲ್-ಸಿಲಿಂಡರ್ ಲಿಕ್ವಿಡ್-ಕೂಲ್ಡ್ ಎಂಜಿನ್​ನ ಜೋಡಿಸಲಾಗಿದೆ. TFT DISPLAY ಹೊಂದಿದೆ. 11 ಲೀಟರ್ ಪೆಟ್ರೋಲ್ ಕಪ್ಯಾಸಿಟಿ ಜೊತೆಗೆ ಪ್ರತಿ ಲೀಟರ್​ ಪೆಟ್ರೋಲ್​​ಗೆ 35 ಕಿ.ಮೀ ಮೈಲೇಜ್​ನ ಈ ಬೈಕ್​ಗಳು ನೀಡ್ತಿವೆ.

ವಿಶೇಷ ವರದಿ: ರಾಹುಲ್ ದಯಾನ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ