IPL 2025: KL ​ರಾಹುಲ್​ ಬೆನ್ನಲ್ಲೇ ಆರ್​​​ಸಿಬಿಗೆ ಮತ್ತೋರ್ವ ಕನ್ನಡಿಗ ಎಂಟ್ರಿ; ಯಾರು ಆ ಸ್ಟಾರ್​ ಕ್ರಿಕೆಟರ್​​?

ಮುಂದಿನ ಸಲ ಕಪ್​ ನಮ್ಮದೇ ಎಂದು ಆರ್​ಸಿನಿ ಫ್ಯಾನ್ಸ್​​ಗಳು ಹೇಳುತ್ತಲೇ ಬರುತ್ತಿದ್ದಾರೆ. ಆದರೆ, ಇದುವರೆಗೂ ಆರ್​​ಸಿಬಿಗೆ ಕಪ್​ ಗೆಲ್ಲೋಕೆ ಸಾಧ್ಯವಾಗಿಲ್ಲ. ಕಳೆದ 17 ವರ್ಷಗಳಿಂದಲೂ ಕಳಪೆ ಪ್ರದರ್ಶನ ನೀಡುತ್ತಿರುವ ಆರ್​​ಸಿಬಿ ತಂಡ ಈ ಬಾರಿ ಕಪ್​ ಗೆಲ್ಲಲೇ ಬೇಕು ಎನ್ನುವ ಛಲಕ್ಕೆ ಬಿದ್ದಿದೆ. ಹಾಗಾಗಿ ವರ್ಷದ ಕೊನೆಗೆ ನಡೆಯಲಿರೋ ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಆಕ್ಷನ್​​ನಲ್ಲಿ ಬಲಿಷ್ಠ ಆಟಗಾರರನ್ನು ಖರೀದಿ ಮಾಡಲು ಸಜ್ಜಾಗಿದೆ. ಇದಕ್ಕೂ ಮುನ್ನವೇ ಕನ್ನಡಿಗ ಮನೀಶ್​ ಪಾಂಡೆ ಆರ್​ಸಿಬಿ ಪರ ಆಡುವ ಇಂಗಿತ ವ್ಯಕ್ತಪಡಿಸಿದ್ದಾರೆ.

ಈ ಬಗ್ಗೆ ಮಾತಾಡಿರೋ ಟೀಮ್​ ಇಂಡಿಯಾದ ಸ್ಟಾರ್​ ಆಟಗಾರ ಮನೀಶ್​ ಪಾಂಡೆ, ನಾನು ಕನ್ನಡಿಗ. ಕರ್ನಾಟಕದ ಪ್ರತಿಯೊಬ್ಬ ಆಟಗಾರನಿಗೂ ಆರ್​​ಸಿಬಿ ಪರ ಆಡುವ ಆಸೆ ಇರುತ್ತದೆ. ನನಗೂ ಅವಕಾಶ ಸಿಕ್ಕರೆ ಆರ್​​ಸಿಬಿ ತಂಡದ ಪರ ಆಡುತ್ತೇನೆ ಎಂದಿದ್ದಾರೆ.

ಇಷ್ಟೇ ಅಲ್ಲ, ನಾನು ಈ ಹಿಂದೆ ಆರ್​​ಸಿಬಿ ಪರ ಆಡಿದ್ದೇನೆ. ಬಳಿಕ ಅನಿವಾರ್ಯ ಕಾರಣಗಳಿಂದ ಬೇರೆ ಫ್ರಾಂಚೈಸಿಗಳಿಗಾಗಿ ಆಡಿದ್ದೇನೆ. ಮತ್ತೆ ನಮ್ಮನ್ನು ಖರೀದಿ ಮಾಡಿದ್ರೆ ಆರ್​ಸಿಬಿಗೆ ಮರಳುವ ಆಸೆ ಇದೆ. ಆದರೆ, ನಮ್ಮ ಕೈಯಲ್ಲಿ ಏನು ಇಲ್ಲ. ಕರ್ನಾಟಕದ ಎಲ್ಲಾ ಲೋಕಲ್​ ಬಾಯ್ಸ್​ಗೂ ತಮ್ಮ ತವರಿನ ಫ್ರಾಂಚೈಸಿಗೆ ಆಡಬೇಕು ಎಂದು ಇದ್ದೇ ಇರುತ್ತದೆ ಎಂದರು.

ಮನೀಷ್​​ ಪಾಂಡೆ ಟೀಂ ಇಂಡಿಯಾದಲ್ಲಿ ಮಿಂಚಿದವರು. ಮೊದಲಿನಿಂದಲೂ ಅವರಿಗೆ ಸರಿಯಾದ ಅವಕಾಶ ಸಿಗುತ್ತಿಲ್ಲ. ಹೀಗಾಗಿ ಟಿಂ ಇಂಡಿಯಾದಲ್ಲಿ ಮತ್ತೆ ಸ್ಥಾನ ಸಂಪಾದಿಸಬೇಕು ಅನ್ನೋದಾದ್ರೆ ಮನೀಶ್​​ ಐಪಿಎಲ್​ನಲ್ಲಿ ಮಿಂಚಲೇ ಬೇಕಾದ ಅಗತ್ಯ ಇದೆ. ಹಾಗಾಗಿ ಈ ಸಲ ಆರ್​​ಸಿಬಿಗೆ ಬಂದ್ರೆ ಮನೀಶ್​​ ಉತ್ತಮ ಪ್ರದರ್ಶನ ನೀಡುವ ಸಾಧ್ಯತೆ ಇದೆ.

ಇದನ್ನೂ ಓದಿ:ಆರ್​​​ಸಿಬಿ ತಂಡಕ್ಕೆ ಸ್ಟಾರ್​ ಫಿನಿಶರ್​​ ಎಂಟ್ರಿ.. ಸ್ಫೋಟಕ ಸುಳಿವು ಬಿಚ್ಚಿಟ್ಟ ಇಂಡಿಯನ್​ ಬ್ಯಾಟರ್​​!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್