ಫ್ಯಾನ್ಸ್​ಗೆ ಬಿಗ್​ ಶಾಕ್​​; ಭಾರೀ ಅಪಾಯದಲ್ಲಿ RCB ಸೆಂಚೂರಿ ಸ್ಟಾರ್ ಐಪಿಎಲ್​ ಕರಿಯರ್​​!

ಇದೇ ತಿಂಗಳು ನವೆಂಬರ್​​​ 24 ಮತ್ತು 25ನೇ ತಾರೀಕು 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​​ ಮೆಗಾ ಹರಾಜು ನಡೆಯಲಿದೆ. ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ನಡೆಯಲಿರೋ ಹರಾಜಿನಲ್ಲಿ ಬರೋಬ್ಬರಿ 574 ಆಟಗಾರರ ಭವಿಷ್ಯ ನಿರ್ಧಾರವಾಗಲಿದೆ.

2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜಿಗೆ ಸುಮಾರು 1574 ಆಟಗಾರರು ರಿಜಿಸ್ಟರ್​ ಮಾಡಿದ್ರು. ಬಳಿಕ 1574 ಆಟಗಾರರ ಆರಂಭಿಕ ಪಟ್ಟಿಯನ್ನು 574ಕ್ಕೆ ಇಳಿಸಿ ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ ಮಹತ್ವದ ನಿರ್ಧಾರ ಕೈಗೊಂಡಿದೆ. ಈ ಪೈಕಿ 366 ಭಾರತೀಯರು ಮತ್ತು 208 ವಿದೇಶಿ ಕ್ರಿಕೆಟಿಗರು ಇದ್ದಾರೆ.

ಕನ್ನಡಿಗನ ಕರಿಯರ್​ ಮುಗಿಯಿತಾ?

ಈ ಬಾರಿಯ ಐಪಿಎಲ್ ಮೆಗಾ ಹರಾಜಿನಲ್ಲಿ ಕರ್ನಾಟಕದ ಈ ಕ್ರಿಕೆಟರ್ ಬಿಡ್​ ಆಗೋದು ಡೌಟ್​​. ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಸೇರಿದಂತೆ ಎಲ್ಲಾ ಐಪಿಎಲ್​ ತಂಡಗಳನ್ನು ಈ ಆಟಗಾರರನ್ನು ಖರೀದಿ ಮಾಡುವ ಸಾಧ್ಯತೆ ಕಡಿಮೆ ಇದೆ. ಅದು ಬೇರೆ ಯಾರು ಅಲ್ಲ, ಟೀಮ್​ ಇಂಡಿಯಾದ ಸ್ಟಾರ್​ ಕ್ರಿಕೆಟರ್​​ ಮನೀಶ್​ ಪಾಂಡೆ.

ಕೊನೆಗೊಳ್ಳುವ ಹಂತದಲ್ಲಿ ಐಪಿಎಲ್​​ ಕರಿಯರ್​​

ಇಂಟರ್​ ನ್ಯಾಷನಲ್​​ ಕ್ರಿಕೆಟ್​ ರೀತಿಯೇ ಸ್ಟಾರ್ ಬ್ಯಾಟರ್ ಮನೀಶ್ ಪಾಂಡೆ ಐಪಿಎಲ್ ವೃತ್ತಿಜೀವನ ಕೊನೆಗೊಳ್ಳುವ ಸಾಧ್ಯತೆ ಇದೆ. ಇದಕ್ಕೆ ಕಾರಣ ಕಳೆದ ಹಲವು ಸೀಸನ್​​ಗಳಲ್ಲಿ ಮನೀಶ್​ ಪಾಂಡೆ ನೀಡುತ್ತಿರೋ ತೀರಾ ಕಳಪೆ ಪ್ರದರ್ಶನ.

2024ರ ಸೀಸನ್​​ನಲ್ಲಿ ಅವಕಾಶವೇ ಸಿಕ್ಕಿರಲಿಲ್ಲ!

ಮನೀಶ್ ಪಾಂಡೆ ಐಪಿಎಲ್ 2024 ರಲ್ಲಿ ಕೇವಲ ಒಂದು ಪಂದ್ಯ ಆಡಿದ್ದು, 42 ರನ್ ಗಳಿಸಿದ್ರು. ಇದಕ್ಕೂ ಮುನ್ನ ನಡೆದ 2023ರ ಐಪಿಎಲ್​ ಸೀಸನ್​​ನಲ್ಲಿ ತಾನು ಆಡಿದ 10 ಪಂದ್ಯಗಳಲ್ಲಿ ಕೇವಲ 160 ರನ್​ ಕಲೆ ಹಾಕಿ ಕಳಪೆ ಪ್ರದರ್ಶನ ನೀಡಿದ್ರು. 2022ರ ಸೀಸನ್​​ನಲ್ಲಿ ಕೇವಲ 88 ರನ್ ಗಳಿಸಿದ್ದರು. ಐಪಿಎಲ್​ನಲ್ಲಿ ಸಿಕ್ಕ ಸುವರ್ಣಾವಕಾಶವನ್ನು ಸರಿಯಾಗಿ ಬಳಸಿಕೊಳ್ಳದೆ ಮನೀಶ್​ ಪಾಂಡೆ ತನ್ನ ಕ್ರಿಕೆಟರ್​ ಕರಿಯರ್​ ಅನ್ನೇ ಹಾಳು ಮಾಡಿಕೊಂಡಿದ್ದಾರೆ.

ಶತಕ ಬಾರಿಸಿದ ಮೊದಲ ಭಾರತೀಯ

ಮನೀಶ್ ಪಾಂಡೆ ತಮ್ಮ ಐಪಿಎಲ್ ವೃತ್ತಿಜೀವನವನ್ನು ಆರ್​ಸಿಬಿಯಿಂದ ಶುರು ಮಾಡಿದ್ರು. 2009ರಲ್ಲಿ ಐಪಿಎಲ್‌ನಲ್ಲಿ ಶತಕ ಸಿಡಿಸಿದ ಮೊದಲ ಭಾರತೀಯ ಬ್ಯಾಟರ್ ಎನಿಸಿಕೊಂಡರು. ಡೆಕ್ಕನ್ ಚಾರ್ಜರ್ಸ್ ವಿರುದ್ಧ ಆರ್​​ಸಿಬಿ ಪರ ಮನೀಶ್​ ಪಾಂಡೆ 73 ಎಸೆತಗಳಲ್ಲಿ 10 ಬೌಂಡರಿ ಹಾಗೂ 4 ಸಿಕ್ಸರ್‌ಗಳ ನೆರವಿನಿಂದ ಅಜೇಯ 114 ರನ್ ಗಳಿಸಿದ್ದರು. ಹಾಗಾಗಿ ಇವರನ್ನು ಆರ್​​ಸಿಬಿ ಸೆಂಚೂರಿ ಸ್ಟಾರ್​ ಎಂದೇ ಕರೆಯಲಾಗುತ್ತಿತ್ತು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್