ಕನ್ನಡಿಗ ಕರುಣ್ ನಾಯರ್​ಗೆ ಇದೇ ಕೊನೆ ಕ್ರಿಕೆಟ್ ಪ್ರವಾಸ ಆಗುತ್ತಾ.. ಯಾಕೆ ಗೊತ್ತಾ?

ಕರುಣ್ ನಾಯರ್ ಟೀಮ್ ಇಂಡಿಯಾದ ಕಮ್​ಬ್ಯಾಕ್ ಸ್ಟಾರ್. 8 ವರ್ಷಗಳ ಬಳಿಕ ರೀ ಎಂಟ್ರಿ ನೀಡಿರುವ ಕರುಣ್, ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಇತ್ತು. ಆದ್ರೆ, ಆ ನಿರೀಕ್ಷೆ ಹುಸಿಯಾಗಿಸಿರುವ ಕರುಣ್, ಈಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇಂಗ್ಲೆಂಡ್ ಪ್ರವಾಸದೊಂದಿಗೆ ಕರುಣ್ ಕರಿಯರ್​ಗೆ ಎಂಡ್ ಕಾರ್ಡ್​ ಬಿದ್ದರು ಅಚ್ಚರಿ ಇಲ್ಲ.

ಕಮ್​ಬ್ಯಾಕ್ ಹೀರೋ ಕರುಣ್ ನಾಯರ್​​, ಜೀರೋ ಫರ್ಪಾಮೆನ್ಸ್. ದೇಶಿ ಕ್ರಿಕೆಟ್​ನಲ್ಲಿ ರನ್​​ ಹೊಳೆಯನ್ನೇ ಹರಿಸಿದ್ದ ಕರುಣ್, ಸಿಕ್ಕ ಅವಕಾಶ ಸದ್ಬಳಕೆ ಮಾಡಿಕೊಳ್ತಾರೆ ಎಂಬ ನಿರೀಕ್ಷೆ ಇತ್ತು. ಆದ್ರೆ, ಸಿಕ್ಕ ಒಂದೊಂದು ಅವಕಾಶ ಮಣ್ಣು ಪಾಲು ಮಾಡ್ತಿದ್ದಾರೆ.

ಚಾನ್ಸ್​ ಸಿಕ್ಕರೂ ಕರುಣ್ ನಾಯರ್, ಮತ್ತದೇ ವೈಫಲ್ಯ..!

ಟೆಸ್ಟ್​ ಸರಣಿ ಆರಂಭಕ್ಕೂ ಮುನ್ನ ಇಂಗ್ಲೆಂಡ್ ಲಯನ್ಸ್​ ವಿರುದ್ಧ ಡಬಲ್ ಸೆಂಚುರಿ ಸಿಡಿಸಿದ್ದ ಕರುಣ್, ಅಬ್ಬರಿಸುವ ಭರವಸೆ ಹುಟ್ಟಿಹಾಕಿದ್ದರು. ಆದ್ರೆ, ರಿಯಲ್ ಟೆಸ್ಟ್​ನಲ್ಲಿ ಕನ್ನಡಿಗ ಕರುಣ್ ಮಾಡಿದ್ದೇ ಬೇರೆ. ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ 6ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಇಳಿದ್ದ ಕರುಣ್​, ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದರು. ಇದರೊಂದಿಗೆ 2ನೇ ಇನ್ನಿಂಗ್ಸ್​ನಲ್ಲಿ ಆಡ್ತಾರೆ ಎಂಬ ನಿರೀಕ್ಷೆ ಇತ್ತು. ಆದ್ರೆ, 2ನೇ ಇನ್ನಿಂಗ್ಸ್​ನಲ್ಲೂ ನಿರಾಸೆ ಮೂಡಿಸಿದ ಕರುಣ್, 20 ರನ್​​ ಸಿಡಿಸಲು ಸುಸ್ತಾದರು.

ಅಷ್ಟೇ ಅಲ್ಲ, ಲೀಡ್ಸ್​ನಲ್ಲಿ ಫೇಲ್ಯೂರ್ ಆಗಿದ್ದ ಕರುಣ್, ಎಡ್ಜ್​ಬಾಸ್ಟನ್​ನಲ್ಲಿ ಬ್ಲಾಕ್ ಬಾಸ್ಟರ್ ಪರ್ಫಾಮೆನ್ಸ್​ ನೀಡುವ ಚಾನ್ಸ್​ ಇತ್ತು. ನೆಚ್ಚಿನ 3ನೇ ಕ್ರಮಾಂಕದಲ್ಲೇ ಕಣಕ್ಕಿಳಿದಿದ್ದ ಕರುಣ್​ಗೆ ರನ್​​ ಗಳಿಸುವ ಸುವರ್ಣಾವಕಾಶವೂ ಇತ್ತು. ಆದ್ರೆ, ಉತ್ತಮ ಸ್ಟಾರ್ಟ್​ ನಡುವೆಯೂ ಕರುಣ್​​​, 31 ರನ್​ಗೆ ವಿಕೆಟ್ ಒಪ್ಪಿಸಿ ಮತ್ತೆ ನಿರಾಸೆ ಮೂಡಿಸಿದರು. ಅವತ್ತು ಚಾನ್ಸ್​ಗಾಗಿ ಅಂಗಲಾಚಿದ ಕರುಣ್, ಈಗ ಚಾನ್ಸ್​ ಸಿಕ್ಕರೂ ಇಂಪ್ರೆಸ್ ಮಾಡುವಲ್ಲಿ ವಿಫಲರಾಗ್ತಿದ್ದಾರೆ.

ತ್ರಿಶತಕ ಹೊರತುಪಡಿಸಿ ಕರುಣ್ ​ ಬ್ಯಾಟ್​ನಿಂದ ಬಂದಿಲ್ಲ ‘ರನ್’​​​!

ಕರುಣ್ ಟ್ಯಾಲೆಂಟೆಡ್ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಆದ್ರೆ, ಕರುಣ್, ಸಿಕ್ಕ ಅವಕಾಶಗಳನ್ನ ಕರುಣ್​ ಎನ್​​ಕ್ಯಾಶ್ ಮಾಡಿಕೊಳ್ಳಲ್ಲ. ಇದಕ್ಕೆ ಸಾಕ್ಷಿ ಕೇವಲ ಪ್ರಸಕ್ತ ಇಂಗ್ಲೆಂಡ್ ಪ್ರವಾಸ ಮಾತ್ರವೇ ಸಾಕ್ಷಿಯಲ್ಲ. ತ್ರಿಬಲ್ ಶತಕ ಸಿಡಿಸಿದ ಬಳಿಕ ಕರುಣ್​​, 7 ಇನ್ನಿಂಗ್ಸ್​ಗಳಿಂದ 15ರ ಬ್ಯಾಟಿಂಗ್ ಆ್ಯವರೇಜ್​ನಲ್ಲಿ ಗಳಿಸಿದ 105 ರನ್.

ಇದನ್ನೂ ಓದಿ: ಗುಡ್​​ನ್ಯೂಸ್​ ಎಂದ ಭಾವನಾ ರಾಮಣ್ಣ.. 40ನೇ ವಯಸ್ಸಲ್ಲಿ ಅಮ್ಮ ಆಗ್ತಿದ್ದಾರೆ ಸ್ಯಾಂಡಲ್​ವುಡ್ ನಟಿ

ಇಂಟ್ರೆಸ್ಟಿಂಗ್ ಅಂದ್ರೆ, ಈ 7 ಇನ್ನಿಂಗ್ಸ್​ಗಳ ಪೈಕಿ ಕರುಣ್, ಗಳಿಸಿದ ಅತ್ಯಧಿಕ​ ರನ್​ ಕೇವಲ 31 ಮಾತ್ರ. ತ್ರಿಬಲ್ ಸೆಂಚುರಿಗೂ ಮುನ್ನವೂ ಕರುಣ್, ಒಮ್ಮೆ 4 ರನ್, ಮತ್ತೊಮ್ಮೆ 13 ರನ್​ ಮಾತ್ರ. ಅಂದ್ರೆ, ಒಂದೇ ಒಂದು ಇನ್ನಿಂಗ್ಸ್​ನಲ್ಲಿ ಅಜೇಯ 303 ರನ್ ಗಳಿಸಿರೋ ಕರುಣ್, ಇನ್ನುಳಿದ 9 ಇನ್ನಿಂಗ್ಸ್​ಗಳಿಂದ 122 ರನ್ ಗಳಿಸಿದ್ದಾರೆ. ಇದು ಸಹಜವಾಗೇ ಹೊಸ ಚರ್ಚೆಗೆ ನಾಂದಿಯಾಡಿದೆ.

2ನೇ ಇನ್ನಿಂಗ್ಸ್​ ಆಡದಿದ್ರೆ ಇದೇ ಕೊನೆ ಪ್ರವಾಸ..?

ದೇಶಿ ಕ್ರಿಕೆಟ್​​ನಲ್ಲಿ ಕರುಣ್ ರನ್​ ಗಳಿಸಿದ್ದಾರೆ. ತಮ್ಮ ಸಾಮರ್ಥ್ಯವನ್ನು ನಿರೂಪಿಸಿದ್ದಾರೆ. ಪ್ರತಿಫಲವಾಗಿ ಟೀಮ್ ಇಂಡಿಯಾಗೆ ಮರಳಿದ್ದಾರೆ. ಇದಕ್ಕೆ ತಕ್ಕಂತೆ ಪ್ಲೇಯಿಂಗ್​ ಇಲೆವೆನ್​ನಲ್ಲಿ ಚಾನ್ಸ್​ ಸಿಗ್ತಿದೆ. ಆದ್ರೆ, ಸಿಕ್ಕ ಅವಕಾಶ ಸದ್ಬಳಕೆ ಮಾಡಿಕೊಳ್ಳುವಲ್ಲಿ ಕರುಣ್, ಎಡವಿದ್ದಾರೆ. ಇದು ರನ್ ಗಳಿಸದ ಕರುಣ್, ಟೀಮ್ ಇಂಡಿಯಾಗೆ ಯಾಕೆ ಎಂಬ ಪ್ರಶ್ನೆಯನ್ನು ಉದ್ಬವಿಸಿದೆ. ಸದ್ಯ ಡು ಆರ್ ಡೈ ಪರಿಸ್ಥಿತಿಗೆ ಸಿಲುಕಿರುವ ಕರುಣ್ ನಾಯರ್, 2ನೇ ಟೆಸ್ಟ್​ನ 2ನೇ ಇನ್ನಿಂಗ್ಸ್​ನಲ್ಲಿ ಬಿಗ್ ಸ್ಕೋರ್ ಕಲೆಹಾಕಬೇಕಿದೆ. ಇಲ್ಲ ಕರುಣ್ ಪಾಲಿಗೆ ಇಂಗ್ಲೆಂಡ್ ಪ್ರವಾಸವೇ ಕೊನೆಯಾಗುವುದರಲ್ಲಿ ಡೌಟೇ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ