1 ಸಿಕ್ಸ್​​, 24 ಬೌಂಡರಿ, 186 ರನ್​ ಚಚ್ಚಿದ ಕರುಣ್.. ಬ್ರಿಟಿಷ್​ ನೆಲದಲ್ಲಿ ಕನ್ನಡಿಗನ ಬ್ಯಾಟಿಂಗ್ ವೈಭವ

ಇಂಗ್ಲೆಂಡ್​ ಲಯನ್ಸ್​ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಭಾರತ ಎ ತಂಡ ಭರ್ಜರಿಯಾಗಿ ಬ್ಯಾಟ್ ಬೀಸಿದೆ. ಕನ್ನಡಿಗ ಕರುಣ್ ನಾಯರ್ ಅವರ 186 ರನ್​ಗಳಿಂದ ಭಾರತ ಎ ತಂಡ 409 ರನ್ ಗಳಿಸಿದೆ.

ಕ್ಯಾಂಟರ್ಬರಿ ಸೇಂಟ್ ಲಾರೆನ್ಸ್ ಮೈದಾನದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಇಂಗ್ಲೆಂಡ್​ ಲಯನ್ಸ್​ ತಂಡದ ನಾಯಕ ಜೇಮ್ಸ್ ರೆವ್ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಇದರಿಂದ ಭಾರತ-ಎ ತಂಡ ಮೊದಲ ಬ್ಯಾಟಿಂಗ್ ಮಾಡುವ ಅವಕಾಶ ಪಡೆಯಿತು. ಓಪನರ್​ ಆಗಿ ಕ್ರೀಸ್​​ಗೆ ಆಗಮಿಸಿದ ಯಶಸ್ವಿ ಜೈಸ್ವಾಲ್ ಹಾಗೂ ನಾಯಕ ಅಭಿಮನ್ಯು ಈಶ್ವರನ್​ ಒಳ್ಳೆಯ ಆರಂಭ ಪಡೆಯಲಿಲ್ಲ.

ಯಶಸ್ವಿ ಜೈಸ್ವಾಲ್ 24 ಹಾಗೂ ನಾಯಕ ಅಭಿಮನ್ಯು 8 ರನ್​ಗೆ ಪೆವಿಲಿಯನ್​ಗೆ ನಡೆದರು. ಆದರೆ 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದ ಕನ್ನಡಿಗ ಕರುಣ್ ನಾಯರ್, ಅಲ್ಪ ಮೊತ್ತಕ್ಕೆ ಕುಸಿಯುತ್ತಿದ್ದ ಭಾರತ-ಎ ತಂಡವನ್ನು ಅದ್ಭುತ ಬ್ಯಾಟಿಂಗ್ ಮಾಡಿ ಪಾರು ಮಾಡಿದರು ಎನ್ನಬಹುದು. ಕರುಣ್​ ನಾಯರ್ ಬ್ರಿಟಿಷ್ ಯುವ ಆಟಗಾರರನ್ನ ಮನಬಂದಂತೆ ಚಚ್ಚಿದರು.

ಇದನ್ನೂ ಓದಿ: ಮತ್ತೆ ಪ್ರಶಂಸೆ ಪಡೆದ ವೈಭವ್ ಸೂರ್ಯವಂಶಿ.. ಯಂಗ್ ಕ್ರಿಕೆಟರ್​ಗೆ ಪ್ರಧಾನಿ ಮೋದಿ ಹೇಳಿದ್ದು ಏನು?

ಇದುವರೆಗೂ ಕ್ರೀಸ್​ ಕಾಯ್ದುಕೊಂಡಿರುವ ಕರುಣ್ ನಾಯರ್ ತಂಡದಲ್ಲಿ ಅಮೋಘ ಪ್ರದರ್ಶನ ತೋರಿದರು. ಹೀಗಾಗಿ 87 ಬಾಲ್​ಗಳಲ್ಲಿ ಅರ್ಧಶತಕ ಸಿಡಿಸಿದರು. ಇದಾದ ಮೇಲೆ ಬ್ಯಾಟಿಂಗ್​​ ಮುಂದುವರೆಸಿದ ಕನ್ನಡಿಗ 157 ಬಾಲ್​ಗಳಲ್ಲಿ 14 ಫೋರ್​ಗಳಿಂದ ಸೆಂಚುರಿ ಬಾರಿಸಿದರು. ಆಂಗ್ಲರು ಕನ್ನಡಿಗನ ವಿಕೆಟ್ ಪಡೆಯಲು ತಡಕಾಡಿದರು. ಆದರೆ ಕರುಣ್ ವಿಕೆಟ್​ ಒಪ್ಪಿಸಲಿಲ್ಲ. 207 ಬಾಲ್​ಗಳಲ್ಲಿ 21 ಬೌಂಡರಿ ಹಾಗೂ 1 ಸಿಕ್ಸರ್​ನಿಂದ 150 ರನ್​ ಗಳಿಸಿ ಮಹತ್ತರ ಸಾಧನೆ ಮಾಡಿದರು.

ಕರುಣ್ ನಾಯರ್ ಇನ್ನು ಕ್ರೀಸ್​ನಲ್ಲಿದ್ದು ಅವರು ಕೇವಲ ಒಂದೇ ಒಂದು ಸಿಕ್ಸರ್ ಹಾಗೂ 24 ಬೌಂಡರಿಗಳಿಂದ 186 ರನ್​ಗಳನ್ನು ಬಾರಿಸಿದ್ದಾರೆ. ಇಂದು ಕೂಡ ಬ್ಯಾಟಿಂಗ್ ಮುಂದುವರೆಸಲಿದ್ದಾರೆ. ಇನ್ನು ಶತಕದ ಸಮೀಪದಲ್ಲಿ ಸರ್ಫರಾಜ್​ ಖಾನ್ (92) ಔಟ್​ ಆಗಿರೋದು ಭಾರೀ ನಿರಾಸೆ ಮೂಡಿಸಿತು. ಕರುಣ್ ನಾಯರ್ ಜೊತೆ ವಿಕೆಟ್​ ಕೀಪರ್​ ಕಮ್ ಬ್ಯಾಟರ್​ ಧೃವ್ ಜುರೆಲ್ ಬ್ಯಾಟಿಂಗ್ ಮಾಡುತ್ತಿದ್ದು 82 ರನ್​ ಬಾರಿಸಿದ್ದಾರೆ. ಈ ಎಲ್ಲರ ಬ್ಯಾಟಿಂಗ್​ನಿಂದ ಭಾರತ- ಎ ತಂಡ ಮೊದಲ ಕೇವಲ 3 ವಿಕೆಟ್​ಗೆ 409 ರನ್​ಗಳನ್ನು ಗಾಳಿಸಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ