ಸಹಕಾರಿ ಬ್ಯಾಂಕ್​​ ವಿರುದ್ಧ ವಂಚನೆ ಆರೋಪ.. ಹಣ ಕಳೆದುಕೊಂಡು ಕಣ್ಣೀರು ಹಾಕುತ್ತಿರುವ ಗ್ರಾಹಕರು!

ಉತ್ತರ ಕನ್ನಡ: ಶ್ರೀ ದುರ್ಗಾಮಾತಾ ಕೋ ಆಪರೇಟಿವ್ ಸೊಸೈಟಿ ಬ್ಯಾಂಕ್​ 56 ಕೋಟಿ ರೂಪಾಯಿ ವಂಚನೆ ಮಾಡಿರುವ ಆರೋಪ ಕೇಳಿ ಬಂದಿದೆ. ಗ್ರಾಹಕರು ಹಣ ಕೇಳಿದರೆ ಬ್ಯಾಂಕ್​​ನಲ್ಲಿ ಹಣವಿಲ್ಲ ಎಂದು ಸಿಬ್ಬಂದಿ ಹೇಳುತ್ತಿದ್ದಾರೆ.

ಕಾರವಾರ ತಾಲೂಕಿನ ಸದಾಶಿವಗಡ ನಗರದಲ್ಲಿನ ಶ್ರೀ ದುರ್ಗಾಮಾತಾ ಕೋ ಆಪರೇಟಿವ್ ಸೊಸೈಟಿ ಬ್ಯಾಂಕ್ ಜಿಲ್ಲೆಯಾದ್ಯಂತ 12 ಶಾಖೆಗಳನ್ನ ಹೊಂದಿದೆ. ಹೀಗಾಗಿ ಸುಮಾರು 600 ಗ್ರಾಹಕರು ನಂಬಿಕೆಯ ಮೇಲೆಯೇ ಬ್ಯಾಂಕ್​ನಲ್ಲಿ ಹಣವನ್ನ ಹೂಡಿಕೆ ಮಾಡಿದ್ದರು. ಈಗ ಗ್ರಾಹಕರು ತಮ್ಮ ಹಣವನ್ನು ವಾಪಸ್ ಕೊಡಿ ಎಂದು ಕೇಳುತ್ತಿದ್ದಾರೆ. ಆದರೆ ಇದಕ್ಕೆ ಬ್ಯಾಂಕ್ ಸಿಬ್ಬಂದಿ ಹಣವಿಲ್ಲ ಎನ್ನುತ್ತಿದ್ದಾರೆ. ಹೀಗಾಗಿ ಹಣ ಕಳೆದುಕೊಂಡ ಗ್ರಾಹಕರು ಕಣ್ಣೀರು ಹಾಕುತ್ತಿದ್ದಾರೆ.

ಇದನ್ನೂ ಓದಿ:RCB ಬೌಲರ್ ವಿರುದ್ಧ ಸಿಎಂಗೆ ದೂರು.. ಒಬ್ರಲ್ಲ, ಇಬ್ರಲ್ಲ ಹಲವು ಯುವತಿಯರಿಗೆ ವಂಚಿಸಿದ್ರಾ ಯಶ್​ ದಯಾಳ್​?

ಏಪ್ರಿಲ್ 30ರೊಳಗೆ ಎಲ್ಲರಿಗೂ ಹಣ ನೀಡುತ್ತೇನೆ ಎಂದು ಗ್ರಾಹಕರಿಗೆ ಬ್ಯಾಂಕಿನ ಎಂಡಿ ಲಿಂಗರಾಜ್ ಕಲ್ಗುಟ್ಕರ್ ಹೇಳಿದ್ದರು. ಈ ದಿನ ಮುಗಿದೇ ಹೋದರೂ ಹಣ ನೀಡಲಿಲ್ಲ. ಹೀಗಾಗಿ ಇದಾದ ಬಳಿಕ ಜೂನ್ 25ರಂದು ಗ್ರಾಹಕರಿಗೆ ದುಡ್ಡು ಕೊಡುವುದಾಗಿ ಹೇಳಿದ್ದರು. ಈಗ ಜೂನ್ 25 ಮುಗಿದು 4 ದಿನ ಕಳೆಯುತ್ತ ಬಂದರೂ ಎಂಡಿ ಲಿಂಗರಾಜ್ ಕಲ್ಗುಟ್ಕರ್ ನಾಪತ್ತೆ ಆಗಿದ್ದಾರೆ. ಈ ಕುರಿತು ಬ್ಯಾಂಕ್ ಸಿಬ್ಬಂದಿ ಹಾಗೂ ಅವರ ಕುಟುಂಬಸ್ಥರನ್ನು ಕೇಳಿದರೆ ಗೊತ್ತಿಲ್ಲ ಎನ್ನುತ್ತಿದ್ದಾರೆ. ಹೀಗಾಗಿ ಚಿತ್ತಾಕುಲ ಠಾಣೆಯಲ್ಲಿ ಗ್ರಾಹಕರು ದೂರು ದಾಖಲು ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ