ಸದ್ಯದಲ್ಲೇ ನಡೆಯಲಿದೆ ತೆಲಂಗಾಣ ರಾಜ್ಯ ವಿಧಾನಸಭಾ ಚುನಾವಣೆ

ಸಿಎಂ ಕೆಸಿಆರ್​​ಗೆ ಟಕ್ಕರ್​ ಕೊಡಲು ಮಲ್ಲಿಕಾರ್ಜುನ್​ ಖರ್ಗೆ ಬಿಗ್​​ ಪ್ಲಾನ್​

ಚುನಾವಣೆ ಸಮೀಪಿಸುತ್ತಿದ್ದಂತೆಯೇ ಸಿಎಂ ಕೆಸಿಆರ್​ಗೆ ಮಾಸ್ಟರ್​ ಸ್ಟ್ರೋಕ್​​​

ಹೈದರಾಬಾದ್​: ಸದ್ಯದಲ್ಲೇ ತೆಲಂಗಾಣ ರಾಜ್ಯ ವಿಧಾನಸಭಾ ಚುನಾವಣೆ ನಡೆಯಲಿದೆ. ಮೂರನೇ ಬಾರಿಗೆ ಗೆದ್ದು ಅಧಿಕಾರಕ್ಕೆ ಬರಲು ಸಿಎಂ ಕೆ. ಚಂದ್ರಶೇಖರ್​ ರಾವ್​ ನೇತೃತ್ವದ ಟಿಆರ್​ಎಸ್​​ ಪಾರ್ಟಿ ಮುಂದಾಗಿದೆ. ಈ ಮಧ್ಯೆ ಸಿಎಂ ಕೆಸಿಆರ್​​ಗೆ ಆಘಾತವೊಂದು ಎದುರಾಗಿದೆ. ರಾಜ್ಯ ವಿಧಾನಸಭಾ ಚುನಾವಣೆ ಸಮೀಪಿಸುತ್ತಿದ್ದಂತೆ ಮಹತ್ವದ ಬೆಳವಣಿಗೆಯೊಂದರಲ್ಲಿ ಟಿಆರ್​ಎಸ್​​ ಪಕ್ಷದ ಹಲವರು ಕಾಂಗ್ರೆಸ್​ ಸೇರ್ಪಡೆ ಆಗಿದ್ದಾರೆ. ಇನ್ನೂ ಹಲವರು ಸದ್ಯದಲ್ಲೇ ಸೇರಲಿದ್ದಾರೆ ಎಂದು ವರದಿಯಾಗಿದೆ.

Winds of change are sweeping through Telangana.

In a big boost to the Congress party's prospects, more and more people are aligning with us to take the message of love and prosperity forward.

Today, senior leaders from Telangana joined the Congress party in the presence of… pic.twitter.com/1vLGzPN1aC

— Congress (@INCIndia) June 26, 2023

ಇಂದು ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ್​ ಖರ್ಗೆ, ವರಿಷ್ಠ ರಾಹುಲ್​ ಗಾಂಧಿ ಸಮ್ಮುಖದಲ್ಲೇ ಮಾಜಿ ಸಚಿವ ಪೊಂಗುಲೇಟಿ ಶ್ರೀನಿವಾಸ್​​ ರೆಡ್ಡಿ, ಜುಪಲ್ಲಿ ಕೃಷ್ಣಾ ರಾವ್ ನೇತೃತ್ವದಲ್ಲಿ ಹಲವು ಟಿಆರ್​ಎಸ್​ ನಾಯಕರು ಕಾಂಗ್ರೆಸ್​ ಸೇರಿದ್ದಾರೆ. ಮುಂದಿನ ತಿಂಗಳು ಜುಲೈನ ಮೊದಲ ವಾರದಲ್ಲೇ ಟಿಆರ್​ಎಸ್​​ ಪಕ್ಷದ ಇನ್ನೂ ಕೆಲವು ನಾಯಕರು, ಬಿಜೆಪಿಯ ಹಲವರು ಕಾಂಗ್ರೆಸ್​​ ಸೇರುವ ಸಾಧ್ಯತೆ ಇದೆ ಎಂದು ತಿಳಿದು ಬಂದಿದೆ.

ಈಗಾಗಲೇ ರಾಹುಲ್​ ಗಾಂಧಿ, ಮಲ್ಲಿಕಾರ್ಜುನ್​ ಖರ್ಗೆ ಅವರೊಂದಿಗೆ ಪೊಂಗುಲೇಟಿ ಶ್ರೀನಿವಾಸ್​​ ರೆಡ್ಡಿ, ಜುಪಲ್ಲಿ ಕೃಷ್ಣಾ ರಾವ್ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ. ಜುಲೈನ ಮೊದಲ ವಾರದಲ್ಲಿ ತಮ್ಮ ಬೆಂಬಲಿಗರೊಂದಿಗೆ ಕಾಂಗ್ರೆಸ್​ ಸೇರಿಸಿ, ಮುಂದಿನ ಚುನಾವಣೆಯಲ್ಲಿ ಹೇಗಾದರೂ ಟಿಆರ್​ಎಸ್​ ಪಕ್ಷವನ್ನು ಸೋಲಿಸಲೇಬೇಕು ಎಂದು ಜಿದ್ದಿಗೆ ಬಿದ್ದಿದ್ದಾರೆ ಎನ್ನುತ್ತಿವೆ ಮೂಲಗಳು.

ತೆಲಂಗಾಣ ಎಲೆಕ್ಷನ್​​ ಮೇಲೆ ಕಾಂಗ್ರೆಸ್​ ಕಣ್ಣು

ಐದು ಗ್ಯಾರಂಟಿಗಳನ್ನು ಘೋಷಿಸಿ ಕರ್ನಾಟಕದಲ್ಲಿ ಗೆದ್ದಿರುವ ಕಾಂಗ್ರೆಸ್​, ಇಡೀ ದೇಶಾದ್ಯಂತ ಇದೇ ತಂತ್ರವನ್ನು ಬಳಸಲು ಮುಂದಾಗಿದೆ. ಮುಂದಿನ ಲೋಕಸಭಾ ಚುನಾವಣೆ ಗೆಲ್ಲವು ಹಲವು ಮಹತ್ವದ ಗ್ಯಾರಂಟಿಗಳನ್ನು ಘೋಷಣೆ ಮಾಡುವ ಸಾಧ್ಯತೆ ಇದೆ. ಇದಕ್ಕೂ ಮೊದಲು ಎದುರಾಗೋ ತೆಲಂಗಾಣ ಚುನಾವಣೆಯಲ್ಲೂ ಇದೇ ಗ್ಯಾರಂಟಿಗಳನ್ನು ಘೋಷಿಸಿ ಗೆಲ್ಲುವುದು ಕಾಂಗ್ರೆಸ್​ ಪ್ಲಾನ್​​. ಅದಕ್ಕಾಗಿಯೇ ಸಿಎಂ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್​ ಸರ್ಕಾರ ರಾಜ್ಯದಲ್ಲಿ ಸಮಪರ್ಕವಾಗಿ ಐದು ಗ್ಯಾರಂಟಿ ಯೋಜನೆಗಳನ್ನು ಜಾರಿಗೊಳಿಸಲು ಸರ್ಕಸ್​ ಮಾಡುತ್ತಿದೆ.