ಮಗುವಿನ ಬಣ್ಣ ನೋಡಿ ಲೇವಡಿ ಮಾಡಿದ ಟ್ರೋಲಿಗರು! ಕೂಸು ತನ್ನದೇ ಎಂದು ಸಾಬೀತು ಮಾಡಲು ಈ ಮಹಿಳೆ ಮಾಡಿದ್ದೇನು?

ಅಲೆಕ್ಷ ಮತ್ತು ರೋಬ್ ಎಂಬ ಪತಿ ಪತ್ನಿಯರಿಗೆ ಒಟ್ಟು ಮೂವರು ಮಕ್ಕಳು. ಪತ್ನಿ ಅಲೆಕ್ಸಾ ಕಪ್ಪು ಬಣ್ಣದಿಂದ ಕೂಡಿದ್ದರೆ ಅವರ ಪತಿ ರೋಬ್ ಶ್ವೇತ ವರ್ಣದವರು. ಇವರಿಗಿರುವ ಮೂರು ಮಕ್ಕಳಲ್ಲಿ ಕೊನೆಯ ಮಗು ಪಡ್ಜ್ ಪಡ್ಜ್​ ಶ್ವೇತವರ್ಣದಿಂದ ಕೂಡಿದ್ದ. ಟ್ರೋಲ್ ಮಾಡಲು ಇನ್ನೊಬ್ಬರ ಕಾಲು ಎಳೆಯಲೆಂದೇ ಜಗತ್ತಿನಲ್ಲಿ ಈಗ ಕೋಟ್ಯಾಂತರ ಟ್ರೋಲ್​ ಪೇಜ್​​ಗಳಿವೆ. ಅಲೆಕ್ಷಳಿಗೂ ಕೂಡ ಇಂತಹುದೇ ಟ್ರೋಲರ್​ಗಳ ಕಾಟ ಜೋರಾಗಿತ್ತು. ಶ್ವೇತವರ್ಣದ ಮಗುವನ್ನು ಕಂಡು ಟ್ರೋಲ್​ಪೇಜ್​ಗಳು ಹಲವು ಸಂಶಯವನ್ನು ಹಾಗೂ ಕೊಳಕು ಪ್ರತಿಕ್ರಿಯೆಯನ್ನು ನೀಡಿದ್ದವು. ಅಲೆಕ್ಷ ರೋಬ್ ನಡುವಿನ ಸಂಬಂಧವನ್ನೇ ಪ್ರಶ್ನಿಸುವಂತಹ ಲೇವಡಿಗಳು ಟ್ರೋಲರ್​ಗಳಿಂದ ಹರಿದು ಬಂದಿದ್ದವು.

ಇದನ್ನೂ ಓದಿ:ನೋ ಸೆಕ್ಸ್‌, ನೋ ಚೈಲ್ಡ್ ಬರ್ತ್‌; ಟ್ರಂಪ್ ಗೆಲುವಿಗೆ ಪುರುಷರ ವಿರುದ್ಧ ಅಮೆರಿಕಾ ಮಹಿಳೆಯರ 4B ಸೇಡು; ಏನಿದು?

ಟೀಕೆಗಳು ಹಾಗೂ ಟ್ರೋಲ್​ಗಳು ಅದು ಯಾವ ಮಟ್ಟಕ್ಕೆ ಹೋದವರು ಅಂದ್ರೆ ಅದಕ್ಕಾಗಿ ಅಲೆಕ್ಸಾ ಡಿಎನ್​ಎ ಟೆಸ್ಟ್​ವರೆಗೂ ಹೋಗಬೇಕಾದ ಪರಿಸ್ಥಿತಿ ಬಂತು. ಇದರ ಬಗ್ಗೆ ಖುದ್ದು ಅಲೆಕ್ಸಾ ಅವರೇ ಹೇಳಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಬಂದ ಟೀಕೆಯನ್ನು ಕಂಡು ನಾವು ಡಿಎನ್​ಎ ಟೆಸ್ಟ್ ಮಾಡಿಸಿಕೊಳ್ಳಲು ನಿರ್ಧರಿಸಿದೇವು. ಪಡ್ಜ್ ಪಡ್ಜ್ ಹುಟ್ಟಿದಾಗ ನಮ್ಮ ಇಬ್ಬರು ಮಕ್ಕಳಿಗಿಂತ ಬೇರೆಯದೇ ರೀತಿ ಕಾಣಿಸುತ್ತಿದ್ದ. ಇದು ಕೆಲವರಿಗೆ ಆಹಾರವಾಗಿತ್ತು. ಹೀಗಾಗಿಯೇ ನಾವು ಡಿಎನ್​ಎ ಟೆಸ್ಟ್​ ಮಾಡಿಸಿಕೊಂಡೆವು ಎಂದು ಅಲೆಕ್ಸಾ ಹೇಳಿದ್ದಾರೆ.

ಉಳಿದ ಇಬ್ಬರು ಮಕ್ಕಳಿಗಿಂತ ಈ ಮಗು ಭಿನ್ನವಾಗಿದ್ದ ಕಾರಣ ನಾನು ವರ್ಣಭೇದ ನೀತಿಯೂ ಯಾವ ಮಟ್ಟಿಗೆ ಇದೆ ಎಂಬುದನ್ನು ಕಣ್ಣಾರೆ ಕಾಣಬೇಕಾಯ್ತು. ಒಂದು ಮಗುವಿನ ತಾಯಿಯಾಗಿ ನಾನು ಪಡಬಾರದ ಪರಿಪಾಟಲು ಕಂಡಿದ್ದೇನೆ. ಈ ಮಗು ನಿಜವಾಗಿಯೂ ಯಾರದ್ದು ಎಂಬ ಕೊಳಕು ಟೀಕೆಗಳನ್ನು ಕೂಡ ನಾನು ಕೇಳಬೇಕಾಗಿ ಬಂತು ಹೀಗಾಗಿಯೇ ನಾವು ಡಿಎನ್​ಎ ಟೆಸ್ಟ್​ಗೆ ಮಾಡಿಸಿಕೊಳ್ಳಲು ನಿರ್ಧರಿಸಿದೇವು ಕೊನೆಗೆ ವರದಿಯಲ್ಲಿ ಪ್ಲಡ್ಜ್ ನಮ್ಮದೇ ಮಗು ಎಂಬುದು ಸಾಬೀತಾಯ್ತು. ಆದರೂ ಕೂಡ ಕೆಲವು ಕೀಳು ಟೀಕೆಗಳು ಇನ್ನೂ ನಿಂತಿಲ್ಲ. ಆದ್ರೆ ಒಂದಂತೂ ಸತ್ಯ. ಈ ಮಗು ನನ್ನದೇ ರಕ್ತ. ನನ್ನದೇ ಮಾಂಸದಿಂದ ಸೃಷ್ಟಿಯಾದ ಕೂಸು ಎಂದು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ