ವಿರಾಟ್ ಕೊಹ್ಲಿ ಸೈಡ್​ಲೈನ್​​.. ಕ್ರಿಕೆಟ್ ಜಗತ್ತಿಗೆ ನ್ಯೂ ಕಿಂಗ್ ಉದಯ..!

ಕ್ರಿಕೆಟ್ ಲೋಕದ ಕಿಂಗ್ ಯಾರು ಅಂದ್ರೆ ಇಡೀ ವಿಶ್ವ ಕ್ರಿಕೆಟ್ ವಿರಾಟ್ ಕೊಹ್ಲಿಯತ್ತ ಕೈ ತೋರಿಸುತ್ತೆ. ಕೊಹ್ಲಿಯ ಕಿಂಗ್​ ಪಟ್ಟಕ್ಕೆ ಈಗ ಕುತ್ತು ಬಂದಿದೆ. ಪಟ್ಟವನ್ನ ಕಬ್ಜಾ ಮಾಡಲು ಉತ್ತರಾಧಿಕಾರಿ ಯಶಸ್ವಿ ಜೈಸ್ವಾಲ್​ ಸಜ್ಜಾಗಿದ್ದಾರೆ. ನಾವಲ್ಲ.. ಆಸ್ಟ್ರೇಲಿಯಾದವರೆಲ್ಲಾ ಜೈಸ್ವಾಲ್​ನ ನ್ಯೂ ಕಿಂಗ್​ ಅಂತಿದ್ದಾರೆ. ಕಾಂಗರೂ ನಾಡಲ್ಲಿ ಯಶಸ್ವಿಯ ಫೀವರ್​ ಜೋರಾಗಿದೆ.

‘ದಿ ನ್ಯೂ ಕಿಂಗ್‘ ಯಶಸ್ವಿ ಜೈಸ್ವಾಲ್​..!
ಯಶಸ್ವಿ ಜೈಸ್ವಾಲ್.. ಟೀಮ್ ಇಂಡಿಯಾದ ರೈಸಿಂಗ್ ಸ್ಟಾರ್​. ಭವಿಷ್ಯದ ಸೂಪರ್ ಸ್ಟಾರ್ ಅಂತಾನೇ ಗುರುತಿಸಿಕೊಂಡಿರುವ ಈ ಮುಂಬೈಕರ್, ಈಗ ನಯಾ ಕಿಂಗ್ ಪಟ್ಟವೇರಿದ್ದಾರೆ. ಇದು ನಾವ್ ಹೇಳ್ತಿರುವ ಮಾತಲ್ಲ. ಈತನ ಆಟಕ್ಕೆ ಕ್ಲೀನ್​ಬೋಲ್ಡ್​ ಆಗಿರೋ ಆಸ್ಟ್ರೇಲಿಯಾ ಪ್ರತಿಷ್ಠಿತ ಪತ್ರಿಕೆಯಾದ ದಿ ಡೈಲಿ ಟೆಲಿಗ್ರಾಫ್​​​, ಈ ಯುವ ಆಟಗಾರನನ್ನ ನ್ಯೂ ಕಿಂಗ್ ಅಂತಾನೇ ಪರಿಚಯಿಸಿದೆ. ಈತನ ಆಟವನ್ನು ಕೊಂಡಾಡಿದೆ.

ಇದನ್ನೂ ಓದಿ:ರಿಷಬ್ ಪಂತ್-ಬೂಮ್ರಾ ಮಧ್ಯೆ ಬಿಗ್ ವಾರ್.. ಬೌಲಿಂಗ್ ಕೋಚ್ ಮಾರ್ಕೆಲ್ ಸ್ಟನ್..!

ಟೆಸ್ಟ್​ ಕ್ರಿಕೆಟ್​ನಲ್ಲಿ ಜೈಸ್ವಾಲ್ ಯಶಸ್ವಿಯಾನ..!
ಜೈಸ್ವಾಲ್​ ನ್ಯೂ ಕಿಂಗ್ ಅಂದಿರೋದ್ರ ಹಿಂದೆ ಕಾರಣ ಇದೆ. 2023 ಜುಲೈನಲ್ಲಿ ವೆಸ್ಟ್ ಇಂಡೀಸ್ ಎದುರು ಶತಕ ಸಿಡಿಸಿ ಟೆಸ್ಟ್​ ಕ್ರಿಕೆಟ್​ಗೆ ಗ್ರ್ಯಾಂಡ್ ಡೆಬ್ಯು ಮಾಡಿದ ಯಶಸ್ವಿ ಜೈಸ್ವಾಲ್, ಮೊದಲ ಪಂದ್ಯದಲ್ಲೇ ಸೆನ್ಸೇಷನ್ ಸೃಷ್ಟಿಸಿದ್ರು. ಕೇವಲ 14 ಟೆಸ್ಟ್​ ಪಂದ್ಯಗಳಲ್ಲೇ ತಾನೋರ್ವ ಫ್ಯೂಚರ್ ಸ್ಟಾರ್ ಎಂಬ ಸಂದೇಶ ರವಾನಿಸಿರುವ ಜೈಸ್ವಾಲ್​, ಕ್ಯಾಲೆಂಡರ್ ವರ್ಷದಲ್ಲಿ ಸಾವಿರ ರನ್​ ಪೂರೈಸಿದ ಮೊದಲ ಭಾರತೀಯ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಭಾಜನರಾಗಿದ್ದಾರೆ. 2023-25ರ ವಿಶ್ವ ಟೆಸ್ಟ್ ಚಾಂಪಿಯನ್​ ಆವೃತ್ತಿಯಲ್ಲಿ 2ನೇ ಗರಿಷ್ಠ ಸರದಾರ ಎನಿಸಿಕೊಂಡಿದ್ದು, ಟೀಮ್ ಇಂಡಿಯಾ ಪರ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟರ್ ಆಗಿದ್ದಾರೆ.

WTCನಲ್ಲಿ ಜೈಸ್ವಾಲ್
ಪ್ರಸಕ್ತ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಸೈಕಲ್​ನಲ್ಲಿ 14 ಟೆಸ್ಟ್​ ಪಂದ್ಯಗಳಿಂದ 1407 ರನ್ ಗಳಿಸಿರುವ ಜೈಸ್ವಾಲ್, 56.28ರ ಬ್ಯಾಟಿಂಗ್ ಆ್ಯವರೇಜ್ ಹೊಂದಿದ್ದಾರೆ. 3 ಶತಕ, 8 ಅರ್ಧಶತಕ ಗಳಿಸಿದ್ದಾರೆ. ಜೈಸ್ವಾಲ್​​ರ ಈ ಅಮೋಘ ಬ್ಯಾಟಿಂಗ್, ಕೆಲವೇ ಪಂದ್ಯಗಳಲ್ಲಿ ಟೀಮ್ ಇಂಡಿಯಾದ ಸೂಪರ್ ಸ್ಟಾರ್ ಕ್ರಿಕೆಟರ್ ಆಗಿ ಮಾಡಿದೆ. ಈ ಆಟ, ಈ ಖದರ್​​​ನ​ ಆಸ್ಟ್ರೇಲಿಯಾ ಮಾಧ್ಯಮಗಳು ಕೊಂಡಾಡಿವೆ. ಜೊತೆಗೆ ನ್ಯೂ ಕಿಂಗ್ ಎಂಬ ಪಟ್ಟವನ್ನೂ ಕಟ್ಟಿವೆ.

ಕೊಹ್ಲಿ ಉತ್ತರಾಧಿಕಾರಿಯಾಗಿ ಜೈಸ್ವಾಲ್
ಶುಭ್​ಮನ್ ಗಿಲ್ ವಿರಾಟ್​ ಕೊಹ್ಲಿ ಸಿಂಹಾಸನದ ಉತ್ತರಾಧಿಕಾರಿ ಅಂತಾನೇ ಬಿಂಬಿತರಾಗಿದ್ದರು. ಪ್ರಿನ್ಸ್​ ಎಂದೇ ಕ್ರಿಕೆಟ್​ ಲೋಕ ಕರೆದಿತ್ತು. ಈಗ ಜೈಸ್ವಾಲ್​ರ ಪ್ರಸ್ತುತ ಫಾರ್ಮ್ ವಿರಾಟ್ ಕೊಹ್ಲಿಯನ್ನೇ ನೆನೆಪಿಸುತ್ತಿದೆ. ಜೈಸ್ವಾಲ್​​ರಲ್ಲಿನ ಆಕ್ರಮಣಕಾರಿ ಆ​​ಟ, ಆನ್​​ ಫೀಲ್ಡ್​ನಲ್ಲಿನ ಆಕ್ಟೀವ್​ನೆಸ್​ ವಿರಾಟ್​ ಕೊಹ್ಲಿಯನ್ನೇ ಹೋಲುತ್ತೆ. ಇದೇ ಕಾರಣಕ್ಕೆ ಜೈಸ್ವಾಲ್​ನ ನ್ಯೂ ಕಿಂಗ್ ಅಂತಾ ಕರೆಸಿಕೊಂಡಿದ್ದಾರೆ.
ಟೆಸ್ಟ್​ ಕ್ರಿಕೆಟ್​ನಲ್ಲಿ ಯಶಸ್ವಿ ಜೈಸ್ವಾಲ್​ ರನ್ ಹೊಳೆ ಹರಿಸಿದ್ದಾರೆ ನಿಜ. ಭಾರತ ಬಿಟ್ಟು, ಆಫ್ರಿಕಾದಂತ ಟಫ್​ ಕಂಡೀಷನ್ಸ್​ನಲ್ಲಿ ವೈಫಲ್ಯ ಅನುಭವಿಸಿದ್ದಾರೆ. ಹೀಗಾಗಿ ಆಸ್ಟ್ರೇಲಿಯಾದ ಬೌನ್ಸಿ ಕಂಡೀಷನ್ಸ್​ನಲ್ಲಿ ರನ್​ಗಳಿಸ್ತಾರಾ ಎಂಬ ಪ್ರಶ್ನೆಯಿದೆ. ಕಾಂಗರೂ ನಾಡಲ್ಲಿ ಜೈಸ್ವಾಲ್​ಗೆ ಕಠಿಣ ಸವಾಲು ಎದುರಾಗಲಿದ್ದು, ಈ ಚಾಲೆಂಜ್​ ಗೆಲ್ತಾರಾ ಅನ್ನೋದು ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ:RCB ಟಾರ್ಗೆಟ್ ದಕ್ಷಿಣ ಆಫ್ರಿಕಾದ ಈ ಸೂಪರ್ ಸ್ಟಾರ್​​.. ಬೌಲಿಂಗ್​ಗಾಗಿ ಕೋಟಿ ಕೋಟಿ ಸುರಿಯಲು ರೆಡಿ..!

ಜೈಸ್ವಾಲ್​ ಯುಗ ಆರಂಭ.!
ಸದ್ಯಕ್ಕಂತೂ ಆಸ್ಟ್ರೇಲಿಯನ್ ಮಾಧ್ಯಮಗಳ ಕಣ್ಣು ವಿರಾಟ್​​ ಕೊಹ್ಲಿ ಹಾಗೂ ಜೈಸ್ವಾಲ್ ಮೇಲೆ ನೆಟ್ಟಿವೆ. ವಿರಾಟ್​ ಕೊಹ್ಲಿ ಪಾಲಿಗೆ ಇದೇ ಕೊನೆ ಆಸ್ಟ್ರೇಲಿಯಾ ಸರಣಿಯಾಗಿದೆ. ಆದ್ರೆಮ ಜೈಸ್ವಾಲ್​ಗೆ ಇದು ಮೊದಲ ಆಸ್ಟ್ರೇಲಿಯಾದ ಪ್ರವಾಸ. ವಿರಾಟ್​ ಕೊಹ್ಲಿ ಆಸ್ಟ್ರೇಲಿಯಾದಲ್ಲಿ ಅಬ್ಬರಿಸಿ ಬೊಬ್ಬಿರಿದು ಸೈ ಎನಿಸಿಕೊಂಡಿದ್ದಾರೆ. ಟಫ್ ಕಂಡೀಷನ್ಸ್​ನಲ್ಲಿ ಜೈಸ್ವಾಲ್, ವಿರಾಟ್​ ಕೊಹ್ಲಿಯ ಪರಂಪರೆ ಮುಂದುವರಿಸ್ತಾರಾ..? ನಂಬಿಕೆ ಉಳಿಸಿಕೊಳ್ತಾರಾ.? ಎಂಬ ಕ್ಯೂರಿಯಾಸಿಟಿಗೆ ಕೆಲವೇ ದಿನಗಳಲ್ಲಿ ಉತ್ತರ ಸಿಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್