ಕಿಪಿ ಕೀರ್ತಿ ಬಗ್ಗೆ ಕೆಟ್ಟದಾಗಿ ಮಾತಾಡಿದವರಿಗೆ ವಾರ್ನಿಂಗ್​ ಕೊಟ್ಟ ನಿರೂಪಕಿ ಅನುಶ್ರೀ; ಏನಂದ್ರು?

ಹಾಯ್ ಜನರೇ ಎಂದು ಹೇಳುತ್ತಾ ಇನ್​ಸ್ಟಾಗ್ರಾಮ್​ನಲ್ಲಿ ಸಖತ್​ ಸದ್ದು ಮಾಡುತ್ತಿದ್ದಾರೆ ಕಿಪಿ ಕೀರ್ತಿ. ಇದೇ ಕಿಪಿ ಕೀರ್ತಿ ಇದೀಗ ಕಾಮಿಡಿ ಕಿಲಾಡಿಗಳು ವೇದಿಕೆ ಮೇಲೆ ಮಿಂಚುತ್ತಿದ್ದಾರೆ. ಆಗಾಗ ಸೋಷಿಯಲ್​ ಮೀಡಿಯಾದಲ್ಲಿ ಕಿಪಿ ಕೀರ್ತಿ ಸಖತ್​ ಟ್ರೋಲ್ ಆಗುತ್ತಲೇ ಇರುತ್ತಾರೆ. ಇದೀಗ ಅಚ್ಚರಿ ಎಂಬಂತೆ ಕೊಡಗಿನ ಮೂಲದ​ ಕಿಪಿ ಕೀರ್ತಿ ಜೀ ಕನ್ನಡದ ​ಕಾಮಿಡಿ ಕಿಲಾಡಿಗಳು ವೇದಿಕೆಗೆ ಎಂಟ್ರಿ ಕೊಟ್ಟಿದ್ದಾರೆ.

ಇದನ್ನೂ ಓದಿ:ಜಾಲಿ ಮೂಡ್​ನಲ್ಲಿ ಸ್ಯಾಂಡಲ್​ವುಡ್​ ಸ್ಟಾರ್ ಜೋಡಿ; ತರುಣ್ ಸುಧೀರ್, ಸೋನಲ್ ಸುಮಧುರ ಫೋಟೋಸ್ ಇಲ್ಲಿವೆ

ಹೌದು, ಕಾಮಿಡಿ ಕಿಲಾಡಿಗಳು ಪ್ರೀಮಿಯರ್ ಲೀಗ್​ಗೆ ಬಂದಿದ್ದಾರೆ ಸೋಷಿಯಲ್ ಮೀಡಿಯಾದ ಸ್ಟಾರ್ ಕಿಪಿ ಕೀರ್ತಿ. ಮಸ್ತ್ ಮಸ್ತ್ ಹುಡುಗಿ ಬಂದ್ಲು ಸಾಂಗ್ ಮೂಲಕವೇ ವೇದಿಕೆಗೆ ಎಂಟ್ರಿ ಕೊಟ್ಟಿದ್ದ ಕೀರ್ತಿ ಮಧ್ಯೆ ಮಧ್ಯೆ ಬನ್ನಿ ಬನ್ನಿ ಜನರೇ ಅಂತ ಅವರ ಟೈಟಲ್​ ಅನ್ನು ಹಾಕಿದ್ದಾರೆ. ಕೀರ್ತಿ ವೇದಿಕೆಗೆ ಬರುತ್ತಿದ್ದಂತೆ ಜಡ್ಜ್​ಗಳು ಶಾಕ್​ ಆಗಿದ್ದಾರೆ.

ಇನ್ನು, ಕೀರ್ತಿಯಿದ್ದ ವೇದಿಕೆಗೆ ಬಂದ ಜಡ್ಜ್​ಗಳು ಕೆಲ ವಿಚಾರದ ಬಗ್ಗೆ ಮಾತಾಡಿದ್ದಾರೆ. ಅದರಲ್ಲೂ ನಿರೂಪಕಿ ಅನುಶ್ರೀ ಕಿಪಿ ಕೀರ್ತಿ ಬಗ್ಗೆ ಮನಸ್ಸಾರೆ ಹಾಡಿ ಹೊಗಳಿದ್ದಾರೆ. ಈ ಬಗ್ಗೆ ಮಾತಾಡಿದ ಅನುಶ್ರೀ ಜನರೇ ಎಂಬ ಪದವನ್ನು ಬಳಿಕ ಎಲ್ಲರನ್ನು ನಗಿಸಬೇಕು ಅಂತ ಪ್ರಯತ್ನ ಪಡ್ತಾ ಇದ್ದಾರೆ. ಆದರೆ ಆ ನಗಿಸುವ ಉದ್ದೇಶದ ಹಿಂದಿನ ಇವರನ್ನು ಯಾಕೆ ಹರ್ಟ್​ ಮಾಡಬೇಕು? ಯಾಕೆ ಅವರ ನ್ಯೂನತೆಯನ್ನು ಕೆಟ್ಟ ಕೆಟ್ಟ ಕಾಮೆಂಟ್​ ಮೂಲಕ ಹೇಳಬೇಕು ಅಂತ ಪ್ರಶ್ನೆ ಮಾಡಿದ್ದಾರೆ.

ಕಿಪಿಯನ್ನು ಎಷ್ಟೇ ಟ್ರೋಲ್​ ಮಾಡಿದ್ರು, ಅವರನ್ನು ಎಷ್ಟೇ ಕೆಳ ಮಟ್ಟಕ್ಕೆ ಕರೆದುಕೊಂಡು ಹೋದ್ರು ಆಕೆ ಖುಷಿ ಖುಷಿಯಿಂದ ವಿಡಿಯೋ ಮಾಡ್ತಾ ಇದ್ದಾಳೆ ಅಂತ ಹೇಳಿದ್ದಾರೆ. ಅನುಶ್ರೀ ಅವರ ಮಾತು ಕೇಳುತ್ತಿದ್ದಂತೆ ಕೀರ್ತಿ ವೇದಿಕೆ ಮೇಲೆ ಕಣ್ಣೀರು ಹಾಕಿದ್ದಾರೆ. ಈ ವೇಳೆ ಮಾತಾಡಿದ ಕಿಪಿ ಕೀರ್ತಿ, ನನಗೆ ಇಲ್ಲಿಗೆ ಬಂದು ಖುಷಿ ಆಯ್ತು. ನನ್ನ ಜೀವನದಲ್ಲಿ ತುಂಬಾ ಜನ ಅವಮಾನ ಮಾಡಿದ್ದಾರೆ. ನಮ್ಮ ಸಂಬಂಧಿಕರು ಹಾಗೂ ನನ್ನ ಫ್ರೆಂಡ್ಸ್​ ತುಂಬಾ ಬೇಜಾರು ಮಾಡಿದ್ದಾರೆ. ಅಪ್ಪು ಸರ್​ ಅವರ ಫ್ಯಾನ್​ ನಾನು, ಅವರ ಹಾದಿಯನ್ನೇ ನಾನು ಹಿಡಿಬೇಕು ಅಂತ ಇದ್ದೇನೆ ಅಂತ ಹೇಳಿ ಕಣ್ಣೀರು ಹಾಕಿದ್ದಾರೆ. ಇದೇ ಪ್ರೋಮೋ ನೋಡಿದ ಸಾಕಷ್ಟು ಮಂದಿ ಕಿಪಿ ತುಂಬಾ ಬಡ ಹುಡುಗಿ ನಮ್ಮ ಕರ್ನಾಟಕ ಜನ ಸಪೋರ್ಟ್ ಮಾಡಿ ಅಂತ ಕಾಮೆಂಟ್ಸ್​ ಹಾಕಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ