ಶ್ರೀ ರಾಮ ನವಮಿ ದಿನ IPL ಪಂದ್ಯಕ್ಕೆ ಬ್ರೇಕ್.. ಈ ಮ್ಯಾಚ್ ನಡೆಸಬಾರದೆಂದ ಪೊಲೀಸರು.. ಯಾಕೆ?

2025ರ ಐಪಿಎಲ್​ ಸೀಸನ್- 18 ಕೋಲ್ಕತ್ತಾದಲ್ಲಿ ಗ್ರ್ಯಾಂಡ್ ಆಗಿ ಓಪನಿಂಗ್ ಪಡೆದುಕೊಂಡಿದೆ. ಉದ್ಘಾಟನಾ ಪಂದ್ಯದಲ್ಲೇ ಹಾಲಿ ಚಾಂಪಿಯನ್​ ಕೆಕೆಆರ್ ತಂಡವನ್ನು ಆರ್​ಸಿಬಿ ಮಣ್ಣುಮುಕ್ಕಿಸಿ ಗೆಲುವಿನ ಅಲೆಯಲ್ಲಿ ತೇಲುತ್ತಿದೆ. ಇದರ ಬೆನ್ನಲ್ಲೇ ಐಪಿಎಲ್​ನ ಒಂದು ಪಂದ್ಯದ ಬಗ್ಗೆ ಬಿಗ್ ಅಪ್​ಡೇಟ್​ ಹೊರ ಬಿದ್ದಿದ್ದು, ಏಪ್ರಿಲ್ 6 ರಂದು ರಾಮ ನವಮಿಯಂದು ಲಕ್ನೋ ಮತ್ತು ಕೋಲ್ಕತ್ತಾ ನಡುವಿನ ಪಂದ್ಯ ನಡೆಯುವುದಿಲ್ಲ ಎಂದು ಹೇಳಲಾಗಿದೆ.

ಬಿಸಿಸಿಐ ವೇಳಾಪಟ್ಟಿ ಪ್ರಕಾರ ಏಪ್ರಿಲ್ 6 ಭಾನುವಾರ ರಾಮ ನವಮಿಯಂದು ಎರಡು ಪಂದ್ಯಗಳು ನಡೆಯಬೇಕಿತ್ತು. ಆದರೆ ಅಂದು ಕೇವಲ ಒಂದು ಪಂದ್ಯ ನಡೆಸುವುದಾಗಿ ಬಿಸಿಸಿಐ ಈಗಾಗಲೇ ಘೋಷಣೆ ಮಾಡಿದೆ. ಅಂದು ಮಧ್ಯಾಹ್ನ ಕೋಲ್ಕತ್ತಾದಲ್ಲಿ 3:30ಕ್ಕೆ ನಡೆಯಬೇಕಿದ್ದ ಲಕ್ನೋ ಹಾಗೂ ಕೆಕೆಆರ್​ ನಡುವಿನ ಪಂದ್ಯವನ್ನು ಮುಂದಕ್ಕೆ ಹಾಕಲಾಗಿದೆ. ಅದರಂತೆ ಸಂಜೆ 7:30ಕ್ಕೆ ಹೈದರಾಬಾದ್​ನಲ್ಲಿ ನಡೆಯುವ ಗುಜರಾತ್ ಹಾಗೂ ಸನ್​ರೈಸರ್ಸ್ ಹೈದ್ರಾಬಾದ್ ನಡುವಿನ ಪಂದ್ಯ ನಿಗದಿಯಂತೆ ನಡೆಯುತ್ತದೆ.

ಇದನ್ನೂ ಓದಿ:ಕೆಂಪೇಗೌಡ ಏರ್​ಪೋರ್ಟ್​ನಲ್ಲಿ RCB ತಂಡಕ್ಕೆ ಭರ್ಜರಿ ಸ್ವಾಗತ.. ಫ್ಯಾನ್ಸ್​ ಇಂದ ಶಿಳ್ಳೆ, ಕೇಕೆ, ಜೈಕಾರ

ಭದ್ರತೆ ಕಾರಣದಿಂದ ಲಕ್ನೋ ಹಾಗೂ ಕೆಕೆಆರ್​ ನಡುವಿನ ಪಂದ್ಯವನ್ನ ಏಪ್ರಿಲ್ 8ಕ್ಕೆ ಮುಂದೂಡಲಾಗಿದೆ. ಬಂಗಾಳದಲ್ಲಿ ಏಪ್ರಿಲ್ 6 ರಂದು ಶ್ರೀರಾಮನವಮಿ ಹಬ್ಬ ಜೋರಾಗಿ ನಡೆಯುತ್ತದೆ. ಈ ವೇಳೆ ಪೊಲೀಸರಿಗೆ ಹೆಚ್ಚಿನ ಕೆಲಸ ಇರುತ್ತದೆ. ಕೋಲ್ಕತ್ತಾದ ಎಲ್ಲ ಕಡೆಯೂ ಪೊಲೀಸರು ಭದ್ರತೆಯಲ್ಲಿ ತೊಡಗಲಿದ್ದಾರೆ. ಇದರಿಂದ ಐಪಿಎಲ್​ ಪಂದ್ಯಕ್ಕೆ ಭದ್ರತೆ ಕೊರತೆ ಆಗಬಹುದು. ಹೀಗಾಗಿ ಪಂದ್ಯ ಮುಂದೂಡುವಂತೆ ಪೊಲೀಸರು ಕ್ರಿಕೆಟ್​ ಅಸೋಷಿಯೇಷನ್ ಆಫ್ ಬೆಂಗಾಲ್ (ಸಿಎಬಿ)ಗೆ ಮನವಿ ಮಾಡಿದ್ದರು.

ಸಿಎಬಿ ಈ ಬಗ್ಗೆ ಬಿಸಿಸಿಐಗೆ ಮನವಿ ಮಾಡಿತ್ತು. ಇದನ್ನು ಪರಿಗಣಿಸಿರುವ ಬಿಸಿಸಿಐ ಪಂದ್ಯವನ್ನು ಮುಂದಕ್ಕೆ ಹಾಕಿದ್ದು ಏಪ್ರಿಲ್ 8 ಮಂಗಳವಾರದಂದು ಎರಡು ಪಂದ್ಯಗಳು ನಡೆಯಲಿವೆ. ಕೋಲ್ಕತ್ತಾದಲ್ಲಿ ಮಧ್ಯಾಹ್ನ 3:30ಕ್ಕೆ ಲಕ್ನೋ ಹಾಗೂ ಕೆಕೆಆರ್ ನಡುವೆ ಕಾದಾಟ ನಡೆಯುತ್ತದೆ. ಅದರಂತೆ ವೇಳಾಪಟ್ಟಿಯಂತೆ ಅಂದು ನಡೆಯಬೇಕಿರು ಚಂಡೀಗಢದಲ್ಲಿ ಸಂಜೆ 7:30ಕ್ಕೆ ಪಂಜಾಬ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ನಡುವೆ ಗೆಲುವಿಗಾಗಿ ಹೋರಾಟ ನಡೆಯಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ