ಲೆಜೆಂಡರಿ ಬ್ಯಾಟರ್ ದಾಖಲೆ ಉಡೀಸ್ ಮಾಡಲಿರೋ KL ರಾಹುಲ್​.. 3ನೇ ಸ್ಥಾನಕ್ಕೆ ಜಿಗಿಯಲಿರೋ ಕನ್ನಡಿಗ

ಇಂಗ್ಲೆಂಡ್ ವಿರುದ್ಧ ನಡೆಯಲಿರುವ ಅಂತಿಮ ಟೆಸ್ಟ್​ ಪಂದ್ಯಕ್ಕೆ ಟೀಮ್ ಇಂಡಿಯಾ ಆಟಗಾರರು ಈಗಾಗಲೇ ಅಭ್ಯಾಸ ನಡೆಸಿದ್ದಾರೆ. ಸರಣಿಯಲ್ಲಿ 2-1 ಅಂತರ ಇರುವುದಿಂದ ಭಾರತ ಕೊನೆ ಟೆಸ್ಟ್​ ಪಂದ್ಯವನ್ನು ಗೆಲ್ಲಲೇಬೇಕಾಗಿದೆ. 5ನೇ ಪಂದ್ಯ ಡ್ರಾ ಆದ್ರೆ ಅಥವಾ ಸೋತರೇ ಟೀಮ್ ಇಂಡಿಯಾ ಸರಣಿಯನ್ನು ಕೈಬಿಟ್ಟಂತೆ ಆಗುತ್ತದೆ. ಗೆಲುವು ಅನಿವಾರ್ಯವಾಗಿರುವ ಭಾರತಕ್ಕೆ ಕೆ.ಎಲ್ ರಾಹುಲ್ ಅಗತ್ಯತೆ ಇದೆ. ಇದರ ನಡುವೆ ಕನ್ನಡಿಗ ಕೆ.ಎಲ್ ರಾಹುಲ್​ ಮತ್ತೊಂದು ದಾಖಲೆ ಬ್ರೇಕ್​ ಮಾಡಲಿದ್ದಾರೆ.

ಲಂಡನ್​ನ ಓವಲ್​ನಲ್ಲಿ ನಾಳೆಯಿಂದ ನಡೆಯಲಿರುವ ಟೆಸ್ಟ್​ ಪಂದ್ಯದಲ್ಲಿ ಕೆ.ಎಲ್ ರಾಹುಲ್ ಅವರು ಬ್ಯಾಟಿಂಗ್ ಕೂಡ ಮಹತ್ವದ ಪಡೆದಿದೆ. ಈ ಸರಣಿಯಲ್ಲಿ ಈಗಾಗಲೇ ಎರಡು ಸೆಂಚುರಿ (137, 100) ಸಿಡಿಸಿದ್ದಾರೆ. ಜೊತೆಗೆ ಎರಡು ಅರ್ಧಶತಕಗಳು (55, 90) ಇವೆ. ಒಟ್ಟು ಈ ಸರಣಿಯ 4 ಪಂದ್ಯಗಳಿಂದ 511 ರನ್​ಗಳನ್ನು ಬಾರಿಸಿದ್ದು ಕೊನೆಯ ಟೆಸ್ಟ್​ನಲ್ಲಿ ಕನ್ನಡಿಗನ ಬ್ಯಾಟಿಂಗ್ ಅತ್ಯಂತ ಮುಖ್ಯ ಪಾತ್ರ ವಹಿಸಲಿದೆ. ಜೊತೆಗೆ ಈ ಲೆಜೆಂಡರಿ ಬ್ಯಾಟರ್​ನ ರೆಕಾರ್ಡ್​ ಕೂಡ ದೂಳೀಪಟ ಮಾಡಲಿದ್ದಾರೆ.

ಇದನ್ನೂ ಓದಿ: ಟೀಮ್ ಇಂಡಿಯಾಕ್ಕೆ ಆಂಗ್ಲರ ನಾಡಲ್ಲಿ ಬಾರ್ಮಿ ಆರ್ಮಿ ಕಾಟ.. ಕೌಂಟರ್​ಗೆ ರೆಡಿಯಾದ ಭಾರತ್​ ಆರ್ಮಿ!

ಇಂಗ್ಲೆಂಡ್​ ವಿರುದ್ಧವೇ ಅವರ ನೆಲದಲ್ಲಿಯೇ ಅತಿ ಹೆಚ್ಚು ರನ್​ಗಳಿಸಿದವರ ಪೈಕಿ ಸಚಿನ್ ತೆಂಡುಲ್ಕರ್​ ಮೊದಲ ಸ್ಥಾನದಲ್ಲಿದ್ದಾರೆ. 2ನೇ ಸ್ಥಾನದಲ್ಲಿ ರಾಹುಲ್ ದ್ರಾವಿಡ್ ಇದ್ದಾರೆ. ಇವರ ಬಳಿಕ ಸುನಿಲ್ ಗವಾಸ್ಕರ್ ಇದ್ದಾರೆ. ಸದ್ಯ ಕೆ.ಎಲ್ ರಾಹುಲ್ ಅವರು ಇನ್ನು 28 ರನ್​ ಗಳಿಸಿದರೆ ಸುನಿಲ್ ಗವಾಸ್ಕರ್ ಅವರ ರೆಕಾರ್ಡ್ ಬ್ರೇಕ್ ಮಾಡಲಿದ್ದಾರೆ.

ಕೆ.ಎಲ್ ರಾಹುಲ್ ಅವರು 2014ರಲ್ಲಿ ಟೀಮ್ ಇಂಡಿಯಾಕ್ಕೆ ಡೆಬ್ಯು ಮಾಡಿದರು. ಅಂದಿನಿಂದ ಇಂದಿನವರೆಗೆ ಇಂಗ್ಲೆಂಡ್​ ವಿರುದ್ಧ ಅವರ ನೆಲದಲ್ಲಿಯೇ ಒಟ್ಟು 13 ಟೆಸ್ಟ್​ಗಳಿಂದ 1125 ರನ್​ ಬಾರಿಸಿದ್ದಾರೆ. ಹೀಗಾಗಿ ಇನ್ನು 28 ರನ್ ಬಾರಿಸಿದರೆ ಸುನಿಲ್ ಗವಾಸ್ಕರ್ 1,152 ರನ್​ಗಳನ್ನ ಹಿಂದಿಕ್ಕಿ ಹೊಸ ದಾಖಲೆ ತಮ್ಮ ಹೆಸರಿಗೆ ಬರೆಯಿಸಿಕೊಳ್ಳಲ್ಲಿದ್ದಾರೆ. ಅಲ್ಲದೇ ಈ ಪಟ್ಟಿಯಲ್ಲಿ ಕೆ.ಎಲ್ ರಾಹುಲ್ 3ನೇ ಸ್ಥಾನ, ಅದು ರಾಹುಲ್ ದ್ರಾವಿಡ್ ಅವರ ನಂತರದ ಹಿಂದಿನ ಸ್ಥಾನದಲ್ಲಿರುವುದು ವಿಶೇಷ ಎನಿಸುತ್ತದೆ.

ಇಂಗ್ಲೆಂಡ್​ ವಿರುದ್ಧ ಅವರ ನೆಲದಲ್ಲೇ ಹೆಚ್ಚು ರನ್ ಗಳಿಸಿದವರು?

• ಸಚಿನ್ ತೆಂಡುಲ್ಕರ್- 1575
• ರಾಹುಲ್ ದ್ರಾವಿಡ್- 1376
• ಸುನಿಲ್ ಗವಾಸ್ಕರ್- 1152
• ಕೆ.ಎಲ್ ರಾಹುಲ್- 1125

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ