ಕೊಹ್ಲಿ, ರೋಹಿತ್ ನಂತರ.. ಟೀಂ ಇಂಡಿಯಾಗೆ ಸಿಕ್ತು ಮತ್ತೊಂದು ಜೋಡೆತ್ತು

ಲೀಡ್ಸ್​ ಟೆಸ್ಟ್​ ಪಂದ್ಯದಲ್ಲಿ ಟೀಮ್ ಇಂಡಿಯಾ ಅಬ್ಬರ ಮುಂದುವರೆದಿದೆ. ಮೊದಲ ಇನ್ನಿಂಗ್ಸ್​ನಲ್ಲಿ ಇಂಗ್ಲೆಂಡ್ ದಾಳಿಯನ್ನ ಧೂಳಿಪಟ ಮಾಡಿದ್ದ​​ ಟೀಮ್ ಇಂಡಿಯಾ ಬ್ಯಾಟರ್ಸ್​, ಎರಡನೇ ಇನ್ನಿಂಗ್ಸ್​ನಲ್ಲೂ ಮಿಂಚು ಹರಿಸಿದ್ದಾರೆ. ಕನ್ನಡಿಗ ಕೆ.ಎಲ್​.ರಾಹುಲ್​ರ ಕೆಚ್ಚೆದೆಯ ಹೋರಾಟ ಮತ್ತು ರಿಷಭ್​ ಪಂತ್​ರ ಆಕ್ರಮಣಕಾರಿ ಬ್ಯಾಟಿಂಗ್, ಟೀಮ್ ಇಂಡಿಯಾಕ್ಕೆ ಭಾರೀ ಮುನ್ನಡೆ ದೊರಕಿಸಿಕೊಟ್ಟಿದೆ. ಆ ಮೂಲಕ ಟೀಂ ಇಂಡಿಯಾಗೆ ಕೊಹ್ಲಿ, ರೋಹಿತ್ ಬಳಿಕ ಮತ್ತೊಂದು ಜೋಡೆತ್ತು ಸಿಕ್ಕಂತಾಗಿದೆ.

ಹೆಡ್ಡಿಂಗ್ಲೆಯಲ್ಲಿ ಟೀಮ್ ಇಂಡಿಯಾ ಫ್ಯಾನ್ಸ್ ‘ಫುಲ್​ ಖುಷ್’

ಕೆ.ಎಲ್.ರಾಹುಲ್-ರಿಷಭ್ ಪಂತ್ ಬ್ಯಾಟಿಂಗ್ ನೋಡೋಕೆ ಎರಡು ಕಣ್ಣು ಸಾಲದು. ಒಂದೆಡೆ ರಾಹುಲ್​​ರ ಕಾಮ್-ಕಂಪೋಸ್ಡ್ ಬ್ಯಾಟಿಂಗ್. ಮತ್ತೊಂದೆಡೆ ರಿಷಭ್​ ಪಂತ್​ರ ಅಗ್ರೆಸಿವ್-ಅಟ್ಯಾಕಿಂಗ್ ಬ್ಯಾಟಿಂಗ್. ಹೆಂಡ್ಡಿಂಗ್ಲೆಯಲ್ಲಿ ಇವರಿಬ್ಬರ ಕ್ಲಾಸ್ ಌಂಡ್ ಮಾಸ್ ಬ್ಯಾಟಿಂಗ್ ನೋಡಿ, ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಫುಲ್ ಖುಷ್ ಆದರು.

ಇದನ್ನೂ ಓದಿ: ಶತಕ ಬಾರಿಸ್ತಿದ್ದಂತೆ ಪಲ್ಟಿ ಹೊಡಿ ಎಂದ ಗವಾಸ್ಕರ್​.. ಪಂತ್​​ ಪ್ರತಿಕ್ರಿಯೆ ಹೇಗಿತ್ತು? ಹೃದಯಗೆದ್ದ ವಿಡಿಯೋ..!

ಲೀಡ್ಸ್​​ನಲ್ಲಿ ಕನ್ನಡಿಗ KL ರಾಹುಲ್ ‘ರಾಕ್ಸ್’!

ಮೊದಲ ಇನ್ನಿಂಗ್ಸ್​ನಲ್ಲಿ ರಾಹುಲ್, ಸಾಲಿಡ್ ಟಚ್​ನಲ್ಲಿ ಬ್ಯಾಟಿಂಗ್ ನಡೆಸಿದ್ರು. ಆದ್ರೆ ರಾಹುಲ್​ಗೆ ಬಿಗ್ ಸ್ಕೋರ್ ಕಲೆಹಾಕಲು ಆಗಲಿಲ್ಲ. 42 ರನ್​ಗಳಿಸಿ ಇನ್ನಿಂಗ್ಸ್​ ಮುಗಿಸಿದ ರಾಹುಲ್, ಭಾರೀ ನಿರಾಸೆಗೊಂಡ್ರು. 2ನೇ ಇನ್ನಿಂಗ್ಸ್​ನಲ್ಲಿ ರಾಹುಲ್, ಎಚ್ಚರಿಕೆಯ ಬ್ಯಾಟಿಂಗ್ ನಡೆಸಿದ್ರು. ಟೆಸ್ಟ್​ ಕ್ರಿಕೆಟ್​ನಲ್ಲಿ 9ನೇ ಶತಕ ಸಿಡಿಸಿ ಮಿಂಚಿದ್ರು.

ಇಂಗ್ಲೆಂಡ್​​​ಗೆ ಪಂತ್ ಪವರ್​ಫುಲ್ ಪಂಚ್

ಹೆಡ್ಡಿಂಗ್ಲೆಯಲ್ಲಿ ಉಪನಾಯಕ ರಿಷಭ್ ಪಂತ್ ಎಕ್ಸ್​ಟ್ರಾರ್ಡಿನರಿ ಬ್ಯಾಟಿಂಗ್ ನಡೆಸಿದ್ರು. 2ನೇ ಇನ್ನಿಂಗ್ಸ್​ನಲ್ಲಿ ಇಂಗ್ಲೆಂಡ್​​ಗೆ ಪಂತ್, ಪವರ್​ಫುಲ್ ಪಂಚ್ ನೀಡಿದ್ರು. ಇನ್ನಿಂಗ್ಸ್​ ಉದ್ದಕ್ಕೂ ಆಂಗ್ಲ ಬೌಲರ್​ಗಳನ್ನ ​ಬೆಂಡೆತ್ತಿದ ವಿಕೆಟ್ ಕೀಪರ್ ಬ್ಯಾಟರ್, 9ನೇ ಟೆಸ್ಟ್ ಶತಕ ಬಾರಿಸಿ ಸಂಭ್ರಮಿಸಿಕೊಂಡ್ರು.

ಇದನ್ನೂ ಓದಿ: KL ರಾಹುಲ್​, ಪಂತ್ ಶತಕ ಬಾರಿಸಿದರೂ ಸಂಕಷ್ಟ.. ಕುತೂಹಲದಲ್ಲಿ ಟೆಸ್ಟ್​ನ ಕೊನೆಯ ದಿನ!

2 ಇನ್ನಿಂಗ್ಸ್​, 2 ಶತಕ, ಪಂತ್ ಹೊಸ ದಾಖಲೆ

ಮೊದಲ ಇನ್ನಿಂಗ್ಸ್​ನಲ್ಲಿ 134 ರನ್ ಮತ್ತು 2ನೇ ಇನ್ನಿಂಗ್ಸ್​ನಲ್ಲಿ 118 ರನ್​​ ಕಲೆ ಹಾಕಿದ ಪಂತ್, ಟೆಸ್ಟ್ ಕ್ರಿಕೆಟ್​​ನಲ್ಲಿ ನೂತನ ದಾಖಲೆ ಬರೆದ್ರು. ಪಂದ್ಯದ ಎರಡೂ ಇನ್ನಿಂಗ್ಸ್​ಗಳಲ್ಲಿ ಶತಕ ಸಿಡಿಸಿದ ಭಾರತ ಮೊದಲ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್​​ ಎಂಬ ಹೆಗ್ಗಳಿಕೆಗೆ ಪಂತ್ ಪಾತ್ರರಾದರು.

ರಾಹುಲ್-ಪಂತ್​​ ಮಸ್ತ್ ಆಟ, ಆಂಗ್ಲರು ಪರದಾಟ

4ನೇ ವಿಕೆಟ್​​ಗೆ ರಾಹುಲ್ ಜೊತೆಯಾದ ರಿಷಭ್ ಪಂತ್, ಶತಕದ ಜೊತೆಯಾಟವಾಡಿದ್ರು. 283 ಬಾಲ್ ಫೇಸ್​​ ಮಾಡಿದ ಈ ಜೋಡಿ, 195 ರನ್​ ಕಲೆಹಾಕಿತು. ಗಂಟೆಗಟ್ಟಲೇ ಕ್ರೀಸ್​​ನಲ್ಲಿ ನಿಂತು ಬ್ಯಾಟಿಂಗ್ ನಡೆಸಿದ ರಾಹುಲ್ ಮತ್ತು ಪಂತ್, ಆಂಗ್ಲರನ್ನ ಕಾಡಿ ಕಾಡಿ ಸುಸ್ತು ಮಾಡಿದ್ರು.

ಒಟ್ನಲ್ಲಿ, ಲೀಡ್ಸ್​​​ ಪಿಚ್ ಟೀಮ್ ಇಂಡಿಯಾ ಬ್ಯಾಟರ್ಸ್ ಪಾಲಿಗೆ ಲಕ್ಕಿ ಪಿಚ್ ಆಗಿದೆ. ಈಗಾಗಲೇ ಟೆಸ್ಟ್ ಪಂದ್ಯದಲ್ಲಿ 5 ಶತಕಗಳನ್ನ ಸಿಡಿಸಿರುವ ಟೀಮ್ ಇಂಡಿಯಾ ಬ್ಯಾಟ್ಸ್​ಮನ್​ಗಳಿಗೆ, ಈ ಪಂದ್ಯ ಅವಿಸ್ಮರಣೀಯ ಪಂದ್ಯವಾಗಿದೆ.​​

ಇದನ್ನೂ ಓದಿ: ಟೀಂ ಇಂಡಿಯಾ ಡ್ರೆಸ್ಸಿಂಗ್​ ರೂಮ್​​ನಲ್ಲಿ ಮಿಸ್ಟರಿ ಗರ್ಲ್.. ಯಾರು ಈ ಹುಡುಗಿ..?​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ