ಗೆರೆ ಎಳೆದು ಬ್ಯಾಟ್ ಕುಟ್ಟಿ ಅಗ್ರೆಸನ್.. ಕಾಂತಾರ ಸ್ಟೈಲ್​ ಸಂಭ್ರಮದ ಬಗ್ಗೆ ರಾಹುಲ್ ಏನಂದ್ರು..?

ಐಪಿಎಲ್ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಜೊತೆ ಡೆಲ್ಲಿ ಕ್ಯಾಪಿಟಲ್ಸ್ ಭರ್ಜರಿ ಗೆಲುವು ಪಡೆದಿದೆ. ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್ ಅವರ ಬ್ಯಾಟಿಂಗ್ ಆರ್ಭಟದಿಂದ ತವರಿನಲ್ಲಿ ಆರ್​ಸಿಬಿ ಮತ್ತೆ ಕಹಿ ಅನುಭವ ಪಡೆಯಿತು. ಡೆಲ್ಲಿ ತಂಡ ಗೆಲ್ಲಿಸುತ್ತಿದ್ದಂತೆ ಕೆ.ಎಲ್ ರಾಹುಲ್ ಸ್ಪೆಷಲ್ ಸಿಗ್ನೇಚರ್​ ಸ್ಟೈಲ್​ ಮಾಡಿದರು. ಇದು ಎಲ್ಲೆಡೆ ಚರ್ಚೆ ಆಗ್ತಿದ್ದು ಅದರ ಬಗ್ಗೆ ಸ್ವತಹ ರಾಹುಲ್​ ಅವರೇ ಮಾತನಾಡಿದ್ದಾರೆ.

ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆರ್​ಸಿಬಿ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ಜಿದ್ದಾಜಿದ್ದಿನ ಹೋರಾಟ ನಡೆದಿತ್ತು. ಮೊದಲ ಬ್ಯಾಟಿಂಗ್ ಮಾಡಿದ್ದ ಆರ್​ಸಿಬಿ ನಿಗದಿತ 20 ಓವರ್​ಗಳಲ್ಲಿ 7 ವಿಕೆಟ್​ಗೆ 164 ರನ್​ಗಳ ಟಾರ್ಗೆಟ್ ನೀಡಿತ್ತು. ಈ ಗುರಿ ಬೆನ್ನಟ್ಟಿದ್ದ ಡೆಲ್ಲಿ ಕ್ಯಾಪಿಟಲ್ಸ್​ ಆರಂಭದಲ್ಲೇ ವಿಕೆಟ್​ಗಳನ್ನ ಕಳೆದುಕೊಂಡು ಸೋಲಿನ ಸುಳಿಗೆ ಸಿಲುಕಿತ್ತು. ಆದರೆ ಯಾವಾಗ ರಾಹುಲ್​ ಪಿಚ್​ಗೆ ಬಂದರೋ ಅವಾಗ ಡೆಲ್ಲಿ ತಂಡದ ಅದೃಷ್ಟನೇ ಬದಲಾಯಿತು.

ಇದನ್ನೂ ಓದಿ:ಐಪಿಎಲ್​ ಪಂದ್ಯದ ವೇಳೆ ದುಡ್ಡು ಮಾಡಲು ಕಿಲಾಡಿ ಕೆಲಸ.. ಕಂಬಿ ಹಿಂದೆ ಸೇರಿದ 8 ಮಂದಿ..!

ಆರ್​ಸಿಬಿ ಜೊತೆಗಿನ ಪಂದ್ಯದಲ್ಲಿ ಸೋಲಿನ ದಡದಲ್ಲಿದ್ದ ಡೆಲ್ಲಿ ಕ್ಯಾಪಿಟಲ್ಸ್​ ಅನ್ನು ಕೆ.ಎಲ್​ ರಾಹುಲ್ ತಮ್ಮ ಬ್ಯಾಟಿಂಗ್ ಬಲದಿಂದ ಮೇಲೆತ್ತಿದರು. ತಮ್ಮ ತಾಳ್ಮೆಯ ಜೊತೆಗೆ ಬ್ಯಾಟಿಂಗ್ ಆರ್ಭಟದ ಜೊತೆ ಸೇರಿಸಿ ಡೆಲ್ಲಿಯನ್ನ ಗೆಲ್ಲಿಸಿಯೇ ಬಿಟ್ಟರು. ಕೆ.ಎಲ್ ರಾಹುಲ್ 53 ಎಸೆತಗಳಲ್ಲಿ 7 ಬೌಂಡರಿ, 6 ಭರ್ಜರಿ ಸಿಕ್ಸರ್​ಗಳಿಂದ 93 ರನ್​ ಗಳಿಸಿ ಅಜೇಯರಾಗಿ ಉಳಿದರು. ಪಂದ್ಯದ ನಂತರ ಕಾಂತಾರ ಸಿನಿಮಾದಲ್ಲಿ ಇರುವಂತೆ ಬ್ಯಾಟ್​ನಿಂದ ಸುತ್ತು ಗೆರೆ ಎಳೆದು, ಬ್ಯಾಟ್​ ಅನ್ನು ಗೆರೆ ನಡುವೆ ಗುದ್ದಿ ತಮ್ಮ ಗೆಲುವಿನ ಸಂತಸ ಸಂಭ್ರಮಿಸಿದರು.

ಸದ್ಯ ಈ ಕುರಿತು ಮಾತನಾಡಿದ ಕೆ.ಎಲ್ ರಾಹುಲ್ ಅವರು, ಈ ಸ್ಟೇಡಿಯಂ, ಈ ಮೈದಾನ ನನಗೆ ತುಂಬಾ ವಿಶೇಷವಾಗಿದೆ. ಪಂದ್ಯ ಗೆದ್ದ ಬಳಿಕ ಬ್ಯಾಟ್​ನಿಂದ ಒಂದು ಸುತ್ತು ಗೆರೆ ಎಳೆದು ಬ್ಯಾಟ್​ ಭೂಮಿಗೆ ಗುದ್ದಿ ಸೆಲೆಬ್ರೆಷನ್ ಮಾಡಿದೆ. ಇದು ನನ್ನ ಫೇವರಿಟ್ ಸಿನಿಮಾ ಕನ್ನಡದ ಕಾಂತಾರ ಮೂವಿಯಲ್ಲಿ ಇರುವಂತೆ ಮೈದಾನದಲ್ಲಿ ನಾನು ಮಾಡಿದ್ದೇನೆ. ಈ ಗ್ರೌಂಡ್​ ನನ್ನ ಬೆಳವಣಿಗೆಯನ್ನು ನೋಡಿದೆ. ನನಗೆ ಖುಷಿ ಇದೆ ಎಂದು ರಾಹುಲ್ ಅವರು ಹೇಳಿದ್ದಾರೆ.

The way he says 'This is mine' 🥹 pic.twitter.com/DKnWv2HcmN

— Delhi Capitals (@DelhiCapitals)

The way he says 'This is mine' 🥹 pic.twitter.com/DKnWv2HcmN

— Delhi Capitals (@DelhiCapitals) April 11, 2025

">April 11, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ